Adyabrahmawadini Foundation

18/08/2026

नागपंचमी निमित्त ‘श्रावण सोहळा २०२६’ उत्साहात संपन्न

**सोलापूर :** नागपंचमीच्या मंगलमय पर्वानिमित्त द्वारकाधीश मंदिर, विजापूर रोड, जुळे सोलापूर येथे **‘श्रावण सोहळा २०२६’** या पारंपरिक सांस्कृतिक कार्यक्रमाचे आयोजन सौ. अमृता कुलकर्णी व टीमच्या वतीने करण्यात आले. **ब्रह्मवादिनी सखी मंच, सोलापूर**च्या सदस्यांनी व पदाधिकाऱ्यांनी या सोहळ्यात उत्स्फूर्त सहभाग नोंदवत कार्यक्रमाची शोभा वाढवली.

श्रावण महिन्यातील मराठी संस्कृती, परंपरा आणि महिलांच्या कलागुणांना व्यासपीठ मिळावे, तसेच महिलांनी एकत्र येऊन पारंपरिक सण-उत्सवांचा आनंद घ्यावा, या उद्देशाने या सोहळ्याचे आयोजन करण्यात आले होते. पारंपरिक नऊवारी साडीतील महिलांची उपस्थिती, मंगलागौरीचे खेळ, गाणी, उखाणे आणि फुगडी यामुळे संपूर्ण वातावरणात उत्साह व चैतन्य निर्माण झाले.

कार्यक्रमास प्रमुख पाहुणे म्हणून **उपमहापौर सौ. ज्ञानेश्वरी ताई देवकर, भाजप शहर अध्यक्षा सौ. रोहिणी ताई तडवळकर, नगरसेविका सौ. संगीता जाधव, जॉन फुलारी ताई, नलिनी चंदेले ताई, जान्हवी माखीजा, अंबिका यावलकर** आदी मान्यवर उपस्थित होते.

सोहळ्यामध्ये मंगलागौरीच्या विविध पारंपरिक खेळांच्या स्पर्धांचे आयोजन करण्यात आले. **फुगडीचे विविध प्रकार, झिम्मा, गाठोडे, कोंबडा, घसरफुगडी**, तसेच श्रावणातील सण-परंपरांवर आधारित उखाणे आणि गाणी अशा विविध उपक्रमांनी महिलांचा उत्साह द्विगुणित केला.

या स्पर्धांचे परीक्षण करण्यासाठी **डॉ. कीर्ती गोळवलकर, पृथा हलसंगीकर आणि तांदळे** यांना परीक्षक म्हणून आमंत्रित करण्यात आले होते. सहभागी महिलांनी सादर केलेल्या पारंपरिक खेळांचे, उत्स्फूर्त सहभागाचे आणि कलागुणांचे परीक्षकांनी विशेष कौतुक केले.

या सोहळ्यात शहरातील विविध सामाजिक व सांस्कृतिक संस्थांनीही उत्स्फूर्त सहभाग घेतला. **ब्राह्मण संघ, BBNA, ब्रह्मवादिनी, संतसेना मल्टिपल निधी, रोटरी ग्रुप, भगिनी समाज** तसेच विविध योगा ग्रुपचे सदस्य मोठ्या संख्येने उपस्थित होते. ब्रह्मवादिनीच्या सदस्यांनी एकत्रित सहभागातून **परंपरा जपण्यासोबतच महिला सक्षमीकरण, मैत्री आणि सामाजिक एकोपा** यांचा सुंदर संदेश दिला.

कार्यक्रमाच्या यशस्वी आयोजनासाठी **आश्लेषा निपुणगे, रुची गोळवलकर, अमृता गोसावी, मीनल कुलकर्णी, महालक्ष्मी मंगळागौरी ग्रुप, सुनीता दळवी, नीला हिरेमठ, अनिता हेमाडे, एकता कुलकर्णी, स्वाती जोशी** यांच्यासह अनेक कार्यकर्त्यांनी परिश्रम घेतले.

ब्रह्मवादिनीच्या सदस्यांनी नागपंचमीच्या या मंगलमय सोहळ्यात पारंपरिक खेळांमध्ये उत्साहाने सहभाग घेतला. शेवटी सर्व महिलांनी एकत्र येत नागपंचमीचा फेर धरत फुगड्यांचा मनमुराद आनंद लुटला. हास्य, आनंद, मैत्री आणि उत्साहाने भारलेल्या वातावरणात **‘श्रावण सोहळा २०२६’ची सांगता** झाली.

**ब्रह्मवादिनीच्या दृष्टीने हा सोहळा म्हणजे केवळ मनोरंजनाचा कार्यक्रम नसून, आपल्या समृद्ध मराठी संस्कृती व परंपरांचे जतन, महिलांच्या कलागुणांना प्रोत्साहन आणि परस्परांतील स्नेहबंध दृढ करणारा सुंदर उपक्रम ठरला.** पारंपरिक वेशभूषा, मंगलागौरीचे खेळ आणि सामूहिक सहभागातून श्रावण संस्कृतीचा मनोहारी अनुभव देणारा हा सोहळा सर्व सहभागी महिलांसाठी अविस्मरणीय ठरला.

18/08/2026

*पुणे आद्यब्रह्मवादिनीची मंगळागौर, म्हणजे उत्साहाला उधाण* 💃💃💃
केवळ 8 दिवसात 350 बायकां चे बुकिंग झाले... अनेक जणींना.... "आता हॉल भरला.. Nxtime लगेच बुकिंग करा".. असं सांगावं लागलं
काल एका मोठ्या हॉल मध्ये सर्व बायका 4. 30 वाजता जमल्या, सर्वांना हिरवी साडी हा colour code दिल्याने संगळीकडे हिरवे हिरवे गार गालीचे दिसत होते आणि पुढील 3 तासात हा सोहळा उत्तरोत्तर रंगतच गेला

प्रथम शारदा स्तवन होऊन प्राजक्ताने सर्वांचं स्वागत केलं... अश्विनीने संस्था आणि संस्थेच्या उपक्रमांचा परिचय करून दिला..
नंतर सर्व सह संघटिकानी स्टेज वर येऊन आपापली ओळख सांगून, या संस्थेचे काम करताना काय अनुभव मिळाले.... ते सविस्तर सांगितलं
आणि मग मुख्य सोहळ्याला सुरवात झाली..... एक प्रोफेशनल ग्रुप यासाठी बोलावला होता. ते उत्तम निवेदन करत,खेळाला साजेशी गाणी म्हणत 1-1 खेळ खेळून दाखवत, आणि मग आपल्या बायका हिरीरीने तो खेळ खेळत.. प्रत्येक खेळ उत्तम खेळणाऱ्या जोडीला 1-1 सह संघटिकेच्या हस्ते लगेचच बक्षिसे दिली जात
अशा 20 खेळात एकूण 40 बक्षिसे लगेच दिली गेली

त्यामुळं इतर बायका उमेदीने खेळ खेळायला येत होत्या
3 तास सर्व प्रकारचे खेळ खेळून बायका दमल्यावर. (काल विनायकी असल्याने.). खिचडी, नारळ dryfruit कचोरी आणि चहा coffee पिऊन, गप्पा टप्पा मारून..."... खूप वर्षांनी खेळलो .. आता पुढील सर्व प्रोग्रामला हमखास येणार".. असं स्वतःहून सांगत, तृप्त मनाने बायका घरी गेल्या

या कार्यक्रमासाठी पुण्याच्या सर्व सह संघटिकांनी उत्तम सहकार्य केलं

13/08/2026

Save the date

13/08/2026

आद्यब्रह्मवादिनी फाऊंडेशन अमरावती चा वृक्षारोपण कार्यक्रम भिवापूरकर अंध विद्यालय येथे उत्साहात पार पडला. यावेळी अंध विद्यार्थ्यांनीही आमच्या बरोबरीने अगदी आवडीने व उत्साहाने झाडे लावली. तेथील कर्मचारी व शिक्षकांनीही आम्हाला फार मदत केली व तेथील माहिती सांगितली.
तेथील चिमुकल्यांना biscuits चा खाऊ देऊन आम्ही निरोप घेतला.

13/08/2026

वृक्षारोपण 🌳

30/07/2026

30/07/2026

Save the Date!
15th and 16th Aug 2026

See you all ✌️

04/04/2026

पुणे आद्यब्रह्मवादिनीचे वं. मावशी केळकर यांच्या जीवन चरित्रवरील नाटक housefull
अनेक लोकांनी ऊभे राहून नाटक बघितले.. संघ, शाखा, आणि सर्वच ठिकाणाहून प्रेक्षक आले होते....प्रेक्षक वेळोवेळी जोरदार टाळ्या वाजवून, हसून उत्स्फूर्त प्रतिसाद देत होते.

14/02/2026

Watch on YouTube - Like | Comment | Share
मावशी केळकर - उषःकाल क्रांतिकारी परवाचा - नागपूर येथील प्रयोग
📍Persistent, IT Park, Nagpur
Link - https://youtu.be/umQta_JOr8s?si=pg-YRJNIQ-m5-fU-

11/02/2026

Welcome and follow along ✅