29/01/2023
"ਤੇਰਾ-ਤੇਰਾ ਲਾਇਬ੍ਰੇਰੀ"
"ਜੱਬੋਵਾਲ ਦੀ ਬਣੀ ਇਹ ਅਨੋਖੀ ਪਹਿਚਾਣ ,
ਨੇੜੇ ਵਸੀ ਨਾਨਕ ਨਗਰੀ ਇਸਦੀ ਸ਼ਾਨ ।
ਮੋਟਰ ਦੇ ਕਮਰੇ ਨੂੰ ਬਣਾਇਆ ਆਸ਼ਿਆਨਾ,
ਭਰਿਆ ਇਸ 'ਚ ਕਿਤਾਬਾਂ ਦਾ ਖ਼ਜ਼ਾਨਾ।
ਕੁਦਰਤੀ ਗੋਦ ਵਿੱਚ ਡੇਰਾ ਲਾਈ ਬੈਠੀ,
ਸੋਹਣੇ ਵਿਚਾਰਾਂ ਨਾਲ ਸੱਜ ਕੇ ਬੈਠੀ।
ਪਾਠਕਾਂ ਨੂੰ ਆਪਣੇ ਵੱਲ ਖਿੱਚ ਪਾਉਂਦੀ,
ਕਿਤਾਬੀ ਚਿਣਗ ਨੂੰ ਦਿਲ ਅੰਦਰ ਜਗਾਉਂਦੀ।
ਕਾਇਨਾਤ ਨਾਲ ਵੀ ਗੂੜ੍ਹਾ ਰਾਬਤਾ ਕਰਵਾਉਂਦੀ,
ਚਾਹਖਾਨੇ ਵਿੱਚ ਰਾਹੀਆਂ ਦੀਆਂ ਮਹਿਫ਼ਲਾਂ ਲਗਵਾਉਂਦੀ।
ਨੌਜਵਾਨਾਂ, ਬਜ਼ੁਰਗਾਂ ਨੂੰ ਆਪਣੇ ਆਸ਼ਿਕ ਬਣਾਉਂਦੀ,
ਗਿਆਨ ਦਾ ਅਨੋਖਾ ਨਸ਼ਾ ਸਿਰ ਚੜ੍ਹਾਉਂਦੀ।
ਕਵੀਆਂ- ਲੇਖਕਾਂ ਦੀ ਖਿੱਚ ਦਾ ਕੇਂਦਰ ਬਣਦੀ,
ਟੀ.ਵੀ, ਅਖ਼ਬਾਰਾਂ ਦੀ ਨਿੱਤ ਸੁੰਦਰਤਾ ਬਣਦੀ।
ਗਿਆਨ ਦਾ ਦੀਵਾ ਇਹ ਜਗਾ ਦਿੰਦੀ,
ਭਟਕਦਿਆਂ ਨੂੰ ਉੱਚਿਤ ਰਾਹ ਦਿਖਾ ਦਿੰਦੀ।
ਕਦੇ ਇਹ ਇੱਕ ਜਗ੍ਹਾ ਬਣੀ ਰਹਿੰਦੀ,
ਕਦੇ ਚੱਲਦੀ ਫਿਰਦੀ ਲਾਇਬ੍ਰੇਰੀ ਬਣ ਜਾਂਦੀ।
ਮਾਂ-ਬੋਲੀ ਤੇ ਇਸਦੀਆਂ ਭੈਣਾਂ ਨੂੰ ਤਵੱਜੋ ਦਿੰਦੀ,
ਸਵੇਰ ਸ਼ਾਮ,ਸੱਤੇ ਦਿਨੋਂ ਖੁੱਲ੍ਹੀ ਰਹਿੰਦੀ।
ਸਭ ਲੁਕਾਈ ਦਾ ਖ਼ੂਬ ਸਤਿਕਾਰ ਪਾਉਂਦੀ,
ਮਨਦੀਪ ਜੀ ਹੱਥੋਂ ਮੁਫ਼ਤ ਕਿਤਾਬੀ-ਲੰਗਰ ਲਵਾਉਂਦੀ।
ਬਾਬੇ ਨਾਨਕ ਦਾ ਸੰਦੇਸ਼ ਪੂਰਾ ਕਰਾਉਂਦੀ,
'ਤੇਰਾ-ਤੇਰਾ ਲਾਇਬ੍ਰੇਰੀ' ਤਾਂ ਹੀ ਇਹ ਕਹਾਉਂਦੀ।
'ਤੇਰਾ-ਤੇਰਾ ਲਾਇਬ੍ਰੇਰੀ' ਤਾਂ ਹੀ ਇਹ ਕਹਾਉਂਦੀ।"
harpreet kaur
