Andhra Pradesh CM

Andhra Pradesh CM The official page of The Chief Minister’s Office, Andhra Pradesh.

05/06/2026

విశాఖపట్నంలో నేడు జరిగిన పలు కార్యక్రమాల్లో పాల్గొన్న అనంతరం గౌరవ ముఖ్యమంత్రి శ్రీ నారా చంద్రబాబునాయుడు మంత్రులు, అధికారులు, అభిమానులతో కలిసి సైకిల్ పై ప్రయాణించారు.

విశాఖలోని కైలాసగిరి నుంచి భోగాపురం వరకూ బే సిటిగా తీర్చిదిద్దేందుకు అవసరమైన కార్యాచరణ చేపట్టాలని గౌరవ ముఖ్యమంత్రి శ్రీ న...
05/06/2026

విశాఖలోని కైలాసగిరి నుంచి భోగాపురం వరకూ బే సిటిగా తీర్చిదిద్దేందుకు అవసరమైన కార్యాచరణ చేపట్టాలని గౌరవ ముఖ్యమంత్రి శ్రీ నారా చంద్రబాబు నాయుడు అధికారులను ఆదేశించారు. గ్రేహౌండ్స్ కు చెందిన 303 ఎకరాల్లో కన్వెన్షన్ సెంటర్ ను నిర్మించాలని, కైలాసగిరి ప్రాంతాన్ని ఆధ్యాత్మికంగా, పర్యాటక క్షేత్రంగా తీర్చిదిద్దాలని సూచించారు. బీచ్ వాటర్ స్పోర్ట్స్, విశాఖ జంతు ప్రదర్శన శాల ఆధునీకరణ, విశాఖ ఎర్రమట్టి దిబ్బలు, బౌద్దక్షేత్రాలను ఆకర్షణీయంగా తీర్చిదిద్ది పర్యాటకుల్ని ఆకర్షించేలా చూడాలని సూచించారు. విశాఖ ఎకనామిక్ రీజియన్ పై 9 జిల్లాల కలెక్టర్లు, ప్రజాప్రతినిధులు, వివిధ శాఖల ఉన్నతాధికారులతో నేడు నిర్వహించిన ఈ సమీక్ష సమావేశంలో కేంద్ర మంత్రి శ్రీ కే.రామ్మోహన్ నాయుడు, రాష్ట్ర మంత్రులు శ్రీ కే. అచ్చెన్నాయుడు, శ్రీ డోలా బాలవీరాంజనేయ స్వామి, వీఈఆర్ కన్వీనర్, పరిశ్రమల శాఖ కార్యదర్శి శ్రీ యువరాజ్, రవాణా శాఖ ప్రత్యేక ప్రధాన కార్యదర్శి శ్రీ ఎం.టీ కృష్ణబాబు, వైద్యారోగ్య శాఖ ముఖ్యకార్యదర్శి శ్రీ సౌరబ్ గౌర్, ఆర్ధిక శాఖ ముఖ్యకార్యదర్శి శ్రీ పీయూష్ కుమార్, ఐటీ శాఖ కార్యదర్శి శ్రీ కాటమనేని భాస్కర్, విశాఖ జిల్లా కలెక్టర్ శ్రీ అభిషిక్త్ కిషోర్ కూడా పాల్గొన్నారు.

విశాఖపట్నంలో నేడు ఏర్పాటు చేసిన సీ ఫుడ్స్ ఎగుమతులపై జాతీయ స్థాయి వర్క్ షాప్ ను గౌరవ ముఖ్యమంత్రి శ్రీ నారా చంద్రబాబునాయుడ...
05/06/2026

విశాఖపట్నంలో నేడు ఏర్పాటు చేసిన సీ ఫుడ్స్ ఎగుమతులపై జాతీయ స్థాయి వర్క్ షాప్ ను గౌరవ ముఖ్యమంత్రి శ్రీ నారా చంద్రబాబునాయుడు ప్రారంభించారు. ఈ వర్క్ షాప్ లో కేంద్ర మంత్రులు శ్రీ పీయూష్ గోయల్, శ్రీ రాజీవ్ రంజన్ సింగ్, శ్రీ కే.రామ్మోహన్నాయుడు, శ్రీ చిరాగ్ పాశ్వాన్, రాష్ట్ర మంత్రులు శ్రీ కే.అచ్చెన్నాయుడు, శ్రీ డోలా బాల వీరాంజనేయ స్వామి, ఎంపీ శ్రీ బీదా మస్తాన్ రావు తదితరులు పాల్గొన్నారు. సీ ఫుడ్ ఎక్స్ పోర్టు అసోసియేషన్లు, స్టార్టప్ లు, మెరైన్, ఆక్వా కల్చర్ రంగ నిపుణులు కూడా కార్యక్రమంలో పాల్గొన్నారు.

05/06/2026

ప్రపంచ పర్యావరణ దినోత్సవం సందర్భంగా గౌరవ ముఖ్యమంత్రి శ్రీ నారా చంద్రబాబు నాయుడు నేడు విశాఖపట్నంలోని ఆంధ్రా యూనివర్శిటీ గ్రౌండ్ లో మొక్కను నాటారు. మీడియా సమావేశం నిర్వహించిన తర్వాత యూనివర్శిటీ గ్రౌండ్ నుంచి బీచ్ రోడ్డులోని నోవోటెల్ హోటల్ వరకు ఐదున్నర కిలో మీటర్ల మేర సైకిల్ తొక్కారు. దారి పొడవునా ప్రజలకు అభివాదం చేశారు. సైకిలింగ్ అనేది జీవన విధానంలో భాగమవ్వాలని ఈ సందర్భంగా సీఎం సూచించారు.

గౌరవ ముఖ్యమంత్రి శ్రీ నారా చంద్రబాబు నాయుడు అధ్యక్షతన నేడు రాష్ట్ర కేబినెట్ సమావేశం జరిగింది.
04/06/2026

గౌరవ ముఖ్యమంత్రి శ్రీ నారా చంద్రబాబు నాయుడు అధ్యక్షతన నేడు రాష్ట్ర కేబినెట్ సమావేశం జరిగింది.

ఓఎన్‌జీసీ చైర్మన్ శ్రీ అరుణ్ కుమార్ సింగ్ గౌరవ ముఖ్యమంత్రి శ్రీ నారా చంద్రబాబు నాయుడుతో నేడు రాష్ట్ర సచివాలయంలో మర్యాదపూ...
03/06/2026

ఓఎన్‌జీసీ చైర్మన్ శ్రీ అరుణ్ కుమార్ సింగ్ గౌరవ ముఖ్యమంత్రి శ్రీ నారా చంద్రబాబు నాయుడుతో నేడు రాష్ట్ర సచివాలయంలో మర్యాదపూర్వకంగా భేటీ అయ్యారు. ఆంధ్రప్రదేశ్‌లోని కృష్ణా- గోదావరి డెల్టా బేసిన్‌లో సహజవాయువు, చమురు అన్వేషణ, వెలికితీత పనుల పురోగతి సహా వివిధ అంశాలపై ఇరువురి మధ్య చర్చ జరిగింది. రాష్ట్రంలో ఓఎన్‌జీసీ చేపడుతున్న ప్రాజెక్టులు, భవిష్యత్ కార్యకలాపాలపై సీఎం కు వివరించారు. ఈ సమావేశానికి రాష్ట్ర పెట్టుబడులు మౌలిక సదుపాయాల కల్పన శాఖ మంత్రి శ్రీ బీసీ జనార్ధన్ రెడ్డి, ఆ శాఖ ప్రత్యేక ప్రధాన కార్యదర్శి శ్రీ ఎం.టి.కృష్ణబాబు, ఓఎన్‌జీసీ అధికారుల బృందం సభ్యులు కూడా హాజరయ్యారు.

యోగాంధ్ర 2026 నిర్వహణ పై మీడియా సమావేశం అనంతరం యోగాంధ్ర పాటను గౌరవ ముఖ్యమంత్రి శ్రీ నారా చంద్రబాబునాయుడు నేడు సచివాలయంలో...
03/06/2026

యోగాంధ్ర 2026 నిర్వహణ పై మీడియా సమావేశం అనంతరం యోగాంధ్ర పాటను గౌరవ ముఖ్యమంత్రి శ్రీ నారా చంద్రబాబునాయుడు నేడు సచివాలయంలో ఆవిష్కరించారు. వైద్య ఆరోగ్య శాఖ మంత్రి శ్రీ సత్యకుమార్ యాదవ్, యోగా-నేచురోపతి సలహాదారు డాక్టర్ మంతెన సత్యనారాయణ రాజు, సంబంధిత అధికారులు కార్యక్రమంలో పాల్గొన్నారు.

గుంటూరులో లలితా పీవీఎస్ ఆసుపత్రిని గౌరవ ముఖ్యమంత్రి శ్రీ నారా చంద్రబాబు నాయుడు నేడు ప్రారంభించారు. అనంతరం కార్యక్రమాన్ని...
03/06/2026

గుంటూరులో లలితా పీవీఎస్ ఆసుపత్రిని గౌరవ ముఖ్యమంత్రి శ్రీ నారా చంద్రబాబు నాయుడు నేడు ప్రారంభించారు. అనంతరం కార్యక్రమాన్ని ఉద్దేశించి ప్రసంగించారు.

సుదీర్ఘకాలంగా పెండింగులో ఉన్న ఇళ్లు, ఇళ్ల స్థలాల క్రమబద్దీకరణకు గౌరవ ముఖ్యమంత్రి శ్రీ నారా చంద్రబాబు నాయుడు గ్రీన్ సిగ్న...
02/06/2026

సుదీర్ఘకాలంగా పెండింగులో ఉన్న ఇళ్లు, ఇళ్ల స్థలాల క్రమబద్దీకరణకు గౌరవ ముఖ్యమంత్రి శ్రీ నారా చంద్రబాబు నాయుడు గ్రీన్ సిగ్నల్ ఇచ్చారు. జిల్లా స్థాయిలో ఎంత వరకు చేయగలరో చేయాలని, జిల్లా స్థాయిలో క్రమబద్దీకరణ కుదరని పక్షంలో క్యాబినెట్ కు తీసుకు రావాలని ఆదేశించారు. ఈ మేరకు జిల్లా కలెక్టర్ల నుంచి సమాచారాన్ని తీసుకోవాలని సూచించారు. ఆర్టీజీ సెంటర్ నుంచి వివిధ శాఖల పనితీరుపై సీఎం నేడు సమీక్షించారు. ఈ సమీక్షలో మంత్రి శ్రీ కే పార్థసారధి, సీఎస్ శ్రీ సాయి ప్రసాద్, వివిధ శాఖల ఉన్నతాధికారులు పాల్గొన్నారు.

02/06/2026

లాటరైట్ గనుల వర్గీకరణలో జరిగిన మార్పులపై కేంద్ర గనుల శాఖా మంత్రి శ్రీ జీ.కిషన్ రెడ్డికి గౌరవ ముఖ్యమంత్రి శ్రీ నారా చంద్రబాబు నాయుడు నేడు లేఖ రాశారు. లాటరైట్‌లో అల్యూమినియం శాతం 20% లేదా అంతకంటే ఎక్కువ ఉంటే, దాన్ని ఉప ఖనిజంగా కాకుండా బాక్సైట్ గా పరిగణించాలంటూ ఇటీవల కేంద్రం ఉత్తర్వులు జారీ చేసింది. దీనివల్ల ఏపీ ఇబ్బందులు ఎదుర్కొంటున్నది. కేంద్రం నిర్ణయం వల్ల ఏపీలో గనుల లీజుల ప్రక్రియ స్తంభించిపోయింది. కొత్త నిబంధనలతో గతంలో మైనర్ మినరల్ కింద ప్రాసెస్ చేసిన 402 గనుల లీజు దరఖాస్తులను రాష్ట్ర ప్రభుత్వం తాత్కాలికంగా హోల్డ్‌లో పెట్టింది. పాత నిబంధనల మేరకు అప్లికేషన్ ఫీజులు, భూముల కొనుగోళ్లు, అటవీ అనుమతుల కోసం వందలాది మంది దరఖాస్తుదారులు కోట్లాది రూపాయలు ఖర్చు చేశారని లేఖలో సీఎం ప్రస్తావించారు. గతంలో మైకా, క్వార్ట్జ్, ఫెల్డ్‌స్పార్, బారైట్స్ ఖనిజాలను మైనర్ నుంచి మేజర్ ఖనిజాలుగా మార్చినప్పుడు కేంద్రం సేవింగ్ క్లాజ్ ఇచ్చిందని లేఖలో సీఎం గుర్తు చేశారు. ఇప్పుడు అదే తరహాలో లాటరైట్ ఖనిజానికి కూడా సేవింగ్ క్లాజ్ ఇచ్చి, పెండింగ్‌లో ఉన్న 402 దరఖాస్తులను పాత రూల్స్ కిందనే ప్రాసెస్ చేసి 2 ఏళ్లు వెసులుబాటు ఇవ్వాలని లేఖలో కోరారు. సేవింగ్ క్లాజ్ అమలు చేస్తే సిమెంట్, ఐరన్ ఓర్, రోడ్డు నిర్మాణ పరిశ్రమలకు ముడిసరుకు కొరత లేకుండా ఉపాధి నిలబడుతుందని లేఖలో స్పష్టం చేశారు.

Address

Tadepalli

Website

Alerts

Be the first to know and let us send you an email when Andhra Pradesh CM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category