TANHA DIL Hazaar Yaadeñ.

17/10/2025

صدیوں سے راہ تکتی ہوئی گھاٹیوں میں تم
اک لمحہ آ کے ہنس گئے میں ڈھونڈھتا پھرا

ان وادیوں میں برف کے چھینٹوں کے ساتھ ساتھ
ہر سو شرر برس گئے میں ڈھونڈھتا پھرا

راتیں ترائیوں کی تہوں میں لڑھک گئیں
دن دلدلوں میں دھنس گئے میں ڈھونڈھتا پھرا

راہیں دھوئیں سے بھر گئیں میں منتظر رہا
قرنوں کے رخ جھلس گئے میں ڈھونڈھتا پھرا

تم پھر نہ آ سکو گے بتانا تو تھا مجھے
تم دور جا کے بس گئے میں ڈھونڈھتا پھرا

مجید امجد ~

13/10/2025

Ham se yahañ to kuchh bhi Sameta na ja Saka
Ham se Har ek Cheez Bikharti chali g*i
हम से यहाँ तो कुछ भी समेटा न जा सका
हम से हर एक चीज़ बिखरती चली गई

06/10/2025

With Sufism '' Silsila e Sharifia Iftakhariya سلسلہ شریفیہ افتخاریہ'' – I'm on a streak! I've been a top fan for 6 months in a row. 🎉

06/10/2025

سنو...!!
موسم نے بدلنا شروع کر دیا ہے، اب آسمان کو شام کی چادر اوُڑھنے کی بہت جلدی ہونے لگی ہے...
آہستہ آہستہ...
راتیں طویل ہو جائیں گی اور دن چھوٹے...
جاڑے کی راتیں
تم جانتی ہو ناں...!!
کیسی خاموشی اور ویرانی ہوتی ہے ان راتوں میں؟؟
کیا کرو گی تم...؟؟
جب یہ خامشی تمہارے اندر شور کرے گی تو...؟؟
اپنےگھر کی چھت پر ٹہلتے ہوئے جب تم زمین کو دیکھو گی تو کس سے گفتگو کرو گی؟؟
جب تمہیں اپنے دل کی دھڑکن صاف سُنائی دے گی تو کیا اُس میں میرا نام نہ ہو گا؟؟
سُنو...
اس بار تم مجھ سے نہیں بلکہ اس بار تم میری باتیں کرنا...
فضا میں گونجتی اس خاموشی کو تم ہماری داستان سُنانا...
لازوال محبت کی داستان...!!
بے مثال ہجر کی داستان...!!

03/10/2025

نہ اب رقیب نہ ناصح نہ غم گسار کوئی
تم آشنا تھے تو تھیں آشنائیاں کیا کیا

جُدا تھے ہم تو میسّر تھیں قربتیں کتنی
بہم ہوئے تو پڑی ہیں جدائیاں کیا کیا

پہنچ کے در پہ ترے کتنے معتبر ٹھہرے
اگرچہ رہ میں ہوئیں جگ ہنسائیاں کیا کیا

ہم ایسے سادہ دلوں کی نیاز مندی سے
بتوں نے کی ہیں جہاں میں خدائیاں کیا کیا

ستم پہ خوش کبھی لطف و کرم سے رنجیدہ
سکھائیں تم نے ہمیں کج ادائیاں کیا کیا
فیض احمد فیض

21/09/2025

آ جا ، کہ ابھی ضبط کا ، موسم نہیں گزرا​
آ جا ، کہ پہاڑوں پہ ابھی برف جمی ھے​ !

خوشبو کے جزیروں سے ، ستاروں کی حدوں تک​
اِس شہر میں سب کچھ ھے ، بس تیری کمی ھے​

محسن نقوی

11/09/2025

03/09/2025

عرض الم بہ طرز تماشا بھی چاہیے
دنیا کو حال ہی نہیں حلیہ بھی چاہیے

اے دل کسی بھی طرح مجھے دستیاب کر
جتنا بھی چاہیے اسے جیسا بھی چاہیے

دکھ ایسا چاہیے کہ مسلسل رہے مجھے
اور اس کے ساتھ ساتھ انوکھا بھی چاہیے

اک زخم مجھ کو چاہیے میرے مزاج کا
یعنی ہرا بھی چاہیے گہرا بھی چاہیے

اک ایسا وصف چاہیے جو صرف مجھ میں ہو
اور اس میں پھر مجھے ید طولٰی بھی چاہیے

رب سخن مجھے تری یکتائی کی قسم
اب کوئی سن کے بولنے والا بھی چاہیے

کیا ہے جو ہو گیا ہوں میں تھوڑا بہت خراب
تھوڑا بہت خراب تو ہونا بھی چاہیے

ہنسنے کو صرف ہونٹ ہی کافی نہیں رہے
جوادؔ شیخ اب تو کلیجہ بھی چاہیے

23/08/2025

‏تُو میری خانہ بدوشی سے کہـاں واقـف ہے
میں تو گھـر بار اُٹھـاؤں گا ، چلا جاؤں گا....