13/08/2026
वखारपावती आधारित वित्त पुरवठ्याला चालना देण्यासाठी विशेष गोलमेज परिषद संपन्न!
शेतकऱ्यांना साठवलेल्या शेतमालाच्या आधारे वेळेवर आणि सुलभ वित्तपुरवठा उपलब्ध करून देण्याच्या उद्देशाने, दिनांक १३ ऑगस्ट २०२६ रोजी महाराष्ट्र राज्य वखार महामंडळ (MSWC), मुख्य कार्यालय, पुणे येथे “Scaling Warehouse Receipt Financing in Maharashtra” या विषयावर विशेष गोलमेज परिषदेचे आयोजन करण्यात आले.
या परिषदेस महामंडळाचे अध्यक्ष व व्यवस्थापकीय संचालक श्री. कौस्तुभ दिवेगावकर (भा.प्र.से.), सहव्यवस्थापकीय संचालक व सचिव श्री. दीपक शिंदे, World Bank कडून श्री. आदर्श कुमार, श्री. अमित अरोरा व कु. अर्शीया गुप्ता, SMART प्रकल्पाचे अधिकारी, MPSWC कडून श्री. रामकुमार सक्सेना आणि महाराष्ट्र सहकारी बँकेचे व्यवस्थापकीय संचालक श्री. दिलीप दिघे प्रामुख्याने उपस्थित होते.
तसेच NeRL, CCRL चे अधिकारी आणि Union Bank of India, Bank of Maharashtra, ICICI Bank, Maharashtra Gramin Bank, Axis Bank, Bank of Baroda, Canara Bank, Bandhan Bank यांसह विविध बँका, NBFCs, WHRL व IBM चे तंत्रज्ञ, तज्ञ सहभागी झाले.
परिषदेतील मुख्य विषय:
🔹 वखार पावती आधारित वित्त पुरवठ्याचा विस्तार.
🔹 ब्लॉकचेन, तंत्रज्ञान व डिजिटल प्रणालींचा प्रभावी वापर व सादरीकरण
🔹 विविध प्रणालींचे एकत्रीकरण (System Integration)
🔹 CCRL, NeRL repositories आणि WDRA Ecosystem चा वापर व व्यावहारिक अडचणी.
🔹 वित्तीय संस्थांसमोरील जोखीम व आव्हाने.
🔹 सर्वांत महत्त्वाचे: शेतकऱ्यांची 'Distress Sale' (कमी दरातील विक्री) टाळून शेतमालावर वेळेवर तारणकर्ज उपलब्ध करून देणे.
या परिषदेमुळे वखार क्षेत्र, वित्तीय संस्था आणि धोरणात्मक भागीदार यांच्यातील समन्वय अधिक दृढ झाला आहे. शेतकरी-केंद्रित व पारदर्शक Warehouse Receipt Financing व्यवस्था सक्षम करण्यासाठी महाराष्ट्र राज्य वखार महामंडळ कटिबद्ध आहे.
📸 परिषदेदरम्यानची काही क्षणचित्रे.
#पुणे #महाराष्ट्र
