Food Safety Kerala

Food Safety Kerala Welcome to the official page of the Commissionerate of Food Safety Kerala.

Stay connected with us on www.foodsafety.kerala.gov.in for any query or complaint related to food safety in the state of Kerala.

മഴക്കാലത്തെ ജലജന്യ രോഗങ്ങൾ പടരുന്നത് തടയാനും, ഏവർക്കും ഗുണനിലവാരമുള്ള ഭക്ഷണം ഉറപ്പാക്കാനുമായി ഭക്ഷ്യ സുരക്ഷാ വകുപ്പ് നടപ...
27/07/2026

മഴക്കാലത്തെ ജലജന്യ രോഗങ്ങൾ പടരുന്നത് തടയാനും, ഏവർക്കും ഗുണനിലവാരമുള്ള ഭക്ഷണം ഉറപ്പാക്കാനുമായി ഭക്ഷ്യ സുരക്ഷാ വകുപ്പ് നടപ്പിലാക്കിയ വിപുലമായ പദ്ധതിയാണ് 'ഓപ്പറേഷൻ മൺസൂൺ'.

കേരളത്തിലുടനീളമുള്ള ഭക്ഷ്യ സ്ഥാപനങ്ങളിൽ കർശന പരിശോധനകളും, ഭക്ഷ്യ സംരംഭകർക്കായി പ്രത്യേക ബോധവൽക്കരണ ക്ലാസുകളും എല്ലാ ജില്ലകളിലും സജീവമായി നടത്തി. ചില ജില്ലകളിൽ നടത്തിയ ക്ലാസ്സുകളിൽ നിന്ന്.

ആരോഗ്യകരവും സുരക്ഷിതവുമായ ഒരു ഭക്ഷണ സംസ്കാരം ഉറപ്പുവരുത്തുന്നതിനായി ഭക്ഷ്യസുരക്ഷാ വകുപ്പ് ഒരുക്കുന്ന വിപുലമായ പദ്ധതികൾക്...
16/07/2026

ആരോഗ്യകരവും സുരക്ഷിതവുമായ ഒരു ഭക്ഷണ സംസ്കാരം ഉറപ്പുവരുത്തുന്നതിനായി ഭക്ഷ്യസുരക്ഷാ വകുപ്പ് ഒരുക്കുന്ന വിപുലമായ പദ്ധതികൾക്ക് തിരുവനന്തപുരത്ത് തുടക്കമായി. ബഹുമാനപ്പെട്ട ആരോഗ്യ-കുടുംബക്ഷേമ, ദേവസ്വം വകുപ്പ് മന്ത്രി ശ്രീ. കെ. മുരളീധരൻ മുഖ്യാതിഥിയായെത്തിയ ചടങ്ങിൽ വെച്ച് ഭക്ഷ്യ സംരംഭകർക്കുള്ള സംസ്ഥാനതല പരിശീലന പരിപാടിയുടെ ഉദ്ഘാടനവും, യുവതലമുറയുടെ പങ്കാളിത്തം ഉറപ്പാക്കുന്ന "യൂത്ത് ഫോർ ഫുഡ് സേഫ്റ്റി" പദ്ധതിയുടെ ഔദ്യോഗിക പ്രഖ്യാപനവും നടന്നു. ഇതോടൊപ്പം തന്നെ വരാനിരിക്കുന്ന ഉത്സവകാലത്ത് സംസ്ഥാനത്തുടനീളം ശുദ്ധമായ ഭക്ഷണം ഉറപ്പാക്കുക എന്ന ലക്ഷ്യത്തോടെയുള്ള "എന്റെ കേരളം സേഫ് ഓണം 2026" പദ്ധതിയുടെ സംസ്ഥാനതല ഉദ്ഘാടനവും മന്ത്രി നിർവഹിക്കുകയുണ്ടായി. ഔദ്യോഗിക ചടങ്ങുകൾക്ക് ശേഷം ഭക്ഷ്യ സുരക്ഷാ മാനദണ്ഡങ്ങളെക്കുറിച്ചും മികച്ച നിർമാണ രീതികളെക്കുറിച്ചും സംരംഭകർക്കായി പ്രത്യേക പരിശീലന ക്ലാസുകളും സംഘടിപ്പിച്ചു.

ചടങ്ങിൽ ആരോഗ്യ-കുടുംബക്ഷേമ വകുപ്പ് പ്രിൻസിപ്പൽ സെക്രട്ടറി ശ്രീമതി. ശർമിള മേരി ജോസഫ് IAS സ്വാഗതം ആശംസിക്കുകയും, ഭക്ഷ്യസുരക്ഷാ കമ്മീഷണർ ശ്രീമതി. ശ്രീധന്യ സുരേഷ് IAS, ജോയിന്റ് കമ്മീഷണർ ശ്രീ. അജി. എസ് തുടങ്ങിയ പ്രമുഖ ഉദ്യോഗസ്ഥരും ജനപ്രതിനിധികളും സന്നിഹിതരാവുകയും ചെയ്തു.

കേരളത്തിന്റെ ഭക്ഷ്യസുരക്ഷാ വാർത്തകളും പുതിയ അറിയിപ്പുകളും ഉടനടി അറിയാൻ ഞങ്ങളുടെ ഈ ഔദ്യോഗിക പേജ് ഇപ്പോൾ തന്നെ ഫോളോ ചെയ്യുമല്ലോ.. 😊👇

ഭക്ഷ്യസംരംഭകരുടെ ശ്രദ്ധയ്ക്ക് ആരോഗ്യകരമായ ഒരു കേരളത്തിനായി ഭക്ഷ്യസുരക്ഷാ വകുപ്പ് ഒരുക്കുന്ന രണ്ടു വലിയ പദ്ധതികൾക്ക് തുടക...
14/07/2026

ഭക്ഷ്യസംരംഭകരുടെ ശ്രദ്ധയ്ക്ക്

ആരോഗ്യകരമായ ഒരു കേരളത്തിനായി ഭക്ഷ്യസുരക്ഷാ വകുപ്പ് ഒരുക്കുന്ന രണ്ടു വലിയ പദ്ധതികൾക്ക് തുടക്കമാവുകയാണ്. ഭക്ഷ്യ സംരംഭകർക്കായുള്ള സംസ്ഥാനതല പരിശീലന പരിപാടിയുടെ ഉദ്ഘാടനവും, യുവതലമുറയെ ഒപ്പം ചേർത്തുനിർത്തുന്ന "യൂത്ത് ഫോർ ഫുഡ് സേഫ്റ്റി" പദ്ധതിയുടെ ഔദ്യോഗിക പ്രഖ്യാപനവും ഈ വരുന്ന ജൂലൈ 16-ന് നടക്കുന്നു.

നമ്മുടെ പ്രിയപ്പെട്ട ആരോഗ്യ-കുടുംബക്ഷേമ, ദേവസ്വം വകുപ്പ് മന്ത്രി ശ്രീ. കെ. മുരളീധരൻ പരിപാടി ഉദ്ഘാടനം ചെയ്യും.

സുരക്ഷിതവും ആരോഗ്യകരവുമായ ഒരു ഭരണ-ഭക്ഷണ സംസ്കാരം കെട്ടിപ്പടുക്കാൻ നമുക്കൊരുമിച്ച് കൈകോർക്കാം. ഈ നല്ല മാറ്റത്തിന്റെ ഭാഗമാകാൻ നിങ്ങളേവരെയും സ്നേഹത്തോടെ ക്ഷണിക്കുന്നു!

2026 ജൂലൈ 16 രാവിലെ 10 മണി, ഭക്ഷ്യസുരക്ഷാ ഭവൻ, തൈക്കാട്, തിരുവനന്തപുരം.

കേരളത്തിന്റെ ഭക്ഷ്യസുരക്ഷാ വാർത്തകളും പുതിയ അറിയിപ്പുകളും ഉടനടി അറിയാൻ ഞങ്ങളുടെ ഈ ഔദ്യോഗിക പേജ് ഇപ്പോൾ തന്നെ ഫോളോ ചെയ്യുമല്ലോ..

കേരളത്തിലുടനീളം ഭക്ഷ്യസുരക്ഷാ വകുപ്പിന്റെ 'ഓപ്പറേഷൻ മൺസൂൺ' പരിശോധനകൾ വിജയകരമായി തുടരുന്നു! പൊതുജനങ്ങളുടെ ആരോഗ്യസംരക്ഷണം ...
08/07/2026

കേരളത്തിലുടനീളം ഭക്ഷ്യസുരക്ഷാ വകുപ്പിന്റെ 'ഓപ്പറേഷൻ മൺസൂൺ' പരിശോധനകൾ വിജയകരമായി തുടരുന്നു!
പൊതുജനങ്ങളുടെ ആരോഗ്യസംരക്ഷണം മുൻനിർത്തി സംസ്ഥാനവ്യാപകമായി ശക്തമായ പരിശോധനകളാണ് വകുപ്പ് നടത്തിവരുന്നത്. ജൂൺ 15 മുതൽ ജൂലൈ 4 വരെയുള്ള കണക്കുകൾ താഴെ നൽകുന്നു.

പരിശോധനകളുടെ എണ്ണം: 6317
നൽകിയ നോട്ടീസുകൾ: 944
കോമ്പൗണ്ടിംഗ് നോട്ടീസുകൾക്ക് ശുപാർശ ചെയ്തവ: 623
ശേഖരിച്ച ആകെ സാമ്പിളുകൾ: 3655
അടച്ചുപൂട്ടിയ സ്ഥാപനങ്ങൾ : 102
നിയമനടപടികൾക്ക് (അഡ്ജുഡിക്കേഷൻ) ശുപാർശ ചെയ്തവ: 44

സുരക്ഷിതമായ ഭക്ഷണം ഓരോ പൗരന്റെയും അവകാശമാണ്. സുരക്ഷിത കേരളത്തിനായി ഈ പരിശോധനകൾ വരും ദിവസങ്ങളിലും ശക്തമായി തുടരും.

08/07/2026

കേരളത്തിൽ ഷിഗെല്ല (Shigella) അണുബാധ പടർന്നുപിടിക്കുന്നത് തടയാനും പൊതുജനാരോഗ്യം പൂർണ്ണമായി സുരക്ഷിതമാക്കാനും വിട്ടുവീഴ്ചയില്ലാത്ത പ്രതിരോധ നടപടികളുമായി ഭക്ഷ്യസുരക്ഷാ വകുപ്പ്. മലിനമായ ജലത്തിലൂടെയും ഭക്ഷണത്തിലൂടെയുമാണ് ഈ ബാക്ടീരിയ പ്രധാനമായും പകരുന്നത് എന്നതിനാൽ, സംസ്ഥാനത്തെ കുടിവെള്ള ശുദ്ധീകരണ പ്ലാന്റുകളിലും (Water Purification Plants), പാൽ സംഭരണ വിതരണ കേന്ദ്രങ്ങളിലുമാണ് (Milk Collection Centres) വകുപ്പ് ഇപ്പോൾ അതീവ ജാഗ്രതയോടെയുള്ള കർശന പരിശോധനകൾ നടത്തുന്നത്. ശുചിത്വ മാനദണ്ഡങ്ങൾ ഉറപ്പാക്കാനും സാമ്പിളുകൾ ശേഖരിക്കാനും വീഴ്ച വരുത്തുന്നവർക്കെതിരെ കർശന നിയമനടപടികൾ സ്വീകരിക്കാനും ഉദ്യോഗസ്ഥർ രംഗത്തുണ്ട്. സമൂഹത്തെ മാരക രോഗങ്ങളിൽ നിന്ന് സംരക്ഷിക്കാൻ ഭക്ഷ്യസുരക്ഷാ വകുപ്പ് ജാഗ്രതയോടെ പ്രവർത്തിക്കുമ്പോൾ, തിളപ്പിച്ചാറ്റിയ വെള്ളം മാത്രം കുടിക്കാനും വ്യക്തിശുചിത്വം പാലിക്കാനും പൊതുജനങ്ങളും ശ്രദ്ധിക്കുക.

07/07/2026

പൊതുജനാരോഗ്യം മുൻനിർത്തി ഭക്ഷ്യസുരക്ഷാ വകുപ്പ് നടത്തിയ കൃത്യമായ മിന്നൽ പരിശോധനയിൽ, കോഴിക്കോട് ജില്ലയിലെ ബേക്കറി അസംസ്‌കൃത വസ്തുക്കളുടെ മൊത്തവിതരണ കേന്ദ്രത്തിൽ ഗുരുതരമായ മാനദണ്ഡ ലംഘനങ്ങൾ കണ്ടെത്തി. അവിടെ നിന്ന് പഴകിയ ഭക്ഷ്യവസ്തുക്കൾ പിടിച്ചെടുത്ത് നശിപ്പിച്ചു.

ഭക്ഷ്യസുരക്ഷാ നിയമം (FSSA), 2006 പ്രകാരം സ്ഥാപനത്തിനെതിരെ കടുത്ത നിയമനടപടികൾ ആരംഭിച്ച വകുപ്പ്, പരിശോധനയ്ക്കായി നിയമപരമായ സാമ്പിളുകൾ ശേഖരിക്കുകയും Schedule 4 പ്രകാരമുള്ള കർശനമായ ശുചിത്വ-സംഭരണ മാനദണ്ഡങ്ങൾ അടിയന്തരമായി നടപ്പിലാക്കാൻ നിർദേശം നൽകുകയും ചെയ്തു. വിപണിയിലെ ഇത്തരം പ്രവണതകൾക്കെതിരെ വിട്ടുവീഴ്ചയില്ലാത്ത നടപടികളുമായി ഭക്ഷ്യസുരക്ഷാ വകുപ്പ് മുന്നോട്ട് പോവുകയാണ്.

ഇതുപോലെയുള്ള വിവരങ്ങൾ ആദ്യം തന്നെ ലഭിക്കാൻ ഈ പേജ് ഫോളോ ചെയ്യുക.

മൺസൂൺ കാലത്തെ ഭക്ഷ്യസുരക്ഷ ഉറപ്പാക്കുന്നതുമായി ബന്ധപ്പെട്ട് സ്കൂൾ പാചകത്തൊഴിലാളികൾക്കായി ബോധവൽക്കരണ പരിപാടി സംഘടിപ്പിച്ച...
04/07/2026

മൺസൂൺ കാലത്തെ ഭക്ഷ്യസുരക്ഷ ഉറപ്പാക്കുന്നതുമായി ബന്ധപ്പെട്ട് സ്കൂൾ പാചകത്തൊഴിലാളികൾക്കായി ബോധവൽക്കരണ പരിപാടി സംഘടിപ്പിച്ച് പത്തനംതിട്ട ഭക്ഷ്യ സുരക്ഷാ വകുപ്പ്.

കുട്ടികളുടെ ആരോഗ്യം സുരക്ഷിതമാക്കുന്നതിന്റെ ഭാഗമായി പത്തനംതിട്ട ഭക്ഷ്യ സുരക്ഷാ വകുപ്പും പൊതുവിദ്യാഭ്യാസ വകുപ്പുമായി ചേർന്ന് സ്കൂൾ പാചകത്തൊഴിലാളികൾക്കായി മൺസൂൺ കാലത്ത് പാലിക്കേണ്ട ഭക്ഷ്യസുരക്ഷ മാനദണ്ഡങ്ങൾ സംബന്ധിച്ച് ബോധവൽക്കരണ പരിപാടി നടത്തി. അടൂർ വൈറ്റ് പോർട്ടിക്കോയിൽ വെച്ച് നടന്ന ഈ ചടങ്ങ് റിട്ടയേർഡ് ഭക്ഷ്യ സുരക്ഷാ ജോയിന്റ് കമ്മിഷണർ ശ്രീമതി എ കെ മിനി ഉദ്‌ഘാടനം ചെയ്യുകയും, പത്തനംതിട്ട ഭക്ഷ്യ സുരക്ഷാ അസ്സി: കമ്മീഷണർ ശ്രീ സുജിത് പേരേര അധ്യക്ഷത വഹിക്കുകയും ചെയ്തു. ചടങ്ങിൽ അടൂർ ഭക്ഷ്യ സുരക്ഷാ ഓഫീസർ ഡോ. അസീം ആർ, റാന്നി ഭക്ഷ്യ സുരക്ഷാ ഓഫീസർ ഡോ. സൗമ്യ ഓ എസ് എന്നിവർ ക്ലാസുകൾക്ക് നേതൃത്വം നൽകി. അടൂർ എഇഒ ഓഫീസിലെ നൂൺ മീൽ ഓഫീസർ സന്നിഹിതനായിരുന്ന പരിപാടിയിൽ തൊണ്ണൂറോളം പാചകത്തൊഴിലാളികൾ പങ്കെടുത്തു

ഭക്ഷ്യസംരംഭകർ പ്രത്യേകം ശ്രദ്ധിക്കുക! "ഒരു ഫോൺ കോളിൽ FSSAI ലൈസൻസ് റെഡിയാക്കി നൽകാം" എന്ന രീതിയിൽ വരുന്ന വ്യാജ വാഗ്ദാനങ്ങ...
03/07/2026

ഭക്ഷ്യസംരംഭകർ പ്രത്യേകം ശ്രദ്ധിക്കുക!

"ഒരു ഫോൺ കോളിൽ FSSAI ലൈസൻസ് റെഡിയാക്കി നൽകാം" എന്ന രീതിയിൽ വരുന്ന വ്യാജ വാഗ്ദാനങ്ങളിൽ വീണുപോകരുത്. ഇത് നിങ്ങളെ കെണിയിലാക്കാനുള്ള തട്ടിപ്പാണ്.

ഭക്ഷ്യ വകുപ്പിന്റെയോ, FSSAI യുടെയോ ഏജൻസികളാണ് എന്ന വ്യാജനെയായിരിക്കും ഇവർ നിങ്ങളെ സമീപിക്കുക. ഇത്തരം വാഗ്ദാനങ്ങളിൽ ചെന്നുപെട്ട് വഞ്ചിതരാകാതിരിക്കുക.

നിങ്ങൾ ശ്രദ്ധിക്കേണ്ട കാര്യങ്ങൾ
എഫ്.എസ്.എസ്.എ.ഐ ലൈസൻസ് എടുക്കാൻ ഫൂഡ് സേഫ്റ്റി കോംപ്ലയൻസ് സിസ്റ്റത്തിന്റെ (FoSCoS) ഔദ്യോഗിക വെബ്സൈറ്റ് സന്ദർശിക്കുക: foscos.fssai.gov.in
നിങ്ങൾക്ക് ഓൺലൈനായി അപേക്ഷിക്കാൻ ബുദ്ധിമുട്ടുണ്ടെങ്കിൽ, ഔദ്യോഗിക സേവനങ്ങൾ നൽകുന്ന നിങ്ങളുടെ അടുത്തുള്ള അക്ഷയ കേന്ദ്രങ്ങളെ സമീപിക്കുക.
ഓർക്കുക: മറ്റാർക്കും അമിതമായി പണം നൽകാതെയും അനധികൃത ഫോൺ കോളുകൾ അറ്റൻഡ് ചെയ്യാതെയും ഔദ്യോഗിക മാർഗ്ഗങ്ങളിലൂടെ മാത്രം ലൈസൻസ് നേടുക. സുരക്ഷിതരാകുക, നിയമപരമായി പ്രവർത്തിക്കുക.
സംശയം തോന്നുകയാണെങ്കിൽ, നിങ്ങളുടെ പ്രദേശത്തെ ഭക്ഷ്യ സുരക്ഷാ ഓഫീസറുമായി ബന്ധപ്പെടുക.

കൂടുതൽ വിവരങ്ങൾക്കായി 'Kerala Commissionerate of Food Safety' (KCFS) ഔദ്യോഗിക വെബ്സൈറ്റുകൾ പരിശോധിക്കുക.
ഇതുപോലെയുള്ള വിവരങ്ങൾ ആദ്യം തന്നെ ലഭിക്കാൻ ഈ പേജ് ഫോളോ ചെയ്യുക.

ഓർഗാനിക് ഉത്പന്നങ്ങൾ വാങ്ങുമ്പോൾ ഇക്കാര്യങ്ങൾ ശ്രദ്ധിക്കാറുണ്ടോ? '100% ഓർഗാനിക്' എന്ന് പാക്കറ്റിന് മുകളിൽ എഴുതിയിരിക്കുന...
02/07/2026

ഓർഗാനിക് ഉത്പന്നങ്ങൾ വാങ്ങുമ്പോൾ ഇക്കാര്യങ്ങൾ ശ്രദ്ധിക്കാറുണ്ടോ?

'100% ഓർഗാനിക്' എന്ന് പാക്കറ്റിന് മുകളിൽ എഴുതിയിരിക്കുന്നത് കണ്ട് നമ്മൾ പലപ്പോഴും ഉത്പന്നങ്ങൾ വാങ്ങാറുണ്ട്. എന്നാൽ വെറുതെ ഒരു ലേബൽ ഉള്ളതുകൊണ്ട് മാത്രം ഒരു ഉത്പന്നം പൂർണ്ണമായും ഓർഗാനിക് ആകണമെന്നില്ല.

യഥാർത്ഥ വസ്തുത എന്താണ്?
യഥാർത്ഥ ഓർഗാനിക് ഉത്പന്നങ്ങൾക്ക് സർക്കാർ അംഗീകൃത സർട്ടിഫിക്കറ്റ് മുദ്രകൾ (Logos) ഉണ്ടായിരിക്കും. ഇത്തരത്തിലുള്ള ഔദ്യോഗിക മുദ്രകൾ നോക്കി മാത്രം ഇനി മുതൽ സാധനങ്ങൾ തിരഞ്ഞെടുക്കുക.

ഉത്പന്നങ്ങളിൽ ശ്രദ്ധിക്കേണ്ട പ്രധാന മുദ്രകൾ താഴെ പറയുന്നവയാണ്

📍 ജൈവിക് ഭാരത് (The Jaivik Bharat): ഇന്ത്യയിലെ ജൈവ ഉത്പന്നങ്ങൾക്ക് നൽകുന്ന പ്രധാന ഔദ്യോഗിക മുദ്ര.

📍 ഇന്ത്യ ഓർഗാനിക് - എൻ.പി.ഒ.പി. (India Organic - NPOP): നാഷണൽ പ്രോഗ്രാം ഫോർ ഓർഗാനിക് പ്രൊഡക്ഷൻ നൽകുന്ന സർട്ടിഫിക്കേഷൻ.

📍പി.ജി.എസ്. - ഇന്ത്യ ഓർഗാനിക് (PGS - India Organic): പാർട്ടിസിപ്പേറ്ററി ഗ്യാരന്റി സിസ്റ്റം വഴി സാക്ഷ്യപ്പെടുത്തിയ ഓർഗാനിക് ഉത്പന്നങ്ങൾക്കുള്ള മുദ്ര.

ആരോഗ്യകരമായ ഭക്ഷണശീലം ഉറപ്പാക്കാൻ ശരിയായ ഉത്പന്നങ്ങൾ തിരിച്ചറിഞ്ഞ് വാങ്ങാം. ഈ വിവരങ്ങൾ നിങ്ങളുടെ സുഹൃത്തുക്കളിലേക്കും പങ്കുവെക്കൂ!

ഇതുപോലെയുള്ള വിവരങ്ങൾ ആദ്യം തന്നെ ലഭിക്കാൻ ഈ പേജ് ഫോളോ ചെയ്യുക.

Address

Commissioner Of Food Safety, Thycaud P.O Thiruvananthapuram - 695014 Kerala. Phno :0471 - 2322833, 2322844
Thiruvananthapuram
695014

Telephone

+914712322833

Website

,

Alerts

Be the first to know and let us send you an email when Food Safety Kerala posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Food Safety Kerala:

Shortcuts

Share

Category