23/02/2026
കുരിക്കിലാട്: ഇന്ത്യൻ റിപ്പബ്ലിക്കിന്റെ എഴുപത്തഞ്ചാം വാർഷികാചരണത്തോടനുബന്ധിച്ച് കേരള ഗ്രന്ഥശാലാ സംഘം നടത്തിവരുന്ന വിവിധ പരിപാടികളുടെ ഭാഗമായി കുരിക്കിലാട് ഡോ. റാം മനോഹർ ലോഹ്യ ഗ്രന്ഥാലയം ആഭിമുഖ്യത്തിൽ വിജ്ഞാനവികസന സദസ്സ് സംഘടിപ്പിച്ചു. വടകര താലൂക്ക് ലൈബ്രറി കൗൺസിൽ ഭരണസമിതി അംഗം എം സ്മിത സദസ്സ് ഉദ്ഘാടനം ചെയ്തു. പുതുതായി പി എസ് സി നിയമനം ലഭിച്ച ഗ്രന്ഥാലയം അംഗങ്ങളായ രശ്മി, അമൽ എന്നിവരെ ചോറോട് ഗ്രാമ പഞ്ചായത്ത് ഭരണ സമിതി അംഗം എം ലിനിത ചടങ്ങിൽ പൊന്നാട അണിയിച്ച് ആദരിച്ചു. കെ പി മുഹമ്മദ് മയ്യന്നൂർ ഇന്ത്യൻ റിപ്പബ്ലിക്കിന്റെ സവിശേഷതകൾ എന്ന വിഷയത്തെ അധികരിച്ച് പ്രഭാഷണം നടത്തി. ഗ്രന്ഥാലയം പ്രസിഡണ്ട് ശ്രീജേഷ് നാഗപ്പള്ളി അധ്യക്ഷനായിരുന്നു. സെക്രട്ടറി എൻ എം വിനോദൻ സ്വാഗതവും വൈസ് പ്രസിഡണ്ട് എൻ കെ പ്രകാശൻ നന്ദിയും പറഞ്ഞു.
പരിപാടിയുടെ ഭാഗമായി അക്ഷര കരോൾ, ദേശഭക്തി ഗാനാലാപനം, കവിതാലാപനം, ചിത്രരചനാമത്സരം എന്നിവയും നടക്കുകയുണ്ടായി
