https://villageinfo.in/mizoram/aizawl/phullen/luangpawn.html

Luangpawn, Luangpawn, Saitual (2026)

13/07/2021

LUANGPAWN KHAWHAR IN RIAKTE CHUNGA THIL THLENG MAK!

*(Zan mut reh hnuah Pu Thanzauva Puan sin lai a bo)*

Luangpawn khua hi Mawmrang tlang chung, a mual dung hniam deuh laia awm niin, kham rang rei ruai leh kham chhawrdawh sang tak takin a chawi vel a awm a ni. Kan pi leh p**e aṭanga an lo tawn leh sawi fo ṭhin Ramhuai, Ṭaumeichherchhi, Lasi, Phung leh Thlahrang chanchinte pawh an hre tam ve em em a. Luangpawn chhim lamah hian Tlang huai lal Sahmula tual chaina thin a awm a, hmar lamah Ramhuaiben a awm bawk a, thil thleng maksak tak tak, finfiah harsa tak tak pawh a thleng ve fo thin awm e.

Eng k*m nge ka hre chiah lo, ka Pu Thanzaua (Pu Lt Col Hminga pa, ka Nu Putea – Buata) te tlangval lai khan a ni awm e. K*m 1945 bawr vel te pawh a ni mahna. Rambuai hma fe chu a ni phawt mai a. Luangpawnah chuan mitthi a awm a, dan pangngaiin tlangvalho chu Khawhar In ah an riak a.

K*m 50 liam taahte kha chuan, khua ala changkang lo leh zual hle a, an In bang te kha Dâp tah, ruahin a nan mawih tawh, awng deuh ser suar a tam hle a. Hemi ṭuma mitthi te In pawh hi, an bang chu a mawihin a awng deuh suar tawh a. An In hi a kang sang vak lo va, bang kil lam chu a awng nasa zual a, pawn lam atang pawha zen phak vel a ni awm e. Tangval tan a kil lama mut pawh chu, bang awng an hnaih ting mai si a, thil chakawm a ni lem lo.

Tlangvalho chuan mutna an siam sang sang a, dawihzep deuh tan phei chuan bang awng zawn kha midang ken mai awl tak tur a ni awm e. Ka Pu Thanzauva chu a kil ber, dâp bang mawih chhe deuh avanga bang pawh awng deuh suar zawnah chuan a mu ta a. A nihna takah chuan, bang awng bula mut kha an hrehin an hlau deuh a ni awm e.

Zan an mu ta; an reh ta ṭhap mai a. Kawt zawl vela Bawng awm ten an Thlanvawng rah ei ṭhial nawn nuau nuau paha an meiin an dul a hlap rik leh hlup thin bak thawm lian hriat tur a awm lo a. Eng rannung nge tih hriat lem loh hram ri cherh cherh karah Perhpawng chiri leh khauchher hram te chu a ring pawl a ni a, a bak thawm dang hriat tur a awm lem lo. Tun lai ang a la ni lo va, mei an tih thih tawh chuan a thim em em a, electric current te lah chu, K*mpinu pawhin a nei nge nei lo pawh an la hre lo awm e; pawn lam chu Aimit thlawn an sawi ang maiin a thim hian a thim mup ringawt mai a ni.

Zan a rei zual hret a, tlangvalho an muhil kim tawh ang a tihah chuan, thil danglam tak an chungah a lo thleng ta tlat mai. Bang awng suar bul a mu Pu Thanzauva chu ṭe deuh ṭhawt pahin a mutna bula mu mi pathum vel chu a zuan khum zawk mai a. Chu veleh tlangvalho chu an harh ve nghal ta vek a. An chungah engnge thleng chu an hre lo na a, chutianga ruang thlak zan tak maia tibuaitu an nei chu an hlau ru hle a. Mi kan inang lo va, sapui leh râl laka zam ngai lote pawh hi, thih dan danglam deuh leh thlahrang leh ramhuai lam thil hi chu an tilui thei vak lo hlawm. In dem ngawt theih a ni lo.

Chutia mut reh hnua Pu Thanzauva a zuang tho ta zawk mai chu, mak an ti a, Tlangvalho pawh an phawk hru hlawm a. Tleirawl deuhte phei chu an ralkhel tak meuh a ni. *"Engtizia nge, enng thil nge thleng ta!”* tiin an han zawt vat a. Pu Thanzauva chuan engdanga chhang lovin, *”Puan chu a la ta.. a la ta!”* a ti a. A puan sin lai chu tunge tih hriat loh hian bang awng atang chuan a rawn la daih mai a lo ni awm a.

Kan nu leh pa, pi leh pu hunah khan thilmak tak tak an hre fo a. Mitthi awm zan phei hi chuan thil thleng danglam tak tak ngaihbel tur, finfiah tak si loh thil kha an hre fo ṭhin reng a. Dik tak chuan, an awm dan aṭangin an hlau ru tlang vek tih a hriat a. An sawi lo na a, sa leh ral lam chu an rilruah a awm lo, an mitthi vui liam tak thla kha a la hahchawl lo ningeiin an ngai hlawm tih a hriat. Hetiang hi huaisen harsa an lo tih fo thinna a ni.

Mahse, tlangvalho chuan, chutia khawhar inriak ve lêm hlau hmel put chu an duh hauh lo va. Pu Thanzauva Puan rawn la ringawttu chu tunge ni tih hriat ngei chu an tum a. An rilru tak chuan, ‘tunge ni ang?’ tih aimahin ‘tu thla hrang nge ni ang’ tih chu an rilrua awm a ni hlawm awm e. Huaisen pawh a har duh viau awm e. Mahse, hlau thei an ni lo, engemaw chen chu puan latu hnu chu an chhui a, an hriat theih chen chen finfiah chu tlangvalho tihtur a ngaih a ni si.

A thenin mei an tinung a, tlangvalho chuan engnge an tawn dawn tih ngaihtuah thiam chiah si lo, engemaw tak tawng tura beisei nei deuh bawk siin Puan zawng tur chuan pawn thimah chuan an chhuak ta tham tham hlawm a. Mitthi vuiliam zan a ni a, tleirawl deuh tan phei chuan a ṭitawm ru ve viau ngei ang. Mahse, hlau anga lan a thiang lo va, huaisen tak anga lan a ngai a ni.

Zan thim hnuaiah Thingthu nung vai vat vat pah chuan puan chu an zawng zel a. Zan thim a chhah a, thil hmuh a har hle a. Chutia khawhar in leh a vel an han dap hnu chuan, a piah deuhah chuan Puan ningeia lang chu an va hmu thei riai riai a. Puan chu a che deuh tlatin an hre bawk a, a pawh hmasatu nih pawh a huphurhawm ru hle awm e.

Puan chu an pan hnai a, an han enchiang chu Pu Thanzauva puan ngei chu a lo ni a. Chu puan bula an thil hmuh chu mak an tiin, khawhar in riak tlangvalho chu a tihrilhhai chiang kher mai!. Pu Zauva kha, a mihil siar siar tawh a, a puan sin lai Bang awnga chhuak ta daih mai kha, tunge a latu chu a hmu lo va,
"Puan chu a la ta" a tih nghal mai dan atangin, a rilruah Thla (thlahrang) ningeiin a ngai nghal tih a rin theih a, chu chu tlangvalho rilrua awm pawh a ni ve tho awm e.

Chutia zan reh tawh hnua Khawhar inriak tlangval sinlai puan lo latu chu tu dang ni lovin Bawng lek a lo ni a. Chu Bawng chuan puan chu a lo ṭhial nuau nuau mai a, chu chu tlangvalhovin an va hmuh hlima Puan chu che deuh tlata an ngaih chhan pawh a ni a . Bawng chuan bang awng aṭang khan Puan chu a lo pet a, a lo kalpui daih chu a lo ni a.

Khawhar inriak Tlangvalho, hlau ru deuh, tlawmngai bawk si a Puan zawng tura zanlaia pawna chhuakho khan, Puan latu chu Bawng a ni tih an han hriat tâkah chuan, an nuih a za leh ta em em mai a. Khawhar inriak e tilovin zanlai laiah an nui dir ta char char a ni awm asin.

He thil thleng hi k*m tam tak liamhnuah, Bethlehem veng (Aizawl) ah ka pu te khan an sawi ka hria a. Ka pu te, patling phanchang tawh meuh pawh kha, he thu an han sawi hian an la nui dir ngar ngar thei nia.😁😄

Buata Bawihtlung
BB060620181231AM

10/07/2021

ZAIKUNG NU I DENG DAWN LO'M NI?

(Ranbuai lai hla lar CHHANG HLA leh vawiina kan sun mek PI THANGPUII (Zaikungi Nu).)

- Buata Bawihtlung

Mizoram a buai laia Mizo Army zinga hla lar tak pakhat Chhang Hla an tih mai hi tuipuitu kan awm tawh vak lo mai thei. Mizo hnam sipai zingah pawh V. battalion khan an tuipui zual a, tun thleng pawhin inhmuhkhawm an neih chang chuan an la sa ve thin a ni awm e.

He hla hi vawiina kan sun tak Pi Aithangpuii pasal B. Ngurchhawna te thianho Dek Party hla a ni a. A thupui chu "SA LOAH CHUAN TUI BER MAI" tih a ni a. Rambuai vanglai k*m 1966-1968 vela Dek Party zinga mi, an Hla phuahtu ber Pu Saithangpuia Sailo phuah a ni.

Dek Party hi Rambuai laia Luangpawn khua a thian inkawmho thin, zai ngaina tak, hlate phuah a zaiho thin an ni a. Mo lawm leh puipunna a sawm an hlawh hle a, rambuai hrehawm karah mipui chawkhlimin hun an hmang thin a ni. Dek Party member te hi MNF Valunteer an ni vek hlawm.

Khatia Mizoram a buai khan, Luangpawn chu Mawmrang tlang chunga awm tih takah, kham leh ramngaw chhah takin a chawi vel a nih avangin Mizo sipaiten bihruk nan an hmang a, tuna kan Chief Minister Pu Zoramthanga ngei pawh hi helai velah hian rei tak a lo awm ve tawh a. India sipaite pawhin Mizo Army te an awm ringin uluk takin an vil ve reng bawk a. Mizo sipaite khuaa an luh loh nan tiin India sipai ten Luangpawn khua chu uluk takin an vil a. Khua chu a lianlo na a, veng khatah bit takin an awm khawm tir vek a. Mipuiin Mizo sipai lam an tan bawk si, Vai sipai an hlauhawm bawk si, tuboh leh dolung inkarah an awm a ni ber mai.

Khang hun lai 1966, '67, '68 vel boruak kha a rit em em a, an nun a ralti a, an thlabar a, mipui chu an bet tlawk tlawk a, hlimna tur thil a awm lo a, khawtlang chuan hlim ni a tawng dawn tawh lo emaw tih tur hialin an ngui nghuai mai a ni awm e. Chutiang boruak karah chuan Pi Thangpuii pasal Pu Chhawna te thianho MNF volunteer ni bawkte chuan hlate phuahin an zaiho thin a. Ṭhianho mah nise, pawl anga awmin an hmingah DEK PARTY an ti ta a, mipui thlaphang nun hrehawm lutuk chu an chawk chawk hlim ve thin a ni.

Dek Party hian hla uang lam, mite tihlim thei lam deuh hlir engemaw zat an phuah a, Chhang hla bakah hian Sa Hla te, Sihneh Hla te, Mo lawm hla te, Dek Party hla te an nei hlawm a. Chhang Hla- SA LOAH CHUAN A TUI BER MAI tih chu a lar leh darh zau ber a ni mai thei.

Chu Chhang Hla chu hei hi a ni:

Chhang ei tur kan va duh tak em,
Chhang ei lo val kan riang chuang e,
Ei mah ila kan chak leh si;
Zaikung nu I deng dawn lawm ni.

Tuibur chu Tuibur a ni a,
Kurtai pawh kurtai a ni a;
Chhang zawng chhang a ni na ngei e,
Sa loah chuan tui ber mai tui ber mai.

Chhang deng leh deng lo I hriat duh chuan
An sum kotlang en zel mai rawh;
Chutah a lo pawt phawt chuanin
Tihdan I hre thiam mai lawm ni.

Chhang dengin in hriatreng tur chu
In ei hmain ngaihtuah ula;
Mizo Army’n an duh em kha,
Khawnge I ko teh ang tiin.

Chhang ei tur kan tawn chang chuanin
Manager in an siam vel a,
Chutah Kurtai an han thet a,
Kan hmeh belhbawm kan chhawk hmawk thin

Chhang ei tura kan khuk ruai hi,
A nuamin a va nuam tak em!
Chawlhni a chhang ei loh hi chuan,
Kan chak lutuk kan khusun thin.

He hla a “Zaikungnu i deng dawn lo’m ni” tih a Zaikungnu hi, Dek Party zaithiam Pu B. Ngurchhawna nupui Pi Aithangpuii an sawina a ni a, “Manager-in an siam vel a” tih pawh hi, Dek Party a Manager Pu Zakhuma (Tv Laltawka u) an sawina a ni.

He hla phuahtute thianho hi MNF volunteer an ni a, India sipai lakah inthupin khuaah an awm ve reng a, Pu Saithangpuia Sailo hian vai ṭawng a thiam bakah a fing bawk a India sipai hotute chu ṭhianah a siam zung zung zel a, ringhleltu a neih pawhin, sipai lal lamin an chhan hlauh zel a ni awm e.

Dek Party-te hian Mo lawmnaah leh puipunaah hetiang hla hlimawm lamte hi sain, zaiin mipui an chawk hlim thin a. Mizo army, Luangpawn rama Camp nei V-Battalion-te chuan sak nuam an ti a, an hlimpui hle a, chang 2-na a, Chhang dengte chuan Mizo Army te chu duhsak a “Mizo Army’n a duh em kha, khawnge i ko teh ang” ti thin tura a ngenna lai phei chu an hlimpui viau a ni awm e.

Tichuan, he hla hi Mizo Army zingah a darh ta zel a, tun hnua Pu C. Zaman, Mizoram leh hnam tana zalenna sual a nih laia, hla piang tam tak zinga Ram leh hnam Movement nena inzawmna nei hla a lak khawm 'Mizo Hnam Hla' tia Lehkhabu a chhuahah pawh telh a ni a. Tun thlengin V-Battalion a awm ṭhinte chuan an la ngai ve hle ṭhin a ni awm e.

Ram buai boruak rit tak kara mipuite tihhlim nana an lo sak fo ṭhin, hnam pasalṭhate pawhin Ṭingṭang suihchawp nena, an Bak sam sei tak phu suau suau khawpa hlim taka an lo sak pui ve bawk bawk ṭhin a ni miau a, he hla hi a hlu riau a.

Vawiin July ni 9, 2021 a lo her chhuak a, he Hlaa hming lang "Zaikung Nu" Pi Thangpuiin mual min lo liamsan ni a lo ni ve ta bawk si avangin he Hla hi rilruah a lo lang thar a, amah Pi Thangpuii tak pawh a ngaihawm em a, a pualin ka rawn chhawp chhuak ve leh a ni e.

Dt 9.7.2021, 2:14 PM

09/11/2020

CHAWNGKUNGA
K*m 81, Luangpawn.

Pu Chawngkunga (K*m 81), Luangpawn chu zanin 9.11.2020 dar 10:45 khan Aizawl Civil Hospital ah a thi.

Pu Chawngkunga hi, November ni 5, 2020 zan dar 9:00 pm vel khan a chau thut a, biak theih lovin a awm zui nghal a. Zan 12:50 am (6.11.2020) ah Phullen PHC panpui nghal niin, Phullen Doctor hian Aizawl pan turin a lo refer ve leh a ni.

Tichuan, November ni 6, 2020 zanah Phullen atangin Aizawl panpui nghal a ni a. Aizawl Civil Hospital-ah admit niin, a natna hi Pneumonia a ni a. A natna hi a lo nasa tawh deuh a, Civil Hospital a admit a nih pawh hian a chau tawh hle a, damdawia enkawlin awmzia a nei vak lo a, oxygen pek nghal a ni. Tichuan, hniam lam pan zelin zanin November ni 9, 2020 zan dar 10 :45 khan Chatuan ram a pan ta a ni.

A ruang hi Luangpawn a phurh haw tura ruahman a ni. Hun khirh lai a ni a, a pawiin a vanduaithlâk tak zet a ni.

Pu Chawngkunga pa chu Chalhuaia a nia, a nu chu Darzawni a ni. A unau te chu:
1. Chawnglawmi
2. Chawngbuangi
3. Chawngkima
4. Darthangpuii

(A dik lo palh mai thei)

Amah hi an unaua dam awm chhun a ni tawh a, mahse, vanduaithlâk takin ani pawh a kal ve leh ta a ni.

A kalsan tak, a chhungte zawng zawng kan tawrhpui tak zet a ni.

BB 10.11.2020, 12:30 A.M.

27/06/2019

Mizoram a buai laia Mizo Army zinga hla lar pakhat - Chhang Hla an tih mai ṭhin-

"SA LOAH CHUAN TUI BER MAI"

Remna Ni chungchang an sawi an sawi bawk a, Mizo ten kan hriat reng tawh tur Mizoramin zalenna a hmuh theih nana MNF ten Independence suala Hnam Movement an kalpui laia Mizo Army te zinga hla lar, Pu C. Zama lehkhabu MIZO HNAM HLA (1961-1986) ah pawh No. 151-na a chuang, SA LOAH CHUAN TUI BER MAI tih hla hi V-Battalion a awm ṭhin pakhatin a lung a tih len thu sawi bawk a, Hnam Sipaite pualin kan sawi zui ve mai mai ang e - Buata Bawihtlung

He hla hi Chhang Hla te pawh an ti mai ṭhin a, a tirah chuan Dek Party hla niin, rambuai lai k*m 1966-1968 vela Dek Party zinga mi Pu Saithangpuia Sailo phuah a ni. Dek Party hi Rambuai laia Luangpawn khua a thian inkawmho thin, zai ngaina tak, hlate phuah a zaiho thin, mo lawm leh puipunna a sawm hlawh tak, rambuai hrehawm kara mipui chawkhlim thintute an ni. Dek Party te hi MNF Valunteer an ni hlawm.

Khatia Mizoram a buai khan, Luangpawn chu Mawmrang tlang chunga awm tih takah, kham leh ramngaw chhah takin a chawi vel a nih avangin Mizo sipaiten bihruk nan an hmang a, tuna kan Chief Minister Pu Zoramthanga ngei pawh hi helai velah hian rei tak a lo awm ve tawh a. India sipaite pawhin Mizo Army te an awm ringin uluk takin an vil ve reng bawk a. Mizo sipaite khuaa an luh loh nan tiin India sipai ten Luangpawn khaw lian lo tak pawh chu sawi khawmin, veng khatah bit takin an awm khawm tir vek a. Mipuiin Mizo sipai lam an tan bawk si, Vai sipai an hlauhawm bawk si, tuboh leh dolung inkarah an awm a ni ber mai.

Khang hun lai 1966, '67, '68 vel boruak kha a rit em em a, an nun a ralti a, an thlabar a, mipui chu an bet tlawk tlawk a, hlimna tur thil a awm lo a, khawtlang chuan hlim ni a tawng dawn tawh lo emaw tih tur hialin an ngui nghuai mai a ni awm e. Chutiang boruak karah chuan, Luangpawna thianho MNF volunteer ni bawkte chuan mipui thlaphang nun hrehawm lutuk chu tihhlim tumin hlate phuahin an zaiho thin a. Ṭhianho mah nise, pawl anga awmin an hmingah DEK PARTY an ti ta a.

Dek Party hian hla uang lam, mite tihlim thei lam deuh hlir engemaw zat an phuah a, Chhang hla bakah hian Sa Hla te, Sihneh Hla te, Mo lawm hla te, Dek Party hla te an nei hlawm a. Chhang Hla- SA LOAH CHUAN A TUI BER MAI tih chu hei hi a ni:

Chhang ei tur kan va duh tak em,
Chhang ei lo val kan riang chuang e,
Ei mah ila kan chak leh si;
Zaikung nu I deng dawn lawm ni.

Tuibur chu Tuibur a ni a,
Kurtai pawh kurtai a ni a;
Chhang zawng chhang a ni na ngei e,
Sa loah chuan tui ber mai tui ber mai.

Chhang deng leh deng lo I hriat duh chuan
An sum kotlang en zel mai rawh;
Chutah a lo pawt phawt chuanin
Tihdan I hre thiam mai lawm ni.

Chhang dengin in hriatreng tur chu
In ei hmain ngaihtuah ula;
Mizo Army’n an duh em kha,
Khawnge I ko teh ang tiin.

Chhang ei tur kan tawn chang chuanin
Manager in an siam vel a,
Chutah Kurtai an han thet a,
Kan hmeh belhbawm kan chhawk hmawk thin

Chhang ei tura kan khuk ruai hi,
A nuamin a va nuam tak em!
Chawlhni a chhang ei loh hi chuan,
Kan chak lutuk kan khusun thin.

He hla a “Zaikungnu i deng dawn lo’m ni” tih a Zaikungnu hi, Dek Party zaithiam Pu B. Ngurchhawna nupui Pi Aithangpuii an sawina a ni a, “Manager-in an siam vel a” tih pawh hi, Dek Party a Manager Pu Zakhuma an sawina a ni.

He hla phuahtute thianho hi MNF volunteer an ni a, India sipai lakah inthupin khuaah an awm ve reng a, Pu Saithangpuia Sailo hian vai ṭawng a thiam bakah a fing bawk a India sipai hotute chu ṭhianah a siam zung zung zel a, ringhleltu a neih pawhin, sipai lal lamin an chhan hlauh zel a ni awm e.

Dek Party-te hian Mo lawmnaah leh puipunaah hetiang hla hlimawm lamte hi sain, zaiin mipui an chawk hlim thin a. Mizo army, Luangpawn rama Camp nei V-Battalion-te chuan sak nuam an ti a, an hlimpui hle a, chang 2-na a, Chhang dengte chuan Mizo Army te chu duhsak a “Mizo Army’n a duh em kha, khawnge i ko teh ang” ti thin tura a ngenna lai phei chu an hlimpui viau a ni awm e.

Tichuan, he hla hi Mizo Army zingah a darh ta zel a, tun hnua Pu C. Zaman, Mizoram leh hnam tana zalenna sual a nih laia, hla piang tam tak zinga Ram leh hnam Movement nena inzawmna nei hla a lak khawm 'Mizo Hnam Hla' tia Lehkhabu a chhuahah pawh telh a ni a. Tun thlengin V-Battalion a awm ṭhinte chuan an la ngai ve hle ṭhin a ni awm e.

Ram buai boruak rit tak kara mipuite tihhlim nana an lo sak fo ṭhin, hnam pasalṭhate pawhin Ṭingṭang suihchawp nena, an Bak sam sei tak phu suau suau khawpa hlim taka an lo sak pui ve bawk bawk ṭhin a ni miau a, he hla hi a hlu ka ti riau.

************************
Dek Party Member-te:
Dek Party hi thianho inkawm khawm thin an ni a, an Party-ah chuan nihna an invuah fiam hlawm a, chung an nihna leh an hmingte chu hengte hi a ni:

Pu B. Rengluta
Pu Lalvanga
Pu B. Ngurchhawna
Pu Saithangpuia Sailo
Pu Hrangthanpara
Pu Lalbula
Pu Zakhuma
Pu Chawngthanga
Pu Lalchuanga
Pi Lalnghaki
Pi Zalenthangi
Pi Lalzari

# # # # # # # # # # #

24/04/2019

LIANMANGI K*M 82
(1938-2019)

A chanchin tlangpui:
Pi Lianmangi hi Pu Lianchhingpuia (L) leh Pi Chalthiangi(L) te fa upa ber niin, k*m 1938 khan Luangpawn khuaah a lo piang a, tunah hian a k*m 82-na tur a hmang mek a ni. An unau hi 8 (Pariat) niin, Mipa 4 (Pali) leh Hmeichhia 4 (Pali) an ni. A unaute chu:
1. Aithangpuii w/o B. Ngurchhawna Phullen
2. Lalramliana (L) h/o Lianbawii (L) Phullen
3. Lalremliana (L)
4. Lalbiakzauvi w/o C. Lalthahluna Phullen
5. Lalhmunliana (L)
6. F. Lalramchuana h/o H. Vanlallawmi Dam veng
7. Zorammawii w/o K. Lalfamkima Phullen

K*m 1958-ah Pu R.L Dawla (L) nen Pastor Dawnkima kutah Phullen Presbyterian Kohhran Biakin ah Kohhran Dan Thianghlimin an innei a. A pasal nen hian fa 4 (Pali) an nei a, chungte chu:
1. Lalthanthuami
2. Lalbiakdiki Ralte w/o Lalmuankima (L)
3. Suzie Lalrosiami Ralte w/o Lalnunthara Sailo
4. Lalremruata (L)-te an ni.

A pasal hi Assam Regiment a nih avangin Mizoram pawn hmun hrang hrang a an awm kual hnuah, Shillong, Madanriting-ah In leh Lo neiin an in beng bel ta a. A pasal hian Ni 4.10.1993 khan a boral san a, hemi hnu hian Shillong-a an in chu tiral in tuna an chenna Bethlehem vengthlangah hian k*m 2005 khan tuna an chenna In hi leiin, an inbengbel ve ta a ni.

Rawngbawlna lam:
Pi Lianmangi hi Shillong Madanriting Kohhhranah Naupang Sunday School zirtirtu leh Kohhran Hmeichhia Fin. Secretary leh Treasurer-te alo ni thin a, tawngtai leh inkhawm ngaina mi tak a ni.

A nat dan tlangpui:
K*min 2019 March thla tir atang khan a in sawisel tan a. Doctor-te rawn chungin In lamah a in enkawl a, hma a sawn chak loh em avangin ni 25.3.2019 khan Redeem Hospital-ah admit a ni a. Doctor-te thurawn angin Ni 4.4.2019 khan Aizawl Hospital-ah admit leh a ni a. A natna hi Mit hnun Cancer a ni tih hmuh chhuah a ni a, CT Scan leh Ultrasound report atangin a chuap ah leh a pum ah alo taidarh hman tawh tih hmuh chhuah a ni bawk a. Doctor leh Nurse ten theihtawp chhuaha an enkawl laiin Ni 23.4.2019 tlai Dar 6:40 khan a rawngbawl sak thin a Lalpa hnenah chatuana chawl turin min kalsan ta a ni.

Lawmthu:
Kan Nu ber damlohna avang hian khawtlang, kohhran leh thenrualthate kan ti hah hle mai a. Tin, Doctor-te leh Staff-ten tawngtaina nen a thinlung taka min enkawl sak avangin kan lawm tak zet zet a ni. Vawiina, amah vuina a tha leh zung, sum leh pai senga lo kal zawng zawngte in zavai achungah lawmthu kan sawi tak meuh a, Lalpa’n a let tam takin malsawm che u rawh se.

VUI PROGRAMME

Vuitu Pastor : Pastor Lalhmachhuana
Chhungkaw aiawh : Suzie Lalrosiami Ralte
thusawitu
Thuchah : Vuitu
Lusun chhungte : Upa Chhuanmawia
tawngtai sakna
Malsawmna / Lalpa Tawngtaina
Thlanmuala Vuitu : Upa H. Ralliantawna (Bialtu)

Hla Sak tur:
Van hmun ropui hmangaih ram khi,
Mi thianghlimte in a ni;
Anni hnena cheng ve turin,
Khawvel thilte chu paih la.

Khawvel ni hi a ral hunin,
Nakinah in nuamah,
Mi thianghlimte lenna ramah,
Van inah kan cheng ang.

Chatuan in nuam ropui taka
Lengte zawng chhungkhat an ni;
Chu in nuama cheng ve turin,
Chi tin, hnam tin an sawm a.

Chhandamtu thihna hmun ropui,
Hmangaihna hi an hril vel;
Inbuatsaih hun a kim chhungin,
A hmangaihna chu ring la.

Pakhat zela an kal bovin,
An kiam thin chhungkaw tinreng;
Lungduh zawng zawng chatuan hmunah,
Kim leh ni a awm ang em?

03/02/2019

LUANGPAWN KHAWCHHUAK WELFARE COMMITTEE DIN A NI

Luangpawn khawtlang hruaitute chuan Aizawl a Luangpawn khawchhuakte sawmkhawmin August ni 8, 2018 khan Luangpawn Khawchhuak Welfare Committee a din a.

Hetiang hian Luangpawn Khawchhuak Welfare Committee body hmasa ber siam a ni.

Convener : Pu Vanlalsawma, Electric Veng - 9436140751

MEMBERS
1. Pu Ngurthankima Sailo Mission veng
2. Pu Lalrinnunga Mission vengthlang
3. Pu Lianchia Armed veng
4. Pu F. Lalrova Ramhlun vengthar
5. Pu Nunchungnunga Chawnpui
6. Pu F. Lalrokima Laipuitlang
7. Pu Lalbula Armed Veng
8. Pu Chawngsavunga Armed Veng
9. Pu Lalhmunsanga Ramthar veng
10. Pu Romanliana Ramhlun vengthar
11. Pu F. Lalramchuana Kulikawn
12. Pu C. Darrivunga Bethlehem vengthlang

23/05/2018

Pu SAIZAMA SAILO
S/o Lalluia, k*m 83 chu tukin, zing dar 6.30 A.M. khan Lungna vangin Aizawlah a thi.

Pu Saizama hi k*m 1935 February ni 5 khan Luangpawn a lo piang a. A pa Pu Lalluaia hi Luangpawn lal Pu Lalbuaia Sailo fapa upa ber a ni a. Pu Saizama pawh hi an unau zinga upa ber a ni bawk a, Luangpawn lal tupa upa ber a ni. Pu Saizama te unau chu:
Saizama Sailo
Pawibawia Sailo
Sainghinga Sailo
Buatsaihi
Saithangpuia
Hrilchungi
Thangkima
Upa Lalfima
Nunchungnunga
Sailothangi
T.Upa Ngurthanṭhuama

Pu Saizama hi k*m 1954 khan Assam Police ah a ṭang a, Silchar ah a awm ṭhin a. K*m 1962 ah Police aṭangin a bang a, Aizawl DC office ah Driver hna a thawk leh a. Zu leh ruihhlo ngawlveite ṭanpui a, chhanchhuah hna thawh chu ṭul a ti hle a. A hna aṭangin k*m 1979 khan valuntary in a pension a. A ṭhian Driver te chu sawm khawmin k*m 1979 Damna In an siam ṭan a, amah chu a thawk zui nghal a. Sorkar-a a thawh chhung hian, hna a thawh ṭhat em avangin Jeep pakhat an pe nghe nghe a ni.

Tichuan Zoram Driver Ramthim Board hnuaiah project te neiin a tlawh kual fo thin a. K*m 1986 khan Damna In mumal leh changtlung zawk chu siamin Pu Saizama hian a Jeepa thawh nghe nghe a.

K*m 2009 khan zun kawng lam harsatna a nei a, zai a ni nghe nghe a. K*m 2013 khan a Lung lam dik loh vangin Kolkata ah Pacemaker an lo vuah sak a. Chumi hnuah a Kal (kidney) ṭhat lohna vangin AMRI, Kolkata ah enkawl leh a ni a. A hnathawhte an lo ngaihlu hle a, “khawvela Pacemaker kan lo vuah sak ang che” an ti a, an vuah ta a. K*min February khan Civil Hospital Aizawl ah a in entir leh a, a Pacemaker chu a lo ṭha meuh lo a.

Vawiin 23.5.2018 zing 6:40 AM khan Greenwood Hospital panpui a nih laiin a thi ta a ni. A ruang hi Damna Inah vui tur a ni.a Bawngkawn Thlanmualah dah a ni ang.

Date: 23.05.2018, Wednesday

12/12/2017

ZUALKO
Pu Denghnuna, K*m 72, Luangpawn chu tukin Ni 12.12.2017 zing dar 4:24 khan, Luangpawn ah a boral.

21/05/2017

LUANGPAWN NULA HMELTHA KHIANGKUNGI A FAM TA:

Luangpawn nula hmeltha Pi Khiangkungi hi an khua Luangpawn leh a chheh velah pawh hriat hlawh khawp a hmeltha a ni a. Mi tha chhungkua leh tlangval hmeltha ten neih tuma an rim rawn a ni e an ti thin. Sipai ngaihsan hun lai a ni bawk a, a pasal pawh Vanphunga khua Vanbawng tlangval lar, Sipai ngat mai Rova a ni.

Pi Khiangkungi hi Khiangte hnam niin,Luangpawn khaw din atanga k*m 10 awrh an awm hnu k*m 1924 October thla a piang a ni a. US President George WH Bush nen k*mkhat chhuak an ni. A pa chu Pu Pabuanga a ni a, a nu hi Thangtuahi Bawihtlung a ni.

Unau pasarih niin, a u leh naute hi Luangpawn, Phullen leh Aizawlah an awm darh hlawm a. Phullen a Pu Raltawnkima nu Pi Chhungdawni te, Pu K.Thangruaia pa Pu Hrangdawla te leh Luangpawna Pu Hrangzuala (L) te, Pu Hranghlira (L) te hi a u te an ni a. Aizawlah hian awm an awm bawk. A chhangchiah Pu Kiangzika (Vohbik) hi chu Luangpawn leh Phullen chuan kan hre deuh vek awm e.

An chhungkua hi mi taima tak chhungkua an ni a. Chhungkua an tangrual bawk a, kuthnathawhah an hmuingil hle a, thenawmkhawvengte thlamuanpui tham khawpin Buh leh bal an nei thei a. Buh sâng (1000) thlo chhuak an tih thin ang chhungkua kha an ni.

Pi Khiangkungite unau hian Pathian malsawmna an dawng tih loh theih a ni lo va. Bible a kan hmuh Pathian Malsawmna pakhat - Damreina hi an unau hian an dawng a. Unau pasarih zingah k*m 90 pel pawh pathum ngawt an ni a, tin midangte pawh k*m 70 te an dam thleng a ni.

Pi Khiangkungi hi a damlai khan (2013 ?) ka tlawh ve tawh a. Pitar tih tur a ni tawh chungin, amah ngeiin Thingpui min lo lum a, an hun laite kan inzawt a, a bula awm a nuam hle. Tar chak lo a ni tawh chungin, buaipui ngai a awm kha a tum lo hle a, a tu leh fate pawhin duat viau mahse, amah chu intum chawp hram hram a tum tlat thin tih a tu ten an lo sawi. An unau hi mi zaidam leh kawm nuam tia sawi thin an ni a. Hei hi atakin ka hmu ve a ni.

Pi Khiangkungi Nu Pi Thangtuahi kha Bawihtlung a lo ni a, Luangpawn awmlai atanga ka Pu Thanghrima (Feren ram kal) hian farnu berah a neih a ni a. Chutiangin an fate Pi Khiangkungi te nen hian unau betah an inneih thu amah Pi Khiangkungi khan min hrilh a. Chutiang bawk chuan ka pu te pawhin min hrilh a ni.

Pi Khiangkungi te unau hi Pathian tih mi, Kohhran ngai pawimawh tak an ni a. Keini naupang zawkte pawhin a u Pu Hrangdawla te kha Pathian thu a a tui zia leh thuk zia kan hmu ve hman a. An fate thleng pawhin a lang. Pi Khiangkungi pawh chutiang chu a ni a, Biak Inah pawh tawngtai tura kal fo thin a ni. A tar deuh hnu, mahnia a kal theih meuh loh hnute pawhin, Biak Ina fianrial tawngtai nei turin a tu leh fate a in hruai tir thin niin an sawi.

May 11, 2017 khan a damlohna vangin Civil Hospital Aizawl ah admit a ni a, ICU ahte awmin, an Inneih champha vawi 73-na ah tak, ni 20.5.2017 Inrinni khan Luangpawn nula hmeltha chuan k*m 94 mi niin chatuanram a pan ta a. An chenna In Electric Veng, Aizawlah ni 21.05.2017 hian vuiliam a ni.

Buata Bawihtlung
DT210520170310PM

21/05/2017

LUANGPAWN NULA HMELTHA KHIANGKUNGI A FAM TA:

Luangpawn nula hmeltha Pi Khiangkungi hi an khua Luangpawn leh a chheh velah pawh hriat hlawh khawp a hmeltha a ni a. Mi tha chhungkua leh tlangval hmeltha ten neih tuma an rim rawn a ni e an ti thin. Sipai ngaihsan hun lai a ni bawk a, a pasal pawh Vanphunga khua Vanbawng tlangval lar, Sipai ngat mai Rova a ni.

Pi Khiangkungi hi Khiangte hnam niin,Luangpawn khaw din atanga k*m 10 awrh an awm hnu k*m 1924 October thla a piang a ni a. US President George WH Bush nen k*mkhat chhuak an ni. A pa chu Pu Pabuanga a ni a, a nu hi Thangtuahi Bawihtlung a ni.

Unau pasarih niin, a u leh naute hi Luangpawn, Phullen leh Aizawlah an awm darh hlawm a. Phullen a Pu Raltawnkima nu Pi Chhungdawni te, Pu K.Thangruaia pa Pu Hrangdawla te leh Luangpawna Pu Hrangzuala (L) te, Pu Hranghlira (L) te hi a u te an ni a. Aizawlah hian awm an awm bawk. A chhangchiah Pu Kiangzika (Vohbik) hi chu Luangpawn leh Phullen chuan kan hre deuh vek awm e.

An chhungkua hi mi taima tak chhungkua an ni a. Chhungkua an tangrual bawk a, kuthnathawhah an hmuingil hle a, thenawmkhawvengte thlamuanpui tham khawpin Buh leh bal an nei thei a. Buh sâng (1000) thlo chhuak an tih thin ang chhungkua kha an ni.

Pi Khiangkungite unau hian Pathian malsawmna an dawng tih loh theih a ni lo va. Bible a kan hmuh Pathian Malsawmna pakhat - Damreina hi an unau hian an dawng a. Unau pasarih zingah k*m 90 pel pawh pathum ngawt an ni a, tin midangte pawh k*m 70 te an dam thleng a ni.

Pi Khiangkungi hi a damlai khan (2013 ?) ka tlawh ve tawh a. Pitar tih tur a ni tawh chungin, amah ngeiin Thingpui min lo lum a, an hun laite kan inzawt a, a bula awm a nuam hle. Tar chak lo a ni tawh chungin, buaipui ngai a awm kha a tum lo hle a, a tu leh fate pawhin duat viau mahse, amah chu intum chawp hram hram a tum tlat thin tih a tu ten an lo sawi. An unau hi mi zaidam leh kawm nuam tia sawi thin an ni a. Hei hi atakin ka hmu ve a ni.

Pi Khiangkungi Nu Pi Thangtuahi kha Bawihtlung a lo ni a, Luangpawn awmlai atanga ka Pu Thanghrima (Feren ram kal) hian farnu berah a neih a ni a. Chutiangin an fate Pi Khiangkungi te nen hian unau betah an inneih thu amah Pi Khiangkungi khan min hrilh a. Chutiang bawk chuan ka pu te pawhin min hrilh a ni.

Pi Khiangkungi te unau hi Pathian tih mi, Kohhran ngai pawimawh tak an ni a. Keini naupang zawkte pawhin a u Pu Hrangdawla te kha Pathian thu a a tui zia leh thuk zia kan hmu ve hman a. An fate thleng pawhin a lang. Pi Khiangkungi pawh chutiang chu a ni a, Biak Inah pawh tawngtai tura kal fo thin a ni. A tar deuh hnu, mahnia a kal theih meuh loh hnute pawhin, Biak Ina fianrial tawngtai nei turin a tu leh fate a in hruai tir thin niin an sawi.

May 11, 2017 khan a damlohna vangin Civil Hospital Aizawl ah admit a ni a, ICU ahte awmin, an Inneih champha vawi 73-na ah tak, ni 20.5.2017 Inrinni khan Luangpawn nula hmeltha chuan k*m 94 mi niin chatuanram a pan ta a. An chenna In Electric Veng, Aizawlah ni 21.05.2017 hian vuiliam a ni.

Buata Bawihtlung
DT210520170310PM

Luangpawn

13/07/2021

10/07/2021

09/11/2020

27/06/2019

24/04/2019

03/02/2019

23/05/2018

12/12/2017

21/05/2017

21/05/2017

Address

Telephone

Website

Alerts

Shortcuts

Share