09/01/2018
" महाराजस्व अभियानांतर्गत समाधान योजना शिबिर रामटेक "
मा. जिल्हाधिकारी श्री. सचिन कुर्वे यांच्या आदेशानुसार रामटेक तालुक्यातील शासनाच्या विविध विभागांतर्गत विविध योजनांचा १००% लाभ गावपातळीवर देण्यासाठी जानेवारी २०१८ महिन्यात खालील गावे निवडण्यात आली असून दिनांक १७/०१/२०१८ रोजी तहसील कार्यालय सभागृहात महाराजस्व शिबिर आयोजित करण्यात आले आहे. खाली नमूद १२ गावांचे लोकप्रतिनिधी, गावकरी , पत्रकार, तलाठी, ग्रामसेवक, कोतवाल, पोलिस पाटील , अंगणवाडी सेविका इ. सर्वांची आढावा बैठक तहसील कार्यालय रामटेक येथे पार पडली. सभेतील सर्वांना रामटेक उपविभागीय अधिकारी श्री राम जोशी यांनी शिबीराच्या यशस्वीतेसाठी सर्वांना आवाहन करताना उपस्थित सर्वांच्या शंकांचे निरसन केले तसेच शासकीय योजनांबद्दल अत्यंत मोलाचे मार्गदर्शन केले.
यावेळेस तहसीलदार श्री धरमेश फुसाटे, रामटेक नगराध्यक्ष श्री दिलीप देशमुख,नायब तहसीलदार श्री नितीन धापसे पाटील, संगायो ना. त. श्री सोनकुसरे, निरीक्षण अधिकारी श्री सुमेध चवरे, आतिश जाधव, सदर सदर १२ गावचे सरपंच, ग्रामसेवक, तलाठी , मंडल अधिकारी , अंगणवाडी सेविका इ. उपस्थित होते.
