11/04/2022
സുഹൃത്തുക്കളെ, നമസ്കാരം.
സ്വച്ഛ് ഭാരത സംസ്കാരം ജനങ്ങളിൽ എത്തിക്കുക എന്ന ഉദ്ദേശത്തോടെ ഞാൻ ഒറ്റയ്ക്ക് സൈക്കിളിൽ മാ കന്യാകുമാരിയുടെ ശ്രീപാദത്തിൽ നിന്നും വൈഷ്ണോദേവി വഴി കാശ്മീരിലേക്ക് നടത്താൻ ഉദ്ദേശിക്കുന്ന "സ്വച്ഛ് ഭാരത സന്ദേശ യാത്രക്കുള്ള " പരിശീലനത്തിനും,യാത്രക്കും വേണ്ടി 1-5-2022 മുതൽ 30-7-2022 വരെ ഒരു ലീവ് എടുക്കാൻ ഉദ്ദേശിക്കുന്നു.
കഴിഞ്ഞ 34 വർഷത്തിനിടക്ക് ആദ്യമായാണ് ഇത്രയും ദിവസം ഒരുമിച്ചു ക്ലാസ്സിൽ നിന്നും മാറിനിൽക്കുന്നത്. പഠിപ്പിക്കുന്ന സമയത്ത് കുട്ടികളെ നന്നായി വഴക്ക് പറഞ്ഞു പഠിപ്പിച്ചിട്ടുണ്ട്. CA പോലെയുള്ള കോഴ്സിൽ 10 തവണ വരെ എഴുതി പരാജയം ഏറ്റു വാങ്ങി കരഞ്ഞു വന്നവരെ ഉന്നത മാർക്കോടെ പാസ്സാക്കി ചിരിപ്പിച്ചു വിടാനും സാധിച്ചിട്ടുണ്ട്. അവരിൽ നിന്നെല്ലാം പഠിപ്പിക്കുന്ന സമയത്ത് ഒരു പാട് ശാപവും മേടിക്കേണ്ടി വന്നിട്ടുണ്ട്. (പക്ഷെ ഇന്ന് ആ കുട്ടികൾ ആണ് യാത്രയുടെ അണിയറയിൽ എല്ലാ ജോലിയും ചെയ്യുന്നത് ).
വിദ്യാഭ്യാസത്തിനൊപ്പം ഭാരതീയ സംസ്കാരവും പറഞ്ഞു പ്രവർത്തിച്ചു കൊടുക്കുന്ന ഒരു സ്ഥാപനം ആണ് " സീഡ് ഗുരുകുലം". ഏകദേശം 13000 ത്തിലധികം ലോകോത്തര നിലവാരമുള്ള സാമ്പത്തിക വിദഗ്ധരെ സൃഷ്ടിച്ചെടുക്കാനും സാധിച്ചു. ബോർഡുകൾ ഇല്ലാതെ ഇന്നും ദിവസവും ധാരാളം കുട്ടികൾ ഭാരതത്തിന്റെ വിവിധ ഭാഗങ്ങളിൽ നിന്നും നേരിട്ടും, ഓൺലൈൻ ആയും വരുന്നു എന്നുള്ളതാണ് സീഡ് ഗുരുകുലത്തിന്റെ പ്രത്യേകത.😀
അടുത്ത ക്ലാസ്സുകൾ യാത്രക്ക് ശേഷം ഒരു പാട് അനുഭവങ്ങളുമായി 1-8-2022 ൽ ആരംഭിക്കും.
നിങ്ങളുടെ പ്രാർത്ഥന ഉണ്ടാവണം.
സ്നേഹത്തോടെ
നിങ്ങളുടെ സഹോദരൻ,
CA. ഗോവിന്ദൻ ഉണ്ണി FCA
ഡയറക്ടർ
സീഡ് ഗുരുകുലം
9447027542/[email protected]
വാൽകഷ്ണം :-
ശ്രീപാദം, കന്യാകുമാരിയിൽ 5-6-2022 ന് യാത്ര ഫ്ലാഗ് ഓഫ് ചെയ്യുന്ന സമയത്ത് എന്റെ സഹോദരി, സഹോദരന്മാർ കുടുംബ,സുഹൃത്തുക്കൾക്കൊപ്പം ഉണ്ടാവണം എന്ന് ഞാൻ ആത്മാർഥമായി ആഗ്രഹിക്കുന്നു. എന്റെ ആഗ്രഹം നടത്തിതരില്ലേ?🙏🙏
ഉണ്ണി
