03/09/2026
सनितपुर जिल्ला दुलाराय बर' फरायसा आफाद।
गाहाइ मावख': माइनावस्रि
खालार: 03 सेप्तेम्बर, 2026
सनितपुर जिल्ला दुलाराय बर' फरायसा आफादनि बान्जायनायाव बेलस्रि दख'रा एबसुनि सिङाव थानाय आबै फुर्निमा बर' गेजेर आरो गोजौ फरायसालिनि गेवलां गेलेग्रा फोथाराव साननैनि मेहेरगोनां हाबाफारिजों 13 बोसोर बैसो सिंनि हौवासा आरो 15 बोसोर बैसो सिंनि हिन्जावसा जोलुर बादायलायनाय हाबाफारिखौ खुंफुंनाय जायो।
बे हाबाफारिआव फुंबिलिनि आर'ज खननायजों लोगोसे आफादनि गोथार फिरफिलाखौ सनितपुर जिल्ला एबसुनि आफादगिरि मानगोनां एनस मोसाहारिनि बिरहोनाय, बड'फानि सावगारियाव मिरु एबसुनि बुंथिगिरि मानगोनां अबिद नार्जारिनि बिबार बाउजेननाय आरो मुंख्लंनिसिम आबै फुर्निमा बर' गोजौ फरायसालिनि गाहाइ फोरोंगिरि मानगोनां राजिब दैमारिनि बिबार बाउजेननाय हाबाफारिफोरजों गिबि हाबाफारिखौ मावफुंनाय जायो। नैथियाव गेवलां गेलेग्रा फोथार बेखेवगिरि आलासि महरै आबै फुर्निमा बर' गेजेर फरायसालिनि गाहाइ फोरोंगिरि मानगोनां नबिन गयारि बिथाङा बेखेवनानै होनो हायो।
दिनैनि मेहेर गोनां हाबाफारिआव गेलेनाय बेखेवगिरि आलासि महरै मिरु एबसुनि नेहाथारि मानगोनां बिरदाव बर' बिथाङा बाहागो लानानै गेलेनाय आरो दुलाराय बर' फरायसा आफादनि नोजोर आरो थांखिखौ बिथा खालामनानै गुवारै बिबुंथि लाखिनायजों जोलुर जोजेननायजों जोलुर गेलेनाय बादायलायनायखौ बेखेवनानै होनो हायो। लोगोसे गोबां समाज सिबियारि मेलेमजिबि बिथांमोनाबो बाहागो लानो हादोंमोन।
बे जोलुर बादायलायनाय हाबाफारियव मोनबा दख'रा आफादफोरा हौवासा आरो हिन्जावसा गेलेगिरिफोरखौ लानानै बाहागो लादोंमोन।
