http://zpthane.maharashtra.gov.in/

ZILLA PARISHAD THANE, Thane (2026)

27/08/2026

📢 आरोग्य विभागातील ३० कर्मचाऱ्यांना पदोन्नती

आरोग्य सेवक महिला पदावरून आरोग्य सहाय्यक महिला पदावर पदोन्नती

जिल्हा परिषद, ठाणेच्या आरोग्य विभागातील ३० आरोग्य सेवक महिला कर्मचाऱ्यांना आरोग्य सहाय्यक महिला पदावर पदोन्नती देण्यात आली.

📍 जिल्हा परिषद, ठाणे सभागृह
📅 दि. २७ ऑगस्ट २०२६

जिल्हा परिषदेचे मुख्य कार्यकारी अधिकारी रणजित यादव यांच्या हस्ते पदोन्नती आदेशांचे वितरण करण्यात आले. यावेळी पदोन्नती मिळालेल्या कर्मचाऱ्यांचे समुपदेशन करून नव्या जबाबदाऱ्या व कामकाजाबाबत मार्गदर्शन करण्यात आले.

🩺 ग्रामीण भागातील नागरिकांना प्राथमिक आरोग्य सेवा प्रभावीपणे उपलब्ध करून देण्यात आरोग्य कर्मचाऱ्यांची भूमिका अत्यंत महत्त्वाची आहे. माता व बाल आरोग्य, लसीकरण, कुटुंब कल्याण, विविध आरोग्य योजना तसेच प्रतिबंधात्मक आरोग्य सेवांच्या प्रभावी अंमलबजावणीत त्यांचा मोलाचा सहभाग असतो.

“पदोन्नतीसोबत जबाबदारीही वाढते. ग्रामीण आरोग्य व्यवस्थेचा महत्त्वाचा आधारस्तंभ म्हणून नव्या जबाबदाऱ्या संवेदनशीलतेने व कार्यक्षमतेने पार पाडून नागरिकांना अधिक चांगल्या आरोग्य सेवा द्याव्यात.”
— रणजित यादव, मुख्य कार्यकारी अधिकारी, जिल्हा परिषद, ठाणे

नवीन जबाबदारी, नवी ऊर्जा आणि नागरिकसेवेचा नवा संकल्प!

#आरोग्यविभाग #पदोन्नती #जिल्हापरिषदठाणे #नागरिकसेवा

27/08/2026

ठाणे जिल्हा परिषद आणि विनोबा (Open Links Foundation) यांच्यात महत्त्वपूर्ण सामंजस्य करार (MoU)

ठाणे जिल्ह्यातील विद्यार्थ्यांच्या शैक्षणिक प्रगतीला चालना देण्यासाठी ठाणे जिल्हा परिषद आणि विनोबा (Open Links Foundation) यांच्यात महत्त्वपूर्ण भागीदारी करण्यात आली आहे.

'मिशन भरारी’ च्या माध्यमातून शैक्षणिक गुणवत्ता आणि विद्यार्थ्यांचे शैक्षणिक परिणाम अधिक सक्षम करण्यासाठी विविध उपक्रम राबविण्यात येणार आहेत.

एकत्रित प्रयत्नांतून सक्षम विद्यार्थी, सक्षम ठाणे!

25/08/2026

जिल्हा परिषद शाळेच्या विद्यार्थ्याची शिष्यवृत्ती परीक्षेत उल्लेखनीय भरारी!

उच्च प्राथमिक शिष्यवृत्ती परीक्षा (इयत्ता ७ वी) सन २०२६ मध्ये जिल्हा परिषद शाळा, सोनारपाडा, ता. कल्याण येथील विद्यार्थी कु. सर्वज्ञ संजय होन्याळकर याने ३०० पैकी २६४ गुण मिळवत जिल्हा परिषद शाळांमधून (मराठी माध्यम) प्रथम क्रमांक पटकावला आहे. तसेच शहरी विभागातून (Urban General) त्याने चौथा क्रमांक मिळवला आहे.

सर्वज्ञने मुख्य कार्यकारी अधिकारी, जिल्हा परिषद ठाणे रणजित यादव यांची भेट घेतली. यावेळी मुख्य कार्यकारी अधिकारी यांनी त्याचे अभिनंदन करून भावी वाटचालीसाठी शुभेच्छा व मार्गदर्शन केले. तसेच या उल्लेखनीय यशाबद्दल शिक्षणाधिकारी (प्राथमिक) बाळासाहेब राक्षे यांनी सर्वज्ञचे अभिनंदन व कौतुक केले.

“ज्ञान मिळवण्यासाठी अभ्यास करा, नियमित सराव करा आणि स्पर्धेला सामोरे जा!” हा सर्वज्ञचा संदेश विद्यार्थ्यांसाठी प्रेरणादायी आहे.

IAS अधिकारी होण्याचे स्वप्न उराशी बाळगणाऱ्या सर्वज्ञला भावी वाटचालीसाठी हार्दिक शुभेच्छा!

25/08/2026

📌 जिल्हा परिषद ठाणे : ठराव समितीची बैठक संपन्न

ठाणे, दि. २५ ऑगस्ट २०२६ : जिल्हा परिषदेच्या सभागृहात मुख्य कार्यकारी अधिकारी रणजित यादव यांच्या अध्यक्षतेखाली ठराव समितीची बैठक पार पडली.

या बैठकीत जिल्ह्यातील विविध विकासकामे व सार्वजनिक हिताच्या महत्त्वपूर्ण विषयांवर चर्चा करून आवश्यक ठराव घेण्यात आले.

🔹 शेतक-यांना / बचत गटांना / ग्रामसंघांना विविध सिंचन साहित्याचा पुरवठा करणे

🔹 शेतकरी / शेतमजुर / बचतगट यांना सुधारीत कृषिऔजारांचा पुरवठा करणे

🔹 सन 2026-2027 जिल्हा परिषद सेस योजना 50 % अनुदानावर संकरीत गायीचे / म्हैस वाटप योजना

जिल्ह्यातील विकासकामांना गती देणे, आवश्यक पायाभूत सुविधा निर्माण करणे तसेच स्थानिक स्वराज्य संस्थांच्या माध्यमातून नागरिकांना अधिक प्रभावी सेवा उपलब्ध करून देण्याच्या दृष्टीने विविध विषयांवर बैठकीत चर्चा करण्यात आली.

#ठाणे #जिल्हापरिषद #ठरावसमिती

25/08/2026

ठाणे जिल्ह्यातील सर्व आरोग्य संस्था व वैद्यकीय व्यावसायिकांसाठी महत्त्वाचे आवाहन

ABDM अंतर्गत HFR व HPR नोंदणी करा

डिजिटल आरोग्य व्यवस्थेला बळकटी देण्यासाठी आरोग्य संस्था व वैद्यकीय व्यावसायिकांची राष्ट्रीय स्तरावरील नोंदणी आवश्यक

आयुष्मान भारत डिजिटल मिशन (ABDM) अंतर्गत ठाणे जिल्ह्यातील सर्व आरोग्य संस्था, रुग्णालये, क्लिनिक, प्रयोगशाळा, डायग्नोस्टिक सेंटर, इमेजिंग सेंटर, दंत चिकित्सालय तसेच मान्यताप्राप्त वैद्यकीय पद्धतीने आरोग्य सेवा देणाऱ्या संस्थांनी Health Facility Registry (HFR) मध्ये नोंदणी करावी.

15/08/2026

🇮🇳 ८० वा स्वातंत्र्य दिन उत्साहात साजरा! 🇮🇳

जिल्हा परिषद, ठाणे येथे प्रशासक तथा मुख्य कार्यकारी अधिकारी रणजित यादव यांच्या हस्ते ध्वजारोहण करून ८० वा स्वातंत्र्य दिन उत्साहात साजरा करण्यात आला. 🇮🇳

यावेळी राष्ट्रध्वजाला सलामी, ‘वंदे मातरम्’, राष्ट्रगीत व महाराष्ट्र गीताचे सामूहिक गायन करण्यात आले. तसेच ‘हर घर तिरंगा’ अभियानांतर्गत तिरंगा प्रतिज्ञेसह तंबाखूमुक्ती, मृदा संवर्धन व जलसंधारणाची शपथ घेण्यात आली.

🇮🇳 राष्ट्रप्रेम • सामाजिक बांधिलकी • पर्यावरण संवर्धन
एकजुटीने, जबाबदारीने आणि अभिमानाने राष्ट्रनिर्मितीत योगदान देऊया!

स्वातंत्र्य दिनाच्या हार्दिक शुभेच्छा! 🇮🇳

#स्वातंत्र्यदिन #हरघर तिरंगा जिल्हापरिषदठाणे तिरंगा राष्ट्रप्रेम तंबाखूमुक्तभारत जलसंधारण मृदासंवर्धन India

13/08/2026

कर्मचारी हितासाठी आणखी एक महत्त्वपूर्ण पाऊल!

जिल्हा परिषद, ठाणे आणि Union Bank of India यांच्यात सामंजस्य करार

जिल्हा परिषद, ठाणे येथील अधिकारी व कर्मचाऱ्यांना आरोग्य विमा, अपघात विमा, आयुर्विमा तसेच विविध बँकिंग व आर्थिक सुविधा उपलब्ध करून देण्याच्या उद्देशाने जिल्हा परिषद आणि Union Bank of India यांच्यात १३ ऑगस्ट २०२६ रोजी सामंजस्य करार करण्यात आला.

या उपक्रमातून कर्मचाऱ्यांना त्यांच्या वेतन खात्याच्या माध्यमातून विविध आर्थिक सुविधा मिळण्यासोबतच बचत, गुंतवणूक, विमा आणि आर्थिक नियोजनाबाबत आर्थिक साक्षरता वाढविण्यासाठी जिल्हा परिषद पुढाकार घेणार आहे.

मुख्य कार्यकारी अधिकारी रणजित यादव यांच्या मार्गदर्शनाखाली कर्मचारी हितासाठी विविध कल्याणकारी व आर्थिक उपक्रमांना प्राधान्य देण्यात येत आहे.

#कर्मचारीहित #आर्थिकसाक्षरता #आर्थिकसुरक्षितता #जिल्हापरिषदठाणे

13/08/2026

विकासकामांना गती, योजनांच्या प्रभावी अंमलबजावणीवर भर!

जिल्हा परिषद, ठाणे येथे मुख्य कार्यकारी अधिकारी रणजित यादव यांच्या अध्यक्षतेखाली मासिक समन्वय सभा संपन्न झाली.

बैठकीत घरकुल योजना, घनकचरा व्यवस्थापन, जलजीवन मिशन, अंगणवाडी बांधकाम, निपुण भारत अभियान, आरोग्य सेवा, ‘आपले सरकार सेवा केंद्र’, ग्रामपंचायत कामकाज, सेवानिवृत्तीविषयक लाभ आणि विविध विकासकामांचा सविस्तर आढावा घेण्यात आला.

🔹 प्रलंबित विकासकामे निर्धारित कालमर्यादेत पूर्ण करण्याचे निर्देश
🔹 घरकुल लाभार्थ्यांना वेळेत घराचा लाभ मिळवून देण्यावर भर
🔹 क्लस्टर पद्धतीने घनकचरा व्यवस्थापनाला चालना
🔹 जलजीवन मिशनअंतर्गत पाणीपुरवठा योजनांना गती
🔹 अंगणवाडी बांधकामातील जागेचे प्रश्न तातडीने सोडविण्याच्या सूचना
🔹 नागरिकांच्या शासकीय सेवा अर्जांवर वेळेत कार्यवाही करण्याचे निर्देश
🔹 आरोग्य आपत्कालीन परिस्थितीत तातडीने उपचार उपलब्ध करून देण्यावर भर

“कामकाजासाठी निश्चित केलेल्या कालमर्यादेचे पालन करा; हलगर्जीपणा किंवा दिरंगाई खपवून घेतली जाणार नाही.” — मुख्य कार्यकारी अधिकारी रणजित यादव

वेळेत काम • प्रभावी अंमलबजावणी • नागरिककेंद्रित प्रशासन 🇮🇳

जलजीवनमिशन घरकुल घनकचरा व्यवस्थापन अंगणवाडी निपुणभारत विकासकामे नागरिकसेवा

13/08/2026

आंतरराष्ट्रीय युवा दिनानिमित्त साकेत महाविद्यालय, कल्याण येथे जिल्हास्तरीय ‘रेड रन’ स्पर्धा व जनजागृती रॅली उत्साहात संपन्न.

ठाणे जिल्ह्यातील ६० महाविद्यालयांमधील २२१ विद्यार्थ्यांनी रेड रन स्पर्धेत सहभाग घेतला, तर तब्बल ४५० जणांच्या सहभागातून HIV/AIDS प्रतिबंध, सुरक्षित वर्तन, नियमित HIV तपासणी, उपचाराची उपलब्धता आणि HIV संदर्भातील गैरसमज व भेदभाव दूर करण्याचा संदेश देण्यात आला.

क्रीडा, युवकांचा उत्स्फूर्त सहभाग आणि जनजागृती यांचा संगम साधत आयोजित या उपक्रमातून “अचूक माहिती, सुरक्षित वर्तन आणि संवेदनशील दृष्टिकोन” याचे महत्त्व अधोरेखित करण्यात आले.

जागरूक युवा… निरोगी समाजाची ताकद!
गैरसमज दूर करूया, भेदभावाला नकार देऊया!
HIV/AIDS मुक्त समाजाच्या दिशेने एकत्र धावूया!

HealthAwareness StopStigma NoDiscrimination Thane ZPThane जनजागृती आंतरराष्ट्रीययुवादिन

13/08/2026

आरोग्य सेवांना मिळणार थेट जनसंवादाचे बळ!

गावपातळीपासून राज्यस्तरापर्यंत आरोग्य यंत्रणेला एका व्यासपीठावर आणत सार्वजनिक आरोग्य व कुटुंब कल्याण मंत्री मा. प्रकाश आबिटकर हे आरोग्य समित्यांचे सदस्य, आरोग्य कर्मचारी, लोकप्रतिनिधी व अधिकाऱ्यांशी १५ ऑगस्ट २०२६ रोजी दुपारी १.१५ वाजता थेट ऑनलाइन संवाद साधणार आहेत.

या संवादातून तळागाळातील आरोग्यविषयक समस्या, सूचना, अनुभव आणि स्थानिक गरजा थेट वरिष्ठ स्तरापर्यंत पोहोचणार आहेत. ग्राम आरोग्य, स्वच्छता व पोषण समिती (VHSNC), जन आरोग्य समिती (JAS), रुग्ण कल्याण समिती (RKS) तसेच एकात्मिक आरोग्यवर्धिनी समितीच्या सदस्यांचा सहभाग राहणार आहे.

लोकसहभागातून सक्षम आरोग्य व्यवस्था…
थेट संवादातून प्रभावी आरोग्य सेवा!

📅 १५ ऑगस्ट २०२६
⏰ दुपारी १.१५ वाजता

#आरोग्यसंवाद #जनसंवाद JAS RKS आरोग्यसेवा लोकसहभाग स्वातंत्र्यदिन२०२६ ZPThane

ZILLA PARISHAD THANE

27/08/2026

27/08/2026

25/08/2026

25/08/2026

25/08/2026

15/08/2026

13/08/2026

13/08/2026

13/08/2026

13/08/2026

Address

Website

Alerts

Contact The Organization

Shortcuts

Share

Category

Listing takedown request