06/05/2026
यशवंतराव चव्हाण विकास प्रशासन प्रबोधिनी (YASHADA) येथे “New Alphabets of Health” या विषयावर व्याख्यानाचे यशस्वी आयोजन बुधवार, दि. ६ मे २०२६ रोजी संवाद सभागृहात करण्यात आले. या व्याख्यानासाठी प्रख्यात तज्ञ डॉ. जगदीश हिरेमठ हे प्रमुख वक्ते म्हणून उपस्थित होते.
कार्यक्रमाची सुरुवात सकाळी ९.३० वाजता झाली. यामध्ये यशदातील प्रशिक्षणार्थी, अधिकारी व कर्मचारी यांनी उत्स्फूर्त सहभाग नोंदवला. आपल्या मार्गदर्शनात डॉ. हिरेमठ यांनी आधुनिक जीवनशैलीत आरोग्य जपण्याचे महत्त्व अधोरेखित केले. “New Alphabets of Health” या संकल्पनेतून त्यांनी आहार, व्यायाम, मानसिक स्वास्थ्य, तणाव व्यवस्थापन आणि सकारात्मक विचारसरणी या घटकांचे सुलभ आणि प्रभावी विश्लेषण केले.
तसेच, दैनंदिन जीवनात लहान-लहान बदल करून आरोग्यदायी सवयी कशा रुजवाव्यात याबाबत त्यांनी उपयुक्त टिप्स दिल्या. उपस्थितांनी व्याख्यानातील मुद्द्यांना चांगला प्रतिसाद दिला व चर्चेत सक्रिय सहभाग घेतला.
कार्यक्रम शेवटी आभार प्रदर्शनाने संपन्न झाला. हा उपक्रम सर्वांसाठी प्रेरणादायी ठरला असून, आरोग्याबाबत जागरूकता निर्माण करण्यात महत्त्वपूर्ण भूमिका बजावली.
