Rajanna Sircilla District Police

05/09/2026

తల్లిదండ్రులు జన్మనిస్తే.. ఉపాధ్యాయులు జీవితానికి దిశానిర్దేశం చేస్తారు.

ఉపాధ్యాయ దినోత్సవం సందర్భంగా దూమల ఏకలవ్య మోడల్ రెసిడెన్షియల్ స్కూల్‌ను సందర్శించి విద్యార్థులతో ముచ్చటించాను. వారి లక్ష్యాలు, భవిష్యత్ ప్రణాళికలను తెలుసుకున్నాను.

విద్యార్థుల భవిష్యత్తుకు బలమైన పునాది వేస్తూ, వారిని ఉన్నత లక్ష్యాల వైపు నడిపిస్తున్న ఉపాధ్యాయుల సేవలు అమూల్యమైనవి. నేను ఈరోజు ఈ స్థాయిలో ఉన్నానంటే నా గురువులు అందించిన విద్య, మార్గదర్శకత్వం కూడా ఒక ముఖ్య కారణం.

విద్యార్థులు క్రమశిక్షణ, పట్టుదలతో ముందుకు సాగుతూ లక్ష్యాలను సాధించి తల్లిదండ్రులకు, గురువులకు మంచి పేరు తీసుకురావాలి. సోషల్ మీడియా, గంజాయి వంటి వాటికి దూరంగా ఉంటూ సైబర్ నేరాల పట్ల అప్రమత్తంగా ఉండాలి.

ఉపాధ్యాయులందరికీ ఉపాధ్యాయ దినోత్సవ శుభాకాంక్షలు.
Telangana State Police

05/09/2026

సాంకేతికతను సమర్థవంతంగా వినియోగిస్తూ ప్రజలకు వేగవంతమైన, పారదర్శకమైన పోలీస్ సేవలు అందించాలి.

వార్షిక తనిఖీల్లో భాగంగా ఎల్లారెడ్డిపేట సర్కిల్ కార్యాలయం, పోలీస్ స్టేషన్‌ను తనిఖీ చేసి కేసుల దర్యాప్తు పురోగతి, రికార్డుల నిర్వహణ, సిబ్బంది పనితీరు, పెట్రోలింగ్, పాత నేరస్తులు, రౌడీషీటర్లపై నిఘా తదితర అంశాలను సమీక్షించాను.

శాంతి భద్రతల పరిరక్షణ విషయంలో కఠినంగా వ్యవహరించాలని, డయల్–112కు వచ్చే ప్రతి కాల్‌పై వెంటనే స్పందించి బాధితులకు తక్షణ సహాయం అందించాలని సూచించాను.

సైబర్ నేరాలు, ఆన్‌లైన్ మోసాలపై ప్రజలకు అవగాహన కల్పిస్తూ, రోడ్డు భద్రతకు ప్రాధాన్యత ఇవ్వాలి. డ్రంక్ అండ్ డ్రైవ్, హెల్మెట్, సీట్‌బెల్ట్, మైనర్ల డ్రైవింగ్‌పై ప్రత్యేక దృష్టి సారించాలని తెలిపాను.

ప్రజల భద్రతే పోలీస్ శాఖ ప్రధాన లక్ష్యమని, ప్రజలకు పోలీసులపై మరింత నమ్మకం కలిగేలా ప్రతి ఒక్కరూ అంకితభావంతో విధులు నిర్వహించాలని అధికారులకు, సిబ్బందికి సూచించాను.
Telangana State Police

02/09/2026

02/09/2026

తెలంగాణ సైబర్ సెక్యూరిటీ బ్యూరో (TGCSB) ఆధ్వర్యంలో ప్రతి నెల మొదటి బుధవారం నిర్వహించే కార్యక్రమంలో భాగంగా సిరిసిల్ల పట్టణంలోని నర్సింగ్ కళాశాలలో విద్యార్థులకు సైబర్ నేరాలపై అవగాహన కల్పించడం జరిగింది.

సైబర్‌ నేరగాళ్లు అనుసరిస్తున్న నూతన మోసపూరిత విధానాలపై ప్రతి విద్యార్థి అవగాహన పెంపొందించుకోవాలని తెలపడం జరిగింది.

విద్యార్థులు ముఖ్యంగా సోషల్ మీడియాలో వచ్చే నకిలీ అకౌంట్లు, ఫేక్ లింకులు, పార్ట్‌టైమ్ ఉద్యోగాలు, స్కాలర్‌షిప్‌లు, గిఫ్ట్ ఆఫర్లు, లక్కీ డ్రాలు వంటి మోసాల పట్ల అప్రమత్తంగా ఉండాలని సూచిచండం జరిగింది.

తెలియని వ్యక్తుల నుంచి వచ్చే ఫోన్ కాల్స్, వీడియో కాల్స్, సందేశాలు లేదా లింకులను నమ్మవద్దని. OTP, బ్యాంకు ఖాతా వివరాలు, ATM PIN, CVV, ఆధార్ వివరాలు, పాస్‌వర్డ్‌ల వంటి వ్యక్తిగత సమాచారాన్ని ఎట్టి పరిస్థితుల్లోనూ ఇతరులతో పంచుకోవద్ద తెలిపాను.

అత్యాశ, భయం, అత్యవసర పరిస్థితులను ఆసరాగా చేసుకుని సైబర్ నేరగాళ్లు మోసాలకు పాల్పడుతున్నారని,సైబర్ మోసానికి గురైన వెంటనే భయపడకుండా 1930కు కాల్ చేయండి లేదా National Cyber Crime Reporting Portal ద్వారా ఫిర్యాదు చేయలని సూచించాను.

విద్యార్థులు తమ కుటుంబ సభ్యులకు , స్నేహితులకు సైబర్ భద్రతపై అవగాహన కల్పించి, సైబర్ నేరాల నివారణలో తమ వంతు బాధ్యత పోషించాలని తెలిపాను.

వినాయక చవితి సందర్భంగా TGCSB రూపొందించిన “వినాయకుడి నుంచి సైబర్ భద్రత పాఠాలు” అవగాహన పోస్టర్‌ను విద్యార్థులతో కలిసి ఆవిష్కరించాను.
Telangana State Police

01/09/2026

జిల్లా పర్యటనకు విచ్చేసిన ఎస్సీ, ఎస్టీ కమీషన్ చైర్మెన్ శ్రీ బక్కి వెంకటయ్య గారికి వేములవాడ పట్టణంలోని వసతి గృహం వద్ద పూలమొక్క అందించి స్వాగతం పలికడం జరిగింది.

01/09/2026

మైనర్ బాలికను లైంగిక వేధింపులకి గురి చేసిన #కేసులో నిందితుడికి #20సంవత్సరాల #జైలు #శిక్ష ,రూ.5,000/- జరిమానా.

నిందితునికి శిక్ష పడేలా సమర్థవంతమైన దర్యాప్తు చేపట్టి, ప్రాసిక్యూషన్‌తో సమన్వయం చేసిన పోలీస్ అధికారులకు, పబ్లిక్ ప్రాసిక్యూటర్లకు మరియు సిబ్బందికి అభినందనలు.

మహిళ భద్రతకు పోలీస్ శాఖ అత్యంత ప్రాధాన్యత ఇస్తుందని , వేధింపులకు గురైతే నిర్బయంగా పోలీసు వారిని సంప్రదించాలి. నిందుతుల పట్ల కఠిన శిక్షలు పడేలా చర్యలు తీసుకోవడం జరిగుతుంది.
Telangana State Police

31/08/2026

క్షుద్ర పూజలు , మంత్రాల పేరుతో అమాయక ప్రజలను మోసం చేస్తున్న ఇద్దరు నిందితుల అరెస్ట్.

అనారోగ్యాన్ని నయం చేస్తామని నమ్మించి ఓ మహిళను మోసం చేసిన తురుపాటి శ్యాం కుమార్, పత్తెం లక్ష్మీరాజం అనే ఇద్దరు నిందితులను సిరిసిల్ల పట్టణ పోలీసులు అరెస్ట్ చేశారు.నిందితుల వద్ద నుండి రూ.30.50 లక్షల నగదు, 2 సెల్‌ఫోన్లు, క్షుద్ర పూజలకు ఉపయోగించే పూజా సామాగ్రిని స్వాధీనం చేసుకుని, వారిని రిమాండ్‌కు తరలించడం జరిగింది.

నిందితులను పట్టుకోవడంలో కృషి చేసిన సిరిసిల్ల డీఎస్పీ నాగేంద్రచారి,సీఐ శ్రీనివాస్, ఎస్సై గణేష్ మరియు సిబ్బందికి అభినందనలు.

అనారోగ్య సమస్యలకు క్షుద్ర పూజలు, చేతబడులు, మంత్రాలు పరిష్కారం కాదు.ఆరోగ్య సమస్యలు ఎదురైనప్పుడు అర్హత కలిగిన వైద్యులను సంప్రదించి సరైన చికిత్స పొందండి.మూఢనమ్మకాల పేరుతో ఎవరైనా డబ్బులు డిమాండ్ చేసి మోసం చేయడానికి ప్రయత్నిస్తే నమ్మకుండా వెంటనే పోలీసులకు సమాచారం అందించండి.
Telangana State Police

31/08/2026

Attended Grievance Day.... listened to the petitioners and directed the concerned officers to take appropriate action on the received complaints.
Telangana State Police

31/08/2026

43 సంవత్సరాల సుదీర్ఘకాలం పాటు అంకితభావంతో, నిజాయితీతో, క్రమశిక్షణతో పోలీస్ శాఖలో సేవాలందించి ఉద్యోగ విరమణ పొందుతున్న ఎస్.ఐ రవీందర్ నాయుడు గారికి జిల్లా పోలీస్ కార్యాలయంలో ఘనంగా వీడ్కోలు కార్యక్రమం ఏర్పాటు చేసి ఘనంగా సన్మానించి, శుభాకాంక్షలు తెలిపాడం జరిగింది.
Telangana State Police

31/08/2026

చందుర్తి మండలం లింగంపేట గ్రామంలోని ప్రమాదాలకు అవకాశం ఉన్న బ్లాక్ స్పాట్ లను గుర్తించి ఆయా ప్రాంతాల్లో చందుర్తి పోలీసులు రోడ్డు ప్రమాదాల నివారణ చర్యలు చేపట్టడం జరిగింది.

రాత్రి వేళల్లో వాహనదారులకు స్పష్టంగా కనిపించేలా రిఫ్లెక్టివ్ రేడియం స్టిక్కర్లు ఏర్పాటు చేయడంతో పాటు, రహదారి పక్కన పెరిగిన పొదలు, పిచ్చి మొక్కలను తొలగించి రహదారులు స్పష్టంగా కన్పించేలా చేయడం జరిగింది.

ఈముందస్తు చర్యల ద్వారా రోడ్డు ప్రమాదాలను నివారిస్తూ, రహదారి భద్రతను మరింత మెరుగుపరచడం లక్ష్యంగా చర్యలు కొనసాగుతున్నాయి.

Telangana State Police