03/08/2026
कामगार वर्गाच्या हक्कांसाठी आयुष्यभर संघर्ष करणारे, श्रमिक चळवळीला वैचारिक दिशा देणारे, अभ्यासू, लढाऊ आणि प्रेरणादायी नेते कॉम्रेड अशोक मनोहर यांच्या स्मृतीप्रित्यर्थ आयोजित "श्रमनिर्देश दिन आणि अशोक स्मृती व्याख्यान" ३१ जुलै रोजी उत्साहपूर्ण वातावरणात संपन्न झाले.
यावेळी विविध क्षेत्रातील मान्यवर, कामगार चळवळीतील कार्यकर्ते, मित्रपरिवार आणि नागरिक मोठ्या संख्येने उपस्थित होते.
कार्यक्रमाची सुरुवात कॉम्रेड अशोक मनोहर यांच्या प्रतिमेला अभिवादन करून झाली. त्यानंतर सुप्रसिद्ध लेखक अच्युत गोडबोले यांनी "आर्टिफिशियल इंटेलिजन्स आणि उद्याचे जग" या विषयावर अत्यंत अभ्यासपूर्ण, विचारप्रवर्तक आणि प्रेरणादायी व्याख्यान दिले. कृत्रिम बुद्धिमत्तेच्या वाढत्या प्रभावासह भविष्यातील संधी, आव्हाने आणि समाजावर होणारे परिणाम याविषयी त्यांनी सखोल मार्गदर्शन केले.
कार्यक्रमाच्या यशस्वी आयोजनासाठी उपस्थित सर्व मान्यवर, कार्यकर्ते, मित्रपरिवार आणि नागरिकांचे मनःपूर्वक आभार व्यक्त करण्यात आले. कॉम्रेड अशोक मनोहर यांनी जपलेले श्रमिक चळवळीचे विचार, संघर्ष आणि सामाजिक बांधिलकी पुढील पिढीपर्यंत पोहोचवण्याचा निर्धार यावेळी व्यक्त करण्यात आला.
