Sibsagar Municipal Board

25/08/2026

আজি শিৱসাগৰ পৌৰসভাৰ মাননীয় কাৰ্যবাহী বিষয়া, উপ-পৌৰপতি আৰু নগৰ কাৰিকৰী বিষয়াসকলে পৌৰসভাৰ অন্তৰ্গত বিভিন্ন গুৰুত্বপূৰ্ণ স্থানত স্থল পৰিদৰ্শন কৰে।
প্ৰথমে ভোগেশ্বৰ বৰুৱা পথ আৰু এ.টি. ৰোডকে ধৰি ৰাজহুৱা স্থানত হোৱা পথ আৰু নলাৰ বেদখল পৰিদৰ্শন কৰি পৰিস্থিতিৰ বুজ লোৱা হয়।
ইয়াৰ পিছত ফুকননগৰ জল যোগান আঁচনিৰ চলি থকা কাম আৰু থানামুখত নিৰ্মাণাধীন জল যোগান আঁচনি পৰিদৰ্শন কৰি কামৰ অগ্ৰগতি, কাৰিকৰী দিশ আৰু সামগ্ৰিক পৰিস্থিতি পৰ্যালোচনা কৰা হয়।

শিৱসাগৰ পৌৰসভাৰ উন্নয়নমূলক কামসমূহৰ গুণগত মান আৰু সময়মতে সম্পূৰ্ণ কৰাৰ ক্ষেত্ৰত নিয়মীয়া পৰিদৰ্শন আৰু তদাৰকী অব্যাহত থাকিব।

22/08/2026

২১ আগষ্টৰ সন্ধিয়া শিৱসাগৰ পৌৰসভাৰ চৌহদত অনুষ্ঠিত হ’ল এক আৱেগঘন বিদায় আৰু আদৰণি অনুষ্ঠান।

সৌহাৰ্দ্য, নিষ্ঠা আৰু কৰ্মময় সময়ৰ স্মৃতি বুকুত সাৱটি বিদায় ল’লে শিৱসাগৰ পৌৰসভাৰ সন্মানীয় কাৰ্যবাহী বিষয়া শ্ৰী দেৱব্ৰত শৰ্মা। তেওঁৰ আগন্তুক জীৱনৰ মংগল আৰু সফলতা কামনা কৰিলোঁ।

একেখন সন্ধিয়াতে নতুন আশাৰ দুৱাৰ মুকলি কৰি শিৱসাগৰ পৌৰসভাৰ নতুন কাৰ্যবাহী বিষয়া হিচাপে শ্ৰী বিদ্যুৎ বিকাশ চাংমাইক আন্তৰিক আদৰণি জনোৱা হয়।

31/07/2026

28/07/2026

বানপীড়িত পৰিয়ালসমূহৰ কাষত দৃঢ়ভাৱে থিয় দিছে শিৱসাগৰ পৌৰসভা।

মুখ্যমন্ত্ৰীৰ সাহায্য পুঁজিৰ (CM Relief Fund) আৰ্থিক সাহায্য প্ৰতিটো ৱাৰ্ডত নিয়মীয়াভাৱে বিতৰণৰ কাম অব্যাহত আছে। এই কঠিন সময়ত শিৱসাগৰ পৌৰসভাৰ প্ৰতিজন বিষয়া, কৰ্মচাৰী আৰু সংশ্লিষ্ট সকলো দলে একেলগে সমন্বয়ৰে দিন-ৰাতি পৰিশ্ৰম কৰি বানপীড়িত ৰাইজৰ কাষত উপস্থিত থকাৰ চেষ্টা অব্যাহত ৰাখিছে।

27/07/2026

বৰ্তমানৰ বান পৰিস্থিতিত ক্ষতিগ্ৰস্ত লোকসকলৰ বাবে শিৱসাগৰ পৌৰসভাই সক্ৰিয়ভাৱে আশ্ৰয় শিবিৰ স্থাপন আৰু প্ৰয়োজনীয় ব্যৱস্থা গ্ৰহণ কৰি আছে।

এই কেইদিন শিৱসাগৰ পৌৰসভাৰ সভানেত্ৰী, উপ-সভাপতি, সকলো নিৰ্বাচিত জনপ্ৰতিনিধি, বিষয়া-কৰ্মচাৰী আৰু শ্ৰমিকসকলে একেলগে সমন্বয়ৰে দিন-ৰাতি কাম কৰি আছে, যাতে বানাক্ৰান্ত ৰাইজে সময়মতে প্ৰয়োজনীয় সহায় লাভ কৰে।

সকলোৰে একত্ৰ প্ৰচেষ্টা, দায়বদ্ধতা আৰু সেৱাৰ মনোভাৱে আমি আশাবাদী—খুব সোনকালে এই কঠিন সময় অতিক্ৰম কৰি পুনৰ সুদিনলৈ উভতি যাম।

17/07/2026

আহক, একেলগে অভিযান সফল কৰি তুলি আমাৰ ভৱিষ্যতৰ বাবে পানী সংৰক্ষণ কৰোঁ।

16/07/2026

আজিৰ দিনটোত শিৱসাগৰ পৌৰসভা আৰু OEES KG School, Sivasagar-ৰ যৌথ উদ্যোগত কণমানি শিক্ষাৰ্থীসকলৰ অংশগ্ৰহণেৰে বৰষুণৰ পানী সংৰক্ষণৰ বাবে এক সজাগতা শপত গ্ৰহণ অনুষ্ঠান অনুষ্ঠিত কৰা হয়।

আজিৰ এই সৰু শপতই কাইলৈৰ এখন পানী-সচেতন সমাজ গঢ়াৰ দিশত এক ডাঙৰ পদক্ষেপ।

“বৰষুণ ধৰা, ভৱিষ্যৎ ৰক্ষা কৰা।”