District Agriculture Office, Sonitpur,Tezpur

24/07/2026

📌নতুন শিক্ষানীতি (NEP 2020) ৰ আধাৰত আৰু বিশ্ববিদ্যালয় অনুদান আয়োগ (UGC) ৰ নিৰ্দেশমৰ্মে, গুৱাহাটী বিশ্ববিদ্যালয়ৰ ৪ বছৰীয়া স্নাতক পাঠ্যক্ৰমৰ শিক্ষাৰ্থীসকলৰ বাবে শোণিতপুৰ জিলা কৃষি বিভাগে আয়োজন কৰা ১৫ দিনীয়া ব্যৱহাৰিক প্ৰশিক্ষণ আৰু দক্ষতা বিকাশ ইণ্টাৰ্ণশ্বিপ কাৰ্যসূচীৰ আজি সফল সামৰণি পৰে। এই উপলক্ষে তেজপুৰ মাজগাঁৱস্থিত প্ৰশিক্ষণ কেন্দ্ৰৰ প্ৰেক্ষাগৃহত এক বিশেষ সামৰণি অনুষ্ঠানৰ আয়োজন কৰা হয় ।
📌মহকুমা কৃষি বিষয়া (সদৰ) ড০ জাকিৰ হুছেইন ডাঙৰীয়াৰ সঞ্চালনাত অনুষ্ঠিত এই অনুষ্ঠানত ১৫ দিনীয়া কাৰ্যসূচীত উৎকৃষ্ট প্ৰদৰ্শন কৰা প্ৰতিগৰাকী শিক্ষাৰ্থীক বিভাগৰ তৰফৰ পৰা মানপত্ৰ প্ৰদান কৰা হয়।এই বিশেষ ইণ্টাৰ্ণশ্বিপ কাৰ্যসূচীত জিলাখনৰ দুখন অগ্ৰণী শিক্ষানুষ্ঠান— দৰং মহাবিদ্যালয় আৰু লোকপ্ৰিয় গোপীনাথ বৰদলৈ ছোৱালী মহাবিদ্যালয়ৰ প্ৰায় ১৫ গৰাকী শিক্ষাৰ্থীয়ে অংশগ্ৰহণ কৰে। ১৫ দিনীয়া এই সময়ছোৱাত ছাত্ৰ-ছাত্ৰীসকলক কেৱল শ্ৰেণীকোঠাৰ শিক্ষাৰ মাজতে আৱদ্ধ নাৰাখি কৃষি খণ্ডৰ বিভিন্ন গুৰুত্বপূৰ্ণ বিষয় যেনে— উদ্যান শস্য, ফুলৰ খেতি, কাঠফুলা খেতি, কেঁচুসাৰ উৎপাদন, কাষ্টম হায়াৰিং চেণ্টাৰ (CHC) প্ৰদৰ্শন আৰু কৃষক উৎপাদক কোম্পানী (FPC) আদিৰ ওপৰত বিস্তৃত ব্যৱহাৰিক জ্ঞান প্ৰদান কৰা হয়। ইয়াৰ লগতে কৃষি বিভাগৰ দ্বাৰা বৰ্তমান ৰূপায়িত হৈ থকা বিভিন্ন চৰকাৰী আঁচনি আৰু ইয়াৰ কাৰ্যকৰী দিশসমূহৰ বিষয়েও শিক্ষাৰ্থীসকলক বিতংভাৱে অৱগত কৰা হয় ।
📌উক্ত অনুষ্ঠানত মহকুমা কৃষি বিষয়া শ্ৰী ইন্দু প্ৰাঞ্জল বৰা, কৃষি উন্নয়ন বিষয়া শ্ৰী সোণামনি তুৰি, শ্ৰী পল্লৱী কলিতা আৰু জিলা মিডিয়া বিশেষজ্ঞ শ্ৰী বিতোপন শইকীয়া উপস্থিত থাকি শিক্ষাৰ্থীসকলক ভৱিষ্যতৰ বাবে পথ-প্ৰদৰ্শন কৰাৰ লগতে উৎসাহিত কৰে। এই ব্যৱহাৰিক প্ৰশিক্ষণে ছাত্ৰ-ছাত্ৰীসকলক ভৱিষ্যতে একোগৰাকী সফল কৃষি-উদ্যোগী হোৱাৰ দিশত আৰু নতুন কৰ্মসংস্থাপনৰ সুযোগ সৃষ্টি কৰাত বিশেষভাৱে সহায় কৰিব বুলি জিলা কৃষি বিভাগে দৃঢ় আশাপ্ৰকাশ কৰিছে।


Himanta Biswa Sarma CMO Assam Pijush Hazarika Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ

22/07/2026

🌾শোণিতপুৰ জিলা কৃষি কাৰ্যালয়ৰ উদ্যোগত আৰু এচ বি আই জেনেৰেল ইঞ্চুৰেঞ্চ কোম্পানীৰ সহযোগত প্ৰধানমন্ত্ৰী ফচল বীমা যোজনাৰ অধীনত "ফচল বীমা মাহ ২০২৬" ৰ সফল ৰূপায়ন তথা বহুল প্ৰচাৰ-প্ৰসাৰৰ উদ্দেশ্যে আজি দুখনকৈ মাইকিং ভানৰ ফ্লেগ অফ কৰা হয় ।

📌 মহকুমা কৃষি বিষয়া (সদৰ) ড০ জাকিৰ হুছেইন, জিলা কৃষি তথ্য বিষয়া তথা আঁচনিখনৰ নডেল বিষয়া শ্ৰী অঞ্জন বৰুৱা, মহকুমা কৃষি বিষয়া শ্ৰী অঞ্জুমণি ভাগৱতী, অজিত পাঠক, ময়ুৰজ্যোতি বৰুৱা আৰু বিভাগীয় অন্যান্য বিষয়া-কৰ্মচাৰীসকলৰ উপস্থিতিত ফিটা কাটি এই কাৰ্যসূচীৰ শুভাৰম্ভণী কৰিলে জিলা কৃষি বিষয়া শ্ৰী প্ৰদীপ তালুকদাৰে ।

🌴বৰ্তমান জিলাখনত চলি থকা খাৰিফ বতৰৰ মুখ্য শস্য দুটাৰ বীমা কৰাৰ অন্তিম সময়সীমা হৈছে—
🔹 শালি ধান: ৩১ জুলাই ২০২৬
🔹 মাটিমাহ: ১৫ ছেপ্টেম্বৰ ২০২৬

আহক, আমি সকলোৱে এই আঁচনিৰ লাভ উঠাই নিজৰ ফচল সুৰক্ষিত কৰোঁ । সবিশেষ তথ্যৰ বাবে সংশ্লিষ্ট কৃষি উন্নয়ন বিষয়া, কৃষি সম্প্ৰসাৰণ সহায়ক, কৃষি সখী, CSC কেন্দ্ৰ আৰু এচ বি আই জেনেৰেল ইঞ্চুৰেঞ্চ কোম্পানীৰ বিষয়ববীয়াসকলৰ সৈতে যোগাযোগ কৰক ।

Himanta Biswa Sarma CMO Assam Pijush Hazarika Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ

19/07/2026

🌾শোণিতপুৰ জিলাৰ কৃষি খণ্ডৰ সৰ্বাংগীণ উন্নয়ন আৰু প্ৰতিগৰাকী প্ৰকৃত খেতিয়কৰ চৰকাৰী অধিকাৰ সুৰক্ষিত কৰাৰ উদ্দেশ্যৰে শোণিতপুৰ জিলাৰ মাননীয় জিলা আয়ুক্ত শ্ৰী আনন্দ কুমাৰ দাস (ACS) ডাঙৰীয়াৰ পৌৰোহিত্যত বৰচলা সমজিলা আয়ুক্তৰ কাৰ্যালয়ৰ সভাকক্ষত এক গুৰুত্বপূৰ্ণ পৰ্যালোচনা সভা অনুষ্ঠিত হয় ।

📌এই বৈঠকত সমগ্ৰ জিলাখনত চলি থকা কৃষক পঞ্জীয়ন প্ৰক্ৰিয়াৰ সামগ্ৰিক অগ্ৰগতিৰ পুংখানুপুংখ মূল্যায়ন কৰাৰ লগতে ৰাইজৰ চৰকাৰী সেৱাসমূহ কেনেকৈ অধিক স্বচ্ছ আৰু খৰতকীয়া কৰিব পৰা যায়, সেই বিষয়ে বিতংভাৱে আলোচনা কৰা হয় । বৈঠকত 'কৃষক পঞ্জীয়ন'' ( Farmer Registry) ৰ সফল ৰূপায়ণৰ ওপৰত বিশেষ গুৰুত্ব আৰোপ কৰা হয়। জিলা আয়ুক্তগৰাকীয়ে এতিয়ালৈকে সম্পন্ন হোৱা সফল পঞ্জীয়নৰ শতকৰা হাৰ পৰীক্ষা কৰাৰ লগতে প্ৰক্ৰিয়াটোত কৃষকসকলে সন্মুখীন হোৱা কাৰিকৰী আৰু প্ৰামাণ্য নথিপত্ৰ সংক্ৰান্তীয় প্ৰত্যাহ্বানসমূহ আঁতৰাবলৈ নিৰ্দেশ দিয়ে।
📌 উল্লেখ্য যে, কৃষি বিভাগৰ বিভিন্ন সা সুবিধা, প্ৰধানমন্ত্ৰী কিষাণ সন্মান নিধি (PM-KISAN) ৰ দৰে পোনপটীয়া আৰ্থিক সাহায্য লাভ কৰা আৰু চৰকাৰীভাৱে ন্যূনতম সমৰ্থন মূল্যত (MSP) ধান বিক্ৰী কৰাৰ বাবে এই পঞ্জীয়ন বাধ্যতামূলক । গতিকে জিলাখনৰ কোনো এজনো যোগ্য কৃষক যাতে এই ব্যৱস্থাৰ পৰা বাদ পৰি নাযায়, তাক নিশ্চিত কৰিবলৈ তেওঁ কঠোৰ নিৰ্দেশ দিয়ে আৰু গাঁও প্ৰধানসকলক তৃণমূল পৰ্যায়ত সজাগতা বৃদ্ধি কৰিবলৈ আহ্বান জনায় ।

📌কৃষক পঞ্জীয়নৰ অগ্ৰগতি পৰ্যালোচনা কৰাৰ সমান্তৰালভাৱে জিলা আয়ুক্ত শ্ৰী আনন্দ কুমাৰ দাসে বৈঠকত উপস্থিত থকা ঠেলামৰা ৰাজহ চক্ৰৰ লেণ্ড ৰেকৰ্ড এছিষ্টেণ্ট (পূৰ্বৰ লাট মণ্ডল) সকলক মাটি-বাৰীৰ ক্ষেত্ৰভিত্তিক পৰীক্ষণ বা কৃষকৰ ভূমি আধাৰিত তথ্য পৰীক্ষা কৰাৰ নামত কোনো ধৰণৰ অনিয়ম বা সাধাৰণ খেতিয়ক-ৰাইজক অকাৰণত হাৰাশাস্তি কৰা কাৰ্য জিলা প্ৰশাসনে কোনো পৰিস্থিতিতে সহ্য নকৰে বুলি সকীয়াই দিয়ে ।
📌কৃষক পঞ্জীয়ন বা ইউনিক ফাৰ্মাৰ আইডি অবিহনে কৃষকসকলে ভৱিষ্যতে চৰকাৰী বিভাগৰ কোনো ধৰণৰ সা-সুবিধা লাভ কৰিব নোৱাৰিব। পঞ্জীয়নভুক্ত নহ’লে চৰকাৰী ৰাজসাহায্যযুক্ত সাৰ (Fertilizer), উন্নত জাতৰ বীজ, কষি সঁজুলি আৰু কৃষি বিভাগৰ কোনো ধৰণৰ অনুদান বা সাহাৰ্য পোৱাটো অসম্ভৱ হৈ পৰিব। আনকি কিষাণ ক্ৰেডিট কাৰ্ড (KCC) ৰ দৰে গুৰুত্বপূৰ্ণ কৃষি ঋণৰ আবেদনৰ বাবেও এই পঞ্জীয়ন নম্বৰ থকাটো বাধ্যতামূলক কৰা হৈছে। গতিকে জিলাখনৰ প্ৰতিগৰাকী কৃষককে অতি শীঘ্রেই নিজৰ পঞ্জীয়ন প্ৰক্ৰিয়া সম্পূৰ্ণ কৰি তুলিবলৈ আহ্বান জনাইছে জিলা আয়ুক্তগৰাকীয়ে ।

📌এই পৰ্যালোচনা বৈঠকত উপস্থিত থাকে অতিৰিক্ত জিলা আয়ুক্ত (কৃষি) শ্ৰী ত্ৰিদিব ৰয়, ঠেলামৰা ৰাজহ চক্ৰ বিষয়া শ্ৰী হিমাদ্ৰী বৰা, জিলা কৃষি বিষয়া শ্ৰী প্ৰদীপ তালুকদাৰ, মহকুমা কৃষি বিষয়া ড০ জাকিৰ হুছেইন, কৃষি উন্নয়ন বিষয়া ক্ৰমে শ্ৰী দিপাংকৰ দাস, শ্ৰী গৌৰৱ কাশ্যপ, শ্ৰী জাবিৰ আহমেদ, জিলা মিডিয়া বিশেষজ্ঞ শ্ৰী বিতোপন শইকীয়া, ঠেলামৰা ৰাজহ চক্ৰৰ লেণ্ড ৰেকৰ্ড এছিষ্টেণ্ট সকল, আৰু গাঁও প্ৰধানসকল উপস্থিত থাকে।


Himanta Biswa Sarma CMO Assam Pijush Hazarika Biswajit Daimary Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ

16/07/2026

📌শোণিতপুৰ জিলা কৃষি কাৰ্যালয়ৰ উদ্যোগত তেজপুৰ মাজগাওঁস্থিত প্ৰশিক্ষণ কেন্দ্ৰত এক উচ্চস্তৰীয় বিশেষ কাৰিকৰী প্ৰশিক্ষণ কাৰ্যসূচী সফলতাৰে সম্পন্ন হৈ যায়। চলিত মাহৰ ভিতৰতে সমগ্ৰ ৰাজ্যৰ লগতে শোণিতপুৰতো কাৰ্যকৰী হ’বলগীয়া Framework for Fertilizer Sale (FFS) এপ্লিকেচনৰ সফল ব্যৱহাৰ আৰু ইয়াৰ পূৰ্ব প্ৰস্তুতিৰ লক্ষ্যৰে এই প্ৰশিক্ষণ অনুষ্ঠানৰ আয়োজন কৰা হয় ।

📌কৃষি সঞ্চালকালয়ৰ, অসমৰ AgriStack ৰ বিষয়া শ্ৰী দীপক সিঙে মুখ্য প্ৰশিক্ষক হিচাপে উপস্থিত থাকি জিলাখনৰ সমূহ কৃষি উন্নয়ন বিষয়া আৰু কৃষি সম্প্ৰসাৰণ সহায়ক সকলক আধুনিক কাৰিকৰী দিশসমূহৰ ওপৰত সবিস্তাৰে প্ৰশিক্ষণ প্ৰদান কৰে।

▶️এই প্ৰশিক্ষণত মূলতঃ 'Digital Crop Survey'-ত নতুনকৈ সংযোগ কৰা কৃত্ৰিম বুদ্ধিমত্তা বা AI প্ৰযুক্তিৰ ব্যৱহাৰৰ ওপৰত আলোচনা কৰা হয়, যাৰ সহায়ত ফিল্ড পৰ্যায়ত শস্যৰ নিখুঁত তথ্য সংগ্ৰহ কৰাটো সম্ভৱ হ'ব। ইয়াৰ লগতে জিলাখনত সাৰ বিতৰণ ব্যৱস্থা অধিক স্বচ্ছ আৰু মধ্যভোগী মুক্ত কৰাৰ উদ্দেশ্যে Framework for Fertilizer Sale (FFS) এপ্লিকেচনৰ সামগ্ৰিক গাঁথনি তথা বিক্ৰেতা নিয়ন্ত্ৰণ প্ৰণালীৰ ওপৰত প্ৰশিক্ষণ দিয়া হয় । তদুপৰি 'Unified Farmer Register' (UFR)-ৰ জৰিয়তে প্ৰতিগৰাকী প্ৰকৃত কৃষকক একক ডিজিটেল পৰিচয় প্ৰদান কৰি ভূমিৰ তথ্য সংযোগ আৰু চৰকাৰী অনুদান পোনপটীয়া কৰাৰ কাৰিকৰী কৌশলসমূহ বিতংভাৱে বুজাই দিয়া হয় । এই আধুনিক ডিজিটেল ব্যৱস্থাই জিলাখনৰ কৃষক পঞ্জীয়ন আৰু সাৰ বিতৰণ প্ৰক্ৰিয়াক অধিক খৰতকীয়া তথা স্বচ্ছ কৰি তুলিব বুলি আশাবাদী ।
এই প্ৰশিক্ষণ অনুষ্ঠানত উপস্থিত থাকে জিলা কৃষি বিষয়া শ্ৰী প্ৰদীপ তালুকদাৰ, মহকুমা কৃষি বিষয়া (সদৰ)তথা আচঁনিখনৰ নডেল বিষয়া ড০ জাকিৰ হুছেইন আৰু সংশ্লিষ্ট বিষয়ববীয়াসকল ।

16/07/2026

16/07/2026

📌 কেন্দ্ৰীয় চৰকাৰৰ তথা কৃষি বিভাগৰ ডিজিটেলীকৰণ আঁচনিৰ সৈতে সংগতি ৰাখি শোণিতপুৰ জিলা কৃষি বিভাগৰ উদ্যোগত আৰু খুচুৰা তথা পাইকাৰী সাৰ ব্যৱসায়ী সন্থাৰ সহযোগত ঢেকীয়াজুলি খণ্ড উন্নয়ন বিষয়া কাৰ্যালয়ৰ সভাগৃহত ‘সাৰ বিক্ৰীৰ ৰূপৰেখা’ শীৰ্ষক এখন গুৰুত্বপূৰ্ণ সজাগতা সভা সফলতাৰে অনুষ্ঠিত হৈ যায় । সাৰ বিতৰণ ব্যৱস্থাক সম্পূৰ্ণ স্বচ্ছ কৰা, কলা-বজাৰ ৰোধ কৰা আৰু প্ৰকৃত কৃষকৰ হাতলৈ ৰেহাই মূল্যৰ সাৰ সুনিশ্চিত কৰাৰ উদ্দেশ্যে এই বিশেষ কাৰ্যসূচী গ্ৰহণ কৰা হয় । উক্ত সভাত ঢেকীয়াজুলি আঞ্চলিক পঞ্চায়তৰ সভাপতি শ্ৰী হেমন্ত ডেকা, আঞ্চলিক পঞ্চায়তৰ উপ সভানেত্ৰী কল্পনা দেৱী, শোণিতপুৰ জিলা কৃষি বিষয়া শ্ৰী প্ৰদীপ তালুকদাৰ, মহকুমা কৃষি বিষয়া (সদৰ) ড০ জাকিৰ হুছেইন, মহকুমা কৃষি বিষয়া শ্ৰী ইন্দু প্ৰাঞ্জল বৰা, কৃষি উন্নয়ন বিষয়া শ্ৰী ত্ৰিচাংকু কাশ্যপ, সহকাৰী কৃষি পৰিদৰ্শক শ্ৰী বেদান্ত বিকাশ দাস, জিলা মিডিয়া বিশেষজ্ঞ শ্ৰী বিতোপন শইকীয়া আৰু খুচুৰা তথা পাইকাৰী সাৰ ব্যৱসায়ী সন্থাৰ ৰাজ্যিক সম্পাদক শ্ৰী ৰাজেশ শৰ্মা বিশিষ্ট অতিথি হিচাপে উপস্থিত থাকে।

📌উল্লেখ্য যে কৃষক পঞ্জীয়ন কৰা লোক সকলেহে এতিয়াৰ পৰা লাভ কৰিব ৰেহাই মূল্যত ৰাসায়নিক সাৰ, ইতিমধ্যেই নলবাৰী আৰু বঙাইগাঁও জিলাত ৰাজ্যৰ কৃষি বিভাগে পাইলট প্ৰজেক্ট হিচাপে আৰম্ভ কৰিছে এই প্ৰক্ৰিয়া । সমান্তৰালকৈ ৰাজ্যৰ প্ৰতিখন জিলাতেই কাৰ্য্যকৰী হ’ব এই ব্যৱস্থা, এই ব্যৱস্থাৰ অধীনত প্ৰতিগৰাকী কৃষকৰ নামত একোখনকৈ ডিজিটেল পৰিচয় পত্ৰ আৰু এটা সুকীয়া QR Code প্ৰস্তুত কৰা হ'ব। সাৰ ক্ৰয় কৰাৰ সময়ত ব্যৱসায়ীসকলে এই QR Code স্কেন কৰাটো বাধ্যতামূলক কৰা হৈছে। এই আধুনিক ডিজিটেল ট্ৰেকিং ব্যৱস্থাৰ ফলত সাৰৰ অবৈধ মজুতকৰণ, ক’লা বজাৰ আৰু অনা-কৃষকৰ হাতলৈ ৰেহাই মূল্যৰ সাৰ যোৱাৰ সম্ভাৱনা সম্পূৰ্ণৰূপে নাইকিয়া হ'ব বুলি বিভাগীয় বিষয়াসকলে জানিবলৈ দিয়ে ।

📌এই অনলাইন প্ৰক্ৰিয়াত কৃষকৰ আধাৰ কাৰ্ডৰ সৈতে তেওঁলোকৰ কৃষিভূমিৰ তথ্য সংযুক্ত হৈ থাকিব । ইয়াৰ ফলত এজন কৃষকে তেওঁৰ মাটিত কিমান সাৰ প্ৰয়োগ কৰিব লাগে, সেই বিজ্ঞানসন্মত পৰিমাণ অনুসৰিহে সাৰ লাভ কৰাটো নিশ্চিত কৰা হ'ব। সভাত উপস্থিত থকা জিলা কৃষি বিভাগৰ উচ্চপদস্থ বিষয়াবৰ্গ আৰু সাৰ ব্যৱসায়ী সন্থাৰ ৰাজ্যিক সম্পাদকগৰাকীয়ে স্পষ্ট কৰি দিয়ে যে কোনো খুচুৰা বা পাইকাৰী ব্যৱসায়ীয়ে পঞ্জীয়নবিহীন কৃষকক অথবা QR Code পৰীক্ষা নকৰাকৈ সাৰ বিক্ৰী কৰিব নোৱাৰিব। এই নিয়ম উলংঘা কৰা ব্যৱসায়ীৰ বিৰুদ্ধে কঠোৰ আইনী ব্যৱস্থা গ্ৰহণ কৰাৰ লগতে অনুজ্ঞাপত্ৰ (License) বাতিল কৰা হ'ব বুলিও সকীয়াই দিলে কৃষি বিভাগৰ বিষয়ববীয়াসকলে ।

📌উল্লেখ্য যে কেন্দ্ৰীয় চৰকাৰৰ 'AgriStack' আচঁনিৰ অধীনত এই কৃষক পঞ্জীয়ন প্ৰক্ৰিয়া বৰ্তমান সমগ্ৰ ৰাজ্যৰ লগতে জিলাখনত ক্ষিপ্ৰতাৰে চলি আছে । কৃষকসকলে আধাৰ কাৰ্ড, মাটিৰ জমাবন্দি আৰু আধাৰ সংলগ্ন ম’বাইল নম্বৰ সহ এই পঞ্জীয়ন কৰিব পাৰিব। ইয়াৰ উপৰিও ওচৰৰ গ্ৰাহক সেৱা কেন্দ্ৰ (CSC) ৰ জৰিয়তেও এই সুবিধা লাভ কৰিব পাৰিব। জিলা কৃষি বিভাগৰ সহযোগত সংশ্লিষ্ট কৃষি উন্নয়ন বিষয়াসকলৰ তত্বাৱধানত কৃষি সম্প্ৰসাৰণ সহায়ক, গাঁও প্ৰধান, কৃষি সখী আৰু অন্যান্য অপাৰেটৰসকলে গাঁৱে গাঁৱে গৈ বিশেষ শিবিৰৰ জৰিয়তে পঞ্জীয়নৰ কাম কৰি আছে । গতিকে যিসকল কৃষকে এতিয়াও কৃষক পঞ্জীয়ন কৰা নাই তেওঁলোকক অতি সোনকালেই কৃষক পঞ্জীয়ন কৰিবলৈ আহ্বান জনাইছে মহকুমা কৃষি বিষয়া তথা আচঁনিখনৰ নডেল বিষয়া ড০ জাকিৰ হুছেইনে । অনুষ্ঠানত উপস্থিত থাকে খুচুৰা আৰু পাইকাৰী সাৰ ব্যৱসায়ী সন্থাৰ জিলা বিষয়ববীয়াসকলৰ লগতে জিলাখনৰ সকলো খুচুৰা আৰু পাইকাৰী ৰাসায়নিক সাৰ আৰু কীটনাশক ব্যৱসায়ীসকল ।

Himanta Biswa Sarma CMO Assam Pijush Hazarika Biswajit Daimary Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ Directorate of Information and Public Relations, Assam

16/07/2026

📌কৃষক সমাজৰ স্বাৰ্থ সুৰক্ষিত কৰা আৰু জিলাখনৰ কৃষি উৎপাদনশীলতা বৃদ্ধি কৰাৰ লক্ষ্যৰে আজি শোণিতপুৰ জিলাৰ জিলা আয়ুক্তৰ কাৰ্যালয়ৰ সভা কক্ষত জিলা পৰ্যায়ৰ সাৰ সম্পৰ্কীয় স্থায়ী কমিটিৰ (DLSCF) এক গুৰুত্বপূৰ্ণ বৈঠক অনুষ্ঠিত হৈ যায় ।জিলা আয়ুক্ত শ্ৰীযুত আনন্দ কুমাৰ দাসৰ সভাপতিত্বত অনুষ্ঠিত এই বৈঠকত চলিত কৃষি বতৰৰ বাবে জিলাখনত সাৰৰ উপলব্ধতা, মজুত স্থিতি আৰু বিতৰণ ব্যৱস্থাৰ বিতং পৰ্যালোচনা কৰা হয়।

📌 বৈঠকত উপস্থিত থাকে শোণিতপুৰ জিলা পৰিষদৰ মুখ্য কাৰ্যবাহী বিষয়া শ্ৰী জয়ন্ত কুমাৰ বৰা, অতিৰিক্ত জিলা আয়ুক্ত (কৃষি ) শ্ৰী ত্ৰিদীপ ৰয়, উপ-আৰক্ষী অধীক্ষক শ্ৰী দুৰ্গা কিং কৰ শৰ্মা, জিলা কৃষি বিষয়া শ্ৰী প্ৰদীপ তালুকদাৰ, মহকুমা কৃষি বিষয়া তথা আঁচনিৰ নোডেল বিষয়া ড০ জাকিৰ হুছেইন, সহকাৰী কৃষি পৰিদৰ্শক শ্ৰী বেদান্ত বিকাশ দাস, কৃষি বিভাগৰ অন্যান্য বিষয়াসকলৰ লগতে BVFCL ৰ বিষয়া প্ৰতিম দত্ত, IFFCO, Matrix, Hurl, IPL ৰ প্ৰতিনিধি, ABITA ৰ অধ্যক্ষ আৰু সন্মানীয় বিধায়কসকলৰ প্ৰতিনিধিসকল, খুচুৰা আৰু পাইকাৰী সাৰ ব্যৱসায়ী সন্থাৰ জিলা সভাপতি ।

📌বৈঠকত জিলা আয়ুক্ত মহোদয়ে কৃষকসকলকৰ স্স্বাৰ্থত কেইবাটাও গুৰুত্বপূৰ্ণ নিৰ্দেশনাসমূহ প্ৰদান কৰিলে-

▶️সাৰৰ মজুত নিৰীক্ষণ: সংশ্লিষ্ট বিভাগ আৰু এজেন্সীসমূহক সাৰৰ মজুত স্থিতি তীক্ষ্ণভাৱে নিৰীক্ষণ কৰিবলৈ নিৰ্দেশ।

▶️সমভাৱে বিতৰণ: জিলাখনৰ প্ৰতিগৰাকী কৃষকে যাতে প্ৰয়োজন অনুসৰি সাৰ লাভ কৰে, তাৰ বাবে সমভাৱে বিতৰণ নিশ্চিত কৰা ।

▶️ নোডেল কোম্পানী BVFCL ৰ সৈতে যোগাযোগ কৰি অতি শীঘ্ৰেই ডেকাৰগাঁৱৰ ৰেক পইণ্টৰ পৰা জিলাখনৰ অনুজ্ঞাপত্ৰপ্ৰাপ্ত ব্যৱসায়ীসকলক ইউৰিয়া আৰু অন্যান্য সাৰ যোগান ধৰাৰ ব্যৱস্থা গ্রহণ কৰিবলৈ আহ্বান জনালে ।
🌾🌾


Himanta Biswa Sarma CMO Assam Pijush Hazarika Biswajit Daimary Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ Krisna Kamal Tanti

09/07/2026

📌শোণিতপুৰ জিলাৰ কৃষি কাৰ্যালয়ৰ উদ্যোগত আৰু কৃষি প্ৰযুক্তি ব্যৱস্থাপনা সংস্থা (CSS-ATMA) অধীনত ৰঙাপাৰা উন্নয়ন খণ্ডৰ অন্তৰ্গত ফুলগুৰি গাঁও পঞ্চায়তত যোৱা দুদিনীয়াকৈ জিলাভিত্তিক প্ৰশিক্ষণ অনুষ্ঠিত কৰা হয় ।

📌“প্ৰাকৃতিক খেতিৰ নীতি আৰু পৰিসৰ, জীৱামৃতৰ প্ৰস্তুতকৰণ, লাভালাভ আৰু প্ৰয়োগ” ইত্যাদি বিষয়ৰ ওপৰত কৃষকসকলক বিষদভাৱে বাখ্যা আগবঢ়োৱা হয় । প্ৰশিক্ষণত সমল ব্যক্তি হিচাপে উপস্থিত থাকি শোণিতপুৰ কৃষি বিজ্ঞান কেন্দ্ৰৰ কাৰিকৰী বিষয়া শ্ৰী ৰাজীৱ সিঙে প্ৰাকৃতিক খেতিৰ বৈজ্ঞানিক গুৰুত্ব আৰু মাটিৰ স্বাস্থ্য ৰক্ষাৰ বিষয়ে কৃষকসকলক প্ৰশিক্ষণ আগবঢ়াই । আনহাতে ৰঙাপাৰাৰ পশু চিকিৎসা বিষয়া ড° সুপ্ৰতীভ শৰ্মাই প্ৰাকৃতিক কৃষিকাৰ্যত গো-ধনৰ ভূমিকা আৰু ইয়াৰ সঠিক পালনৰ ব্যৱহাৰিক দিশসমূহ পৰ্যালোচনা কৰে।
📌অনুষ্ঠানতে কৃষকসকলক ৰাসায়নিক সাৰৰ মুক্ত ব্যৱহাৰ হ্ৰাস কৰি সম্পূৰ্ণ প্ৰাকৃতিক উপায়েৰে থলুৱা সামগ্ৰীৰে ‘জীৱামৃত’ প্ৰস্তুত কৰা আৰু ইয়াৰ প্ৰয়োগ পদ্ধতিৰ ওপৰত সবিশেষ ব্যৱহাৰিক জ্ঞান প্ৰদান কৰাৰ লগতে প্ৰশিক্ষণত অংশগ্ৰহণ কৰা ৩০ ৰো অধিক কৃষকক প্ৰমাণ পত্ৰ প্ৰদান কৰা হয় ।


Himanta Biswa Sarma CMO Assam Pijush Hazarika Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ

09/07/2026

📌শোণিতপুৰ জিলা কৃষি কাৰ্যালয়ৰ উদ্যোগত আৰু উত্তৰ-পূব আৰু হিমালয় ৰাজ্যৰ বাবে উদ্যান শস্য অভিযান আঁচনিৰ অধীনত আনুষ্ঠানিকভাৱে মধুৰিআমৰ পুলি বিতৰণ কৰা হয় ।
▶️জিলাখনৰ বিহগুৰী, ঠেলামৰা, ভঙামন্দিৰ, মিছামাৰী কৃষি চক্রৰ নিৰ্বাচিত কৃষকসকলক সন্মানীয় বিধায়কৰ প্ৰতিনিধিসকলৰ উপস্থিতত উন্নত জাতৰ মধুৰিআমৰ পুলি বিতৰণ কৰা হয় ।
CMO Assam Pijush Hazarika Department of Agriculture, Assam District Commissioner, Sonitpur
Janasanyog, Sonitpur জনসংযোগ, শোণিতপুৰ

07/07/2026

📌শোণিতপুৰ জিলা কৃষি বিভাগে সৰ্বাধিক কৃষকৰ সুবিধা নিশ্চিত কৰাৰ লক্ষ্যৰে এক জনমুখী কৃষক পঞ্জীয়ন অভিযান ধাৰাবাহিক ভাৱে ৰূপায়ণ কৰি আছে। এই অভিযানৰ জৰিয়তে কৃষি উন্নয়ন বিষয়া, কৃষি পৰিদৰ্শক, সহকাৰী কৃষি পৰিদৰ্শক আৰু কৃষি সম্প্ৰসাৰণ সহায়কসকলে গাঁওভিত্তিকভাৱে বা কৃষকৰ ঘৰে ঘৰে উপস্থিত হৈ আৰু বিভিন্ন গাঁও পঞ্চায়ত সামৰি এতিয়াও পঞ্জীয়ন নকৰা কৃষকসকলক তাৎক্ষণিকভাৱে কৃষক পঞ্জীয়নৰ সুবিধা আগবঢ়াইছে।
📌এই উপলক্ষে মঙলবাৰে জিলাখনৰ আটাইকেইটা কৃষি উন্নয়ন চক্ৰৰ অধীনত আয়োজিত বিশেষ শিবিৰৰ কিছু দৃশ্য।
📌জিলা কৃষি বিষয়া শ্ৰী প্ৰদীপ তালুকদাৰ, মহকুমা কৃষি বিষয়া ড০ জাকিৰ হুছেইন আৰু অন্যান্য বিষয়া কৰ্মচাৰীসকলে জিলাখনৰ বিভিন্ন কৃষি চক্রত চলি থকা কৃষক পঞ্জীয়ন শিবিৰসমূহ পৰিদৰ্শন কৰি কৃষকসকলৰ বিভিন্ন সমস্যাৰ বুজ লয় ।

CMO Assam Pijush Hazarika Department of Agriculture, Assam District Commissioner, Sonitpur Janasanyog, Sonitpur জনসংযোগ, শোণিতপুৰ