08/10/2026
📍संगमनेर, बस स्थानक | संगमनेर आगारात दाखल झालेल्या नव्या - कोऱ्या शिवाई E⚡बसेसचे लोकार्पण आणि पूजन
संगमनेर आगारातील सार्वजनिक वाहतूक व्यवस्था अधिक सक्षम आणि आधुनिक बनवण्यासाठी परिवहन मंत्री मा.ना.श्री. प्रतापराव सरनाईक साहेब यांच्याकडे केलेल्या पाठपुराव्याला यश आले असून संगमनेर आगारासाठी मंजूर झालेल्या २५ अत्याधुनिक 'इलेक्ट्रिक शिवाई' बसेसपैकी पहिल्या टप्प्यात १० बसेस आगारात दाखल झाल्या आहेत. त्यातील ६ ई-शिवाई बसेसचा लोकार्पण व पूजन सोहळा आज संगमनेर बस स्थानक येथे संपन्न झाला. महामंडळात सेवा दिलेले ९२ वर्षीय ज्येष्ठ निवृत्त कर्मचारी श्री. उत्तमराव कर्पे यांच्या हस्ते श्रीफळ वाढवून या ई-बसेस प्रवाशांच्या सेवेत समर्पित करण्यात आल्या.
विशेष बाब म्हणजे, या अत्याधुनिक शिवाई बसेस दररोज संगमनेर - पुणे मार्गावर धावणार असून प्रवाशांना अत्याधुनिक सुविधांसह अधिक आरामदायी, सुरक्षित, प्रदूषणमुक्त आणि पर्यावरणपूरक प्रवासाची सुविधा मिळणार आहे.
संगमनेर-पुणे-संगमनेर प्रवास करणाऱ्या प्रवाशांची संख्या लक्षात घेता या मार्गावर विनाथांबा, विनावाहक गाड्या सुरू करण्यात याव्यात ही माझी पूर्वीपासून आग्रही मागणी होती; ती देखील पूर्ण झाल्याचा आनंद आहे. उर्वरित बसेसही लवकरच प्रवाशांच्या सेवेत दाखल होणार आहेत. या नव्या बसेसमुळे आगारावरील ताण हलका होणार असून संगमनेरच्या ग्रामीण भागात एस.टी. च्या फेऱ्या सुरळीत होण्यास मदत होणार आहे.
या कार्यक्रमा दरम्यान ज्येष्ठ अभिनेते, 'नाम फाउंडेशन' चे संस्थापक आदरणीय नाना पाटेकर यांना भावपूर्ण श्रद्धांजली अर्पण करून त्यांच्या सामाजिक व अभिनय क्षेत्रातील योगदानाचे स्मरण करण्यात आले.
या कार्यक्रमाला संगमनेर आगाराचे व्यवस्थापक श्री. निलेशजी बेंडकुळे, तसेच आमचे सहकारी वसंतराव देशमुख, आबासाहेब थोरात, विठ्ठल घोरपडे, गुलाब भोसले, रमेश काळे, साक्षीताई सूर्यवंशी, नीलम खताळ, आशिष शेळके, रणजीत ढेरंगे, कैलास कासार, ज्ञानेश्वर कर्पे, डॉ. सोमनाथ कानवडे, ॲड. थोरात, दादा पाटील गुंजाळ, रऊफ शेख, अनिल थोरात, दिपाली वाव्हळ, शिवदास गायकवाड, सचिन वाकचौरे, सुमेध संत, मथ्थु शेरमाळे, शंकर वाळे, बादशाह गुंजाळ, भगवान गीते, नामदेवराव गुंजाळ, वैभव कर्पे, विनायक वाडेकर, नवनाथ जोंधळे, रवी दातीर, संगीता पुंड, सपना जाधव, संतोष कुटे, रणजीत जाधव, किसन शिंदे, संकेत खुळे, मुन्ना पुंड, प्रवीण दिड्डी, राहुल भोईर, शशांक नामन, अमोल आंधळे, भारत गवळी, प्रवीण कर्पे, वाल्मीक शिंदे, विनोद घोलप, शशिकांत दायमा, सुशील शेवाळे, सुरेश लांडगे, रोहित चौधरी, सौरभ देशमुख यांच्यासह महायुतीचे कार्यकर्ते, आगारातील कर्मचारी उपस्थित होते.
