Bodoland Radab Live

Bodoland Radab Live The Most Followed and powerful
Top Channel of Bodoland region
(3)

02/06/2026

सेरफांगुरि ओनसोलनि 2 नं सियालमारि गामिनि दिन' ब्रह्म नि फिसाला 18 बोसोर बैसोनि बगदत्त ब्रह्म आ थांनाय मे दाननि 28 अक्ट आव मोनानि 10 रिंगासो समाव गान्दाबिल गामिनि बिबै बिबौनि ननिफ्राय गोमादों। नख'रनि‌ सोद्रोमाफोरा फोरमायनाय बादिबा हरनि 10 रिंगासो समाव न साखाथिनिफ्राय सिनायमोनै गारि एबा कार(Car) जों लानानै थांखोमादों बगदत्त ब्रह्म खौ। बगदत्त ब्रह्म आ सासे बबा आरो खोमा खोनायै सुबुं। दिनै माखासे सान‌ बारलांबाबो नागेरना मोनफिनैनि जाहोनाव खौरां बिजोंनि गेजेरजों बबेबा जायगाफोराव नुसनबायोब्ला 9678384599 // 6002209261 जानबुं नम्बर आव नखरसिम फोरमाय हरनो खावलायदों।

02/06/2026

तामुलपुर जिल्लायाव सुबुं सानखो 2027 नि थाखाय फोरोंथायनि गिबि खोन्दोखौ जागायो ।

01/06/2026

IPWO संगधनखौ आं मिथिया बिनि दैदेनगिरिया सोर आं सिनाया रिहन दैमारि।

01/06/2026

Harisinga BTC, Jhargaon Kadamguri VCDC आव BPF हान्जाया फरायसाफोरखौ बरायदों।

Harisinga BTC, Jhargaon: Bodoland People's Front, 36 Harisinga BTC समस्टि आफाद, Jhargaon Kadamguri VCDC आरो Primary Committee जथायै HSLC आरो HS आन्जादाव सेथि मासि आवग्रिनो हानाय फरायसाफोरखौ मान बाउदों।

बे हाबाफारियाव गासै HSLC नि 9 आरो HS नि 22 सा फरायसाफोरखौ बरायनाय जायो। लोगोसे थांनाय Assam Assembly बिसायख’थियाव BPF दोलोनिफ्राय देरहासारनाय MLA रिहन दैमारिनि देरहासार फोर्बोखौबो खुंनाय जायो।

हाबाफारियाव बिटिसिनि बुंथिगिरि त्रेडिब दैमारि, Harisinga BTC समस्टिनि MCA, मिरु BPF नि Secretary Dr. Sunil Basumatary आबो बाहागो लायो। बेनि अनगायैबो Harisinga Block आरो Kadamguri VCDC नि गोबां दैदेनगिरिफोराबो बाहागो लायो।

01/06/2026

📌जेबो फोरमान लेखा लाइ गैयाब्लानो गुबुननि हाखौ सेना लानो नाजानाय जाथाय उदालगुरियाव।
📌उदालगुरि गरायमारि गामियाव बलदेब चौहान मुंनि सासे समाज सिबियारि सुबुंनि मेयादि पात्ता गोनां हाखौ महन चौहान मुंनि नखरनि सुबुंफोरा गुन्दागिरि खालामनानै सेना लानो नाजानायनि सायाव बलदेब चौहान आरो बिनि फिसाज्ला जोंग्लारि चौहान बिथांमोना खौरां बिजोंनि गेजेरजों फोरमायनाय रावखौ मिथिना लानि फै।

31/05/2026

हा खुरखानायखौ होबथानो थाखाय बरनदीनि रुगुंआव बिफां फुलि गायनाय हाबाफारि ।

तामुलपुर जिल्लानि हस्तिनापुर बाथौ थानसालिनि नाजानायाव हस्तिनापुर, गुवाबारि आरो डवारगाव गामिनि सुबुंफोरा बरनदी दैमानि हा खुरखानायखौ होबथानाय आरो हाग्रानि मैदेरनि थाखाय जानाय आदार जगायनाय बायदिखौ नोजोर होनानै दैमानि रुगुंआव गोबां बिफां फुलि गायदों। तामुलपुर हाग्रा बिफाननि हेफाजाबजों बे बिफां फुलिफोरखौ गायनाय जादों। दिनै हाग्रा बिफाननि मावख'गिरिफोरा बे हाबाफारिखौ बेखेवनानै होयो।

बे जायगानि सोरखारि नङै फसंथान चायपात्रीआबो बिफां फुलि गायनाय हाबाफारिखौ हेफाजाब होदों । हस्तिनापुर बाथौ थानसालि सामलाय आफादनि आफादगिरि जितेन बर' आरो गाहाइ नेहाथारि सन्जिब दैमारि बिथांमोननि नाजानाय आरो बिथांमोननि थांखि लानायजों बिफां फुलि गायनाय हाबाफारिखौ ओनसोलनि गोबां समाज सिबियारि बिथांमोनहा हेफाजाब होनायखौ नुनो मोन्दों ।

31/05/2026

तामुलपुर जिल्लानि कुमारिकाता, रानी चक'आव गोब्राब लामानि जाब्रथाइ ।

तामुलपुर जिल्लानि कुमारिकाटा रानी चक'आव मोनसे गिख्रंथाव लामा जाब्रबथाय जायो। बे जाब्रबथायाव स्कुटि सालायगिरि प्रदिप बसेरा मुंनि सासे लाइमोनआ गोब्राबै जोखोम जायो । गोब्राब सौग्रावलायनायनि जाहोनाव सेंग्रानि आगदा आखाइआ जायगायावनो जस'यो आरो AS28F9923 नाम्बारनि स्कुटि गारिआबो आबुङै खहा जायो ।

बे जाब्रबथायाव गुबुन गंनै साखा खबब्रै गोनां गारिफोराबो खहा जादों। जाब्रबथायनि उनाव कुमारिकाटा पुलिस बिफाना रैखा खालामो आरो गोब्राब हालोदआव जखम जानाय प्रदिप बसेरा मुंनि सुबुंखौ गोजौ थाखोनि फाहामथाय लानो थाखाय गुवाहाटी दैथाय हरो। मिथिनो मोननाय बादिब्ला बे जाब्रबथाया बै समाव जादों जेब्ला बाइक सालायगिरिया साखा खबब्रै गोनां गारिखौ ओवरटेक खालामनो नाजादोंमोन।

AS-25-AA0160 रेजिस्ट्रेसन नाम्बरनि बे साखा खबब्रै गारिआ भुटाननिफ्राय कुमारिकाटासिम फैगासिनो दंमोन आरो भुटाननि रेजिस्ट्रेसन नाम्बर BP-4-A2909 गोनां गारिया भुटान फारसे थांगासिनो दंमोन। मिथिनो मोननाय बादिब्ला स्कुटि सालायगिरिआ भुटान फारसे थांनाय समाव साखा खबब्रै गारिखौ ओवरटेक खालामनो नाजादोंमोन बेवहायनो हरखाबै स्कुटि गारिजों थांबाय थानाय प्रदिप बसेरा मुंनि सुबुंङा सौदावनानै आगदा आखाइ फारसेया जायगायावनो जसयो । बे जाथाइखौ लानानै कुमारिकाता पुलिसआ जाथायनि सायाव नायबिजिरगासिनो दं।

30/05/2026

🚨 হাগ্ৰামা মহিলাৰীয়ে double politics কৰি আছে - এফালে NDA ত থাকি বিটিচি চৰকাৰ চলাই আছে আনফালে BPF কৰ্মীৰ দ্বাৰাই বড়োলেণ্ডক পুনৰ পৃথক ৰাজ্যৰ দাবী কৰি আছে - সঞ্জয় দাস

🚨 দাউৰাও দেখেৱ নাৰ্জাৰী, বঞ্জিত, আৰু মঞ্জিত কোন দলৰ কৰ্মী হয় হাগ্ৰামাই স্পষ্টীকৰণ দিয়ক ।।

🚨 হাতীৰ খোৱা দাত বেলেগ আৰু দেখুৱা দাত বেলেগ তেনেকুৱা চৰিত্ৰৰ মানুহ হাগ্ৰামা মহিলাৰী - সংবাদমেলত UPPL ৰ যুৱ নেতা সঞ্জয় দাস।।

30/05/2026

बड’लेण्ड मुलुग सोलोंसालिआव नंखाय Ph.D डिग्रि होनायनि खौरां फोसावनायनि सायाव खेंफोरथि होदों Vice Chancellor B L आहुजा बिथांआ।

29/05/2026

फोरोंनाय आइदाया 2 दान सम बारलांनायनि उनावबो बर' बिजों फरायसालियाव दासिमबो गैया बिजाब ।

आसाम सोरखारनि गोहैलु आखु आरो बिमा बाथुलनि नोजोर दिन्थिनायजों बर' बिजोंनि फरायसालिफोराव दासिमबो आंखालाव बिजाबनि जेंनाफोरा । फोरोंनाय आइदाया 2 दान सम बारलांनायनि उनावबो दासिमबो गैया बर' बिजोंनि फरायसालिफोराव माखासे बिजाबफोरा ।

तामुलपुर जिल्लानि मैखोम बर' फरायसाफोर थानाय दावगांबारि बर' बिजों गोजौ फरायसालियाव सोलोंथाइ बोसोरनि 2 दान सम बारलांनायनि उनावबो मेट्रिक आन्जाद होनो गोनां 10 थाखोनि सा 50 निबो बांसिन फरायसा-फरायसुलिफोरा मोननो हायाखै GEOGRAPHY बिजाबखौ । जायनि थाखाय मेट्रिक आन्जाद होनो गोनां 10 थाखोनि गोबां फरायसाफोरानो गोगो सोलोंथाइ लानायाव जेंनाफोरजों भुगिनो गोनां जादों । बिजाब गैयैनि थाखाय फरायसा बिथांमोनहा दासिमबो GEOGRAPHY आइदाखौ फरायनो खाबुखौ मोनाखै ।

आसाम सोरखारनि सोलोंथाइ बिफाना बर' बिजोंनि फरायसाफोरनो नांगौ बादियै बिजाबफोरखौ दासिमबो होनो हायाखै ।

जाय समाव रायजोयाव सोलोंथाइनि हारखौ बांहोनो थाखाय सोरखारा बायदि रोखोमनि बिथांखिफोर आजावदों बेफोरबादि समाव 10 थाखोनि GEOGRAPHY बिजाबफोरा मा जाहोननि थाखाय दासिमबो सफैयाखै बेयो साननो गोनां थासारि जानानै फैदों । बर' फरायसाफोरखौ सोरखारनि नेवसिगारनाय थासारिखौ दिन्थिफुंनाय जादों ।

2 दान सम बारलांनायनि उनावबो 10 थाखोनि GEOGRAPHY बिजाबखौ मोननो हायै फरायसाफोरा थाबैनो बिजाबखौ होनांगौ आरो गोगो सोलोंथाइ लानो खाबु होनांगौ होननानै सोरखारनिसिम दाबि खालामो ।

Address

Rangia
783370

Website

Alerts

Be the first to know and let us send you an email when Bodoland Radab Live posts news and promotions. Your email address will not be used for any other purpose, and you can unsubscribe at any time.

Shortcuts

Share