24/07/2026
"ഇതൊന്നും നമ്മുടെ വിഷയം അല്ല"
എന്ന് പറഞ്ഞ് മാറിനിൽക്കാൻ എളുപ്പമാണ്.
പക്ഷേ ഇന്ന് മിണ്ടാതിരുന്നാൽ, നാളെ ഇതേ പ്രശ്നങ്ങൾ വീണ്ടും വീണ്ടും ആവർത്തിക്കും.
ഒരു പരീക്ഷ എഴുതാൻ വർഷങ്ങളോളം കഷ്ടപ്പെടുന്ന കുട്ടികളുടെ അധ്വാനത്തിന് വിലയുണ്ടാകണം.
അവർക്ക് വേണ്ടത് പ്രത്യേക പരിഗണനയല്ല, നീതിയാണ്. ആ നീതി ആവശ്യപ്പെടാൻ യുവാക്കൾ തെരുവിലിറങ്ങുന്നതിൽ ഒരു തെറ്റും കാണുന്നില്ല.
ഇത് ഒരു പാർട്ടിക്ക് വേണ്ടിയുള്ള സമരമായി ഞാൻ കാണുന്നില്ല. ഇത് ഉത്തരവാദിത്തം ആവശ്യപ്പെടുന്ന ഒരു ശബ്ദമായാണ് ഞാൻ കാണുന്നത്.
അതെ, രാഷ്ട്രീയ ലാഭത്തിനായി ഇത്തരം വിഷയങ്ങളെ ഉപയോഗിക്കുന്നതിനോട് യോജിപ്പില്ല. പക്ഷേ അതുകൊണ്ട് യഥാർത്ഥ പ്രശ്നത്തെ അവഗണിക്കാനും പാടില്ല.
അധികാരത്തിലുള്ളവർ ആരായാലും ജനങ്ങളുടെ ചോദ്യങ്ങൾക്ക് മറുപടി പറയണം. തെറ്റ് സംഭവിച്ചിട്ടുണ്ടെങ്കിൽ അത് തിരുത്തണം. കാരണം ഇന്ന് സംസാരിക്കുന്നത് ഈ തലമുറയ്ക്ക് വേണ്ടി മാത്രമല്ല, നാളെ വരുന്ന ഓരോ വിദ്യാർത്ഥിക്കും വേണ്ടിയാണ്.
മാറ്റം ഒരുദിവസം കൊണ്ട് വരില്ല. പക്ഷേ മാറ്റം ആഗ്രഹിക്കുന്നവർ ശബ്ദമുയർത്തുമ്പോഴാണ് അതിന്റെ തുടക്കം.
