06/07/2026
ਅੱਜ ਮਿਤੀ 5 ਜੁਲਾਈ ਨੂੰ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਵੱਲੋਂ ਹਲਕਾ ਸਮਾਣਾ ਵਿਖੇ ਜ਼ਿਲ੍ਹਾ ਪ੍ਰਧਾਨ ਜਸਵਿੰਦਰ ਸਿੰਘ ਡਰੋਲੀ ਦੀ ਅਗਵਾਈ ਹੇਠ ਇੱਕ ਅਹਿਮ ਮੀਟਿੰਗ ਕੀਤੀ ਗਈ। ਮੀਟਿੰਗ ਦੌਰਾਨ ਪਾਰਟੀ ਦੀ ਮਜ਼ਬੂਤੀ, ਸੰਗਠਨਾਤਮਕ ਢਾਂਚੇ ਦੇ ਵਿਸਥਾਰ ਅਤੇ ਆਉਣ ਵਾਲੇ ਸਮੇਂ ਦੀਆਂ ਗਤੀਵਿਧੀਆਂ ਸਬੰਧੀ ਵਿਸਥਾਰਪੂਰਵਕ ਵਿਚਾਰ-ਵਟਾਂਦਰਾ ਕੀਤਾ ਗਿਆ।
ਮੀਟਿੰਗ ਵਿੱਚ ਵਿਸ਼ੇਸ਼ ਤੌਰ ’ਤੇ ਪਿੰਡਾਂ ਵਿੱਚ ਬੂਥ ਪੱਧਰ ਤੱਕ ਸੰਗਠਨ ਨੂੰ ਮਜ਼ਬੂਤ ਕਰਨ, ਵੱਧ ਤੋਂ ਵੱਧ ਨੌਜਵਾਨਾਂ ਨੂੰ ਪਾਰਟੀ ਨਾਲ ਜੋੜਨ ਅਤੇ ਪਾਰਟੀ ਦੀਆਂ ਨੀਤੀਆਂ ਨੂੰ ਘਰ-ਘਰ ਤੱਕ ਪਹੁੰਚਾਉਣ ਲਈ ਠੋਸ ਯੋਜਨਾਵਾਂ ਉੱਤੇ ਚਰਚਾ ਕੀਤੀ ਗਈ। ਆਗੂਆਂ ਨੇ ਵਿਸ਼ਵਾਸ ਪ੍ਰਗਟਾਇਆ ਕਿ ਸਾਰੇ ਵਰਕਰ ਆਪਸੀ ਏਕਤਾ ਅਤੇ ਸਮਰਪਣ ਨਾਲ ਪਾਰਟੀ ਨੂੰ ਹੋਰ ਮਜ਼ਬੂਤ ਕਰਨ ਲਈ ਲਗਾਤਾਰ ਯਤਨ ਕਰਨਗੇ।
ਇਸ ਮੀਟਿੰਗ ਵਿੱਚ ਗੁਰਮੋਹਣ ਸਿੰਘ ਮੰਡੋਲੀ (ਜਨਰਲ ਸਕੱਤਰ, ਪਟਿਆਲਾ), ਵਰਿੰਦਰ ਸਿੰਘ ਖਾਲਸਾ (ਦਫ਼ਤਰ ਸਕੱਤਰ), ਸੁਖਮਨ ਸਿੰਘ ਬਾਰਨ (ਯੂਥ ਆਗੂ), ਮੇਹਰ ਸਿੰਘ (ਕਾਰਜਕਾਰੀ ਕਮੇਟੀ ਮੈਂਬਰ, ਪਟਿਆਲਾ), ਜਥੇਦਾਰ ਕੁਲਦੀਪ ਸਿੰਘ ਖਾਲਸਾ, ਹਰਦੀਪ ਸਿੰਘ ਝੰਡੀ, ਅੰਮ੍ਰਿਤਪਾਲ ਸਿੰਘ ਭੈਣੀ, ਅਵਤਾਰ ਸਿੰਘ ਸਰਾਜਪੁਰ (ਯੂਥ ਆਗੂ), ਅੰਮ੍ਰਿਤਪਾਲ ਸਿੰਘ ਬਰਾਸ, ਬਾਬਾ ਮਸਤਾਨਾ ਜੀ, ਬਲਦੇਵ ਸਿੰਘ ਕੁਲਾਰਾ, ਗੁਰਦੀਪ ਸਿੰਘ ਕੁਲਬੁਰਛਾ, ਮਾਲਕ ਸਿੰਘ ਬਮਣਾ, ਤਰਨਦੀਪ ਸਿੰਘ ਬਮਣਾ, ਗੁਰਵਿੰਦਰ ਸਿੰਘ ਕੁਲਬੁਰਛਾ, ਯਾਦਵਿੰਦਰ ਸਿੰਘ ਜਾਦੂ (ਸਮਾਣਾ), ਮਨੀਸ਼ ਸਿੰਘ (ਸਮਾਣਾ), ਜਗਪਾਲ ਸਿੰਘ ਤਰੋੜਾ ਕਲਾਂ ਸਮੇਤ ਹੋਰ ਬਹੁਤ ਸਾਰੇ ਸਿੰਘਾਂ ਨੇ ਹਾਜ਼ਰੀ ਲਗਵਾਈ।
ਮੀਟਿੰਗ ਦੇ ਅੰਤ ਵਿੱਚ ਸਮੂਹ ਆਗੂਆਂ ਅਤੇ ਵਰਕਰਾਂ ਨੇ ਪਾਰਟੀ ਦੀ ਚੜ੍ਹਦੀ ਕਲਾ, ਆਪਸੀ ਏਕਤਾ ਅਤੇ ਪੰਜਾਬ ਦੀ ਬਿਹਤਰੀ ਲਈ ਤਨ-ਮਨ ਨਾਲ ਕੰਮ ਕਰਨ ਦਾ ਅਹਿਦ ਦੁਹਰਾਇਆ।
