26/08/2026
સ્નેહની રાખડી, સન્માનનું બંધન 🌸
આજે અમારી મહિલા મંડળ સંસ્થા દ્વારા હંમેશની જેમ પાટણ શહેરના સફાઈ કર્મચારી ભાઈઓને રાખડી બાંધીને રક્ષાબંધનનું સ્નેહપર્વ ઉજવવામાં આવ્યું. ...
સ્વચ્છ અને સુંદર પાટણના નિર્માણમાં દિવસ-રાત નિષ્ઠાપૂર્વક સેવા આપતા આપણા સફાઈ કર્મચારી ભાઈઓ પ્રત્યે આભાર અને સન્માન વ્યક્ત કરવાનો આ નાનકડો પ્રયાસ હતો. 🙏
આ પ્રસંગ નિમિત્તે સંસ્થાના પ્રમુખશ્રી મીનાબેન પ્રજાપતિ, મંત્રી શ્રી સંધ્યાબેન પ્રધાન , અતિથિ વિશેષ તરીકે રોટરી ક્લબ ઓફ પાટણના પ્રમુખ શ્રી શૈલેષભાઈ સોની તેમજ મંત્રી શ્રી સતિષભાઈ ઠક્કર ઉપસ્થિત રહ્યા હતા ... સફાઈ કર્મચારીઓને કુમકુમ તિલક કરી રક્ષા સૂત્ર બાંધી અને મીઠાઈ તેમજ ફરસાણની કીટ આપવામાં આવી હતી જેમાં મુમતાજબેન મનસુરીએ આર્થિક સહયોગ પૂરો પાડેલ હતો તે બદલ મહિલા મંડળ મુમતાજબેન મનસુરી તેમજ પધારેલ બંને અતિથિઓનું આભાર વ્યક્ત કરે છે... કાર્યક્રમનું સંચાલન મમતાબેન ખમારે કર્યું હતું તેમ જ આભાર વિધિ મમતાબેન ગાંધીએ કરી હતી તેમજ સંસ્થાની સભ્ય બહેનોએ પણ આ રક્ષાબંધન પર્વ નિમિત્તે હાજરી આપી હતી...
તમામને રક્ષાબંધનની હાર્દિક શુભેચ્છાઓ! 🪢✨
