07/03/2026
സർക്കാർ ജീവനക്കാരോടുള്ള പ്രതിബദ്ധത ഉറപ്പിച്ച ഇടതുപക്ഷ സർക്കാരിന്റെ തീരുമാനങ്ങളെ ജോയിന്റ് കൗൺസിൽ തൃശ്ശൂർ ജില്ലാ സമ്മേളനം സ്വാഗതം ചെയ്തു
കേന്ദ്രത്തിന്റെ നയം മൂലം ഉണ്ടായ സാമ്പത്തിക പ്രയാസങ്ങൾക്കിടയിലും ഡിഎ കുടിശ്ശികയും, ഡിഎയും അനുവദിച്ച സർക്കാർ നടപടി അഭിനന്ദനീയമാണെന്ന് സിപിഐ സംസ്ഥാന എക്സിക്യൂട്ടീവ് അംഗം രാജാജി മാത്യു തോമസ് ജോയിന്റ് കൗൺസിൽ ജില്ലാ സമ്മേളനം ഉദ്ഘാടനം അഭിപ്രായപ്പെട്ടു.
ജോയിന്റ് കൗൺസിൽ ജില്ലാ പ്രസിഡന്റ് ധനുഷ് പി അധ്യക്ഷത വഹിച്ച യോഗത്തിൽ ജനറൽ സെക്രട്ടറി കെ. പി. ഗോപകുമാർ സംഘടനാ റിപ്പോർട്ട് അവതരിപ്പിച്ചു. വൈസ് ചെയർമാൻമാരായ വി. വി. ഹാപ്പി, ആർ.രമേഷ് കുമാർ, വീ. സി ജയപ്രകാശ്, സംസ്ഥാന സെക്രട്ടറിയേറ്റ് അംഗമായ ആർ ഹരീഷ് കുമാർ, സംസ്ഥാന കമ്മിറ്റി അംഗം എ എം നൗഷാദ്, വനിതാ കമ്മറ്റി ജില്ലാ സെക്രട്ടറി പി എൻ നിത, ജില്ലാ പ്രസിഡന്റ് പി അരുണ എന്നിവർ അഭിവാദ്യം അർപ്പിച്ച് സംസാരിച്ചു. ജില്ലാ വൈസ് പ്രസിഡന്റ് വി.എച്ച്. ബാലമുരളി സ്വാഗതവും ജില്ലാ ജോയിന്റ് സെക്രട്ടറി ഇ കെ സുഷീർ നന്ദിയും പറഞ്ഞു.
ജില്ലാ ഭാരവാഹികളായ സി വി ശ്രീനിവാസൻ, എം കെ ഷാജി, ടി.വി ഗോപകുമാർ, ടി.ജി വിജിമോൾ, സുബിൻ തോപ്പിൽ എന്നിവർ സംസാരിച്ചു.
ജില്ലാ സെക്രട്ടറി വി. ജെ. മെർളി പ്രവർത്തനം റിപ്പോർട്ടും ജില്ലാ ട്രഷറർ വരവ് ചെലവ് കണക്കും അവതരിപ്പിച്ചു....
