भारतीय जनता पार्टी सुनादा मण्डल वन BJP Sonada Mandal One Official

04/09/2026

जिल्ला स्तरीय पण्डित दीनदयाल उपाध्याय प्रशिक्षण शिविर

मिति ३ र ४ सेप्टेम्बर २०२६ मा खरसाङको डाउहिल फरेस्ट स्कुलमा दुई दिने जिल्ला स्तरीय पण्डित दीनदयाल उपाध्याय प्रशिक्षण शिविर सफलतापूर्वक सम्पन्न भयो।

यस प्रशिक्षण शिविरमा माननीय सांसदज्यू, विधायकज्यू, भाजपा जिल्ला नेतृत्व, मण्डलका पदाधिकारी, पञ्चायत समिति, सभासद् तथा पार्टीका अन्य वरिष्ठ पदाधिकारी एवं कार्यकर्ताहरूको विशेष उपस्थिति रहेको थियो।

शिविरमार्फत पार्टीको विचारधारा, संगठनलाई अझ सुदृढ बनाउने उपाय तथा जनसेवाका विषयमा महत्वपूर्ण प्रशिक्षण र मार्गदर्शन प्रदान गरिएको थियो।

01/09/2026

𝐅𝐫𝐨𝐦 𝐭𝐡𝐞 “𝐅𝐫𝐚𝐠𝐢𝐥𝐞 𝐅𝐢𝐯𝐞” 𝐭𝐨 𝐭𝐡𝐞 𝐰𝐨𝐫𝐥𝐝’𝐬 𝐟𝐚𝐬𝐭𝐞𝐬𝐭-𝐠𝐫𝐨𝐰𝐢𝐧𝐠 𝐦𝐚𝐣𝐨𝐫 𝐞𝐜𝐨𝐧𝐨𝐦𝐲. 📈

That’s what decisive leadership and strong fundamentals can deliver.

Need proof? The numbers speak for themselves. ⬇️

#𝐀𝐚𝐭𝐦𝐚𝐧𝐢𝐫𝐛𝐡𝐚𝐫𝐁𝐡𝐚𝐫𝐚𝐭

31/08/2026

भारतीय जनता पार्टीद्वारा आयोजित समीक्षा सभा आज सोनादा रामिटे, बूथ नं. २४/७ स्थित सामुदायिक भवनमा सफलतापूर्वक सम्पन्न भयो। सभामा संगठन सुदृढीकरण, बूथगत समीक्षा तथा आगामी कार्ययोजनाबारे फलदायी छलफल सम्पन्न भयो।

30/08/2026

आज भाजपा सोनादा मुण्डा कोठी मण्डल–१ अन्तर्गत बूथ नं. २४/२० मा आयोजित समर्थन कार्यक्रममा भाङबारी, भिरकमान तथा ताम्सिङ धुरा क्षेत्रका धेरै परिवारहरूले भारतीय जनता पार्टीप्रति आफ्नो पूर्ण समर्थन व्यक्त गर्दै पार्टीमा आबद्ध हुने घोषणा गर्नुभयो।

यस अवसरमा मण्डल अध्यक्ष श्रीमती मीना कुमारी थापा, उपाध्यक्ष श्री बिकाश राई तथा श्री प्रभात गिरी, सचिव श्री सन्तोष सुब्बा, मण्डल कार्यकारिणी सदस्य श्री विमल राई, शक्ति प्रमुख श्री साक्षत सुब्बा तथा बूथ अध्यक्ष श्री वाङ्गेल तामाङको गरिमामय उपस्थिति रहेको थियो।

नवसमर्थकहरूलाई पार्टी परिवारमा हार्दिक स्वागत गर्दै संगठनलाई अझ सशक्त, जनमुखी र प्रभावकारी बनाउने प्रतिबद्धता व्यक्त गरिएको थियो।

30/08/2026

आज २४/४ बूथ समितिको तत्त्वावधानमा एक महत्वपूर्ण बैठक सम्पन्न भयो। बैठकमा बूथ सुदृढीकरण, संगठन विस्तार, आगामी कार्यक्रमहरू तथा विविध संगठनात्मक विषयहरूमा विस्तृत छलफल गरिएको थियो।

कार्यक्रममा अपर सोनादा ग्राम पञ्चायत अन्तर्गतका ६ वटा बूथका प्रतिनिधिहरूको उल्लेखनीय उपस्थिति रहेको थियो। बैठकमा शक्ति प्रमुख श्री विष्णु खत्री, बूथ सभापति श्री पास्तेम्बा शेर्पा, महासचिव श्री सुरज खत्री, मन की बात प्रमुख श्री फुपुछिरिङ भुटिया, नारी शक्ति सभापति श्रीमती सञ्जिता गुरुङ, उपसभापति श्री फुर्बाकिमा शेर्पा, सचिव श्री देवकुमार क्षेत्री लगायत अन्य पदाधिकारी तथा कार्यकर्ताहरूको सहभागिता रहेको थियो।

बैठकको सञ्चालन श्री दोर्जे शेर्पाले गर्नुभएको थियो। साथै युवा शक्तिबाट श्री पेमा शेर्पा, श्री छित्तेन शेर्पा, श्री सजीव क्षेत्री, श्री अरुण तामाङ तथा श्री दिलकुमार गुरुङको विशेष उपस्थिति रहेको थियो।

बैठकमा संगठनलाई अझ प्रभावकारी, सक्रिय र जनमुखी बनाउने विषयमा सहभागीहरूले आ–आफ्ना सुझाव प्रस्तुत गर्दै आगामी दिनमा एकजुट भएर संगठन सुदृढीकरणका लागि सक्रियतापूर्वक कार्य गर्ने प्रतिबद्धता व्यक्त गर्नुभयो।

30/08/2026

आज २४/८ नम्बर बूथको समीक्षा सभा न्यु लाइट क्लबमा सफलतापूर्वक सम्पन्न भयो। उक्त कार्यक्रम बूथ अध्यक्ष श्रीमती कल्पना गुरुङको नेतृत्वमा आयोजना गरिएको थियो भने सभाको अध्यक्षता मण्डल अध्यक्ष श्रीमती मीना कुमारी थापाज्यूले गर्नुभयो।

सभामा बूथ संगठनलाई अझ सशक्त र सक्रिय बनाउने विषयमा विस्तृत समीक्षा, आगामी संगठनात्मक कार्यक्रम, घर–घर सम्पर्क अभियान, सदस्यता विस्तार, केन्द्र तथा राज्य सरकारका जनकल्याणकारी योजनाको प्रभावकारी प्रचार–प्रसार, साथै स्थानीय जनसमस्याको समाधानका लागि आवश्यक पहलबारे छलफल गरियो।

कार्यक्रममा उपस्थित पदाधिकारी तथा कार्यकर्ताहरूले आ–आफ्नो क्षेत्रको गतिविधिबारे प्रतिवेदन प्रस्तुत गर्दै संगठनलाई अझ प्रभावकारी बनाउन विभिन्न सुझाव राख्नुभयो। अन्त्यमा अध्यक्षज्यूले प्राप्त सुझावहरूलाई कार्यान्वयन गर्दै आगामी दिनमा अझ सक्रिय रूपमा संगठन विस्तार र जनसेवामा समर्पित भएर कार्य गर्न सम्पूर्ण कार्यकर्ताहरूलाई आग्रह गर्नुभयो।

कार्यक्रम सौहार्दपूर्ण वातावरणमा सफलतापूर्वक सम्पन्न भयो।

28/08/2026

नेपालमा आएको विनाशकारी बाढीपछि तत्काल प्रतिक्रिया जनाउँदै हाम्रो छिमेकी राष्ट्र नेपाललाई सहयोगको हात बढाउनु भएकोमा म भारत सरकार तथा माननीय प्रधानमन्त्री श्री नरेन्द्र मोदीज्यूप्रति हृदयदेखि नै आभार व्यक्त गर्दछु। 🇮🇳🤝🇳🇵

दार्जिलिङ र नेपालबीच केवल भौगोलिक निकटता मात्र होइन, रगत, भाषा, संस्कृति, इतिहास र आत्मीयताको गहिरो सम्बन्ध छ। सन् २०१५ मा नेपालमा विनाशकारी भूकम्प आउँदा पनि दार्जिलिङका जनताले एकजुट भएर प्रभावित परिवारहरूका लागि राहत सामग्री संकलन गरी नेपाल पठाएका थिए। आज फेरि नेपाललाई हाम्रो साथ, सहयोग र ऐक्यबद्धताको आवश्यकता परेको छ।

नेपाल केवल हाम्रो छिमेकी राष्ट्र होइन—त्यहाँका जनता हाम्रा आफ्नै दाजुभाइ तथा दिदीबहिनी हुन्। दुःख र विपत्तिको यस कठिन घडीमा दार्जिलिङले फेरि एकपटक आफ्नो मानवता, आत्मीयता र सहयोगको भावना देखाऔँ।

यस प्राकृतिक विपत्तिमा आफ्ना प्रियजन गुमाउनु भएका सम्पूर्ण परिवारप्रति मेरो गहिरो समवेदना व्यक्त गर्दछु। बेपत्ता व्यक्तिहरूको सकुशल उद्धार होस् तथा घाइतेहरूको शीघ्र स्वास्थ्यलाभको कामना गर्दछु। विस्थापित परिवारहरूलाई यो कठिन परिस्थितिबाट चाँडै बाहिर निस्कने शक्ति मिलोस् भन्ने प्रार्थना गर्दछु।

यो दुःखको घडीमा हामी नेपाल र नेपाली जनताको साथमा छौँ। 🙏🇳🇵

भारत–नेपाल मित्रता अमर रहोस्। 🇮🇳🤝🇳🇵

26/08/2026

हार्दिक श्रद्धाञ्जली

भारतीय जनता पार्टी, सोनादा मुन्डा कोठी मण्डल–१ अन्तर्गत २४/१० बुथका बुथ अध्यक्ष श्री सङ्गय तामाङज्यूको असामयिक निधनप्रति भावपूर्ण श्रद्धाञ्जली अर्पण गर्दछौँ।

उहाँको आत्माले चिरशान्ति प्राप्त गरून् तथा शोकसन्तप्त परिवारजनमा धैर्यधारण गर्ने शक्ति प्राप्त होस्।

24/08/2026

For the people by the people....

24/08/2026