Dr. Omprakash Shete

20/08/2026

देवेंद्रजींची जलयुक्त ते जलसंजीवनी… जलदूतच

जायकवाडी प्रकल्प टप्पा-२ ला मंजुरी!
देवेंद्रजी फडणवीस यांची २०१४-२०१९ पर्यंत दोन महत्वकांक्षी प्रकल्प होते
१) मुख्यमंत्री वैद्यकीय सहाय्यता कक्ष
२) जलयुक्त शिवार अभियान
पहील्या योजनेतून लाखो लोकांना मोफत उपचार देऊन सामान्य लोकांना जीवदान देण्यात त्यांना यश आले… लाखो लोकांच्या आशिर्वादाची संपत्ती त्यांच्या पाठीशी आहे…
२) जलयुक्त शिवार अभियान राबवून भूगर्भातील पाणी पातळीत प्रचंड वाढ करत लाखो शेतकरी समृद्ध करण्याची लिलया त्यांनी करूनच दाखविली…
दि १८.०८.२६ रोजी घेतलेल्या कॅबिनेट बैठकीत मराठवाड्यातील महत्त्वाच्या सिंचन प्रकल्पाना ६४७७ कोटी रूपयाचा निधी उपलब्ध केला. ह्या महत्वपूर्ण निर्णयामुळे मराठवाडयातील ५ जिल्ह्यांमध्ये १३१६५२ हेक्टर क्षेत्र सिंचन होणार आहे..
मराठवाड्यातील ५ जिल्ह्यांतील १,३१,६५२ हेक्टर क्षेत्राला सिंचनाचा लाभ

छत्रपती संभाजीनगर, अहिल्यानगर, बीड, परभणी आणि नांदेड जिल्ह्यांतील शेतकऱ्यांना मोठा दिलासा

₹६,४७७.८८ कोटींच्या पाचव्या सुधारित प्रशासकीय मान्यतेला मंजुरी

मंत्रिमंडळ बैठकीत जायकवाडी प्रकल्प टप्पा-२ साठी ₹६,४७७.८८ कोटींच्या पाचव्या सुधारित प्रशासकीय मान्यतेला मंजुरी देण्यात आली. या निर्णयामुळे गोदावरी खोऱ्यातील सिंदफणा नदीवरील माजलगाव धरणाच्या कामाला गती मिळणार आहे.

प्रकल्पात काय समाविष्ट?

* ४५४ द.ल.घ.मी. साठवण क्षमतेचे माजलगाव धरण
* माजलगाव (लोणी सावंगी) उपसा योजना
* साळींबा ठिबक उपसा सिंचन योजना
* शिरस मार्ग निम्नपातळी बंधारा
* रोशनपुरी उच्चपातळी बंधारा
* १४८ किमी लांबीचा माजलगाव उजवा कालवा
* गल्हाटी, धोंड, उकडगांव, मुरंबी, पेंडू व सुभाषनगर हे ६ मार्गस्थ जलाशय
* माजलगाव मासोळी प्रकल्पाची उंची वाढविण्याचे काम

१,३१,६५२ हेक्टर क्षेत्राला सिंचनाचा लाभ

पैठण उजवा कालवा

* छत्रपती संभाजीनगर – १,७३२ हेक्टर
* अहिल्यानगर – १,६९० हेक्टर
* बीड – ३८,२६० हेक्टर

एकूण – ४१,६८२ हेक्टर

माजलगाव उजवा कालवा

* बीड – २९,१०५ हेक्टर
* परभणी – ४४,४०८ हेक्टर
* नांदेड – ११,३३७ हेक्टर

एकूण – ८४,८५० हेक्टर

साळींबा ठिबक उपसा सिंचन योजना

* बीड – ५,१२० हेक्टर

एकूण सिंचन लाभ

१,३१,६५२ हेक्टर

कामांसाठी निधी

* पैठण उजवा कालवा – ₹८६०.२३ कोटी
* माजलगाव धरण (उर्वरित कामे) – ₹१,२२३.४५ कोटी
* माजलगाव उजवा कालवा – ₹४,३९४.२० कोटी

मराठवाड्याच्या शेतीला नवी जीवनदायी दिशा!

सिंचनाचा विस्तार • शेतकऱ्यांना दिलासा • शेतीच्या समृद्धीला बळ

Devendra Fadnavis
CMOMaharashtra

15/08/2026

उद्याच्या उज्ज्वल भारताची नांदी... विद्यार्थ्यांचा उत्साह..! 🇮🇳

स्वातंत्र्य दिनाच्या मंगलक्षणी आज सकाळी खोलेश्वर विद्यालय, दिंद्रुड येथे ध्वजारोहण करण्याचा बहुमान मिळाला. यावेळी श्री. विलास पारेकर, शिक्षकवृंद आणि विद्यार्थ्यांच्या उपस्थितीत तिरंग्याला मानवंदना दिली.
शालेय विद्यार्थ्यांच्या डोळ्यांतील हाच देशप्रेमाचा आणि ऊर्जेचा भाव उद्याचा बलशाली भारत घडवणार आहे, याचा सार्थ अभिमान वाटतो.

सर्वांना स्वातंत्र्य दिनाच्या मनःपूर्वक शुभेच्छा!

जय हिंद..! जय भारत..! 🇮🇳

— डॉ. ओमप्रकाश शेटे

📍 खोलेश्वर विद्यालय, दिंद्रुड
🗓️ १५ ऑगस्ट २०२६

14/08/2026

एक मृत्यू - अनेक जन्म..!
🔸अवयवदानातून उभारूया मानवतेची नवी चळवळ.

आज मुंबईतील यशवंतराव चव्हाण सेंटर येथे 'अवयवदान व कॉर्पस फंड' या अत्यंत संवेदनशील आणि महत्त्वपूर्ण विषयावर सखोल मंथन झाले. राज्याचे मुख्यमंत्री सन्माननीय देवेंद्रजी फडणवीस साहेब यांच्या दूरदृष्टी आणि खंबीर नेतृत्वाखाली, महाराष्ट्रातील अवयवदान चळवळ आता खऱ्या अर्थाने एक परिपूर्ण आणि व्यापक रूप घेत आहे. त्यांच्याच प्रेरणेने राज्यातील सार्वजनिक आरोग्य व्यवस्था आज केवळ उपचारांपुरती मर्यादित न राहता, 'तुम्ही एकटे नाही, शासन तुमच्या पाठीशी भक्कम उभे आहे' हा आश्वासक आधार तळागाळातील रुग्णांना देत आहे.

या संवाद कार्यशाळेत मी प्रामुख्याने खालील मुद्द्यांवर लक्ष केंद्रित केले:

▪️दुर्धर आजारांसाठी आशेचा किरण: ५ लाख रुपयांहून अधिक खर्च असलेल्या गंभीर आजारांवर आणि अवयव प्रत्यारोपणासाठी सार्वजनिक आरोग्य विभागाने 'कॉर्पस फंड'च्या माध्यमातून जे आर्थिक पाठबळ देण्याचे ठरवले आहे, तो एक ऐतिहासिक आणि दिलासादायक निर्णय आहे.
▪️संस्थात्मक बळकटीकरण: ROTTO आणि SOTTO चे कार्य अधिक गतिमान करत, HUB आणि SCOPE मॉडेल्सच्या माध्यमातून आपल्याला अवयवदानाची ही चळवळ गावपातळीपर्यंत पोहोचवायची आहे.

या महत्त्वपूर्ण कार्यशाळेस राज्याचे आरोग्यमंत्री मा. श्री. प्रकाशजी आबिटकर यांच्यासह, राज्य आरोग्य हमी सोसायटीचे मुख्य कार्यकारी अधिकारी श्री. अण्णासाहेब चव्हाण, आरोग्य सेवा सचिव श्री. ई. रवींद्रन, आरोग्य सेवा आयुक्त श्री. संजय काटकर, शहरी आरोग्य सेवा आयुक्त डॉ. सुनील भोकरे, डॉ. शिनगारे, ROTTO चे डॉ. पटवर्धन आणि आरोग्य विभागातील सर्व वरिष्ठ अधिकारी, तज्ज्ञ व रुग्णालय प्रशासन उपस्थित होते.

चला, सामाजिक जाणिवेची ज्योत तेवत ठेवूया...
मृत्यूनंतरही कोणाच्या तरी आयुष्यात प्रकाश बनून राहूया!

— डॉ. ओमप्रकाश सदाशिवराव शेटे
(अध्यक्ष, आयुषमान भारत मिशन महाराष्ट्र समिती, महाराष्ट्र राज्य)

🗓️ १३ ऑगस्ट २०२६, गुरुवार
📍 यशवंतराव चव्हाण सेंटर, नरिमन पॉईंट, मुंबई

13/08/2026

11/08/2026

|| ॐ श्री सिद्धिविनायकाय नमः ||
कर्मयोग हाचि धर्म, जनसेवेची लाभो आस।
सिद्धिविनायकाच्या चरणी, हाचि माझा ध्यास॥