27/02/2026
আজি ২৭ ফেব্ৰুৱাৰী, ২০২৬ তাৰিখে ৰঙিয়াৰ ঐতিহ্যমণ্ডিত হৰদত্ত-বিৰদত্ত ভৱনত এক গুৰুত্বপূৰ্ণ আৰু তাৎপৰ্যপূৰ্ণ অনুষ্ঠানৰ আয়োজন কৰা হয়। উক্ত অনুষ্ঠানত ৰঙিয়া বিধান সভা সমষ্টিৰ মাননীয় বিধায়ক শ্ৰীযুত ভৱেশ কলিতা ডাঙৰীয়া আৰু ৰঙিয়াৰ সন্মানীয় সমজিলা আয়ুক্ত শ্ৰীযুত দেৱাশিষ গোস্বামী (অ.অ.সে) ডাঙৰীয়া উপস্থিত থাকি ৰাজ্যজুৰি খিলঞ্জীয়া ভূমিহীন পৰিয়াল তথা বিভিন্ন প্ৰতিষ্ঠানসমূহৰ সুৰক্ষিত ভূমি অধিকাৰ সুনিশ্চিত কৰাৰ লক্ষ্যৰে ডিজিটেল পট্টা আৰু আবণ্টন/বন্দোবস্তিৰ প্ৰস্তাৱ গ্ৰহণৰ পত্ৰ আনুষ্ঠানিকভাৱে বিতৰণ কৰে।
এই অনুষ্ঠানটিৰ মূল উদ্দেশ্য আছিল বহু বছৰ ধৰি ভূমিৰ অধিকাৰৰ পৰা বঞ্চিত হৈ থকা খিলঞ্জীয়া ভূমিহীন পৰিয়ালসমূহক আইনসম্মত আৰু স্থায়ী অধিকাৰ প্ৰদান কৰা, যাতে তেওঁলোকে সামাজিক আৰু আৰ্থিকভাৱে অধিক সুৰক্ষিত জীৱন-যাপন কৰিব পাৰে। ডিজিটেল পট্টা প্ৰদান প্ৰক্ৰিয়াই প্ৰশাসনিক স্বচ্ছতা বৃদ্ধি কৰাৰ লগতে ভূমি সম্পৰ্কীয় জটিলতা আৰু অনিয়ম হ্ৰাস কৰাত সহায় কৰিব বুলি আশা কৰা হৈছে।
CMO Assam Directorate of Information and Public Relations, Assam Janasanyog, Kamrup Janasanyog, Rangia