03/02/2025
Precaution is cure...
सध्या आपल्या महाराष्ट्र राज्यात गुलीयन बॅरी सिंड्रोम अर्थात GBS या आजाराने थैमान घातले असून आपले पुणे शहरही याला अपवाद राहिलेले नाही. दोन वर्षांच्या लहान मुलांपासून वयोवृद्ध नागरिकांपर्यंत अनेक जण याचे बळी ठरले असून याकडे प्रशासनाने गांभीर्याने लक्ष देणे, आवश्यक आहे.
या रोगाची लक्षणे आढळणाऱ्या रुग्णांची तपासणी आणि उपचार मोफत व्हावे आणि यासाठी आरोग्य विभागाने स्वतंत्र रुग्णालय अथवा रुग्णालयात स्वतंत्र विभाग कार्यान्वित करावा, अशी प्रमुख मागणी करण्यात आली आहे. याचसह शहरात पाणी पुरवठा करणाऱ्या यंत्रणेची तपासणी होऊन त्यावर कार्यवाही होणे आवश्यक आहे. शासकीय रुग्णालयात व खाजगी रुग्णालयांत उपचार घेणाऱ्या रुग्णांची नोंदणी होणे त्यांची माहिती ना उपलब्ध करणे, ही काळाची गरज असल्याचेही नमूद केले. सदर आजार गंभीर असून त्याची लक्षणे, उपचार आणि माहिती याबद्दल पुणे मनपाच्या वतीने वृत्तपत्रे तसेच वृत्तवाहिन्यांना अधिकृत माहिती उपलब्ध करण्यात यावी, असे प्रतिपादन केले.
याप्रसंगी सदर रोगाची तपासणी केंद्रे कमला नेहरू रुग्णालयात सुरू असून रुपये २ लाखांपर्यंत उपचार शहरी वैद्यकीय गरीब उपचार योजनेंतर्गत करण्यात येतील, अशी माहिती मिळाली. आजमितीस शहरात ९३ रुग्ण पॉजिटीव्ह असून यातील ७५% रुग्ण खाजगी तर २५% रुग्ण शासकीय रुग्णालयात उपचार घेत असल्याचे समजले. ससून हॉस्पिटल या ठिकाणी १५ बेड तर औंध येथील डिस्ट्रिक्ट हॉस्पिटल या ठिकाणी उपचार सुविधा उपलब्ध असल्याचे ऐकून समाधान वाटले. प्रशासन सदर गोष्टीकडे गांभीर्याने पाहत असून नागरिकांनीही प्रशासनाच्या सूचना व नियमांचे पालन करावे, ही विनंती!
याप्रसंगी महाराष्ट्र अर्बन सेलचे सरचिटणीस श्री. नितीन जाधव, पुणे अर्बन सेलचे शहराध्यक्ष स्वप्नील दुधाने, सहकारी वडगाव शेरी विधानसभा मतदारसंघ अर्बन सेल अध्यक्षा नीता ताई गलांडे, खडकवासला विधानसभा अर्बन सेलचे अध्यक्षा मीनल ताई धनवटे, सभासद प्रियांका ताई तांबे पर्वती विधानसभा अर्बन सेलचे अध्यक्ष श्री. अमोलजी परदेशी आदी उपस्थित होते.
