26/01/2025
तमाम देशवासियांना 'प्रजासत्ताक दिना'च्या शुभेच्छा! यानिमित्तानं भारतीय राज्यघटना, लोकशाही व्यवस्था व मूल्यांचं जतन करणं, त्यांना बळकट करणं हे आपल्या सर्वांचं कर्तव्यं आहे. हे कर्तव्य पार पाडत असतानाच देशाची प्रगत, पुरोगामी, सुधारणावादी विचारधारा पुढे नेण्याचा संकल्प करुया. देशाच्या स्वातंत्र्यासाठी तसंच स्वातंत्र्य मिळाल्यानंतर देशाची एकता अखंडता, सार्वभौमता आबाधित ठेवण्यासाठी बलिदान दिलेल्या ज्ञात-अज्ञात शहीद वीरांना विनम्र अभिवादन!
जात, धर्म, भाषा, पंथ, प्रांताच्या भिंती ओलांडून समृद्ध भारताच्या निर्मितीसाठी सर्वांनी एकत्र येत, एकजूट कायम ठेवण्याची आवश्यकता आहे. देशाला स्वातंत्र्य मिळालं, देश प्रजासत्ताक झाला, त्यावेळी देशासमोर अनेक आव्हानं होती, काळ मोठा कठीण होता. त्याकाळी देशातील जनतेनं प्रगल्भ नेतृत्वाला दिलेल्या साथीमुळं, दाखवलेल्या विश्वासामुळं ही संकटं दूर झाली. जगातल्या इतर देशांत लोकशाहीला धक्के बसत असताना आपली लोकशाही सुरक्षित राहिली, याचं श्रेय देशातील जनतेला, जनतेच्या लोकशाहीवरच्या विश्वासाला आहे. लोकशाही व्यवस्थेवर, राज्यघटनेवर अढळ विश्वास असलेल्या तमाम देशवासियांमुळं हे शक्य झालं आहे. JaiHind
ा स्वातंत्र्यासाठी लढलेल्या स्वातंत्र्यसैनिकांच्या,त्यांच्या कुटुंबियांच्या,देशाच्या जडणघडणीत योगदान दिलेल्या विविध क्षेत्रातील मान्यवरांच्या योगदान,त्यागाबद्दलही कृतज्ञता व्यक्त करतो. प्रजासत्ताक दिनाच्या पूर्वसंध्येला विविध पुरस्कारांनी सन्मानित झालेल्या मान्यवरांचे, राष्ट्रपती पदक जाहीर झालेल्या राज्याच्या पोलीस, अग्निशमन सेवेतील पुरस्कार विजेत्यांचे, ‘प्रधानमंत्री राष्ट्रीय बाल पुरस्कार’ विजेत्या बालकांचेही मनापासून अभिनंदन करतो.
On the occasion of Republic Day, let us remember that the Constitution adopted on this day, led us on the path of progress with participation of common people. We should uphold our Constitution & aspire to progress.
