13/12/2025
*"ગામનો નિર્ધાર – સહકારથી સાકાર” અભિયાન : ગળતેશ્વર/ઠાસરા તાલુકાની ઉમદા પહેલ*
ખેડા જિલ્લાના ગળતેશ્વર તથા ઠાસરા તાલુકામાં વહીવટી તંત્ર અને અમુલ ડેરીના સંયુક્ત ઉપક્રમે કુપોષિત બાળકોને સુપોષિત બનાવવા માટે “ગામનો નિર્ધાર – સહકારથી સાકાર” અભિયાનનો પ્રારંભ કરવામાં આવ્યો છે।
આ કાર્યક્રમમાં
માનનીય કલેક્ટર શ્રી, માનનીય જિલ્લા વિકાસ અધિકારી શ્રી, માનનીય પ્રાંત અધિકારી શ્રી, પ્રોગ્રામ ઓફિસર શ્રી, મામલતદાર શ્રી, તાલુકા વિકાસ અધિકારી શ્રી, માનનીય ધારાસભ્ય શ્રી, માનનીય પૂર્વ જિલ્લા પ્રમુખ શ્રી, અમુલ ડેરીના સેક્રેટરી શ્રી, તાલુકા પ્રમુખ શ્રી તેમજ CDPO શ્રી
હાજર રહી અભિયાનને માર્ગદર્શન તથા પ્રેરણા પૂરી પાડી હતી।
દૂધ મંડળીનો સહકાર
તાલુકાના વિવિધ ગામોની દૂધ મંડળીઓ દ્વારા સેક્રેટરીશ્રી અને ચેરમેનશ્રી મારફતે આંગણવાડી કેન્દ્રોને દૂધ પુરૂ પાડવા માટે આહવાન કરવામાં આવ્યો હતો, જે બાળકોના પોષણ સ્તરને સુધારવામાં મહત્વપૂર્ણ યોગદાનરૂપ રહેલ
કલેક્ટર સાહેબશ્રીનું માર્ગદર્શન
કાર્યક્રમ દરમ્યાન માનનીય કલેક્ટર સાહેબશ્રીએ જણાવ્યું—
“જન્મતિથિ, લગ્નતિથિ તથા અન્ય પ્રસંગોની ઉજવણી સમયે ગોળ, કઠોળ, સિંગ, ખજુર જેવા પૌષ્ટિક ખાદ્ય પદાર્થો આંગણવાડીમાં આપી બાળકોના પોષણ કાર્યમાં સૌએ સહભાગી થવું જોઈએ.”
ઉમદા પ્રેરણા : પૌષ્ટિક ફૂડ વિતરણ
ડાકોર શિશુ વિહાર વણકરવાસ આંગણવાડી કેન્દ્રોની મુલાકાત દરમ્યાન માનનીય કલેક્ટર સાહેબશ્રીએ બાળકોને
સિંગ, તુવેર દાળ, ગોળ, દૂધ, માખણ અને ખજુર
વિતરણ કરી પૌષ્ટિક આહાર તરફનો ઉમદા સંદેશ આપ્યો।
જાગૃતિ કાર્યક્રમ
આ અવસરે બજારમાં મળતા પડીકા/જંક–ફૂડના બદલે
સિંગ–ચણા, ખજુર, ગોળ
જવા પૌષ્ટિક ખાદ્ય પદાર્થો અપાવવા અંગે જાગૃતિ ફેલાવવામાં આવી।
તે ઉપરાંત નીચેના વિષયો પર પણ વિગતવાર માર્ગદર્શન આપવામાં આવ્યું:
બાળલગ્નના દુષણ
વ્યસન અને તેની હાનિકારક અસરો
સમતોલ આહારનું મહત્વ
સક્રિય ઉપસ્થિતિ
ઉપરોક્ત પ્રસંગે આ. કાર્યકરો, અમુલ ડેરીના ચેરમેન-સેક્રેટરીશ્રી, સરપંચશ્રી તેમજ તાલુકા સ્તરના આગેવાનો મોટી સંખ્યામાં ઉપસ્થિત રહી કાર્યક્રમને સફળ બનાવ્યો હતો