वंचित बहुजन आघाडी पर्वती विधानसभा पुणे शहर

04/09/2026

वंचित बहुजन आघाडी पर्वती विधानसभा प्रभाग क्रमांक ३९ महिला विभागाच्या वतीने बिबेवाडी पोलीस स्टेशन येथे पोलीस बांधवांस राखी बांधून रक्षाबंधन साजरे करण्यात आले.
यावेळी वंचित बहुजन महिला आघाडी प्रभाग क्रमांक 39 च्या अध्यक्ष सारिकाताई भोसले शोभाताई गायकवाड सुनिताताई शिंदे कल्पनाताई गायकवाड पूजाताई डोलारे उपस्थित होते.

22/08/2026

सोमनाथ साळुंखे यांची वंचित बहुजन आघाडीच्या महाराष्ट्र प्रदेश महासचिव पदी निवड झाल्याबद्दल

मनपूर्वक अभिनंदन व पुढील वाटचालीस शुभेच्छा.

21/08/2026

20/08/2026

18/08/2026

वंचित बहुजन आघाडी पथारी व्यवसायिकांच्या सोबत

पुणे महानगरपालिका बिबवेवाडी क्षेत्रीय कार्यालयाने मेट्रोच्या विकास कामाचे कारण सांगून १२ दिवसांपूर्वी पर्वती विधानसभेतील सातारा रोड येथील एकूण १७ नोंदणीकृत पथारीवाल्यांना दुसरीकडे जागा देतो असे खोटे सांगून तेथून हटविले आणि आज पर्यंत त्यांना कुठेही इतर ठिकाणी जागा दिलेली नाही.

त्यांची रोजी रोटी व्यवसायावर आहे. नोंदणीकृत असून देखील उपजीविकेच्या संविधानिक हक्कापासून त्यांना वंचित ठेवण्यात आलेले आहे ही अतिशय गंभीर बाब आहे.

या घटनेच्या निषेधार्थ आणि लवकरात लवकर या पथारीवाल्यांना दुसरीकडे जागा देऊन त्यांच्या रोज रोटीचा प्रश्न सोडवावा यासाठी वंचित बहुजन आघाडी पर्वती विधानसभेच्या वतीने पुणे महानगरपालिका आयुक्त यास निवेदन देण्यात आले.

जर आठ दिवसात पथारीवाल्यांच्या रोजी रोटीचा प्रश्न सोडविला नाही तर पुणे महानगरपालिकेविरुद्ध वंचित बहुजन आघाडीच्या वतीने तीव्र आंदोलनाचा इशारा देण्यात आला आहे यावेळी वंचित बहुजन आघाडीच्या पदाधिकारी व कार्यकर्त्यांसह सर्व पथारीवाले व्यावसायिक उपस्थित होते.

13/08/2026

वंचित बहुजन आघाडी पर्वती विधानसभा प्रभाग क्रमांक 21 मार्केट यार्ड प्रेम नगर येथे नवीन ड्रेनेज लाईन टाकण्याचे काम सुरू

प्रेम नगर वसाहत मार्केट यार्ड येथील नागरिक ड्रेनेजच्या समस्येमुळे अनेक दिवसापासून त्रासलेले होते. पुणे महानगरपालिकेत भाजपची सत्ता आणि प्रभागात चारही लोकप्रतिनिधी भाजपचे आहेत त्यांच्याकडे प्रेमनगर वसाहतीमधील रहिवाशांनी बऱ्याचदा तक्रार केली पण त्याकडे कोणीही लक्ष दिले नाही.

वंचित बहुजन आघाडीच्या कार्यकर्त्यांकडे नागरिकांनी समस्या मांडली असता वंचित बहुजन आघाडीने तात्काळ समस्या सोडवली. नवीन ड्रेनेज लाईन टाकण्याचे काम सुरू करण्यात आले.

कायम नागरिकांसोबत वंचित बहुजन आघाडी

12/08/2026

वंचित बहुजन आघाडी पर्वती विधानसभा प्रभाग क्रमांक 39 च्या वतीने बिबवेवाडी क्षेत्रीय कार्यालय येथे सुपर येथील मोडकळीस आलेल्या जुन्या संदर्भात निवेदन देण्यात आले.

प्रभाग क्रमांक 39 अप्पर सुपर इंदिरानगर येथे विश्वकर्मा शाळेजवळील सुपरला जाण्याचा जिना खराब झालेला आहे. जवळच असलेल्या शाळांमुळे पालक-विद्यार्थी आणि सुपर मधील नागरिक मोठ्या प्रमाणावर या जिन्याचा वापर करीत असतात. जिना खराब झाल्यामुळे, मोडकळीस आल्यामुळे तो केव्हाही पडू शकतो. त्यामुळे प्रभागातील विद्यार्थी-पालक आणि नागरिक यांच्या जीवितास धोका निर्माण झाला आहे. वारंवार नागरिकांनी सूचना करून देखील निवडून आलेले भाजपचे तीन आणि राष्ट्रवादी अजितदादा पवार गटाचा एक असे एकूण चार लोक प्रतिनिधींपैकी एकही लोकप्रतिनिधी याकडे लक्ष द्यायला तयार नाही.

नागरिकांनी वंचित बहुजन आघाडीशी संपर्क साधला असता बिबवेवाडी क्षेत्रीय कार्यालय येथे जिना दुरुस्त करण्याबाबत निवेदन देण्यात आले तसेच लवकरात लवकर जर जिना दुरुस्त झाला नाही तर वंचित बहुजन आघाडीच्या वतीने तीव्र आंदोलन करण्यात येईल असा इशारा देण्यात आला.

यावेळी वंचित बहुजन आघाडीचे पदाधिकारी व कार्यकर्ते उपस्थित होते.

11/08/2026

#भाजप_गाजरवाले

पुणे शहरात काय चाललंय काही समजत नाही
पुणे शहराचे खासदार भाजपचे शहरात आमदार भाजपचे शहरात प्रभागांमध्ये नगरसेवक भाजपचे तरीपण शहराची ही अवस्था
पुणेकर यावर विचार करणार आहेत की नाही ???

हा व्हिडिओ आहे पर्वती विधानसभा प्रभाग क्रमांक 39 अप्पर डेपो जवळचा,

दीड वर्षांपूर्वीच हे काम केलेलं होतं, भाजपच्या काळात नागरिकांचे तर हाल होत आहेत पण भाजपने पोसलेले ठेकेदार मात्र दिवसेंदिवस गब्बर होत आहेत चला अप्पर चा रस्ता खचला आता ठेकेदारांना परत काम मिळणार, महानगरपालिकेचे आणि पुणेकरांच्या मेहनतीचे लचके तोडायला तयार रहा सर्व ठेकेदार आणि भाजपचे नेते मंडळी

वंचित बहुजन आघाडी मात्र या जबाबदारी शून्य भाजपला प्रश्न विचारत राहणार आणि पुणेकरांसाठी लढत राहणार.....

11/08/2026