https://online.fliphtml5.com/ldfkunnamkulammanifesto/ldf-kunnamkulam-manifesto-2026

A C Moideen, Thiruvananthapuram (2026)

04/09/2026

പതാക ജാഥ പ്രയാണമാരംഭിച്ചു; കർഷക പോരാട്ടങ്ങളുടെ പുതിയ അധ്യായത്തിന് തുടക്കം!

കേരള കർഷകസംഘം തൃശ്ശൂർ ജില്ലാ സമ്മേളനത്തിന് മുന്നോടിയായുള്ള പതാക ജാഥ ചൂണ്ടൽ തായങ്കാവിലെ സഖാവ് കെ.പി. അരവിന്ദാക്ഷൻ സ്മൃതി മണ്ഡപത്തിൽ വെച്ച് ഉദ്ഘാടനം ചെയ്തു.

ജാഥാ ക്യാപ്റ്റൻ സ. പി.കെ. ഡേവിസ് മാസ്റ്റർക്ക് (സംസ്ഥാന കമ്മിറ്റി അംഗം) പതാക കൈമാറിക്കൊണ്ടാണ് ജാഥ പ്രയാണമാരംഭിച്ചത്. വൈസ് ക്യാപ്റ്റൻ സ. എം. ബാലാജി, മാനേജർ സ. എം.എം. അവറാച്ചൻ, കർഷകസംഘത്തിന്റെ നേതാക്കൾ, പ്രവർത്തകർ എന്നിവരുടെ നേതൃത്വത്തിൽ വലിയ ആവേശത്തോടെയാണ് ജാഥയെ വരവേറ്റത്.

രാജ്യത്തെയും നാടിനെയും അന്നമൂട്ടുന്ന കർഷകരുടെ അവകാശങ്ങൾ സംരക്ഷിക്കാനും, കർഷകദ്രോഹ നയങ്ങൾക്കെതിരെ ചെറുത്തുനിൽപ്പ് ഉയർത്താനും ഈ പ്രസ്ഥാനം എന്നും മുൻപന്തിയിലുണ്ട്. സെപ്റ്റംബർ 5, 6 തീയതികളിലായി ചേലക്കരയിൽ നടക്കുന്ന ജില്ലാ സമ്മേളനത്തിന് മുന്നോടിയായി നാടൊട്ടുക്കും ഉണർവ് പകർന്നുകൊണ്ട് കടന്നുപോകുന്ന പതാക ജാഥയ്ക്ക് എല്ലാവിധ വിജയങ്ങളും ആശംസിക്കുന്നു.

ചേലക്കരയിൽ നടക്കുന്ന കർഷകസംഘം ജില്ലാ സമ്മേളനത്തിന് അഭിവാദ്യങ്ങൾ!

04/09/2026

കേരള കർഷകസംഘം തൃശ്ശൂർ ജില്ലാ സമ്മേളനത്തിന് ഇന്ന് ചേലക്കരയിൽ തുടക്കമാകും

കർഷകജനതയുടെ അവകാശപോരാട്ടങ്ങൾക്ക് കരുത്തുപകർന്ന്, കേരള കർഷകസംഘം തൃശ്ശൂർ ജില്ലാ സമ്മേളനത്തിന് ഇന്ന് (സെപ്റ്റംബർ 4) തുടക്കമാവുകയാണ്. സെപ്റ്റംബർ 4, 5, 6 തീയതികളിലായി ചേലക്കരയിലാണ് ഈ വർഷത്തെ ജില്ലാ സമ്മേളനം നടക്കുന്നത്.

സമ്മേളന നഗരിയിൽ ഉയർത്താനുള്ള പതാക - കൊടിമര ജാഥകൾ ഇന്ന് പ്രയാണമാരംഭിക്കും:

🚩 പതാക ജാഥ:

തൊഴിലാളി - കർഷക പ്രസ്ഥാനങ്ങളുടെ ഉജ്ജ്വല നേതാവായിരുന്ന സഖാവ് കെ.പി. അരവിന്ദാക്ഷൻ സ്മൃതി മണ്ഡപത്തിൽ നിന്ന് (തായങ്കാവ്, ചൂണ്ടൽ) ഇന്ന് ഉച്ചയ്ക്ക് 2.00 മണിക്ക് പതാക ജാഥ ആരംഭിക്കും.

ക്യാപ്റ്റൻ: സ. പി.കെ. ഡേവിസ് മാസ്റ്റർ (സംസ്ഥാന കമ്മിറ്റി അംഗം)

വൈസ് ക്യാപ്റ്റൻ: സ. എം. ബാലാജി (ജില്ലാ വൈസ് പ്രസിഡന്റ്)

മാനേജർ: സ. എം.എം. അവറാച്ചൻ (സംസ്ഥാന കമ്മിറ്റി അംഗം)

🚩 കൊടിമര ജാഥ:

ഇന്ന് വൈകുന്നേരം 4.30-ന് പഴയന്നൂർ ടൗണിൽ വെച്ച് കൊടിമര ജാഥയുടെ ഉദ്ഘാടനം നടക്കും.

സെപ്റ്റംബർ 5, 6 തീയതികളിൽ ചേലക്കര എം.എസ്.എൻ ഓഡിറ്റോറിയത്തിലെ (കെ.വി. രാമകൃഷ്ണൻ നഗർ) പ്രതിനിധി സമ്മേളനം കർഷകസംഘം സംസ്ഥാന സെക്രട്ടറി സ. വത്സൻ പനോളിയും, കോടിയേരി ബാലകൃഷ്ണൻ നഗറിൽ (ചേലക്കര ബസ് സ്റ്റാൻഡ്) നടക്കുന്ന പൊതുസമ്മേളനം സെൻട്രൽ കിസാൻ കൗൺസിൽ അംഗം സ. കെ. എൻ. ബാലഗോപാലും ഉദ്ഘാടനം ചെയ്യും.

01/09/2026

വിദ്യാർത്ഥി പ്രക്ഷോഭങ്ങൾക്ക് നേരെയുള്ള പോലീസ് അതിക്രമം ജനാധിപത്യത്തിന് അപമാനം!

സർവകലാശാലകളിലെ കാവിവൽക്കരണ നീക്കങ്ങൾക്കെതിരെയും അടിച്ചേൽപ്പിക്കലുകൾക്കെതിരെയും ജനാധിപത്യപരമായി ശബ്ദമുയർത്തിയ SFI നേതാവ് സഖാവ് വൈഷ്ണവി ഷാജിക്ക് നേരെയുണ്ടായ ക്രൂരമായ പോലീസ് മർദ്ദനം അത്യന്തം പ്രതിഷേധാർഹമാണ്.

വർഗീയ-സംഘപരിവാർ രാഷ്ട്രീയത്തിനെതിരെ സ്വന്തം നിലപാട് ഉറക്കെ പ്രഖ്യാപിച്ച ഒരു വിദ്യാർത്ഥിനിയെ ലാത്തികൊണ്ട് നേരിടാൻ ശ്രമിക്കുന്നത് ഭീരുത്വമാണ്. ജനാധിപത്യപരമായ പ്രതിഷേധങ്ങളെ അടിച്ചമർത്താമെന്നത് ഭരണകൂടത്തിന്റെ വ്യാമോഹം മാത്രമാണ്.

ലാത്തിമുറകൾ കൊണ്ട് വിദ്യാർത്ഥി പോരാട്ടങ്ങളെ തകർക്കാൻ കഴിയില്ല. ഈ ഭരണകൂട ഭീകരതയ്ക്കും അതിക്രമങ്ങൾക്കുമെതിരെ ശക്തമായ പ്രതിഷേധം രേഖപ്പെടുത്തുന്നു.

01/09/2026

🚩 ജനങ്ങളുടെ സ്നേഹവും പിന്തുണയുമാണ് ഈ പ്രസ്ഥാനത്തിന്റെ കരുത്ത് 🚩

സിപിഐ(എം)ന്റെ ബ്രാഞ്ച് തലം മുതൽ കേന്ദ്ര കമ്മിറ്റി വരെയുള്ള ഘടകങ്ങളുടെ ഒരു വർഷത്തെ പ്രവർത്തനങ്ങൾക്കായുള്ള ഫണ്ട് ശേഖരണത്തിന്റെ ഭാഗമായി കുന്നംകുളം നഗരത്തിൽ ഇന്ന് നടന്ന ഹുണ്ടിക പിരിവ് സ്ക്വാഡ് പ്രവർത്തനങ്ങൾക്ക് നേതൃത്വം നൽകി.

കോർപ്പറേറ്റ് ഫണ്ടിംഗുകളെ ആശ്രയിക്കാതെ, ജനപക്ഷ രാഷ്ട്രീയത്തിന് കരുത്താകുന്നത് നാടിന്റെ മുക്കിലും മൂലയിലുമുള്ള സാധാരണക്കാരായ മനുഷ്യർ തരുന്ന അകമഴിഞ്ഞ പിന്തുണയാണ്. കുന്നംകുളത്തെ വ്യാപാരികളും പൊതുജനങ്ങളും അത്യന്തം ആവേശത്തോടെയാണ് ഹുണ്ടികയിലേക്ക് തങ്ങളുടെ സംഭാവനകൾ നൽകിയത്.

സിപിഐ(എം) ജില്ലാ സെക്രട്ടേറിയറ്റ് അംഗം സഖാവ് എം. ബാലാജി, ജില്ലാ കമ്മിറ്റി അംഗം സഖാവ് എം.എൻ. സത്യൻ, ഏരിയ സെക്രട്ടറി സഖാവ് കെ കൊച്ചനിയൻ, ഏരിയ കമ്മിറ്റി അംഗങ്ങളായ എം ബി പ്രവീൺ, കെ ബി ഷിബു, കുന്നംകുളം നഗരസഭാ ചെയർപേഴ്സൺ സൗമ്യ അനിലൻ, വൈസ് ചെയർമാൻ പി ജി ജയപ്രകാശ്, ലോക്കൽ സെക്രട്ടറിമാരായ സി കെ ലിജീഷ്, ജി കെ ജിന്നി, ബവിഷ് ബാബു, സ്റ്റാൻഡിംഗ് കമ്മിറ്റി ചെയർമാൻമാരായ പുഷ്പ ജോൺ, ആർഷ ജിജു, ടി സോമശേഖരൻ, അർബൻ ബാങ്ക് പ്രസിഡന്റ് കെ എ അസീസ്, നഗരസഭാ കൗൺസിലർമാർ, ലോക്കൽ കമ്മിറ്റി അംഗങ്ങൾ, ബ്രാഞ്ച് സെക്രട്ടറിമാർ എന്നിവരും പ്രവർത്തകരും സ്ക്വാഡിൽ ഒപ്പമുണ്ടായിരുന്നു.

പാർട്ടിയോട് നിറഞ്ഞ സ്നേഹത്തോടെ സഹകരിച്ച കുന്നംകുളത്തെ എല്ലാ പ്രിയപ്പെട്ട വ്യാപാരികൾക്കും ബഹുജനങ്ങൾക്കും ഹൃദയം നിറഞ്ഞ നന്ദി.

ലാൽസലാം! ✊

30/08/2026

🚩 ജനപക്ഷ രാഷ്ട്രീയത്തിന് കരുത്തുപകരാൻ സിപിഐ(എം) പ്രവർത്തനഫണ്ട് വിജയിപ്പിക്കുക 🚩

ജനങ്ങളുടെ അവകാശങ്ങൾക്കും നാടിന്റെ വികസനത്തിനും വേണ്ടി നിലകൊള്ളുന്ന സിപിഐ(എം)ന്റെ ബ്രാഞ്ച് തലം മുതൽ കേന്ദ്ര കമ്മിറ്റി വരെയുള്ള ഘടകങ്ങളുടെ ഒരു വർഷത്തെ പ്രവർത്തനങ്ങൾക്കായുള്ള പ്രവർത്തനഫണ്ട് ശേഖരണം ആഗസ്റ്റ് 30, 31, സെപ്റ്റംബർ 1 തീയതികളിൽ നടക്കുകയാണ്.

കോർപ്പറേറ്റ് ഫണ്ടിംഗുകളെയും വഴിവിട്ട പണസ്രോതസ്സുകളെയും ആശ്രയിക്കാതെ, സാധാരണക്കാരായ ജനങ്ങൾ നൽകുന്ന ഉദാരമായ സംഭാവനകളാണ് എക്കാലവും ഈ പ്രസ്ഥാനത്തിന്റെ കരുത്ത്.

ഫണ്ട് ശേഖരണാർത്ഥം എരുമപ്പെട്ടി കാഞ്ഞിരക്കോട് ഭാഗത്ത് നടന്ന സ്ക്വാഡ് പ്രവർത്തനങ്ങളില്‍ നേതാക്കളായ എസ്. ബസന്ത് ലാൽ, എം.എസ്. സിദ്ധൻ, നന്ദീഷ്, , സതീഷ് കുമാർ തുടങ്ങിയവരോടൊപ്പം പങ്ക് ചേര്‍ന്നു

വീടുകളിലും സ്ഥാപനങ്ങളിലുമെത്തുന്ന പാർട്ടിയുടെ സ്ക്വാഡുകളിലേക്ക് ഉദാരമായ സംഭാവനകൾ നൽകി ഈ ഫണ്ട് ശേഖരണ പ്രവർത്തനം വൻ വിജയമാക്കാൻ എല്ലാ ജനാധിപത്യ വിശ്വാസികളോടും ബഹുജനങ്ങളോടും അഭ്യർത്ഥിക്കുന്നു.

ലാൽസലാം! ✊

28/08/2026

മഹാത്മാ അയ്യങ്കാളി ജയന്തി: സാമൂഹിക നീതിക്കായുള്ള പോരാട്ടങ്ങൾക്ക് കരുത്താകുന്ന സ്മരണ

ജാതി-ജന്മി-നാടുവാഴിത്ത വ്യവസ്ഥകൾ തീർത്ത അന്ധകാരത്തെ മറികടന്ന് കേരളത്തെ നവോത്ഥാനത്തിലേക്ക് നയിച്ച മഹാത്മാ അയ്യങ്കാളിയുടെ ജന്മദിനമാണിന്ന്.

വില്ലുവണ്ടി സമരത്തിലൂടെ വഴിനടക്കാനുള്ള സ്വാതന്ത്ര്യവും, കല്ലുമാല സമരത്തിലൂടെ ആത്മാഭിമാനവും, ചരിത്രപ്രസിദ്ധമായ പണിമുടക്കിലൂടെ വിദ്യാഭ്യാസ-തൊഴിൽ അവകാശങ്ങളും ഒരു ജനതയ്ക്ക് അദ്ദേഹം നേടിത്തന്നു. സഞ്ചാരസ്വാതന്ത്ര്യവും മാന്യമായ ജീവിതവും ഔദാര്യമല്ല, അവകാശമാണെന്ന് പ്രഖ്യാപിച്ച അയ്യങ്കാളിയുടെ പോരാട്ടങ്ങളാണ് കേരളത്തിന്റെ സാമൂഹിക ചരിത്രത്തിന്റെ ഗതി മാറ്റിയെഴുതിയത്.

ജാതീയതയും വർഗീയതയും അസമത്വങ്ങളും പുതിയ രൂപങ്ങളിൽ തലപൊക്കുന്ന ഇന്നത്തെ കാലത്ത്, തുല്യതയിലും നീതിയിലും അധിഷ്ഠിതമായ ഒരു സമൂഹത്തിനായി ഒരുമിച്ചു നിൽക്കാൻ അയ്യങ്കാളി സ്മരണകൾ നമുക്ക് കരുത്താകട്ടെ.

മഹാത്മാ അയ്യങ്കാളിയുടെ ഉജ്ജ്വല സ്മരണകൾക്ക് മുന്നിൽ ആദരാഞ്ജലികൾ. ഏവർക്കും അയ്യങ്കാളി ജയന്തി ആശംസകൾ!

27/08/2026

കയ്യാങ്കളി അഥവാ കുന്നംകുളം ഓണതല്ലിന്റെ ആവേശത്തിൽ...

25/08/2026

സമത്വത്തിന്റെയും സ്നേഹത്തിന്റെയും സമൃദ്ധിയുടെയും സന്ദേശവുമായി വീണ്ടുമൊരു പൊന്നോണക്കാലം കൂടി. ഏവർക്കും ഹൃദയം നിറഞ്ഞ ഓണാശംസകൾ! 🌸✨

25/08/2026

ഏവർക്കും ഹൃദയം നിറഞ്ഞ നബിദിനാശംസകൾ!

22/08/2026

.

A C Moideen

04/09/2026

04/09/2026

01/09/2026

01/09/2026

30/08/2026

28/08/2026

27/08/2026

25/08/2026

25/08/2026

22/08/2026

Address

Website

Alerts

Contact The Organization

Shortcuts

Share

Listing takedown request