26/10/2025
दिनै टंला बियाब दुलाराय बाथौ गौथुमनि, खुंगा 14थि माइनाव सावराय जथुम आरो खुंगा 10थि लाइमोन सावराय जथुमाया हाहिनि बटाबारि आरो बागपारा गिमिनि बानजायनायाव हाहिनि बटाबारि गामि बाथौ थानसालिनि फोथाराव जोबोद मेहेरनाङै खुंफुंजायो। बे गेवलां सावराय जथुमखौ दैदेनो लाइमोन आफादनि आफादगिरि दिलिप बर' बिथाङा, हाबाफारिखौ बेखेवना होयो 34नं खालिंदुवार समष्टिनि MCLA मानगोनां अर्जुन दैमारि बिथाङा । बुंथिगिरि आलासि महरै बाहागो लायो ड० बिबुंसार स्वरगियारि लोगो बिबुंगोरा,खैराबारि कलेज बिथाङा " हालुरारि मुगाजों बाथौआरि लाइमोनफोरा माबोरै थांना थानो" आयदानि सायाव जोबोद ओंथि बह्रा बिबुंथि लाखिलाङो आरो दुलाराय बाथौ गौथुमनि माइनाव आफादनि गाहाइ नेहाथारि मुस्रिमा सांग्रिलि बर' बिथाङाबो बुंथिगिरि आलासि महरै बाहागो लानानै " हालुरारि मुगाजों गोरोबफाना बाथौआरि माइनावफोरनि गेरेमसा नखर दानाय आरो गोग्गो लाइमोन सोरजि " आयदाजों सोमोन्दो लानानै जोबोत मेहेरनां बोसोन बिबुंथि लाखिलाङो। दिनैनि हाबाफारियाव बाहागो लानानै हाबाफारिखौ जाफुंसार खालामनायनि टंला बियाब दुलाराय बाथौ गौथुमनि माइनाव आफाद आरो लाइमोन आफादनिफ्राय जोबोद जोबोद साबायखर बाउहरनाय थाबाय 🙏 |
