15/10/2022
"യുവാക്കള്ക്കുള്ള എന്റെ സന്ദേശം ഇതാണ്.. നിങ്ങള്ക്ക് വ്യത്യസ്തമായി ചിന്തിക്കാനുള്ള ധൈര്യമുണ്ടാകണം, പുതിയവ കണ്ടെത്താനുള്ള ധൈര്യം വേണം, ആരും സഞ്ചരിയ്ക്കാത്ത പാതകളിലൂടെ സഞ്ചരിയ്ക്കാനുള്ള ധൈര്യം വേണം, അസാധ്യമായവ കണ്ടെത്താനുള്ള ധൈര്യം വേണം, പ്രതിബദ്ധങ്ങളെ കീഴടക്കി വിജയത്തിലെത്താനുള്ള ധൈര്യം വേണം."
കലാം ഈ ലോകത്ത് വെറുതേ ജീവിച്ച് പോയ ഒരു മനുഷ്യനായിരുന്നില്ല. ഒരുപാട് അടയാളപ്പെടുത്തലുകള് നടത്തിയ ഒരു ചരിത്ര പുരുഷനായിരുന്നു.
ചിന്തയുടെയും, അറിവിന്റെയും അതിനുമുകളിൽ ആത്മവിശ്വാസത്തിന്റെയും ശക്തിയിൽ വിശ്വസിക്കാൻ അദ്ദേഹം എന്നും ഭാരതത്തിലെ യുവതലമുറയെ പ്രചോദിപ്പിക്കുമായിരുന്നു.
ആളുകൾക്ക് അദ്ദേഹം പ്രിയങ്കരനായത്, ശാസ്ത്രലോകത്തിന് നൽകിയ സംഭാവനകൾ മാത്രം കൊണ്ടല്ല, മറിച്ച്
അദ്ദേഹത്തിന്റെ സമാനതകളില്ലാത്ത വിശാലമായ വ്യക്തിത്വത്തിലൂടെയാണ്..
കലാമിന്റെ ഓർമ്മകൾക്ക് മുന്നിൽ പ്രണാമങ്ങൾ..
