http://kagaznagar.wikimapia.org/

Kaghaznagar Municipality, KAGHAZNAGAR, Sirpur Kaghaz Nagar (2026)

01/09/2026

S.I.R.లో భాగంగా No Mapping మరియు Discrepancies హియరింగ్

కాగజ్‌నగర్ మున్సిపల్ కార్యాలయంలో S.I.R. (Special Intensive Revision) కార్యక్రమంలో భాగంగా No Mapping మరియు Discrepanciesకు సంబంధించిన హియరింగ్ కార్యక్రమాన్ని నిర్వహించడం జరిగింది.

ఈ సందర్భంగా No Mapping మరియు Discrepancies జాబితాలో ఉన్న ఓటర్లకు సంబంధించి అవసరమైన పత్రాలను పరిశీలించి, వారి వివరాలను సంబంధిత BLO ల ద్వారా ధృవీకరించడం జరిగింది. అర్హత కలిగిన ఓటర్ల వివరాలను నిబంధనల ప్రకారం పరిశీలించి, S.I.R. ప్రక్రియను పారదర్శకంగా మరియు సమర్థవంతంగా పూర్తి చేయడానికి చర్యలు చేపట్టారు.

ఓటర్లు హియరింగ్‌కు హాజరై తమకు సంబంధించిన ఆధార పత్రాలను సమర్పించి, ఓటరు జాబితాలో తమ వివరాలు సక్రమంగా ఉండేలా సహకరించాలని AERO & Municipal Commissioner శ్రీ బట్టు తిరుపతి గారు సూచించారు.

27/08/2026

S.I.R. వార్డు సభలో పాల్గొన్న అధికారులు, ప్రజాప్రతినిధులు

కాగజ్‌నగర్ మున్సిపాలిటీ పరిధిలో పోచమ్మ బస్తీ ఏరియాలో నిర్వహించిన S.I.R. (Special Intensive Revision) వార్డు సభలో RDO శ్రీ CH. కృష్ణయ్య గారు, మున్సిపల్ కమిషనర్ శ్రీ బి. తిరుపతి గారు, MRO శ్రీ M. మధుకర్ గారు పాల్గొని S.I.R. ప్రక్రియపై సమీక్షించారు.

ఈ సందర్భంగా అధికారులు మాట్లాడుతూ, ఓటరు జాబితా ప్రత్యేక సమగ్ర సవరణలో భాగంగా ప్రతి ఓటరు వివరాలను క్షుణ్ణంగా పరిశీలించాలని, అర్హులైన ప్రతి ఓటరు పేరు జాబితాలో ఉండేలా చర్యలు తీసుకోవాలని సూచించారు. అలాగే ఓటర్లకు ఎలాంటి సందేహాలు ఉన్నా వాటిని నివృత్తి చేస్తూ, అవసరమైన పత్రాలను సమర్పించే విధంగా అవగాహన కల్పించాలని BLOలు, సూపర్వైజర్లు మరియు BLAలకు సూచించారు.

ఈ వార్డు సభలో స్థానిక కౌన్సిలర్లు శ్రీ దుర్గం సూరజ్ గారు, శ్రీ ఎం.ఏ. వసీం అహ్మద్ గారు, శ్రీ మాణిక్యరావు గారు, శ్రీమతి వసీమున్నీసా గారు, BLOలు, సూపర్వైజర్లు, BLAలు తదితరులు పాల్గొన్నారు.

అధికారులు S.I.R. ప్రక్రియను నిర్ణీత గడువులోగా సమర్థవంతంగా పూర్తి చేయడానికి ప్రజాప్రతినిధులు, అధికారులు, సిబ్బంది సమన్వయంతో పనిచేయాలని సూచించారు.

26/08/2026

వన మహోత్సవం కార్యక్రమంలో భాగంగా పట్టణ ప్రకృతి వనం లలో మొక్కలు నాటే కార్యక్రమం చేపట్టడం జరిగింది.

25/08/2026

కాగజ్‌నగర్: వనమహోత్సవం కార్యక్రమంలో భాగంగా పట్టణాన్ని పచ్చదనంతో, సుందరంగా తీర్చిదిద్దే లక్ష్యంతో ఫ్లైఓవర్ బ్రిడ్జిపై ఏర్పాటు చేసిన కుండీలలో మొక్కలు నాటే కార్యక్రమాన్ని ఘనంగా నిర్వహించారు.
గౌరవ మున్సిపల్ చైర్‌పర్సన్ శ్రీమతి షాహిన్ సుల్తానా గారి అధ్యక్షతన నిర్వహించిన ఈ కార్యక్రమంలో మున్సిపల్ కమిషనర్ శ్రీ బట్టు తిరుపతి గారు,గౌరవ కౌన్సిలర్లు మరియు సిబ్బంది పాల్గొని మొక్కలు నాటారు.
ఈ సందర్భంగా చైర్‌పర్సన్ మాట్లాడుతూ పట్టణంలో పచ్చదనాన్ని పెంపొందించడంతో పాటు పర్యావరణ పరిరక్షణకు ప్రతి ఒక్కరూ తమ వంతు బాధ్యతగా మొక్కలు నాటి వాటిని సంరక్షించాలని పిలుపునిచ్చారు. ఫ్లైఓవర్‌పై ఏర్పాటు చేసిన కుండీలలో మొక్కలు పెంచడం ద్వారా పట్టణ సౌందర్యం మరింత ఇనుమడిస్తుందని తెలిపారు.
మొక్కలు నాటడం మాత్రమే కాకుండా వాటి సంరక్షణకు ప్రత్యేక శ్రద్ధ తీసుకోవాలని మున్సిపల్ సిబ్బందికి సూచించారు. వనమహోత్సవం స్ఫూర్తితో పట్టణ ప్రజలు పెద్ద ఎత్తున మొక్కలు నాటి పర్యావరణ పరిరక్షణలో భాగస్వాములు కావాలని కోరారు.

22/08/2026

S.I.R. (Special Intensive Revision) ప్రక్రియలో భాగంగా గౌరవ RDO శ్రీ Ch. కృష్ణయ్య గారి అధ్యక్షతన ,AERO లు శ్రీ బి తిరుపతి, శ్రీ మల్లెపూల మధుకర్, BLOలు మరియు సూపర్‌వైజర్లతో సమీక్ష సమావేశం నిర్వహించారు.
ఈ సమావేశంలో S.I.R. సర్వే మరియు డిజిటలైజేషన్ ప్రక్రియలో No Mappingగా గుర్తించబడిన ఓటర్ల వివరాలను సమీక్షించారు. No Mapping ఓటర్లకు సంబంధించి నోటీసులను సంబంధిత ఎలక్టర్లకు తప్పనిసరిగా పంపిణీ చేయాలని గౌరవ RDO గారు BLOలకు ఆదేశించారు.
నోటీసులు అందుకున్న ఎలక్టర్లు నోటీసులో పేర్కొన్న షెడ్యూల్ తేదీన అవసరమైన పత్రాలతో హాజరై, సంబంధిత పత్రాలను సమర్పించాలని సూచించారు. BLOలు ఈ ప్రక్రియను ఎలాంటి లోపాలు లేకుండా, నిర్ణీత గడువులో పూర్తి చేయాలని RDO గారు ఆదేశించారు.
అర్హత కలిగిన ప్రతి ఓటరు వివరాలు సక్రమంగా నమోదు అయ్యేలా, S.I.R. ప్రక్రియను పారదర్శకంగా మరియు సమర్థవంతంగా పూర్తి చేయడానికి అధికారులు, BLOలు సమన్వయంతో పనిచేయాలని సూచించారు.

15/08/2026

కాగజ్‌నగర్ మున్సిపాలిటీలో ఘనంగా స్వాతంత్ర్య దినోత్సవ వేడుకలు

కాగజ్‌నగర్ మున్సిపాలిటీ ఆధ్వర్యంలో 80వ స్వాతంత్ర్య దినోత్సవ వేడుకలను శనివారం ఘనంగా నిర్వహించారు. ఈ కార్యక్రమంలో మున్సిపల్ చైర్‌పర్సన్ గౌరవనీయులు శ్రీమతి షాహిన్ సుల్తానా గారు జాతీయ పతాకాన్ని ఆవిష్కరించారు.

ఈ సందర్భంగా చైర్‌పర్సన్ మాట్లాడుతూ దేశ స్వాతంత్ర్యం కోసం ప్రాణత్యాగం చేసిన స్వాతంత్ర్య సమరయోధుల త్యాగాలను ప్రతి ఒక్కరూ స్మరించుకోవాలని అన్నారు. దేశ అభివృద్ధిలో ప్రతి పౌరుడు తన వంతు బాధ్యతను నిర్వర్తించాలని, పరిశుభ్రమైన మరియు అభివృద్ధి చెందిన పట్టణంగా కాగజ్‌నగర్‌ను తీర్చిదిద్దేందుకు ప్రజలు మున్సిపాలిటీకి సహకరించాలని కోరారు.

కార్యక్రమంలో మున్సిపల్ కమిషనర్ శ్రీ బి తిరుపతి గారు, గౌరవ కౌన్సిలర్లు,సిబ్బంది, ప్రజాప్రతినిధులు, పారిశుధ్య కార్మికులు, మరియు పట్టణ ప్రజలు పాల్గొన్నారు.

14/08/2026

శానిటేషన్ పనులను పర్యవేక్షిస్తున్న మున్సిపల్ కమిషనర్ శ్రీ బట్టు తిరుపతి గారు.

14/08/2026

Sirsilk LBS మార్కెట్ ప్రాంతంలో ఆక్రమణల తొలగింపు

కాగజ్‌నగర్ మున్సిపాలిటీ పరిధిలోని సర్సిల్క్ LBS మార్కెట్ ప్రాంతంలో మున్సిపల్ కమిషనర్ శ్రీ బట్టు తిరుపతి గారి ఆధ్వర్యంలో ఆక్రమణల తొలగింపు కార్యక్రమం నిర్వహించారు.

మార్కెట్ ప్రాంతంలో రహదారులు, ఫుట్‌పాత్‌లు మరియు ప్రజల రాకపోకలకు ఇబ్బంది కలిగించే విధంగా ఏర్పాటు చేసిన అనధికార ఆక్రమణలను మున్సిపల్ సిబ్బంది తొలగించారు. ప్రజలకు, వాహనదారులకు సులభమైన రాకపోకలు కల్పించడంతో పాటు మార్కెట్ ప్రాంతంలో పారిశుధ్యం, ట్రాఫిక్ క్రమబద్ధీకరణ మరియు ప్రజా భద్రతను మెరుగుపరచడమే ఈ చర్యల ప్రధాన ఉద్దేశ్యమని మున్సిపల్ కమిషనర్ తెలిపారు.

మున్సిపల్ పరిధిలోని ప్రభుత్వ స్థలాలు, రహదారులు, ఫుట్‌పాత్‌లు మరియు ప్రజా వినియోగ ప్రాంతాలను ఆక్రమించి వ్యాపార కార్యకలాపాలు నిర్వహించరాదని కమిషనర్ సూచించారు. భవిష్యత్తులో కూడా ఆక్రమణలకు పాల్పడితే మున్సిపల్ నిబంధనల ప్రకారం చర్యలు తీసుకుంటామని హెచ్చరించారు.

ఈ కార్యక్రమంలో మున్సిపల్ అధికారులు, సిబ్బంది మరియు సంబంధిత సిబ్బంది పాల్గొన్నారు.

06/08/2026

ఈ రోజు కాగజ్‌నగర్ మున్సిపల్ కార్యాలయంలో తెలంగాణ సిద్ధాంతకర్త, విద్యావేత్త ప్రొఫెసర్ ఆచార్య కొత్తపల్లి జయశంకర్ సార్ జయంతి వేడుకలను మున్సిపల్ కమిషనర్ శ్రీ బి. తిరుపతి గారి ఆధ్వర్యంలో ఘనంగా నిర్వహించారు.

ఈ సందర్భంగా కమిషనర్ జయశంకర్ సార్ చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ, తెలంగాణ రాష్ట్ర సాధన కోసం ఆచార్య జయశంకర్ సార్ చేసిన కృషి చిరస్మరణీయమని పేర్కొన్నారు. సమాజ అభివృద్ధికి విద్య, నిజాయితీ, సేవాభావం ఎంతో అవసరమని ఆయన బోధించిన విలువలను ప్రతి ఒక్కరూ ఆదర్శంగా తీసుకోవాలని సూచించారు.
తెలంగాణ ఉద్యమానికి సిద్ధాంతపరమైన బలాన్ని అందించి, రాష్ట్ర సాధనకు జీవితాంతం అంకితభావంతో పనిచేసిన మహనీయుడిగా జయశంకర్ సార్‌ను కొనియాడారు. యువత ఆయన ఆశయాలను స్ఫూర్తిగా తీసుకుని సమాజాభివృద్ధికి కృషి చేయాలని పిలుపునిచ్చారు.
ఈ కార్యక్రమంలో మున్సిపల్ అధికారులు, సిబ్బంది మరియు ఇతర ఉద్యోగులు పాల్గొని జయశంకర్ సార్‌కు ఘనంగా నివాళులర్పించారు.

05/08/2026

ప్రభుత్వ ఉన్నత పాఠశాల, పెట్రోల్ పంపు ఏరియాలో "క్యాచ్ ది రైన్" అవగాహన చిత్రలేఖన పోటీలు

కాగజ్‌నగర్ మున్సిపాలిటీ కమిషనర్ శ్రీ బట్టు తిరుపతి గారి ఆదేశాల ప్రకారం "Catch the Rain – ప్రతి వర్షపు చుక్కను ఒడిసిపట్టుకుందాం" అనే సందేశాన్ని ప్రజల్లోకి తీసుకెళ్లే ఉద్దేశంతో ప్రభుత్వ ఉన్నత పాఠశాల, పెట్రోల్ పంపు ఏరియాలో విద్యార్థులకు చిత్రలేఖన (Drawing) పోటీలు నిర్వహించారు.

ఈ సందర్భంగా విద్యార్థులు వర్షపు నీటి సంరక్షణ, ఇంకుడు గుంతల ఏర్పాటు, చెరువుల పరిరక్షణ, భూగర్భ జలాల పెంపు వంటి అంశాలపై ఆకర్షణీయమైన చిత్రాలను గీసి తమ సృజనాత్మకతను ప్రదర్శించారు. కార్యక్రమంలో పాల్గొన్న విద్యార్థులకు వర్షపు నీటిని ప్రతి ఇంటిలో సేకరించడం, నీటిని పొదుపుగా వినియోగించడం, పర్యావరణ పరిరక్షణలో ప్రతి ఒక్కరూ భాగస్వాములు కావాలని వివరించారు.

కార్యక్రమంలో పాఠశాల ప్రధానోపాధ్యాయులు, ఉపాధ్యాయులు, మున్సిపల్ అధికారులు, సిబ్బంది మరియు విద్యార్థులు పాల్గొన్నారు. పోటీల్లో ప్రతిభ కనబరిచిన విద్యార్థులను అభినందించి, ఇలాంటి అవగాహన కార్యక్రమాలు భవిష్యత్తులో కూడా కొనసాగుతాయని నిర్వాహకులు తెలిపారు.

Kaghaznagar Municipality

01/09/2026

27/08/2026

26/08/2026

25/08/2026

22/08/2026

15/08/2026

14/08/2026

14/08/2026

06/08/2026

05/08/2026

Address

Telephone

Website

Alerts

Shortcuts

Share

Category

Listing takedown request