Kerala Railway Police

28/07/2026

🚨 ഓപ്പറേഷൻ തൂഫാൻ: 40 കിലോ കഞ്ചാവ് പിടികൂടി | 7 പ്രതികൾ അറസ്റ്റിൽ

കേരള റെയിൽവേ പോലീസിന്റെ 'ഓപ്പറേഷൻ തൂഫാൻ' ഭാഗമായി കഴിഞ്ഞ മൂന്ന് ദിവസങ്ങളിലായി സംസ്ഥാനത്തെ വിവിധ റെയിൽവേ സ്റ്റേഷനുകളിലും ട്രെയിനുകളിലും നടത്തിയ പ്രത്യേക പരിശോധനയിൽ ഏകദേശം 40 കിലോ കഞ്ചാവ്, M**A, കഞ്ചാവ് മിഠായി എന്നിവ പിടിച്ചെടുത്തു. ആകെ 9 NDPS കേസുകൾ രജിസ്റ്റർ ചെയ്ത് 7 പ്രതികളെ അറസ്റ്റ് ചെയ്തു. ഇതിൽ 2 പേരെ കോടതി റിമാൻഡ് ചെയ്തു.

ദിബ്രുഗഡ് എക്സ്പ്രസ്, കേരള എക്സ്പ്രസ്, വിവേക് എക്സ്പ്രസ്, നേത്രാവതി എക്സ്പ്രസ് എന്നിവിടങ്ങളിലായിരുന്നു പ്രധാന പിടിച്ചെടുക്കലുകൾ. പരിശോധനയിൽ GRP, RPF, DANSAF, Intelligence Wing, CPDS എന്നിവർ സംയുക്തമായി പങ്കെടുത്തു.

കേരള റെയിൽവേ പോലീസ് മയക്കുമരുന്ന് കടത്തും വിതരണവും തടയുന്നതിനായി ഇത്തരം പ്രത്യേക പരിശോധനകൾ തുടർന്നും ശക്തമാക്കുന്നതാണ്.

21/07/2026

കൊല്ലം റെയിൽവേ സ്റ്റേഷൻ പ്ലാറ്റ്‌ഫോം നം. 2-ൽ വെച്ച് എം.ഡി.എം.എയുമായി യുവാവ് പിടിയിൽ. തിരുവനന്തപുരം വെണിയൂർ നെല്ലിവില രാജ്‌വിലാസിൽ ജിജോ സി.ജി. രാജ് (32) ആണ് 0.3 ഗ്രാം എം.ഡി.എം.എയുമായി പിടിയിലായത്.

കൊല്ലം ഡാൻസാഫ് (DANSAF) ടീമിലെ സി.പി.ഒ രഞ്ജിത്ത്, പുനലൂർ ഡാൻസാഫ് ടീമിലെ സി.പി.ഒ ബിജു എന്നിവരുടെ നേതൃത്വത്തിലാണ് പ്രതിയെ പിടികൂടിയത്. തുടർനടപടികൾക്കായി പ്രതിയെയും പിടിച്ചെടുത്ത ലഹരിവസ്തുവും കൊല്ലം റെയിൽവേ പോലീസിന് കൈമാറി. പോലീസ് മേൽനടപടികൾ സ്വീകരിച്ചുവരുന്നു.

19/07/2026

CCTV-യിൽ കുടുങ്ങി മോഷ്ടാവ്! 👁️‍🗨️ റെയിൽവേ പോലീസിന്റെ മിന്നൽ നടപടി.

പ്ലാറ്റ്‌ഫോമിൽ ചാർജ് ചെയ്യാൻ വെച്ചിരുന്ന ഫോണുകൾ മോഷ്ടിച്ച് കടന്നുകളഞ്ഞ തമിഴ്നാട് സ്വദേശിയായ സ്ഥിരം കുറ്റവാളിയെ തിരുവനന്തപുരം റെയിൽവേ പോലീസ് അറസ്റ്റ് ചെയ്തു. പുലർച്ചെ നടന്ന മോഷണം ഡ്യൂട്ടിയിലുണ്ടായിരുന്ന ഉദ്യോഗസ്ഥർ CCTV ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ അതിവേഗം തെളിയിക്കുകയായിരുന്നു. മുമ്പും അഞ്ചോളം കേസുകളിൽ പ്രതിയായ ഇയാളെ നിയമത്തിന് മുന്നിൽ ഹാജരാക്കി.

ജാഗ്രതയോടെ പ്രവർത്തിച്ച ഉദ്യോഗസ്ഥർക്ക് ബിഗ് സല്യൂട്ട്! 👮‍♂️

19/07/2026

യാത്രാമധ്യേ മൊബൈൽ മോഷണം: പ്രതിയെ കയ്യോടെ പിടിച്ച് റെയിൽവേ പോലീസ്! 🚨🚆

രാജ്യറാണി എക്സ്പ്രസിൽ യാത്രക്കാരന്റെ മൊബൈൽ ഫോൺ മോഷ്ടിച്ച അസം സ്വദേശിയായ പ്രതിയെ റെയിൽവേ പോലീസ് ഉദ്യോഗസ്ഥർ തത്സമയം പിടികൂടി. 18-07-2026 പുലർച്ചെ ട്രെയിനിൽ ഡ്യൂട്ടിയിലുണ്ടായിരുന്ന (MOP 5) ഉദ്യോഗസ്ഥരായ CPO അഭി, CPO വിഷ്ണു എന്നിവരുടെ സമയോചിതവും ധീരവുമായ ഇടപെടലിലൂടെയാണ് പ്രതിയെ മോഷ്ടിച്ച ഫോൺ സഹിതം കയ്യോടെ പിടികൂടിയത്.

പ്രതിയെ കൊല്ലം റെയിൽവേ പോലീസിന് (RPS Kollam) കൈമാറുകയും തുടർ നിയമനടപടികൾ സ്വീകരിച്ചു വരികയുമാണ്. യാത്രക്കാരുടെ സുരക്ഷയ്ക്കായി എപ്പോഴും ജാഗരൂകരായി നിലകൊള്ളുന്ന ഉദ്യോഗസ്ഥർക്ക് അഭിനന്ദനങ്ങൾ. 👏

സുരക്ഷിതമായ റെയിൽവേ യാത്രയ്ക്ക് എപ്പോഴും നിങ്ങളുടെ കൂടെ.

19/07/2026

സാങ്കേതികവിദ്യയുടെ സഹായത്തോടെ മിന്നൽ വേഗത്തിൽ പ്രതിയെ പിടികൂടി കേരള റെയിൽവേ പോലീസ്! 👮‍♂️🚆

ട്രെയിനിൽ വെച്ച് യാത്രക്കാരന്റെ മൊബൈൽ ഫോൺ മോഷ്ടിച്ച പ്രതി മണിക്കൂറുകൾക്കകം പിടിയിൽ. എറണാകുളം റെയിൽവേ പോലീസ് സ്റ്റേഷനിൽ രജിസ്റ്റർ ചെയ്ത മോഷണ കേസിലാണ് അതിവേഗത്തിലുള്ള നടപടി. യാത്രക്കാരന്റെ നഷ്ടപ്പെട്ട Samsung S23 ഫോൺ 'Find My Device' വഴി ലൊക്കേഷൻ കണ്ടെത്തി ആലുവ റെയിൽവേ സ്റ്റേഷൻ പരിസരത്ത് നിന്നാണ് പ്രതിയെ പിടികൂടിയത്.

കൃത്യമായ ഏകോപനത്തിലൂടെ ലൊക്കേഷൻ ട്രേസ് ചെയ്ത് ബിഹാർ സ്വദേശിയായ പ്രതിയെ അതിവിദഗ്ദ്ധമായി പിടികൂടുകയും ഫോൺ റിക്കവർ ചെയ്യുകയും ചെയ്ത എറണാകുളം RPS-നും, ആലുവ ഡ്യൂട്ടിയിലുണ്ടായിരുന്ന SCPO അരുൺകുമാറിനും അഭിനന്ദനങ്ങൾ. 👏

സുരക്ഷിതമായ യാത്രയ്ക്ക് എപ്പോഴും നിങ്ങളുടെ കൂടെ.

18/07/2026

ട്രെയിൻ യാത്രയ്ക്കിടെ ബാഗ് മോഷ്ടിച്ച പ്രതിയെ തൃശൂർ റെയിൽവേ പോലീസ് പിടികൂടി. കഴിഞ്ഞ ജൂൺ 5-ന് ബാംഗ്ലൂർ-എറണാകുളം ഇന്റർസിറ്റിയിൽ വെച്ച് യാത്രക്കാരന്റെ ബാഗ് മോഷ്ടിച്ച വിഷ്ണു (28) എന്നയാളാണ് പിടിയിലായത്. ലാപ്ടോപ്പും വിലപിടിപ്പുള്ള കമ്പ്യൂട്ടർ ആക്സസറീസും ഉൾപ്പെടെ ഏകദേശം 3.47 ലക്ഷം രൂപയുടെ മുതലുകളാണ് ഇയാൾ കവർന്നത്.

യാത്രയ്ക്കിടെ ആലുവയിൽ വെച്ച് ഡ്യൂട്ടിയിലുണ്ടായിരുന്ന പോലീസ് സംഘത്തിന്റെ സമയോചിതമായ ഇടപെടലാണ് പ്രതിയെ കുടുക്കാൻ സഹായിച്ചത്. ചോദ്യം ചെയ്യലിൽ മറ്റു പല കേസുകളിലും പ്രതിയാണെന്ന് ഇയാൾ സമ്മതിച്ചു.

18/07/2026

മധ്യപ്രദേശിൽ നിന്നും 15 വയസ്സുള്ള ആൺകുട്ടിയെ തട്ടിക്കൊണ്ടുപോയി മലപ്പുറത്ത് വെച്ച് കഴിഞ്ഞ മൂന്ന് വർഷമായി കോൺക്രീറ്റ് ജോലി ചെയ്യിപ്പിച്ചു വന്ന പ്രതിയെ റെയിൽവേ പോലീസ് പിടികൂടി. ജൂലൈ 16 പുലർച്ചെ മില്ലേനിയം എക്സ്പ്രസ്സിൽ വെച്ചാണ് പാലക്കാട് റെയിൽവേ പോലീസ് പ്രതിയെ കസ്റ്റഡിയിലെടുത്തത്. രക്ഷപ്പെടുത്തിയ കുട്ടിയെ ചൈൽഡ് ലൈൻ അധികൃതർക്ക് കൈമാറി. കേസിൽ പ്രതിയെ കോടതി റിമാൻഡ് ചെയ്തു.
അന്വേഷണ സംഘം: SI പ്രവീൺ കെ.ജെ, ASI ശ്രീപ്രിയ, SCPO കബീർ, CPO സജിൻ, CPO ഗോകുൽ.

17/07/2026

കണ്ണൂരിൽ ട്രെയിൻ യാത്രക്കാരന്റെ ഫോൺ കവർന്നു; മോഷണത്തിന് ശേഷം പ്രതി ഇറങ്ങിയോടി, ഫോൺ ലൊക്കേഷൻ വഴി പ്രതിയെ പിടികൂടി പൊലീസ്

കണ്ണൂരിൽ ട്രെയിൻ യാത്രക്കാരന്റെ ഫോൺ കവർന്നു; മോഷണത്തിന് ശേഷം പ്രതി ...

17/07/2026

ഓപ്പറേഷൻ തൂഫാൻറെ ഭാഗമായി പാലക്കാട് റെയിൽവേ പോലീസ് പരിശോധനയിൽ ട്രെയിൻ നമ്പർ 2619 ബിലാസ്പുർ - തിരുനെൽവേലി എക്സ്പ്രസ്സ് ട്രെയിനിൽ നിന്നും 7.960 Kg നിരോധിത പുകയില ഉത്പന്നങ്ങൾ പിടിച്ചെടുത്തു. ഉപേക്ഷിക്കപ്പെട്ട നിലയിൽ ജനറൽ കോച്ചിൽ നിന്നും കണ്ടുകിട്ടുകയായിരുന്നു. പിടിച്ചെടുത്തു മുതലുകൾ പോലീസ് കണ്ടുകെട്ടി നടപടികൾ സ്വീകരിച്ചു. കർശന പരിശോധന തുടർന്ന് വരുന്നു.

17/07/2026

ട്രെയിനുകളിലും റെയിൽവേ സ്റ്റേഷൻ പരിസരങ്ങളിലും ലഹരി വസ്തുക്കളുടെ കടത്ത് ശ്രദ്ധയിൽപ്പെട്ടാൽ ഉടൻ തന്നെ ഞങ്ങളെ അറിയിക്കുക. വിവരം നൽകുന്നവരുടെ പേരുവിവരങ്ങൾ തികച്ചും രഹസ്യമായി സൂക്ഷിക്കുന്നതാണ്.