Kerala Forest Department

02/06/2026

02/06/2026

ഈച്ചാംപുല്‍ (Wild Date Palm വിഭാഗത്തിൽപ്പെടുന്ന സസ്യം) കേരളത്തിലെ പല വനപ്രദേശങ്ങളിലും സ്വാഭാവികമായി വളരുന്ന ഒരു പ്രധാന സസ്യമാണ്. നീണ്ടതും മൂർച്ചയുള്ളതുമായ ഇലകളും കുലകളായി കാണപ്പെടുന്ന കായ്കളുമാണ് ഇതിന്റെ പ്രത്യേകത.അതിന്റെ കായ്കൾ ഈന്തപ്പഴം (Date) കുടുംബത്തിൽപ്പെട്ടവയാണെന്ന കാര്യം മനോഹരമായി ഉൾപ്പെടുത്താം. എന്നാൽ സാധാരണ ഈന്തപ്പഴം പോലെ വലിപ്പവും മധുരവും ഇവയ്ക്ക് ഉണ്ടാകണമെന്നില്ല എന്നത് ശ്രദ്ധിക്കണം.

കായ്കൾ പഴുക്കുമ്പോൾ മഞ്ഞ, തവിട്ട്, കറുപ്പ് നിറങ്ങളിലേക്ക് മാറുന്നു. വന്യജീവികൾക്കും പക്ഷികൾക്കും ഇത് ഭക്ഷണസ്രോതസ്സാകുന്നു. മണ്ണൊലിപ്പ് നിയന്ത്രിക്കുന്നതിനും വനത്തിന്റെ ജൈവവൈവിധ്യം നിലനിർത്തുന്നതിനും ഇത്തരം സസ്യങ്ങൾ സഹായകമാണ്.

മനുഷ്യൻ നട്ടുവളർത്താത്തതെങ്കിലും, പ്രകൃതി സ്വയം പരിപാലിക്കുന്ന വനത്തിലെ ഈന്തപ്പന...

Camera : VipinHari, BFO
Editing : Jidhudev, BFO
Supporters: Lokhanathan, NMR
Chandran nellipetti, NMR
MARAYOOR SANDAL DIVISION TEAM

01/06/2026

പെരിയാർ ടൈഗർ റിസർവിലെ 'പഗ്മാർക്ക് എക്കോ ഷോപ്പ്': ജനപങ്കാളിത്തത്തോടെയുള്ള വനസംരക്ഷണത്തിന്റെ വിജയഗാഥ. വനസംരക്ഷണത്തിനൊപ്പം പ്രാദേശിക സമൂഹങ്ങളുടെ സുസ്ഥിര ഉപജീവനമാർഗ്ഗവും ഉറപ്പുവരുത്തുക എന്ന ലക്ഷ്യത്തോടെ പെരിയാർ ടൈഗർ റിസർവിൽ പ്രവർത്തിക്കുന്നതാണ് പഗ്മാർക്ക് എന്ന പേരിൽ അറിയപ്പെടുന്ന വിവിധ എക്കോ ഷോപ്പുകൾ. പെരിയാറിലെ തദ്ദേശീയ ഗോത്രവിഭാഗങ്ങൾ ശേഖരിക്കുന്ന ശുദ്ധമായ കാട്ടുതേൻ, വിവിധ ഉന്നതികളിൽ ഉൽപാദിപ്പിക്കുന്ന കുരുമുളക്, ഓർഗാനിക് സുഗന്ധവ്യഞ്ജനങ്ങൾ, കൂടാതെ പരമ്പരാഗത കരകൗശലവസ്തുക്കൾ, സുവനീറുകൾ എന്നിവ വിനോദ സഞ്ചാരികളിലേക്ക് എത്തിക്കുന്ന ഷോപ്പ് ആണിത്. പരിസ്ഥിതിസൗഹൃദ ടൂറിസവും പ്രാദേശിക ജനതയുടെ ശാക്തീകരണവും എങ്ങനെ ഒത്തുപോകുന്നു എന്ന് ദൃശ്യവൽക്കരിക്കുന്നതാണ് ഈ വീഡിയോ.

Video by Bismi wills V B BFO
Nisanth S S BFO
Periyar Tiger Reserve

01/06/2026

അയ്യപ്പൻകോവിൽ ഫോറസ്റ്റ് റേഞ്ച് ഓഫീസിനും കാഞ്ചിയാർ ഫോറസ്റ്റ് സ്റ്റേഷനും അന്താരാഷ്ട്ര ഗുണനിലവാര മുദ്രയായ ഐ.എസ്.ഒ (ISO) അംഗീകാരം! ഓഫീസുകളിലെ മികച്ച ഫയൽ മാനേജ്മെന്റ്, പൊതുജനങ്ങളോടുള്ള സൗഹാർദ്ദപരമായ സമീപനം, വനസംരക്ഷണ മേഖലയിലെ കാര്യക്ഷമത എന്നിവ മുൻനിർത്തിയാണ് ഈ അംഗീകാരം തേടിയെത്തിയത്. കോട്ടയം ഹൈറേഞ്ച് സർക്കിൾ ചീഫ് ഫോറസ്റ്റ് കൺസർവേറ്റർ ഡി.കെ. വിനോദ് കുമാർ ചടങ്ങ് ഉദ്ഘാടനം ചെയ്തു. ഐ.എസ്.ഒ ഡയറക്ടർ എൻ. ശ്രീകുമാറിൽ നിന്നും അയ്യപ്പൻകോവിൽ റേഞ്ച് ഫോറസ്റ്റ് ഓഫീസർ കെ.വി. രതീഷ് സർട്ടിഫിക്കറ്റ് ഏറ്റുവാങ്ങി. ജില്ലയിൽ ഈ നേട്ടം കൈവരിക്കുന്ന രണ്ടാമത്തെ ഫോറസ്റ്റ് റേഞ്ച് ഓഫീസെന്ന ബഹുമതിയും ഇനി അയ്യപ്പൻകോവിലിന് സ്വന്തം.
ProudMoment

01/06/2026

കണ്ണൂർ ഫോറസ്റ്റ് ഡിവിഷന്റെയും മലബാർ അവേർനസ് ആൻഡ് റെസ്ക്യൂ സെൻ്റർ ഫോർ വൈൽഡ് ലൈഫ് ന്റെയും നേതൃത്വത്തിൽ പൈതൽ മലയിൽ മെയ് 27 മുതൽ 29 വരെ ഉരഗ-ഉഭയ ജീവി സർവേ സംഘടിപ്പിച്ചു. 42 ഇനം ജീവികളെ കണ്ടെത്തിയതിൽ 24 ഇനം തവളകളും 18 ഇനം ഉരഗങ്ങളും അതിൽ മുപ്പത്തഞ്ചോളം ഇനങ്ങൾ പശ്ചിമഘട്ടത്തിലെ സ്ഥാനീയ (എൻ്റമിക്) ജീവികളാണ്. ഇവയിൽ കൊട്ടിയൂർ വനം മേഖലയിൽ മാത്രം കണ്ട് വരുന്ന ഗുരുതരമായ വംശനാശ ഭീഷണി നേരിടുന്ന കൊട്ടിയൂർ മരപ്പല്ലിയുടെ സാന്നിധ്യം പൈതൽ മലയിൽ കണ്ടെത്തി. അപൂർവ്വമായ മരപ്പല്ലിയുടെ സാന്നിധ്യം ഇവയെ വംശനാശ ഭീഷണിയിൽ നിന്ന് രക്ഷിക്കുവാനും ഒപ്പം പൈതൽ മലയിലെ ജൈവവൈവിധ്യത്തിന്റെ പ്രാധാന്യം വെളിവാക്കുന്നതുമാണ്. കൂടാതെ വംശനാശ ഭീഷണി നേരിടുന്ന തീവയറൻ നീർച്ചൊറിയൻ തവള, പൊന്മുടി അരണ, കൽപ്പറ്റ മഞ്ഞത്തവള,കൊടക് പിലിഗിരിയൻ, വയനാടൻ രാത്തവള, കുടക് രാത്തവള എന്നിവയെയും ഈ വനം പ്രദേശത്ത് കണ്ടെത്തി. ഉയർന്ന മലനിരകളിലെ മഴക്കാടുകളിലെ വളരെ സൂക്ഷ്മമായ ആവാസവ്യവസ്ഥയിൽ കഴിയുന്ന ഈ ജീവികൾ ഭൂതല-കാലാവസ്ഥാ മാറ്റങ്ങൾ കാരണം ഭീഷണി നേരിടുന്നുണ്ട്.കണ്ണൂർ ഡിവിഷണൽ ഫോറസ്റ്റ് ഓഫീസർ,ശ്രീ എസ് വൈശാഖ് IFS ൻ്റെ നിർദ്ദേശാനുസരണം ,തളിപ്പറമ്പ് റെയ്ഞ്ച് ഫോറസ്റ്റ് ഓഫീസർ സനൂപ് കൃഷ്ണൻ്റെ ഏകോപനത്തിൽ കലിംഗ ഫൗണ്ടേഷൻ റിസർച്ച് ഡയറക്ടർ, ഡോ. എസ് ആർ ഗണേഷ്, മാർക് പ്രൊജക്ട് കോഡിനേറ്റർ നന്ദൻ വിജയകുമാർ എന്നിവർ സർവേക്ക് നേതൃത്വം നൽകി. സർവേയിൽ വനം വകുപ്പ് ഉദ്യോഗസ്ഥരും മാർകിന്റെ അംഗങ്ങളും ഭാഗമായി.

31/05/2026

🦎🦎"Mother's Touch"🦎🦎This is the kind of thing that happens right under our feet, unseen and uncelebrated — until someone stops and pays attention.
Video : Linesh K BFO,Mangala section ,Kanayar range
Editing:Sujeena Sujatha Pillai RFO
KANAYAR RANGE

31/05/2026

മൈക്കയം വനസംരക്ഷണ സമിതിയുടെ നേതൃത്വത്തിൽ ജൈവ മഞ്ഞൾകൃഷി വിളവെടുപ്പ് ഉത്സവം നടത്തി
​വനപരിപാലനത്തോടൊപ്പം മനുഷ്യ-വന്യജീവി സംഘർഷം കുറയ്ക്കാനും പ്രാദേശിക ജനങ്ങൾക്ക് ഉപജീവനം ഉറപ്പാക്കാനും ലക്ഷ്യമിട്ട് കേരള വനം വന്യജീവി വകുപ്പ് കാഞ്ഞങ്ങാട് റേഞ്ചിലെ മൈക്കയം വനസംരക്ഷണ സമിതി (VSS) നടത്തിയ മഞ്ഞൾകൃഷിയുടെ വിളവെടുപ്പ് ഉത്സവം വിജയകരമായി പൂർത്തിയായി. വനാതിർത്തിയോട് ചേർന്ന് കാടുമൂടിക്കിടന്ന രണ്ടേക്കർ സ്വകാര്യ ഭൂമി സൗജന്യമായി ഏറ്റെടുത്താണ് ജില്ലയിലാദ്യമായി വനസംരക്ഷണ സമിതി ഇത്തരമൊരു മാതൃകാ പദ്ധതി നടപ്പാക്കിയത്. വനാതിർത്തികളിൽ മഞ്ഞൾ പോലുള്ള വിളകൾ കൃഷി ചെയ്യുന്നത് വന്യജീവികൾ ജനവാസ മേഖലകളിലേക്ക് ഇറങ്ങുന്നത് തടയാൻ സഹായിക്കുമെന്നും, വരും വർഷങ്ങളിൽ ഈ പദ്ധതി കൂടുതൽ പ്രദേശങ്ങളിലേക്ക് വ്യാപിപ്പിക്കുമെന്നും വിളവെടുപ്പ് ചടങ്ങിൽ കാഞ്ഞങ്ങാട് റേഞ്ച് ഫോറസ്റ്റ് ഓഫീസർ ശ്രീ. രാഹുൽ കെ. വ്യക്തമാക്കി. പ്രദേശത്തെ പട്ടികവർഗ കുടുംബങ്ങൾക്ക് തൊഴിലവസരം നൽകാനും ഈ പദ്ധതിയിലൂടെ സാധിച്ചു. കാസർഗോഡ് ജില്ലാ പഞ്ചായത്ത്‌ അംഗം ഉദ്ഘാടനം നിർവഹിച്ച ചടങ്ങിൽ മൈക്കയം വി.എസ്.എസ്. പ്രസിഡന്റ് ശ്രീ. പി. ജി. ദേവ് അധ്യക്ഷത വഹിച്ചു. വിവിധ തദ്ദേശ സ്വയംഭരണ പ്രതിനിധികളും ഭീമനടി, പനത്തടി, മരുതോം സെക്ഷനുകളിലെ ഫോറസ്റ്റ് ഓഫീസർമാരും വനസംരക്ഷണ സമിതി അംഗങ്ങളും നാട്ടുകാരും ചടങ്ങിൽ പങ്കെടുത്തു.
​ HumanWildlifeCoexistence

31/05/2026

🌱 ഒരു വിത്ത്, നാളെയുടെ വനം..
പീച്ചിയിൽ 'വിത്തൂട്ട്' പരിപാടിക്ക് തുടക്കം 🌳
​പ്രകൃതിയുടെ പുനരുജ്ജീവനത്തിനും വനസമ്പത്തിന്റെ വർധനവിനുമായി പീച്ചി–വാഴാനി വന്യജീവി സങ്കേതത്തിലെ ഒളകര, പോത്തുചാടിയിൽ 'വിത്തൂട്ട്' പരിപാടിക്ക് ഹരിതാഭമായ തുടക്കമായി! ചടങ്ങിന്റെ ഉദ്ഘാടനം തൃശ്ശൂർ ജില്ലാ കളക്ടർ നിർവ്വഹിച്ചു.​ജില്ലാ-ബ്ലോക്ക്-ഗ്രാമപഞ്ചായത്ത് പ്രസിഡന്റുമാർ, ജനപ്രതിനിധികൾ, വനപാലകർ, ഇഡിസി അംഗങ്ങൾ, നാട്ടുകാർ എന്നിവർ ഒത്തൊരുമിച്ച് ഈ ഹരിത ദൗത്യത്തിൽ പങ്കാളികളായി. വനവും വന്യജീവികളും നിലനിർത്താൻ വിത്തുകളിൽ നിന്ന് തുടങ്ങിയ ഈ മാതൃകാപരമായ മുന്നേറ്റത്തിന് എല്ലാവിധ ആശംസകളും! 🌿✨
​ NatureRestoration