30/01/2021
आष्टामोड ते उदगीर रस्त्याचे काम चालू असून या कामाची कंत्राटदाराने गती वाढवून काम दर्जेदार करण्याचे संबंधित कंञाटदादाराना निर्देश महाराष्ट्राचे राज्यमंत्री मा.ना. संजय बनसोडे साहेबानी दिले.
आष्टामोड ते उदगीर या रस्त्याच्या कामाची आज अचानक भेट देऊन पाहणी केली. यावेळी औरंगाबाद ,रस्ते विकास महामंडळाचे अधिक्षक अभियंता बापूसाहेब साळुंके, उपअभियंता अशोक इंगळे, टिम लिडर दिपक गोयल, एस.आर.शिंदे,कंत्राटदार गजानन पोकलवार यांच्यासह बस्वराज पाटील नागराळकर, सिघ्देश्वर पाटील इत्यादी उपस्थित होते.
पावसाळयापूर्वी आष्टामोड ते उदगीर रस्त्याच्या एक बाजूचे काम पूर्ण करुन या रस्त्यावरील 13 पूलाचे बांधकाम जून पर्यंत पूर्ण करण्याच्या संबंधितांना सूचना दिल्या. या रस्त्याच्या कामा बाबत काही अडचणी असतील तर तहसिलदार,संबंधित अधिकारी यांच्याशी समन्वय साधून अडचणी सोडवून कामे पूर्ण करावेत. या कामाचा दर पंधरा दिवसांनी आढावा घ्यावा असे ही यावेळी सूचित केले.
