District Animal Husbandry & Veterinary Office, Sivasagar

23/08/2026

শিৱসাগৰ বিশ্ববিদ্যালয়ৰ প্ৰাণীবিজ্ঞান বিভাগৰ বি.এছ.চি. পঞ্চম ষান্মাসিকৰ ছয়গৰাকী ছাত্ৰ-ছাত্ৰী — স্নেহা দাস, নিহাৰিকা বৰুৱা, দীপশিখা দাস, অলিম্পিকা গগৈ, পাৰিজাত কলিতা আৰু ফামিন য়াছমিন আহমেদে — জিলা পশুপালন আৰু পশু চিকিৎসা বিষয়া কাৰ্যালয়, শিৱসাগৰত ০১ জুলাই ২০২৬ৰ পৰা ১০ জুলাই ২০২৬লৈ ৬০ ঘণ্টীয়া ইণ্টাৰ্ণশ্বিপ কাৰ্যসূচী সফলতাৰে সম্পূৰ্ণ কৰে।

উক্ত ইণ্টাৰ্ণশ্বিপ কাৰ্যসূচী পশু চিকিৎসা বিষয়া (স্থানীয় শাখা),শিৱসাগৰ ডাঃ মাৰ্জিনা বেগম আৰু জিলা ৰোগ নিৰ্ণয় পৰীক্ষাগাৰৰ ভাৰপ্ৰাপ্ত বিষয়া ডাঃ মীনাক্ষী কলিতা তত্বাৱধানত সফলতাৰে সম্পন্ন কৰা হয়।

ইণ্টাৰ্ণশ্বিপৰ সময়ছোৱাত ছাত্ৰ-ছাত্ৰীসকলে পশু কল্যাণ, পশু পৰিচালনা, পশু পুষ্টি, পশুৰ আচৰণ, বিভিন্ন পশুৰ টিকাকৰণ ব্যৱস্থা, পশু চিকিৎসা শিবিৰ পৰিদৰ্শন, পশুৰ পৰা মানুহলৈ সংক্ৰমিত হ’ব পৰা ৰোগ, বিভিন্ন পৰজীৱীজনিত ৰোগ, আফ্ৰিকান ছোৱাইন জ্বৰ (ASF)আৰু ক্ষেত্ৰভিত্তিক সমীক্ষা আদি বিষয়ত ব্যৱহাৰিক জ্ঞান আৰু অভিজ্ঞতা অৰ্জন কৰে।

ইণ্টাৰ্ণশ্বিপৰ সমগ্ৰ সময়ছোৱাত ছাত্ৰ-ছাত্ৰীসকলৰ কৰ্মনিষ্ঠা, শৃংখলাবদ্ধতা, আন্তৰিকতা আৰু নতুন বিষয় শিকাৰ আগ্ৰহ প্ৰশংসনীয় আছিল। ইণ্টাৰ্ণশ্বিপ সফলতাৰে সম্পূৰ্ণ কৰাৰ স্বীকৃতি স্বৰূপে জিলা পশুপালন আৰু পশু চিকিৎসা বিষয়া কাৰ্যালয়, শিৱসাগৰৰ তৰফৰ পৰা আটাইকেইগৰাকী ছাত্ৰ-ছাত্ৰীক ইণ্টাৰ্ণশ্বিপ সম্পূৰ্ণ কৰাৰ প্ৰমাণপত্ৰ প্ৰদান কৰা হয়।

ছাত্ৰ-ছাত্ৰীসকলৰ উজ্জ্বল শৈক্ষিক আৰু পেছাগত ভৱিষ্যতৰ বাবে জিলা পশুপালন আৰু পশু চিকিৎসা বিষয়া কাৰ্যালয়, শিৱসাগৰৰ তৰফৰ পৰা আন্তৰিক শুভেচ্ছা আৰু অভিনন্দন জ্ঞাপন কৰা হ’ল। 💐

16/08/2026

আজি ১৬ আগষ্ট তাৰিখে চন্তক–নেপালী খুঁটি অঞ্চলৰ বানপীড়িত পশুপালকসকলৰ দুৰ্দশাৰ সময়ত সদৌ অসম পশু পালন আৰু পশু চিকিৎসা বিভাগৰ ক্ষেত্ৰ সহায়ক সন্থাৰ কেন্দ্ৰীয় বিষয়ববীয়াসকলে সহায়ৰ হাত আগবঢ়াই আজি ৫৫ গৰাকী বানপীড়িত কৃষক/পশুপালকক প্ৰতিগৰাকীক ₹১,৫০০/-কৈ আৰ্থিক সাহায্য প্ৰদান কৰে। লগতে বানপীড়িত পশুধনৰ চিকিৎসাৰ বাবে প্ৰয়োজনীয় ঔষধ-পাতিও প্ৰদান কৰা হয়।

বানপানীৰ ফলত ক্ষতিগ্ৰস্ত হোৱা পশুপালকসকলৰ এনে দুৰ্যোগৰ সময়ত তেওঁলোকৰ কাষত থিয় দি আগবঢ়োৱা এই সহায়-সহযোগিতা অত্যন্ত প্ৰশংসনীয় আৰু সময়োপযোগী পদক্ষেপ।

এই মহৎ উদ্যোগৰ বাবে জিলা পশুপালন আৰু পশু চিকিৎসা বিভাগ, শিৱসাগৰৰ তৰফৰ পৰা সদৌ অসম পশু পালন আৰু পশু চিকিৎসা বিভাগৰ ক্ষেত্ৰ সহায়ক সন্থাৰ কেন্দ্ৰীয় বিষয়ববীয়াসকললৈ আন্তৰিক ধন্যবাদ আৰু কৃতজ্ঞতা জ্ঞাপন কৰিছোঁ।🙏

দুৰ্যোগৰ সময়ত বানপীড়িত পশুপালকসকলৰ প্ৰতি আগবঢ়োৱা এই সহমৰ্মিতা আৰু সহযোগিতাই তেওঁলোকক যথেষ্ট সাহস আৰু আশাৰ সঞ্চাৰ কৰিব।

13/08/2026

জয় জয়তে শিৱসাগৰ জিলাৰ বিভিন্ন স্থানত সমূহীয়া শিৱিৰৰ যোগেদি সেৱা আগবঢ়োৱা "অসম পশুপালন আৰু পশুচিকিৎসা সেৱা সন্থা" ৰ সমূহ বিষয়ববীয়া তথা শুভাকাংক্ষী সকলোলৈ শিৱসাগৰ ' জিলা পশুপালন আৰু পশুচিকিৎসা বিভাগ'ৰ তৰফৰ পৰা আন্তৰিক ধন্যবাদ জ্ঞাপন কৰিছে ।
বান বিধ্বস্ত শিৱসাগৰ জিলাৰ পশুপালক ৰাইজৰ সামুহিক কল্যানৰ বাবে সন্থাই আয়োজন কৰা শিৱিৰ টোত উপস্হিত সকলোকে যৎসামান্য ঔষধ আৰু সুষম আহাৰৰ লগতে চাইলেজ বিতৰণ কৰি বহু উপকাৰ সাধন কৰিলে। বহু ঘাট প্ৰতিঘাতৰ মাজেৰে পশুপালনৰ যোগেদি পশুপালকসকলে চলাই থকা সংগ্ৰামখিনিৰ অংশীদাৰ হবলৈ পাই আমি শিৱসাগৰ 'জিলা পশুপালন আৰু পশুচিকিৎসা বিভাগ'ৰ কৰ্মচাৰী সকলেও নিজকে পৰম ভাগ্যবান বুলি ভাবিবলৈ বাধ্য হৈছোঁ।
বৃহত্তৰ ধিতাইপুখুৰী আৰু বিহুবৰ নেপালী খুটীত অনুষ্ঠিত হোৱা সফল শিৱিৰ দুটাৰ আয়োজক উদ্যোক্তা সকলোকে সেৱা সন্থাই কৃতজ্ঞতা জনাইছে। শিৱিৰ দুটাত অসমৰ পশুচিকিৎসা বিভাগৰ মন্ত্ৰী মাননীয়া নীলিমা দেৱী ডাঙৰীয়ানীয়ে অংশগ্ৰহণ কৰি সফলকাম কৰি তোলাৰ বাবে 'শিৱসাগৰ জিলা পশুপালন আৰু পশুচিকিৎসা বিভাগ'ৰ তৰফৰ পৰা আন্তৰিক ধন্যবাদ জ্ঞাপন কৰিছোঁ।

12/08/2026

আজি শিৱসাগৰৰ আৱৰ্ত ভৱনৰ বাকৰিত অসম চৰকাৰৰ পশুপালন আৰু পশুচিকিৎসা বিভাগৰ মন্ত্ৰী মাননীয়া নীলিমা দেৱী ডাঙৰীয়ানীক শিৱসাগৰত উষ্ম আদৰণি জনালে যোৰহাটৰ যুটীয়া সঞ্চালিকা ডা বন্দনা দত্ত বৰুৱা আৰু শিৱসাগৰ জিলা পশুপালন আৰু পশুচিকিৎসা বিভাগৰ জিলা বিষয়া ডা দেৱজিৎ কুমাৰ বৰুৱাই। উক্ত অনুষ্ঠানত উপস্হিত থকা অন্যান্য বিষয়াসমূহ ক্ৰমে ডা অমৃত তামুলী, ডা বসন্ত কুমাৰ শইকীয়া, ডা ৰাজেন শৰ্মা, ডা মিনাক্ষী কলিতা আদিয়ে।

11/08/2026

বানপানীৰ সময়ছোৱাত অসমত পশুধনৰ উদ্ধাৰ, চিকিৎসা, পশু কল্যাণ আৰু বান সাহায্য কাৰ্যসূচীত নিষ্ঠা, সহানুভূতি আৰু মানৱীয়তাৰ সৈতে আগবঢ়োৱা অমূল্য সেৱাৰ বাবে ভান্টাৰা (Vantara) দলটোৰ প্ৰতি আন্তৰিক কৃতজ্ঞতা আৰু ধন্যবাদ জ্ঞাপন কৰি জিলা পশুপালন আৰু পশুচিকিৎসা বিষয়াৰ কাৰ্যালয়, শিৱসাগৰৰ উদ্যোগত এক সৰু পৰিসৰৰ বিদায়ী অনুষ্ঠান আয়োজন কৰা হয়।।

ভান্টাৰা দলটোৰ নিঃস্বাৰ্থ সেৱা, কৰ্তব্যনিষ্ঠা, পশুৰ প্ৰতি থকা গভীৰ মমতা আৰু বানপীড়িত পশুধনৰ কল্যাণৰ বাবে আগবঢ়োৱা অসামান্য অৱদান সঁচাকৈয়ে প্ৰশংসনীয়। দুৰ্যোগৰ কঠিন সময়তো তেওঁলোকে আগবঢ়োৱা অক্লান্ত সেৱা আৰু সহযোগিতা সদায় গভীৰ কৃতজ্ঞতা আৰু সন্মানেৰে স্মৰণ কৰা হ’ব।

এই সেৱাৰ আঁৰত থকা প্ৰতিগৰাকী সদস্যৰ নিঃস্বাৰ্থ মানৱীয়তা, কৰ্তব্যনিষ্ঠা আৰু পশুৰ প্ৰতি থকা গভীৰ মমতা আমাৰ বাবে সদায় অনুপ্ৰেৰণাৰ উৎস হৈ থাকিব।

জিলা পশুপালন আৰু পশুচিকিৎসা বিষয়াৰ কাৰ্যালয়, শিৱসাগৰৰ তৰফৰ পৰা ভান্টাৰা দলটোৰ প্ৰতিগৰাকী সদস্যলৈ আন্তৰিক ধন্যবাদ, কৃতজ্ঞতা আৰু শুভেচ্ছা জ্ঞাপন কৰা হয়।

08/08/2026

বানপানীৰ এই কঠিন সময়ত মানুহৰ লগতে অবলা জীৱ-জন্তুৰ জীৱন আৰু স্বাস্থ্য সুৰক্ষিত ৰখাৰ লক্ষ্যৰে জিলা পশুপালন আৰু পশু চিকিৎসা বিভাগ, শিৱসাগৰৰ চিকিৎসক, বিষয়া, ক্ষেত্ৰ সহায়ক আৰু সকলো কৰ্মচাৰীয়ে দিন-ৰাতি একাকাৰ কৰি নিষ্ঠা আৰু দায়বদ্ধতাৰে সেৱা আগবঢ়াই আহিছে।
📍 বানাক্ৰান্ত অঞ্চলত পশুধনৰ চিকিৎসা আৰু স্বাস্থ্য শিবিৰ।
📍ৰোগ সংক্ৰমণ প্ৰতিৰোধৰ বাবে মৃত পশুৰ বিজ্ঞানসন্মত Carcass Disposal।
📍পশুধনৰ বাবে অত্যাৱশ্যকীয় খাদ্য (Feed) বিতৰণ।
📍 পশুপালকসকলক ঔষধ, পৰামৰ্শ আৰু অন্যান্য জৰুৰী সহায় আগবঢ়োৱা।

Flood Control Room-ৰ জৰিয়তে অহৰহ পৰিস্থিতি পৰ্যবেক্ষণ, পৰিকল্পনা আৰু সমন্বয় সাধন কৰি জিলা প্ৰশাসন, মহকুমা প্ৰশাসন, চক্ৰ বিষয়াৰ কাৰ্যালয়, অন্যান্য বিভাগ আৰু ক্ষেত্ৰ পৰ্যায়ৰ কৰ্মচাৰীসকলৰ সৈতে নিৰৱচ্ছিন্ন যোগাযোগ ৰক্ষা কৰি প্ৰতিটো খবৰ আৰু জৰুৰী পৰিস্থিতিৰ ওপৰত তাৎক্ষণিক ব্যৱস্থা গ্ৰহণ কৰা হৈছে।

প্ৰতিকূল বতৰ, দুৰ্গম পথ আৰু নানা বাধা-বিঘিনিৰ মাজতো আমাৰ দলটোৱে কেৱল কৰ্তব্যবোধ আৰু মানৱীয় দায়বদ্ধতাৰে নিজৰ দায়িত্ব পালন কৰি আহিছে।

পশুপালকৰ বিশ্বাসেই আমাৰ শক্তি।
দুৰ্যোগ যিমানেই ডাঙৰ নহওক কিয়, পশুপালন আৰু পশু চিকিৎসা বিভাগ সদায় পশুপালক আৰু পশুধনৰ কাষত আছে, থাকিব।

30/07/2026

30/07/2026

The Vantara Veterinary Team from Gujarat, in collaboration with Sivasagar State Veterinary Hospital and our Borpatra Veterinary F.A.C., successfully organized a Free Veterinary Health Camp for livestock in the flood-affected area.
The camp provided health check-ups, treatment, and essential veterinary care to numerous livestock. We sincerely thank all the veterinarians, staff, and volunteers whose dedication and teamwork made this initiative a success.
Healthy Livestock, Stronger Livelihoods.

28/07/2026