19/04/2026
*महाराष्ट्र अंधश्रद्धा निर्मूलन समिती पुणे शहर शाखा उपक्रम*
🍁दि. 18 एप्रिल 2026 ला नायगाव पेठ तालुका हवेली जिल्हा पुणे
येथे रमाई महोत्सवा निमित्त विज्ञान व चमत्कार या कार्यक्रमाचे आयोजन करण्यात आले होते त्या कार्यक्रमारीता महाराष्ट्र अंधश्रद्धा निर्मूलन समिती चे माननीय ठकसेन गोराने सर राज्य प्रधान सचिव, माननीय दिगंबर कट्यारे सर, राज्य वैज्ञानिक जाणिवा कार्यवाह, माननीय मनोहर पाटील सर जिल्हा प्रधान सचिव तसेच पुणे शहर शाखेचे अध्यक्ष लालचंद कुंवर सर, कार्याध्यक्ष माधुरी गायकवाड, बुवाबाजी विरोधी संघर्ष विभाग- सह कार्यवाह रेणुका शिंदे,कार्यक्रमात पोलिस उपनिरीक्षक कांबळे सर
उपस्थित होते.
या कार्यक्रमात प्रमुख पाहुणे गोराने
सरांनी श्रद्धा व अंधश्रद्धा यातील फरक तसेच भोंदू बाबा कशा पद्धतीने आपली फसवणूक करतात आणि त्या करिता आपण किती सतर्क असायला हवे, तसेच समाजसुधारकांचे पुस्तकं वाचणे आणि समजून घेणे हे आजच्या पिढीला किती गरजेचे आहे, तसेच अनेक भोंदू बाबा आपला कसा फायदा घेतात यावरही
सर्वांना मार्गदर्शन केले,
तसेच दिगंबर कट्यारे सरांनी चमत्कार सादरीकरण करून त्यामागील विज्ञान काय आहे, भोंदू बुवा बाबा हातचलाखी करून कशी आपली फसवणूक करतात हे स्पष्ट करून सांगितले तसेच मनोहर पाटील सरांनी संत सुधारकांच्या
अभंगातून हे भोंदू बाबा आपल्या महिलांची शारीरिक अर्थिक मानसिक कशी फसवणुक करतात हे चमत्कार सादरीकरण करून सांगितले, याकरिता घरातील मूळ पाया महिला आहेत त्यांनी नेहमी अशा भोंदू बाबा ना बळी न पडता आपण सजग आणि सतर्क असायला हवे व जादूटोणा असेल किंवा भोंदू बाबा अशा कोणत्याही गोष्टीला भिऊन चालणार नाही तर विज्ञान काय सांगते यावर भर द्यावा
प्रत्येक चमत्कारामागे विज्ञान आहे हे सर्व वक्त्यांनी स्पष्ट केले ,
प्रत्येकांनी एक, दोन प्रयोग सादरीकरण केले,
महिलांचा प्रतिसाद उत्तम होता महिला व किशोरवयीन मुली मंचावर येऊन प्रयोग करण्यात सहभागी होत होत्या.🍁
कार्यक्रमात आयोजकांनी चहा नाश्ता, व जेवण व्यवस्था केलेली होती. तसेच खूप आदर व सत्कार करण्यात आला. कार्यक्रम घेण्याबद्दल आयोजक खूप उत्साही होते. आणि कार्यक्रमानंतरही त्यांनी पुन्हा हे कार्यक्रम गावात घेऊ असे मनोगतातून व्यक्त केले 🍁
