06/07/2026
मनःपूर्वक आभार! 🙏❤️
तळवडे येथे आढळून आलेल्या फुलाबाई आजी अखेर त्यांच्या नातेवाईकांना सुखरूप भेटल्या असून त्यांना सुरक्षितपणे पुणे, देहू येथून त्यांच्या घरी नेण्यात आले आहे.
ही आनंदाची बातमी म्हणजे सोशल मीडियाच्या ताकदीचे जिवंत उदाहरण आहे. पोस्ट शेअर होताच अनेकांनी ती पुढे पाठवली. आजींचे माहेर मसूर-निगडी असल्यामुळे गावातील नातेवाईकांच्या नजरेस ही पोस्ट पडली. त्यांनी तात्काळ पुण्यातील कुटुंबीयांना माहिती दिली आणि अवघ्या तीन-चार तासांत आजी आपल्या माणसांपर्यंत पोहोचल्या.
गेल्या तीन दिवसांपासून त्यांचा शोध सुरू होता. आजींची मुलगी आणि नातू त्यांची अतिशय प्रेमाने व काळजीपूर्वक देखभाल करतात. दोघेही दिवसभर कामावर गेल्यानंतर आजी चुकून घराबाहेर पडल्या आणि हरवल्या होत्या.
ही घटना एका गोष्टीची जाणीव करून देते.सोशल मीडियाचा योग्य आणि जबाबदारीने वापर केला, तर अनेक कुटुंबांना पुन्हा एकत्र आणण्याचे मोठे काम होऊ शकते.
ही पोस्ट शेअर करणारे, फोन करून माहिती देणारे, शोधकार्य करणारे आणि प्रत्येक प्रकारे मदतीचा हात पुढे करणारे सर्व मित्र, नागरिक, नातेवाईक आणि शुभचिंतक यांचे मनःपूर्वक आभार! 🙏
आपल्या सर्वांच्या सहकार्यामुळे एका कुटुंबाच्या चेहऱ्यावर पुन्हा आनंद फुलला.धन्यवाद! ❤️
सेवास्पर्श फाऊंडेशन उंब्रज.
