BJYM Tinsukia

06/09/2026

আজি তিনিচুকীয়াৰ বৰগুৰিস্থিত অটল বিহাৰী বাজপেয়ী ভৱনত ভাৰতীয় জনতা পাৰ্টি, তিনিচুকীয়া জিলা সমিতিৰ মুখ্য কাৰ্যালয়ত ভাৰতীয় জনতা যুৱ মৰ্চা, তিনিচুকীয়া জিলা সমিতিৰ পূৰ্ণগঠিত নৱনিযুক্ত জিলা বিষয়ববীয়াসকলৰ এখন গুৰুত্বপূৰ্ণ সাংগঠনিক সভা অনুষ্ঠিত হয়৷

05/09/2026

“গুৰু ব্ৰহ্মা, গুৰু বিষ্ণু, গুৰু দেৱো মহেশ্বৰ।
গুৰু সাক্ষাৎ পৰমব্ৰহ্ম, তস্মৈ শ্ৰী গুৰৱে নমঃ॥”

ভাৰতৰ প্ৰাক্তন ৰাষ্ট্ৰপতি, প্ৰখ্যাত দাৰ্শনিক, প্ৰাজ্ঞ শিক্ষাবিদ তথা ভাৰতীয় শিক্ষা-দৰ্শনৰ অন্যতম অগ্ৰদূত ড° সৰ্বপল্লী ৰাধাকৃষ্ণণ দেৱৰ পৱিত্ৰ জন্মজয়ন্তীত তেখেতৰ অতুলনীয় জ্ঞানসাধনা, প্ৰজ্ঞাদীপ্ত চিন্তন আৰু শিক্ষাৰ প্ৰতি অখণ্ড নিষ্ঠাক গভীৰ শ্ৰদ্ধাৰে স্মৰণ কৰিছোঁ। তেখেতৰ জন্মদিনটো ‘শিক্ষক দিৱস’ হিচাপে উদযাপন কৰি সমগ্ৰ দেশে গুৰু-শিষ্য পৰম্পৰাৰ মহত্ত্ব আৰু শিক্ষকৰ অনন্য অৱদানক সন্মান জনাই আহিছে।

শিক্ষক কেৱল জ্ঞানৰ বিতাৰক নহয়, তেওঁলোক মূল্যবোধৰ নিৰ্মাতা, চৰিত্ৰগঠনৰ স্থপতি আৰু ভৱিষ্যৎ প্ৰজন্মৰ সুদক্ষ পথপ্ৰদৰ্শক। এগৰাকী আদৰ্শ শিক্ষকৰ জ্ঞান, আদৰ্শ আৰু প্ৰেৰণাই শিক্ষাৰ্থীৰ জীৱনক আলোকিত কৰাৰ লগতে সুসংস্কৃত, নৈতিক আৰু দায়িত্বশীল সমাজ নিৰ্মাণৰ ভেটি সুদৃঢ় কৰে।

এই পৱিত্ৰ শিক্ষক দিৱসত দেশৰ প্ৰতিগৰাকী শিক্ষক-শিক্ষয়িত্ৰীলৈ আন্তৰিক শুভেচ্ছা, সশ্ৰদ্ধ প্ৰণাম আৰু অকুণ্ঠ কৃতজ্ঞতা জ্ঞাপন কৰিছোঁ।

04/09/2026

সমাগত শিলচৰ পৌৰনিগম নিৰ্বাচনৰ প্ৰস্তুতি আৰু সাংগঠনিক তৎপৰতাৰ পৰিপ্ৰেক্ষিতত আজি শিলচৰত ভাৰতীয় জনতা পাৰ্টি, অসম প্ৰদেশৰ সন্মানীয় সভাপতি শ্ৰীযুত Dilip Saikia ডাঙৰীয়া, সন্মানীয় ৰাজ্যিক সাংগঠনিক সাধাৰণ সম্পাদক শ্ৰীযুত Ravindra Raju ডাঙৰীয়া, ভাৰতীয় জনতা যুৱ মৰ্চা, অসম প্ৰদেশৰ সন্মানীয় সভাপতি শ্ৰীযুত Rakesh Das ডাঙৰীয়া উপস্থিত হোৱাৰ মুহূৰ্তত কাৰ্যকৰ্তাসকলে আন্তৰিক সম্ভাষণ জনায়।

04/09/2026

ভাৰতীয় জনতা পাৰ্টি, অসম প্ৰদেশৰ সন্মানীয় ৰাজ্যিক সাংগঠনিক সাধাৰণ সম্পাদক, আমাৰ সকলোৰে শ্ৰদ্ধাৰ অভিভাৱক স্বৰূপ শ্ৰীযুত Ravindra Raju ডাঙৰীয়ালৈ ভাৰতীয় জনতা যুৱ মৰ্চা, অসম প্ৰদেশৰ তৰফৰ পৰা জন্মদিনৰ হিয়াভৰা শুভকামনা জনাইছোঁ।

भारतीय जनता पार्टी, असम प्रदेश के माननीय प्रदेश संगठन महामंत्री एवं हम सभी के श्रद्धेय अभिभावक स्वरूप आदरणीय श्री Ravindra Raju जी को भारतीय जनता युवा मोर्चा, असम प्रदेश की ओर से जन्मदिन की हार्दिक एवं मंगलमय शुभकामनाएँ।

03/09/2026

গুজৰাট বিজেপিৰ ‘সেৱা সংকল্প অভিযান’ৰ সৈতে জড়িত দলটোৰ সৈতে অসম বিজেপিৰ মাননীয় সভাপতি শ্ৰীযুত দিলীপ শইকীয়া ডাঙৰীয়াৰ নেতৃত্বত এক গুৰুত্বপূৰ্ণ আৰু ফলপ্ৰসূ মত-বিনিময়ত অংশগ্ৰহণ কৰে ভাৰতীয় জনতা যুৱ মৰ্চা, অসম প্ৰদেশৰ মাননীয় সভাপতি শ্ৰীযুত ৰাকেশ দাস ডাঙৰীয়াই। উক্ত সভাত মাননীয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ ২৫ বছৰীয়া সেৱা আৰু সুশাসনৰ যাত্ৰাক কেন্দ্ৰ কৰি গ্ৰহণ কৰা বিভিন্ন কাৰ্যসূচীৰ পৰিকল্পনা, প্ৰস্তুতি, সাংগঠনিক সমন্বয় আৰু কাৰ্যকৰী ৰূপায়ণৰ দিশসমূহৰ বিষয়ে আলোচনা কৰা হয়।

03/09/2026

অসমৰ আৰক্ষী বাহিনীক সময়োপযোগী প্ৰশিক্ষণ আৰু অত্যাধুনিক সুবিধাৰে অধিক শক্তিশালী কৰি তোলাৰ দিশত আগবাঢ়িছে ৰাজ্য চৰকাৰ।

এই লক্ষ্যৰে দেৰগাঁৱৰ লাচিত বৰফুকন পুলিচ একাডেমীক ৰাষ্ট্ৰীয় মানদণ্ডৰ এক অত্যাধুনিক প্ৰশিক্ষণ কেন্দ্ৰ হিচাপে গঢ়ি তোলাৰ কাম আগবাঢ়িছে। আজি মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াই একাডেমী চৌহদত উপস্থিত হৈ আন্তঃগাঁথনি উন্নয়নমূলক কাম-কাজৰ অগ্ৰগতিৰ বুজ লয় আৰু নিৰ্মাণকাৰ্যসমূহ ক্ষিপ্ৰতাৰে সম্পূৰ্ণ কৰাৰ বাবে নিৰ্দেশনা দিয়ে।

লগতে ৰাজ্যৰ আৰক্ষী থানা, বেটেলিয়ন আৰু ৪খন জিলাত নিৰ্মাণাধীন আদৰ্শ আৰক্ষী ছাউনিৰ আৱাসিক প্ৰকল্পসমূহৰ অগ্ৰগতিও পৰ্যালোচনা কৰে। বৈঠকৰ পূৰ্বে নৱগঠিত Smart Response Unit (SRU)-ৰ প্ৰস্তুতিৰ বিষয়েও বুজ লয়।

আধুনিক আন্তঃগাঁথনি, উন্নত প্ৰশিক্ষণ আৰু দ্ৰুত সঁহাৰি এখন অধিক সক্ষম আৰু শক্তিশালী অসম আৰক্ষীৰ দিশত এয়া এক উল্লেখযোগ্য পদক্ষেপ। 🚔

📍 লাচিত বৰফুকন পুলিচ একাডেমী, দেৰগাঁও

Himanta Biswa Sarma

02/09/2026

নতুন দায়িত্ব, নতুন সংকল্প আৰু নৱ উদ্যমেৰে ভাৰতীয় জনতা যুৱ মৰ্চাৰ আগন্তুক যাত্ৰাৰ এক গুৰুত্বপূৰ্ণ অধ্যায়ৰ শুভাৰম্ভণি।।।

নতুন দিল্লীৰ বিজেপিৰ ৰাষ্ট্ৰীয় মুখ্য কাৰ্যালয়ত ভাৰতীয় জনতা যুৱ মৰ্চাৰ নৱনিযুক্ত ৰাষ্ট্ৰীয় সভাপতি তথা সাংসদ ড° হেমাংগ যোশী ডাঙৰীয়াৰ ‘পদভাৰ গ্ৰহণ সমাৰোহ’ অনুষ্ঠিত হয়। অনুষ্ঠানত বিজেপিৰ মাননীয় ৰাষ্ট্ৰীয় সাধাৰণ সম্পাদক তথা যুৱ মৰ্চাৰ ৰাষ্ট্ৰীয় প্ৰভাৰী শ্ৰীযুত সুনীল বানচাল ডাঙৰীয়া আৰু যুৱ মৰ্চাৰ প্ৰাক্তন ৰাষ্ট্ৰীয় সভাপতি শ্ৰীযুত তেজস্বী সূৰ্য ডাঙৰীয়াৰ উপস্থিতিয়ে অনুষ্ঠানটোক বিশেষ তাৎপৰ্য প্ৰদান কৰে।

যুৱ শক্তিক ৰাষ্ট্ৰ নিৰ্মাণৰ সৃষ্টিশীল শক্তি হিচাপে আগুৱাই নিয়া, সংগঠনৰ সাংগঠনিক ভেটি অধিক সুদৃঢ় কৰা আৰু দেশৰ যুৱ প্ৰজন্মক ৰাষ্ট্ৰসেৱাৰ সৈতে অধিক নিবিড়ভাৱে সংযুক্ত কৰাৰ দিশত ড° হেমাংগ যোশী ডাঙৰীয়াৰ নেতৃত্বই এক নতুন গতি প্ৰদান কৰিব বুলি আমি আশাবাদী।

ড° হেমাংগ যোশী ডাঙৰীয়ালৈ ভাৰতীয় জনতা যুৱ মৰ্চা, অসম প্ৰদেশৰ তৰফৰ পৰা আন্তৰিক শুভেচ্ছা আৰু সফল কাৰ্যকালৰ বাবে শুভকামনা জনালোঁ 🪷

01/09/2026