SDPI Thrissur

15/08/2026

എസ്ഡിപിഐ സംസ്ഥാന കമ്മിറ്റി ഓഫീസിൽ സംസ്ഥാന സെക്രട്ടറി ജോൺസൺ കണ്ടച്ചിറ ദേശീയ പതാക ഉയർത്തി. സംസ്ഥാന സെക്രട്ടറിയേറ്റ് അംഗം അഷറഫ് പ്രാവച്ചമ്പലം, ജില്ലാ ജനറൽ സെക്രട്ടറി സലിം കരമന, ജില്ലാ സെക്രട്ടറി സബീന ലുക്ക്മാൻ, ജില്ലാ ട്രഷറർ ഷംസുദ്ദീൻ മണക്കാട്, വട്ടിയൂർക്കാവ് മണ്ഡലം പ്രസിഡന്റ്‌ സുധീർ നെട്ടയം, കഴക്കൂട്ടം മണ്ഡലം പ്രസിഡന്റ്‌ അംജദ്, നേമം മണ്ഡലം സെക്രട്ടറി റഷീദ് മൗലവി തുടങ്ങിയവർ സംബന്ധിച്ചു.

14/08/2026

80-ാം സ്വാതന്ത്ര്യദിനാശംസകൾ

14/08/2026

ഏവർക്കും ഹൃദയം നിറഞ്ഞ സ്വാതന്ത്ര്യദിനാശംസകൾ!

​ബ്രിട്ടീഷ് അധിനിവേശത്തിന്റെ അടിച്ചമർത്തലുകളിൽ നിന്നും നമ്മുടെ നാട് പരമാധികാരവും സ്വാതന്ത്ര്യവും നേടിയെടുത്തതിന്റെ ധീരമായ ചരിത്രസ്മരണകളിലാണ് നാം ഇന്ന്. ജീവനും രക്തവും നൽകി രാജ്യത്തിന് സ്വാതന്ത്ര്യം നേടിത്തന്ന മഹാത്മാക്കളുടെയും അനേകം പോരാളികളുടെയും അമൂല്യമായ ത്യാഗങ്ങളെ ഈ ദിനത്തിൽ ആദരവോടെ സ്മരിക്കുന്നു.

​സ്വാതന്ത്ര്യം എന്നത് വെറുമൊരു ഭരണമാറ്റം മാത്രമല്ല; അത് രാജ്യത്തെ അവസാനത്തെ പൗരനും സമത്വവും സാമൂഹിക നീതിയും അവകാശങ്ങളും ഉറപ്പുവരുത്തലാണ്. നമ്മുടെ ഭരണഘടന മുന്നോട്ടുവെക്കുന്ന മതേതരത്വം, ജനാധിപത്യം, സാഹോദര്യം എന്നീ പവിത്രമായ മൂല്യങ്ങൾ സംരക്ഷിക്കപ്പെടുമ്പോൾ മാത്രമേ സ്വാതന്ത്ര്യം പൂർണ്ണ അർത്ഥത്തിൽ അർത്ഥവത്താകൂ.

​അനീതിക്കും വിവേചനങ്ങൾക്കുമെതിരെ ഉറച്ചുനിൽക്കാനും, ഭരണഘടനാ അവകാശങ്ങൾ സംരക്ഷിക്കാനും നാം പ്രതിജ്ഞാബദ്ധരാണ്. ഭയരഹിതമായും അന്തസ്സോടെയും ജീവിക്കാനുള്ള അന്തരീക്ഷം എല്ലാ വിഭാഗം ജനങ്ങൾക്കും ഉറപ്പാക്കാൻ നമുക്ക് ഒന്നിച്ച് മുന്നേറാം.

​രാജ്യത്തിന്റെ വൈവിധ്യവും ഐക്യവും കാത്തുസൂക്ഷിക്കാൻ നമുക്ക് കൈകോർക്കാം.

സി പി എ ലത്തീഫ്
സംസ്ഥാന പ്രസിഡന്റ്‌ - എസ് ഡി പി ഐ

14/08/2026

വിശപ്പിൽ നിന്ന് മോചനം,
ഭയത്തിൽ നിന്ന് മോചനം

SDPI സംസ്ഥാന പ്രതിനിധി സഭ

2026 ആഗസ്റ്റ്, 19 ബുധൻ
മാമ്മൻ മാപ്പിള ഹാൾ, കോട്ടയം

14/08/2026

സ്വാതന്ത്ര്യ ദിനാശംസൾ

സ്വാതന്ത്ര്യം എന്നത് കേവലം ഒരു ദിനാചരണം മാത്രമല്ല; ഓരോ പൗരനും തുല്യനീതിയും സ്വാതന്ത്ര്യവും ലഭ്യമാകുന്ന ഒരു ഇന്ത്യയെ സാക്ഷാത്കരിക്കാനുള്ള നിരന്തരമായ പോരാട്ടം കൂടിയാണ്.

ഭരണഘടന ഉയർത്തിപ്പിടിക്കുന്ന നീതി, സ്വാതന്ത്ര്യം, സമത്വം, സാഹോദര്യം എന്നിവ സംരക്ഷിച്ചുകൊണ്ട് കൂടുതൽ ജനാധിപത്യപരവും നീതിയുക്തവുമായ ഇന്ത്യക്കായി നമുക്ക് ഒരുമിച്ച് മുന്നേറാം.

എല്ലാവർക്കും ഹൃദയം നിറഞ്ഞ സ്വാതന്ത്ര്യദിനാശംസകൾ.

കെ.വി. അബ്ദുൽ നാസർ
ജില്ലാ പ്രസിഡന്റ്

14/08/2026

12/08/2026

മൈൻസ് ആൻഡ് മിനറൽസ് ഭേദഗതി ബിൽ ;
കേന്ദ്രസർക്കാർ ഫെഡറലിസത്തെ തകർക്കുന്നു : അൻസാരി ഏനാത്ത്

രാജ്യത്ത്ധാതു വിഭവങ്ങൾ കണ്ടെത്തുന്ന ഏതൊരു ഭൂമിയും കേന്ദ്രസർക്കാരിന്റെ പൂർണ്ണ നിയന്ത്രണത്തിൽ കൊണ്ടുവരുന്ന മൈൻസ് ആൻഡ് മിനറൽസ്‌ ഭേദഗതി ബിൽ ഫെഡറലിസത്തെ തകർക്കുന്നതിന്റെ തുടർച്ചയാണെന്ന് എസ് ഡി പി ഐ സംസ്ഥാന സെക്രട്ടറി അൻസാരി ഏനാത്ത്.
സംസ്ഥാന സർക്കാരുകളുടെ അധികാരത്തെ പൂർണമായി കവർന്നെടുക്കുന്ന തരത്തിലുള്ള ഭേദഗതി നിയമങ്ങളാണ് ഓരോ ദിവസവും ബിജെപി സർക്കാർ പാസാക്കി കൊണ്ടിരിക്കുന്നത്.
ധാതു ഭൂമികൾക്ക് മേലോ ധാതു അവകാശങ്ങൾക്ക് മേലോ യാതൊരുവിധ നികുതിയോ സെസ്സോ ലെവിയോ ചുമത്താൻ പുതിയ ഭേദഗതി പ്രകാരം സംസ്ഥാന സർക്കാരുകൾക്ക് അധികാരമില്ല. ഖനി വിഭവങ്ങളുടെയും ധാതു വിഭവങ്ങളുടെയും പൂർണ്ണ നിയന്ത്രണവും നികുതിയും കേന്ദ്രസർക്കാരിലേക്ക് കൊണ്ടുവരുന്ന തരത്തിലുള്ള നിയമമാണ് പാസാക്കിയിരിക്കുന്നത്. ഘട്ടം ഘട്ടമായി കേന്ദ്രഭരണകൂടം സർവ്വാധിപത്യത്തിലേക്ക് രാജ്യത്തെ എത്തിക്കുകയാണ്. ഇത് രാജ്യത്തിന്റെ ജനാധിപത്യത്തിനും ഫെഡറലിസത്തിനും കനത്ത ആഘാതമുണ്ടാക്കുമെന്നും അദ്ദേഹം പറഞ്ഞു.

12/08/2026

ജനാധിപത്യത്തെ ശക്തിപ്പെടുത്തുക
​സ്വാതന്ത്ര്യം സംരക്ഷിക്കുക

80-ാം സ്വാതന്ത്ര്യദിന സംഗമങ്ങൾ

11/08/2026

മത്സ്യതൊഴിലാളിയെ കണ്ടെത്താൻ കഴിയാത്തത് സർക്കാർ സിസ്റ്റത്തിന്റെ വീഴ്ച:
ജോൺസൺ കണ്ടച്ചിറ.

കൊല്ലം നീണ്ടകരയിൽ നിന്നും മത്സ്യ ബന്ധനത്തിന് പോയ മത്സ്യത്തൊഴിലാളി ഗൗതമിനെ കാണാതായി 12 ദിവസം പിന്നിടുമ്പോഴും കണ്ടെത്താനോ ആശ്വാസ വിവരങ്ങൾ അവരുടെ കുടുംബങ്ങൾക്ക് നൽകാനോ കഴിയാത്തത് സർക്കാർ സിസ്റ്റത്തിന്റെ വീഴ്ചയാണെന്ന് എസ് ഡി പി ഐ സംസ്ഥാന സെക്രട്ടറി ജോൺസൺ കണ്ടച്ചിറ പറഞ്ഞു. ഗൗതമിന്റെ കുടുംബത്തെ സന്ദർശിച്ചതിനുശേഷം സംസാരിക്കുകയായിരുന്നു അദ്ദേഹം.
ഇത് സർക്കാരിന്റെ നിസ്സംഗതയുടെ കൂടി ഉദാഹരണമാണ്. 12 ദിവസത്തിന് ശേഷം ഗൗതമിന്റെ ബന്ധുക്കളെ സന്ദർശിക്കാനുള്ള ശ്രമം മുഖ്യമന്ത്രിയുടെ വൈകി ഉദിച്ച വിവേകമാണ്.കാണാതായവരെ കണ്ടെത്താൻ 'ഞാൻ കടപ്പുറത്ത് പോകണോ' എന്ന മുഖ്യമന്ത്രിയുടെ പരിഹാസം നിറഞ്ഞ ചോദ്യം ഒരു സമൂഹത്തെ അടച്ചാക്ഷേപിക്കുന്നതാണ്.
കാലാവസ്ഥ വ്യതിയാനം അനുസരിച്ച് മത്സ്യത്തോലാളികൾക്ക് സുരക്ഷയൊരുക്കാൻ സർക്കാരിന് സാധ്യമാകുന്നില്ല.
കടലിൽ അപകടത്തിൽ പെടുന്ന മത്സ്യത്തൊഴിലാളികൾക്ക് കരയിലെ സുരക്ഷാ സേനയുമായി ബന്ധപ്പെടാനുള്ള സൗകര്യങ്ങൾ കാര്യക്ഷമമല്ല.
കാലങ്ങളായുള്ള മത്സ്യത്തൊഴിലാളികളുടെ ഇത്തരം ആവശ്യങ്ങളെ അവഗണിച്ചന്റെ ഫലം കൂടിയാണ് തുടർച്ചയായ ഇത്തരം അപകടങ്ങൾ.
കടലിന്റെ കാണാക്കയങ്ങളിലേക്ക് വലയെറിയുന്ന മത്സ്യത്തൊഴിലാളികൾ ഈ നാടിന്റെ സമ്പത്തിന്റെ നെടുംതൂണാണ്.
എന്നാൽ,അവരെ അർഹമായ രീതിയിൽ പരിഗണിക്കുന്നതിലും പരിരക്ഷിക്കുന്നതിലും സർക്കാർ പരാജയമാണെന്നും അദ്ദേഹം പറഞ്ഞു.
ജില്ലാ പ്രസിഡന്റ് ലത്തീഫ് കരുനാഗപ്പള്ളി
ജില്ലാ വൈസ് പ്രസിഡന്റ്
എ കെ ഷെരീഫ്
വിമൺ ഇന്ത്യാ മുവ്മെന്റ്
ജില്ലാ വൈസ് പ്രസിഡന്റ്
അമീന എന്നിവർ ഒപ്പമുണ്ടായിരുന്നു.