Zilla Parishad Solapur

26/08/2026

*दक्षिण सोलापूर तालुक्यातील जिल्हा परिषद शाळांमध्ये ‘स्पोकन इंग्लिश’ उपक्रमास प्रारंभ*

*गटविकास अधिकारी मनोज राऊत यांच्या संकल्पनेचे मुख्य कार्यकारी अधिकारी कुशल जैन यांच्याकडून कौतुक*

सोलापूर : ग्रामीण भागातील जिल्हा परिषद शाळांमधील विद्यार्थ्यांचा इंग्रजी भाषेतील आत्मविश्वास वाढवून त्यांना दैनंदिन जीवनात सहजपणे इंग्रजी संभाषण करता यावे, या उद्देशाने दक्षिण सोलापूर तालुक्याचे गटविकास अधिकारी मनोज राऊत यांनी मांडलेल्या अभिनव उपक्रमाचे मुख्य कार्यकारी अधिकारी कुशल जैन यांनी कौतुक केले.
मुख्य कार्यकारी अधिकारी यांच्या निजी कक्षात झालेल्या बैठकीत या उपक्रमाचे सादरीकरण करण्यात आले. यावेळी सहाय्यक गटविकास अधिकारी सनी चव्हाण तसेच दक्षिण सोलापूर गटशिक्षणाधिकारी जयश्री सुतार, शिक्षण विस्तार अधिकारी गुरुबाळ सनके, मल्लिनाथ स्वामी तसेच निवडक इंग्रजी शिक्षक उपस्थित होते.
या उपक्रमामध्ये विद्यार्थ्यांना केवळ पाठ्यपुस्तकापुरते इंग्रजी शिक्षण न देता प्रत्यक्ष व्यवहारात इंग्रजीचा वापर करण्यास प्रोत्साहन देण्यावर भर देण्यात आला आहे. परिपाठामध्ये इंग्रजी भाषेत भाषण, सुविचार, बातमी वाचन, संवाद सादरीकरण यांसारख्या उपक्रमांद्वारे विद्यार्थ्यांचा सहभाग वाढविण्यात येणार आहे.

25/08/2026

*CEO कुशल जैन यांच्या संवेदनशील*पुढाकाराने 19* *चिमुकल्या हृदयांना मिळाले नवजीवन!*

*पालकांशी व्हिडिओ* *कॉन्फरन्सद्वारे संवाद साधत दिला विश्वास; मोफत हृदयरोग शस्त्रक्रियेनंतर सर्व बालके सुखरूप घरी*
सोलापूर :
जिल्हा परिषदेचे मुख्य कार्यकारी अधिकारी मा. कुशल जैन यांच्या मार्गदर्शनाखाली सोलापूर जिल्ह्यातील गरजू बालकांना मोफत हृदयरोग शस्त्रक्रियेची सुविधा उपलब्ध करून देण्यात आली. राष्ट्रीय बाल स्वास्थ्य कार्यक्रम, जिल्हा शीघ्र हस्तक्षेप निदान व उपचार केंद्र (DEIC), जिल्हा रुग्णालय सोलापूर तसेच बालाजी हॉस्पिटल, मुंबई यांच्या संयुक्त विद्यमाने राबविण्यात आलेल्या या उपक्रमांतर्गत आतापर्यंत 19 बालकांवर यशस्वी हृदयरोग शस्त्रक्रिया करण्यात आली असून सर्व बालके उपचारानंतर सुखरूपपणे आपल्या घरी परतली आहेत.
मुख्य कार्यकारी अधिकारी, जिल्हा परिषद सोलापूर मा. श्री. कुशल जैन यांनी स्वतः पुढाकार घेत पालकांशी व्हिडिओ कॉन्फरन्सद्वारे थेट संवाद साधला. पालकांच्या अडचणी समजून घेत त्यांना उपचाराचे महत्त्व पटवून दिले, त्यांच्या मनातील भीती दूर केली आणि विश्वास देत आपल्या पाल्यांना उपचारासाठी मुंबईला पाठविण्यास राजी केले.

दिनांक 11 ऑगस्ट 2026 रोजी मोफत हृदयरोग शस्त्रक्रियेसाठी 18 बालकांना बसद्वारे मुंबई येथील बालाजी हॉस्पिटलमध्ये पाठविण्यात आले होते. त्यापूर्वीच्या बालकांसह आतापर्यंत एकूण 19 बालकांवर यशस्वी शस्त्रक्रिया करण्यात आली आहे. शस्त्रक्रियेनंतर बालकांची प्रकृती सुधारली असून, त्यांच्या पालकांसह ते सुखरूप घरी परतले आहेत.

या उपक्रमाची आणखी एक महत्त्वाची बाब म्हणजे बालकांच्या उपचारासाठी पालकांना मुंबई येथे जाणे, राहणे, जेवण-नाश्ता तसेच उपचारानंतर परतीचा प्रवास यासाठी कोणताही खर्च करावा लागला नाही. संपूर्ण व्यवस्था मोफत करण्यात आल्याने आर्थिकदृष्ट्या अडचणीत असलेल्या कुटुंबांना मोठा दिलासा मिळाला आहे.
*या उपक्रमासाठी मा. जिल्हा शल्यचिकित्सक डॉ. वर्षा डोईफोडे, मा. जिल्हा आरोग्य अधिकारी डॉ. सतीश कोपुरवाड, शिक्षण विभागातील कर्मचारी व मा. अतिरिक्त जिल्हा शल्यचिकित्सक डॉ. चंद्रकांत क्षीरसागर तसेच मा. निवासी वैद्यकीय अधिकारी डॉ. श्रीकांत कुलकर्णी यांच्या मार्गदर्शनाखाली राष्ट्रीय बाल स्वास्थ्य कार्यक्रम व DEIC केंद्रातील अधिकारी-कर्मचाऱ्यांनी विशेष प्रयत्न केले.*

14/08/2026

भारतीय स्वातंत्र्य दिनाच्या पुर्वसंध्येला सोलापूर जिल्हा परिषदेच्या इमारतीवर अशी रोषणाई करण्यात आली आहे.

05/08/2026

📍 जिल्हा परिषद, सोलापूर
स्थायी समिती सभा | दि. ०४/०८/२०२६

आज आयोजित स्थायी समिती सभेत जिल्हा परिषदेच्या विविध विकासात्मक, प्रशासकीय व आर्थिक विषयांवर सविस्तर चर्चा करून महत्त्वपूर्ण निर्णय घेण्यात आले.

🔹 आरोग्य विभागाच्या औषध साठ्यासाठी स्वतंत्र गोदाम उभारणीबाबत संबंधित अधिकाऱ्यांना आवश्यक सूचना देण्यात आल्या.
🔹 मौजे शेळगी येथील सावित्रीबाई फुले मुलींचे वसतिगृह येथे कायमस्वरूपी महिला अधीक्षक (रेक्टर) नियुक्तीबाबत चर्चा करण्यात आली.
🔹 दि. २५/०६/२०२६ रोजी झालेल्या स्थायी समिती सभेचे कार्यवृत्त वाचून कायम करण्यात आले.
🔹 शासनाकडून प्राप्त महत्त्वपूर्ण परिपत्रके व शासन निर्णयांचे वाचन करून त्याची नोंद घेण्यात आली.
🔹 विविध विभागांतील विकासकामांचा आढावा घेण्यात आला.
🔹 जिल्हा परिषद व पंचायत समित्यांच्या जमा-खर्चास मंजुरी देण्याबाबत विचार करण्यात आला.
🔹 जिल्हा ग्रामविकास निधीची माहिती अवलोकन करून मंजुरीबाबत चर्चा करण्यात आली.
🔹 जुलै २०२६ मधील विविध विषय समित्यांच्या सभांच्या कार्यवृत्ताची नोंद घेण्यात आली.
🔹 साप्रवि-१ कडील अद्ययावत लेखा विषयक नोंदवह्यांचा आढावा घेण्यात आला.

यावेळी मा. दिपक वैद्य – अध्यक्ष, जिल्हा परिषद सोलापूर, मा. चेतनसिंह केदार-सावंत – सभापती, शिक्षण व आरोग्य समिती, मा. रामप्पा चिवडशेट्टी – सभापती, कृषी व पशुसंवर्धन समिती, श्रीमती अमृता वाघे – सभापती, महिला व बालकल्याण समिती, सौ. संस्कृती सातपुते – सभापती, समाजकल्याण समिती, मा. कुशल जैन – मुख्य कार्यकारी अधिकारी, मा. संदिप कोहीणकर – सहाय्यक मुख्य कार्यकारी अधिकारी, मा. सुर्यकांत भुजबळ – उपमुख्य कार्यकारी अधिकारी, मा. मिनाक्षी वाकडे – वित्त व लेख अधिकारी, संबंधित अधिकारी तसेच जिल्हा परिषद सदस्य उपस्थित होते.

विकासाच्या प्रत्येक निर्णयामध्ये जनहिताला सर्वोच्च प्राधान्य! 🙏

28/07/2026

आषाढी एकादशीच्या तिसऱ्याच दिवशी स्वच्छता मोहीम जोरात

26/07/2026

26/07/2026

रद्द झाली VIP दर्शन प्रथा, वारकऱ्यांची आज मिटली व्यथा।
शासनाचे आणि जयकुमार गोरेंचे आभार, पंढरीत वाहतो समतेचा झरा॥