21/07/2024
ഒരു മല ഒന്നാകെ ഇടിഞ്ഞ് റോഡ് മൂടിയ സ്ഥലത്ത് ഇങ്ങനെയെ കാര്യങ്ങൾ നടത്താൻ സാധിക്കൂ. . ഫേസ്ബുക്കിൽ അവരെ പഠിപ്പിക്കാൻ ഇറങ്ങിയിട്ടൊന്നും ഒരു കാര്യവും ഇല്ല, ജീവൻ പണയം വെച്ചും രക്ഷാപ്രവർത്തനം നടത്തുന്നവരെ വിമർശിക്കാതെ പിന്തുണ നൽകുക 🙏
വിമർശനം : ആദ്യത്തെ മൂന്ന് ദിവസം എന്ത് ചെയ്യുക ആയിരുന്നു
മറുപടി :ആദ്യത്തെ മൂന്ന് ദിവസവും കനത്ത മഴയായിരുന്നു, തുടരെ തുടരെ മല ഇടിച്ചിലും ഉണ്ടായി, ചെറിയൊരു മൺ കൂന ഇടിഞ്ഞതല്ല ഏതാണ്ട് അര കിലോമീറ്റർ ആണ് മല ഇടിഞ്ഞത്, 6 മീറ്റർ മുതൽ 10 മീറ്റർ വരെ ഉയർത്തിൽ മണ്ണ് നിറഞ്ഞു നിൽക്കുന്നു, ഒരു ഭാഗത്ത് കര കവിഞ്ഞൊഴുകുന്ന പുഴയും ഉണ്ട്,എന്നിട്ടും രക്ഷാ പ്രവർത്തനം നടന്നു ഏതാണ്ട് 9 മൃതദേഹങ്ങൾ കണ്ടെടുത്തു
വിമർശനം :ലോറി മുതലാളി GPS ലൊക്കേഷനൊക്കെ തന്നതല്ലേ..എന്നിട്ടും ഒന്നും ചെയ്തില്ലല്ലോ...
മറുപടി :GPs ലൊക്കേഷൻ എന്നാൽ തന്നെ ഏതാണ്ട് spot ആണ് അല്ലാതെ exact സ്പോട്ട് അല്ല, മല ഇടിഞ്ഞ അര കിലോമീറ്ററും ആ GPs ലൊക്കേഷനിൽ ആണ്, മണ്ണ് ഇടിഞ്ഞ് ഏതാണ്ട് 10 മീറ്റർ ഉയരത്തിൽ മൂടി നിൽക്കുന്ന സ്ഥലത്ത് ഹെലികോപ്റ്റർ ഇറങ്ങി ആളെ രക്ഷിക്കാൻ പറ്റില്ല, റഡാർ സംവിധാനത്തിന് പോലും exact സ്പോട്ട് detect ചെയ്യാൻ സാധിക്കുന്നില്ല
വിമർശനം :ലോറിയുടെ മുകളിൽ നിന്ന് മണ്ണ് മാറ്റാൻ അല്ല അവർ ശ്രമിച്ചത് പകരം റോഡ് ക്ലിയർ ചെയ്യാനാണ്
മറുപടി :ഒരു ദുരന്തസ്ഥലത്തേക്കുള്ള റോഡ് മുഴുവൻ മണ്ണ് മൂടി കിടക്കുന്നു, രക്ഷാ പ്രവർത്തനത്തിനുള്ള സംവിധാനങ്ങൾ എത്തിക്കാൻ ആദ്യം വേണ്ടത് റോഡ് ക്ലിയർ ചെയ്യുക എന്നതാണ്, അത് തന്നെയാണ് അധികൃതർ ചെയ്തതും, ലോറിയുള്ള ലൊക്കേഷൻ നോക്കി ഹെലികോപ്റ്ററിൽ JCb ഇറക്കാനൊന്നും പറ്റില്ല റോഡ് മാർഗം തന്നെയാണ് ഏക ഓപ്ഷൻ അത് കൃത്യമായി അവർ ചെയ്തിട്ടുമുണ്ട്
വിമർശനം :ഇതെന്താ ഒന്നിനും വേഗം പോരാലോ ഇവിടെഎങ്ങാനും ആയിരുന്നേൽ നാട്ടുകാർ ഇറങ്ങി രക്ഷിച്ചേനെ
മറുപടി : ഒരു മല ഒന്നാകെ ഇടിഞ്ഞു റോഡ് മൂടിയ സ്ഥലം, വീണ്ടും വീണ്ടും മഴ പെയ്യുന്ന റെഡ് അലേർട്ട് നിലനിൽക്കുന്ന സ്ഥലം, ഒറ്റയടിക്ക് കുറെ മണ്ണ് നീക്കം ചെയ്താൽ വീണ്ടും മണ്ണ് ഇടിയുമെന്ന് ദുരന്ത നിവാരണം വിദഗ്ധർ ഉറപ്പിച്ച് പറയുന്ന സാഹചര്യം, വെള്ളം ഒഴുകിവന്നു മണ്ണ് ചെളിയായി ഉറച്ചു നിൽക്കുന്ന സ്ഥലം,മണ്ണിടിയുന്നത് കണ്ടാൽ ഒന്ന് ഓടാൻ പോലും സാധിക്കാതെ മറുവശത്ത് പുഴ കര കവിഞ്ഞൊഴുകുന്ന സ്ഥലം, അവിടെ ഇതിനേക്കാൾ വേഗത്തിൽ ഒന്നും നടത്താൻ സാധിക്കില്ല, നാട്ടുകാർ കൈക്കോട്ടും പടന്നയും എടുത്ത് ഇറങ്ങാൻ ഇത് മൺ കൂന ഇടിഞ്ഞതല്ല ഒരു മല ഒന്നാകെ ഇടിഞ്ഞതാണ്
മാധ്യമങ്ങളെയും പൊതു ജനങ്ങളെയും പ്രവേശിപ്പിക്കുന്നില്ലല്ലോ അതെന്താ. .?
മറുപടി : ഇവരൊക്കെ മനുഷ്യരാണ്, ഇവരുടെ ജീവനും സർക്കാരിന്റെ ഉത്തരവാദിത്തമാണ്, ഹെവി റിസ്ക് സ്പോട്ടിലേക്ക് അറിഞ്ഞ് കൊണ്ട് ആരെയും കടത്തി വിടാൻ സാധ്യമല്ല, ഇന്ന് കടത്തി വിട്ടത് മഴ അല്പം മാറി നിന്നത് കൊണ്ടാണ്, വീണ്ടും മഴ മുന്നറിയിപ്പ് വന്നപ്പോൾ എല്ലാവരെയും ഉടൻ ഒഴിപ്പിക്കുന്നുമുണ്ട്
മുഖ്യമന്ത്രി, ഉപമുഖ്യമന്ത്രി ചീഫ് സെക്രട്ടറി എല്ലാവരും കൂടെ അവിടെ ഇടപെടൽ നടത്തുന്നു, MLa എംപി യൊക്കെ അവിടെ ക്യാമ്പ് ചെയ്യുന്നു-ഇങ്ങനെ ഒരു രക്ഷാ പ്രവർത്തനം കർണാടകയുടെ സമീപകാല ചരിത്രത്തിൽ ഉണ്ടാവാൻ സാധ്യതയില്ല
യാതൊരു സാങ്കേതിക വിവരങ്ങളും ഇല്ലാത്തവർ ഇവിടെ ഫേസ്ബുക്ൽ കിടന്ന് വിമർശനംഉന്നയിച്ചിട്ടൊന്നും ഒരു കാര്യവുമില്ല മനുഷ്യ സഹചമായതൊക്കെയും അവിടെ നടക്കുന്നുണ്ട്, ആ സഹോദരനെ എത്രയും പെട്ടെന്ന് ജീവനോടെ കണ്ടു കിട്ടട്ടെ എന്ന് പ്രാർത്ഥിക്കാം
ഒരു മലയാളി ഇതിൽ പെട്ടെന്ന് അറിഞ്ഞ നിമിഷം മുതൽ കൃത്യമായ ഇടപെടൽ നടത്തുന്ന കെ സി വേണുഗോപാൽ, വി ഡി സതീശൻ, എം കെ രാഘവൻ , പിണറായി വിജയൻ, പി സി വിഷ്ണുനാഥ്, കെ ബി ഗണേഷ് കുമാർ എന്നിവർക്ക് പ്രത്യേകം നന്ദി
Note: കേരളത്തിൽ കവളപ്പാറയിലും പെട്ടിമുടിയിലും മലഇടിച്ചിലിൽ കാണാതായ നിരവധി ജീവനുകൾ ഇന്നും മണ്ണിനടിയിൽ തന്നെയാണെന്നത് കൂടെ നമ്മൾ ഓർക്കണം -ചിലതൊക്കെ അങ്ങനെയാണ് പ്രകൃതി ദുരന്തങ്ങളാണ് അല്ലാതെ ഇതൊന്നും മനുഷ്യനിർമ്മിത ദുരന്തങ്ങൾ അല്ല -പരിമിതികൾ ഉണ്ട് ചിലതിനൊക്കെ
Dhakeel Velutha Parambath✍🏻
