28/11/2022
वेंगुर्ला नगरपरिषद वेंगुर्ला
दिनदयाळ अंत्योदय योजना राष्ट्रीय नागरी उपजिवीका अभियान वेंगुर्ला नगरपरिषद
लोकसंख्या (२०११ च्या जनगणनेनुसार) १२३९२
एकुण बचतगट: १०५
बचतगटात एकुण सभासद: १०७७
ULB CODE: 802879
दिनदयाळ अंत्योदय योजना राष्ट्रीय नागरी उपजिवीका अभियाना अंतर्गत महिलांनी मसाला उद्योग, पत्रावळी बनवणे, कापडी पिशवी बनवणे, खाद्यपदार्थ (पुरणपोळी, फराळ) निर्माण व विक्री, खानावळ, कुक्कुटपालन, दुग्धव्यवसाय, गावठी भाजीपाला शेती व विक्री, मत्स्याविक्री इ. व्यवसाय सुरु केले आहेत. व अभियान अंतर्गत एकुण कर्जवाटप: २ कोटी ५ लाख ९१ हजार (२०१५-२०२२ पर्यंत) करण्यात आले आहे.
दिनदयाळ अंत्योदय योजना राष्ट्रीय नागरी उपजिवीका अभियाना अंतर्गत शहरी गरीब कुटुंब अनुसुचीत जाती जमाती, अल्पसंख्याक, विधवा, हे लाभार्थ्यांचा आर्थिक सामाजिक स्तर उंचवावा या साठी त्यांना वैयक्तीक कर्ज, ग्रुपगट कर्ज, बचतगटकर्ज दिले जाते हे कर्ज परतफेड करण्यासाठी ३ ते ५ वर्षांचा कालावधी देण्यात येतो व ७ टक्के व्याजावरील रक्कम व्याज अनुदान म्हणुन देण्यात येते. प्रत्येक बचतगटाला १०,०००/- रुपये फिरता निधी दिला जातो. संकल्पना, लेखा, नेतृत्व विकास, उद्योजकता अशा प्रकारचे विविध प्रशिक्षण देण्यात आलेले आहेत. आतापर्यंत वैयक्तीक स्तरावर ७२ लाख ८० हजार एवढे कर्ज देण्यात आले आहे. त्याचबरोबर आरोग्य शिबीर, महिला मेळावा, सांस्कृतीक, सामाजिक उपक्रम इत्यादी च्या माध्यमातुन महिलांच्या आत्मविश्वासात वाढ झालेली आहे व प्रगती साधत आहेत.
