IUML GVR

08/08/2026

15/06/2026

സ്ത്രീകളുടെ സാമൂഹ്യ മുന്നേറ്റത്തിന് കരുത്തുപകരുന്ന ഒരു ക്ഷേമ പദ്ധതിയുടെ ഉദ്ഘാടന ചടങ്ങിൽ നിന്ന് മാറിനിന്ന ജനപ്രതിനിധികൾ, തങ്ങൾ ഏത് സ്ത്രീപക്ഷ നിലപാടാണ് ഉയർത്തിപ്പിടിക്കുന്നതെന്ന് പൊതുസമൂഹത്തോട് വ്യക്തമാക്കണം.

കക്ഷിരാഷ്ട്രീയത്തിന്റെ തിമരം ബാധിച്ച ചില നേതാക്കളുടെ ജല്പനങ്ങൾക്ക് വഴങ്ങി, ഇത്തരം വികസന-ക്ഷേമ ചടങ്ങുകൾ ബഹിഷ്കരിക്കുന്നത് സ്ത്രീകൾ ഉൾപ്പെടെയുള്ള വോട്ടർമാർ തിരഞ്ഞെടുത്ത ജനപ്രതിനിധികൾക്ക് ചേർന്നതാണോ എന്ന് അവർ സ്വയം ചിന്തിക്കുന്നത് നന്നാകും.

​എഴ് വിഭാഗം ഓർഡിനറി ബസ്സുകളിൽ സ്ത്രീകൾക്ക് സൗജന്യ യാത്ര ഉറപ്പാക്കുന്ന ‘പ്രിയദർശിനി’ പദ്ധതിക്ക് തുടക്കം കുറിച്ച യു.ഡി.എഫ് സർക്കാരിന് ഹൃദയം നിറഞ്ഞ അഭിനന്ദനങ്ങൾ!

08/06/2026

03/06/2026

ലോകകപ്പ് ഫുട്ബോൾ മൈതാനത്തിലേക്ക് ഇനി ഒരു മലയാളി പെരുമയും! ⚽🌍

ലോകകപ്പിന്റെ പച്ചപ്പുൽ മൈതാനത്ത് ഖത്തറിന്റെ ജേഴ്സിയിൽ പന്തുതട്ടാൻ ഒരു കണ്ണൂരുകാരൻ ഒരുങ്ങുകയാണ്.

ചരിത്രത്തിലാദ്യമായി ഫിഫ ലോകകപ്പ് ടീമിൽ ഇടം നേടുന്ന ആദ്യ മലയാളി എന്ന സുവർണ നേട്ടം തഹ്‌സീൻ മുഹമ്മദ് ജംഷീദിന് സ്വന്തം. കണ്ണൂരിന്റെ മണ്ണിൽ വേരുകളുള്ള ഈ യുവതാരം ഖത്തറിന്റെ ദേശീയ ടീമിനൊപ്പമാണ് ലോക ഫുട്ബോളിന്റെ ഏറ്റവും വലിയ വേദിയിലേക്ക് ചുവടുവെക്കുന്നത്.

ലോകത്തിന്റെ ഏറ്റവും വലിയ കായികമാമാങ്കത്തിൽ മലയാളികളുടെ അഭിമാനം ഉയർത്തിപ്പിടിക്കുന്ന തഹ്‌സീന് ഹൃദയം നിറഞ്ഞ ആശംസകൾ!

ഖത്തറിന്റെ ജേഴ്സിയിലാണെങ്കിലും, ഓരോ ടച്ചിനൊപ്പവും ഒരു മലയാളി ഹൃദയമിടിപ്പ് കൂടിയുണ്ടാകും. അവന്റെ നേട്ടത്തിൽ കേരളം അഭിമാനിക്കുന്നു.

തഹ്‌സീന്റെ ലോകകപ്പ് അരങ്ങേറ്റം കാണാൻ നാമെല്ലാവരും ആകാംക്ഷയോടെ കാത്തിരിക്കുന്നു.

സ്വപ്നങ്ങളെ ലക്ഷ്യമാക്കി കുതിക്കുന്ന എല്ലാ യുവ കായികതാരങ്ങൾക്കും തഹ്‌സീൻ ഒരു വലിയ പ്രചോദനമാണ്. പരിശ്രമവും സമർപ്പണവും ഉണ്ടെങ്കിൽ ലോകവേദിയും കീഴടക്കാമെന്ന് ഈ നേട്ടം തെളിയിക്കുന്നു.

അഭിനന്ദനങ്ങൾ തഹ്‌സീൻ! കേരളം നിന്റെ നേട്ടത്തിൽ അഭിമാനിക്കുന്നു. 💚⚽

സ്നേഹത്തോടെ
സി എച്ച് റഷീദ്

27/05/2026

ഏവർക്കും എന്റെയും കുടുംബത്തിന്റെയും ഹൃദയം നിറഞ്ഞ ബലിപെരുന്നാൾ ആശംസകൾ...

23/05/2026

കേവലം ഒരു ജനപ്രതിനിധി എന്നതിനപ്പുറം, വാക്കുകളിലും പ്രവർത്തികളിലും ഒരുപോലെ ആത്മാർത്ഥത നിറച്ച ജനനായകനാണ് പ്രിയപ്പെട്ട പി.കെ. ബഷീർ. ആദരണീയനായ സീതി ഹാജിയുടെ മകൻ എന്ന വലിയ മേൽവിലാസത്തേക്കാളും, സ്വന്തം കർമ്മശേഷിയും ജനങ്ങളോടുള്ള അടുപ്പവും കൊണ്ട് അദ്ദേഹം നേടിയെടുത്ത ജനകീയ അംഗീകാരം അതിലേറെ വലുതാണ്.

വയനാട് മഹാദുരന്തത്തിന്റെ കണ്ണീർ ദിനങ്ങളിൽ, ദുരിതാശ്വാസ പ്രവർത്തനങ്ങളുമായി ബന്ധപ്പെട്ട് പാർട്ടി ഏൽപ്പിച്ച ഉത്തരവാദിത്തം സ്വന്തം നെഞ്ചേറ്റിയാണ് അദ്ദേഹം നിർവഹിച്ചത്. ആ ദൗത്യം എത്രത്തോളം ആത്മാർത്ഥമായി പൂർത്തിയാക്കി എന്നതിന് പ്രശസ്ത ആർക്കിടെക്റ്റ് ടോമിയുടെ വാക്കുകൾ മാത്രം മതി. അതാണ് അദ്ദേഹത്തിനുള്ള ഏറ്റവും വലിയ സാക്ഷ്യപത്രം.

“ഒരു വലിയ കാര്യം മനോഹരമായി പൂർത്തിയാകണമെങ്കിൽ അതിന് പിന്നിൽ അത്രമേൽ തീക്ഷ്ണമായ ആഗ്രഹവും കഠിനാധ്വാനവും വേണം” എന്ന തത്വം ജീവിതത്തിൽ പകർത്തിയ മനുഷ്യനാണ് അദ്ദേഹം. ഓരോ ദിവസവും കാര്യങ്ങൾ കൃത്യമായി ചോദിച്ചറിഞ്ഞും, ഓരോ ചെറിയ വിശദാംശങ്ങളിലും ശ്രദ്ധ ചെലുത്തിയും നടത്തിയ ആ ആത്മാർത്ഥ ഇടപെടലുകളാണ് വയനാട്ടിലെ ആ വലിയ പദ്ധതിയെ ഇത്രയും മനോഹരമാക്കിയത്. ദുരിതമനുഭവിക്കുന്ന സാധാരണ മനുഷ്യരുടെ വേദനയെ സ്വന്തം മനസിലേറ്റെടുത്ത ഒരു ജനപ്രതിനിധിയുടെ കരുതലായിരുന്നു അതെല്ലാം.

ഇന്ന് കേരളത്തിന്റെ വികസനപാതകളെ നയിക്കാനുള്ള പൊതുമരാമത്ത് വകുപ്പ് അദ്ദേഹത്തിന്റെ കൈകളിലെത്തുമ്പോൾ, പ്രിയപ്പെട്ട സീതി ഹാജിയുടെ ആ ആത്മവിശ്വാസമുള്ള വാക്കുകൾ വീണ്ടും ഓർമ്മയിൽ തെളിയുന്നു:
“ഞാൻ തറക്കല്ലിട്ടാൽ അവിടെ കെട്ടിടം ഉയർന്നിരിക്കും… ഞാൻ റോഡിന് കുറ്റിയടിച്ചാൽ അവിടെ വണ്ടി ഓടിയിരിക്കും…”

ജനങ്ങളോട് അത്രമേൽ ഉറച്ച വിശ്വാസത്തോടെ സംസാരിച്ച ആ വലിയ മനുഷ്യന്റെ അതേ നിശ്ചയദാർഢ്യവും ആത്മവിശ്വാസവും ഇന്ന് മകന്റെ പ്രവർത്തനങ്ങളിലും കാണാം. പിതാവ് ജനങ്ങൾക്ക് നൽകിയ ആ വാക്ക്, കൂടുതൽ കരുത്തോടെയും വികസന ദൗത്യങ്ങളോടെയും പൊതുമരാമത്ത് വകുപ്പിലൂടെ നടപ്പിലാക്കാൻ അദ്ദേഹത്തിന് സാധിക്കുമെന്ന വിശ്വാസം ജനങ്ങൾക്കുണ്ട്.

ഏറനാടൻ മണ്ണിന്റെ നന്മയും തനി നാടൻ ഭാഷയുടെ സൗഹൃദവും നാട്യങ്ങളില്ലാത്ത പെരുമാറ്റവും കൈമുതലാക്കി, വികസനത്തിന്റെ പുതിയ വഴികൾ തുറന്ന് ഇനിയും അനേകം ജനഹൃദയങ്ങൾ കീഴടക്കട്ടെ പ്രിയപ്പെട്ട പി.കെ. ബഷീർ.

സ്നേഹത്തോടെ,
സി.എച്ച്. റഷീദ്

22/05/2026

അടിയുറച്ച സംഘടനാബോധവും ജനങ്ങളോടുള്ള അചഞ്ചലമായ പ്രതിബദ്ധതയും കൊണ്ട് പ്രവർത്തകരുടെ ഹൃദയങ്ങളിൽ പ്രത്യേക സ്ഥാനം നേടിയ ജനനായകനാണ് പ്രിയപ്പെട്ട അഡ്വ. എൻ. ഷംസുദ്ദീൻ സാഹിബ്.
പുതിയ യു.ഡി.എഫ് സർക്കാരിൽ പൊതുവിദ്യാഭ്യാസം, സാക്ഷരത, വഖഫ്, ന്യൂനപക്ഷ വികസനം എന്നീ സുപ്രധാന വകുപ്പുകളുടെ ചുമതല ഏറ്റെടുക്കുന്നത് ഭാവി കേരളത്തിന് വലിയ പ്രതീക്ഷയാണ് നൽകുന്നത്.

മികച്ച പാർലമെന്റേറിയൻ എന്ന നിലയിലും, സംഘടനയെ താഴെത്തട്ടിൽ നിന്ന് കരുത്തുറ്റതാക്കുന്ന കാര്യത്തിൽ തെളിയിച്ച അസാധാരണ നേതൃപാടവത്താലും അദ്ദേഹം എന്നും പ്രവർത്തകരുടെ പ്രിയങ്കരനായി മാറിയിട്ടുണ്ട്. പ്രവർത്തകരെ നെഞ്ചോടുചേർത്ത് നിർത്തിയും കൃത്യമായ രാഷ്ട്രീയ ദിശാബോധത്തോടെ പാർട്ടിയെ മുന്നോട്ട് നയിച്ചും അദ്ദേഹം നേടിയ ഈ സ്ഥാനം സംഘടനാ മികവിന്റെ യഥാർത്ഥ അംഗീകാരമാണ്.

സംസ്ഥാന കമ്മിറ്റി എനിക്ക് ചുമതല നൽകിയിരിക്കുന്ന പാലക്കാട് ജില്ലയിൽ നിന്ന് നമ്മളെ നയിക്കാൻ ഒരു മന്ത്രി ഉയർന്നുവരുന്നു എന്നത് വ്യക്തിപരമായും രാഷ്ട്രീയപരമായും ഏറെ അഭിമാനവും സന്തോഷവും നൽകുന്ന നിമിഷമാണ്. പാർട്ടിക്കും പ്രവർത്തകർക്കും ഒരുപോലെ അഭിമാനത്തിന്റെ സുദിനം കൂടിയാണിത്.

കേരളത്തിന്റെ വിദ്യാഭ്യാസ മേഖലയിലും ന്യൂനപക്ഷ ക്ഷേമ രംഗങ്ങളിലും വലിയ മുന്നേറ്റങ്ങൾ സൃഷ്ടിക്കാൻ ഷംസുദ്ദീൻ സാഹിബിന്റെ നേതൃത്വത്തിന് സാധിക്കട്ടെ.
പ്രിയപ്പെട്ട മന്ത്രിക്ക് പ്രിയ സുഹൃത്തിന് ഹൃദയം നിറഞ്ഞ പ്രാർത്ഥനകളും വിജയാശംസകളും നേരുന്നു. 💚

സ്നേഹത്തോടെ,
സി എച്ച് റഷീദ്

21/05/2026

കേരളത്തിന്റെ വികസന ചരിത്രത്തിൽ പുതിയൊരു സുവർണ്ണ അധ്യായം കൂടി കുറിക്കപ്പെടുകയാണ്. അസാധ്യമായതിനെ സാധ്യമാക്കുകയും പ്രതിസന്ധികളെ പുഞ്ചിരിയോടെ മറികടക്കുകയും ചെയ്യുന്ന ആ വികസന സ്പർശം വീണ്ടും വ്യവസായ-വിവരസാങ്കേതിക വകുപ്പിന്റെ ചുമതലയിലേക്ക് എത്തുമ്പോൾ, കേരളക്കരയിലാകെ പ്രതീക്ഷകളുടെ പുതുവെളിച്ചമാണ് പരക്കുന്നത്.

അക്ഷരവെളിച്ചത്തിലൂടെ ആധുനിക കേരളത്തിന്റെ അടിത്തറ പാകിയ സി എച്ച് മുഹമ്മദ് കോയാ സാഹിബിന്റെ സ്വപ്നങ്ങൾക്ക് ആഗോള വികസനത്തിന്റെ ചിറകുകൾ നൽകി ജനഹൃദയങ്ങളിൽ ഇടം നേടിയ നേതാവാണ് പികെ കുഞ്ഞാലിക്കുട്ടി സാഹിബ്.

കമ്പ്യൂട്ടറും ഇന്റർനെറ്റും ചിലർക്കു മാത്രം ലഭ്യമായിരുന്ന ഒരു കാലത്ത്, വിവരസാങ്കേതിക വിദ്യയെ സാധാരണ ജനങ്ങളുടെ വിരൽത്തുമ്പിലെത്തിക്കാൻ അദ്ദേഹം കാണിച്ച ദൂരദർശിത്വമാണ് ഇന്ന് കേരളം അനുഭവിക്കുന്ന ഡിജിറ്റൽ മുന്നേറ്റത്തിന്റെ അടിത്തറ.
2002-ൽ മലപ്പുറത്തിന്റെ മണ്ണിൽ നിന്നു തെളിഞ്ഞ ‘അക്ഷയ’ എന്ന ഡിജിറ്റൽ ദീപം ഇന്ന് കേരളത്തിലെ ഓരോ വീടുകളിലും പ്രകാശം പകരുന്ന ജനകീയ പ്രസ്ഥാനമായി വളർന്നു.

ഒരുകാലത്ത് അക്ഷരസാക്ഷരതയുടെ ചരിത്രം സൃഷ്ടിച്ച ഈ നാട്, ഡിജിറ്റൽ സാക്ഷരതയിലും മാതൃകയാകാൻ വഴി തെളിച്ചത് അദ്ദേഹത്തിന്റെ ദീർഘദർശിയായ ഇടപെടലുകളായിരുന്നു.

ചുവപ്പുനാടകളിൽ കുരുങ്ങിക്കിടന്ന ഫയലുകൾക്ക് വേഗത നൽകി, നിക്ഷേപ സൗഹൃദ കേരളത്തെ ലോകത്തിനു മുന്നിൽ അവതരിപ്പിച്ച ‘ഇൻവെസ്റ്റ് കേരള’യും ‘എമേർജിങ് കേരള’യും പോലുള്ള ആശയങ്ങളുടെ പിന്നിലെ ശക്തമായ നേതൃത്വവും അദ്ദേഹത്തിന്റേതായിരുന്നു.

ടെക്നോപാർക്കും ഇൻഫോപാർക്കും ലോകോത്തര നിലവാരത്തിലേക്ക് ഉയരാൻ വഴിയൊരുക്കിയ വികസന ചിന്തയുടെ ഉറവിടം കൂടിയാണ് അദ്ദേഹം.

രാഷ്ട്രീയത്തിൽ എതിരാളികളെ പോലും വികസനത്തിന്റെ കൂട്ടാളികളാക്കുന്ന ആ തന്ത്രജ്ഞത, വീണ്ടും വ്യവസായ വകുപ്പിന്റെ തലപ്പത്തേക്ക് എത്തുമ്പോൾ കേരളത്തിന്റെ യുവത്വം പുതിയ പ്രതീക്ഷകളോടെയാണ് നോക്കിക്കാണുന്നത്.

വ്യവസായ മേഖലയെ പുതുജീവൻ നൽകി, ലക്ഷക്കണക്കിന് തൊഴിലവസരങ്ങൾ സൃഷ്ടിച്ച്, കേരളത്തെ ആഗോള ഐ.ടി ഭൂപടത്തിൽ കൂടുതൽ ശക്തമായി അടയാളപ്പെടുത്താൻ അദ്ദേഹത്തിന്റെ നേതൃത്വത്തിന് കഴിയുമെന്ന ആത്മവിശ്വാസം ജനങ്ങൾക്കുണ്ട്.

അതെ, നാളെയുടെ മാറ്റങ്ങൾക്ക് വേഗം കൂട്ടാൻ…
വികസനത്തിന്റെ വസന്തം വീണ്ടും വിരിയിക്കാൻ…
ആ മാന്ത്രിക കൈകൾ വീണ്ടും ചലിച്ചു തുടങ്ങുകയാണ്.

വികസന കുതിപ്പുകളുടെ ആ പുതിയ യാത്രയ്ക്ക് പ്രിയനായകന് ഹൃദയം നിറഞ്ഞ അഭിവാദ്യങ്ങൾ!

സ്നേഹത്തോടെ,
സി. എച്ച്. റഷീദ്