26/08/2026
শিক্ষাই হৈছে যুৱপ্ৰজন্মৰ সপোনক বাস্তৱ ৰূপ দিয়াৰ এক শক্তিশালী মাধ্যম। শিক্ষাৰ জৰিয়তে এখন সমাজৰ ভৱিষ্যৎ নিৰ্মাণ হয়, আৰু আমাৰ মেধাৱী যুৱপ্ৰজন্মক উচ্চ শিক্ষাৰ সুযোগ প্ৰদান কৰাটো মৰাণ স্বায়ত্তশাসিত পৰিষদৰ অন্যতম গুৰুত্বপূৰ্ণ অগ্ৰাধিকাৰ।
আজি তিনিচুকীয়াৰ মানৱ কল্যাণ পূজা ভৱনত মৰাণ স্বায়ত্বশাসিত পৰিষদৰ উদ্যোগত ২০২৫-২৬ বিত্তীয় বৰ্ষৰ শিক্ষা বিভাগৰ ‘উচ্চ শিক্ষা সাহায্য আঁচনি-2026’ৰ অধীনত অনুষ্ঠিত উচ্চ শিক্ষা আৰু পেছাগত শিক্ষা গ্ৰহণ কৰি থকা শিক্ষাৰ্থীসকলক ১০,০০০ টকাকৈ এককালীন আৰ্থিক সাহায্য বিতৰণ অনুষ্ঠান সম্পন্ন হৈ যায়।
মৰাণ স্বায়ত্তশাসিত পৰিষদে বিশ্বাস কৰে যে আৰ্থিকভাৱে পিছপৰা অথচ মেধাৱী শিক্ষাৰ্থীসকলৰ উচ্চ শিক্ষাৰ যাত্ৰাত এনে সহায়ে এক ইতিবাচক ভূমিকা পালন কৰিব। এই সাহায্য হয়তো তেওঁলোকৰ প্ৰয়োজনীয়তাৰ তুলনাত সৰু, কিন্তু তেওঁলোকৰ সপোন পূৰণৰ পথত ই এক আশাৰ বতৰা আৰু উৎসাহৰ শক্তি হিচাপে কাম কৰিব বুলি দৃঢ়ভাৱে আশা কৰে।
উক্ত গৌৰৱময় অনুষ্ঠানত ভাৰত চৰকাৰৰ মাননীয় কেন্দ্ৰীয় মন্ত্ৰী শ্ৰী সৰ্বানন্দ সোণোৱাল ডাঙৰীয়া, অসম চৰকাৰৰ কেবিনেট মন্ত্ৰী মাননীয় অশ্বিনী ৰায় সৰকাৰ ডাঙৰীয়া,লখিমপুৰ লোকসভা সমষ্টিৰ মাননীয় সাংসদ শ্ৰী প্ৰদান বৰুৱা, শদিয়া বিধানসভা সমষ্টিৰ মাননীয় বিধায়ক শ্ৰী বলিন চেতিয়া, অসম পৰ্যটন উন্নয়ন নিগমৰ অধ্যক্ষ শ্ৰী ঋতুপৰ্ণ বৰুৱা, মৰাণ স্বায়ত্তশাসিত পৰিষদৰ মুখ্য কাৰ্যবাহী সদস্য শ্ৰী Arunjyoti Moran , তিনিচুকীয়াৰ জিলা আয়ুক্ত শ্ৰী সুমিত সত্তাৱন, জ্যেষ্ঠ আৰক্ষী পৰিদৰ্শক শ্ৰী মায়ং কুমাৰকে ধৰি গণ্য-মান্য ব্যক্তিসকলৰ উপস্থিতিয়ে অনুষ্ঠানটিক অধিক গাম্ভীৰ্যপূৰ্ণ আৰু সফল কৰি তোলে।
মৰাণ স্বায়ত্তশাসিত পৰিষদ — শিক্ষা, উন্নয়ন আৰু যুৱপ্ৰজন্মৰ উজ্জ্বল ভৱিষ্যতৰ বাবে সদায় প্ৰতিশ্ৰুতিবদ্ধ।
Himanta Biswa Sarma
CMO Assam
Sarbananda Sonowal
Bolin Chetia
