02/09/2026
||మహిళలు, చిన్నారులపై నేరాల నియంత్రణకు పటిష్ట చర్యలు చేపడుతున్నాం||
విజయనగరం జిల్లా ఎస్పీ ఎ.ఆర్.దామోదర్,ఐపిఎస్
🌀 నేరాల తగ్గుదలతో పాటు నేరస్థులకు శిక్షలు పడేలా చర్యలు చేపడుతున్నామన్న జిల్లా ఎస్పీ ఎ.ఆర్.దామోదర్,ఐపీఎస్
విజయనగరం జిల్లాలో మహిళలు, చిన్నారులపై జరిగే నేరాలను అరికట్టేందుకు జిల్లా పోలీసుశాఖ పటిష్టమైన చర్యలు చేపడుతుందని జిల్లా ఎస్పీ శ్రీ ఎ.ఆర్.దామోదర్,ఐపిఎస్ గారు సెప్టెంబరు 2న జిల్లా పోలీసు కార్యాలయంలో నిర్వహించిన మీడియా సమావేశంలో తెలిపారు. పోలీసుశాఖ సమర్థవంతమైన చర్యలు, విస్తృతంగా అవగాహన కార్యక్రమాలు, నిరంతర పర్యవేక్షణ కారణంగ మహిళలు, చిన్నారులపై నేరాల సంఖ్య గణనీయంగా తగ్గిందన్నారు.
జిల్లా ఎస్పీ శ్రీ ఎ.ఆర్.దామోదర్,ఐపిఎస్ గారు మాట్లాడుతూ -
🌀 మహిళలపై నేరాల్లో 29 శాతం తగ్గుదలః
2025 ఆగస్టు వరకు మహిళలపై నేరాలకు సంబందించి 304 కేసులు నమోదు కాగా, 2026 ఆగస్టు వరకు 217 కేసులు మాత్రమే నమోదయ్యాయన్నారు. ఈ నేరాలు గత ఏడాది కంటే 29శాతం కేసులు తగ్గాయన్నారు. మహిళల భద్రతకు అవగాహన కార్యరకమాలు చేపట్టడంతోపాటు, నేరాలకు పాల్పడే వారిపై చట్టపరంగా కఠిన చర్యలు చేపడుతున్నామని జిల్లా ఎస్పీ తెలిపారు.
🌀 చిన్నారులపై నేరాల నియంత్రణలో 55 శాతం తగ్గుదల:
పోక్సో చట్టం క్రింద 2025 ఆగస్టు వరకు 44 కేసులు నమోదుకాగా, 2026లో 20 కేసులు మాత్రమే నమోదయ్యా యన్నారు. దీంతో చిన్నారులపై నేరాల్లో 55 శాతం తగ్గుదల నమోదయ్యిందన్నారు. చిన్నారుల రక్షణ, బాలల హక్కు లు, లైంగిక నేరాల నివారణపై జిల్లా పోలీసుశాఖ ఆధ్వర్యంలో విస్తృతంగా అవగాహన కార్యక్రమాలు చేపడుతున్నా మని జిల్లా ఎస్పీ తెలిపారు.
🌀 జిల్లా పోలీసుశాఖ చేపడుతున్న చర్యలు ఫలితంగా 67 కేసుల్లో నిందితులకు కఠిన శిక్షలు:
మహిళలపై నేరాలు మరియు పోక్సో కేసుల్లో సమర్ధవంతమైన దర్యాప్తు, పకడ్బందిగా సాక్ష్యాల సేకరణ, న్యాయ స్థానాల్లో సమర్ధవంతమైన వాదనలు పై పోలీసుశాఖ ప్రత్యేక దృష్టి సారించినట్లుగా జిల్లా ఎస్పీ తెలిపారు. ఫలితంగా 67 కేసుల్లో (పోక్సో కేసులు 36, క్రైం ఎగినిస్ట్ వుమన్ కేసులు 31) నిందితులకు శిక్షలు పడేలా చేయడంలో విజయం సాధించామన్నారు. వీటిలో జీవితఖైదు - 3, 25సం. ల జైలుశిక్ష కేసులు-2, 20సం.ల జైలుశిక్ష - 19, 10సం.ల జైలుశిక్ష – 6, 7సం.ల జైలుశిక్ష - 1, 5సం.ల జైలుశిక్ష - 2, 3 నుండి 1సం. జైలుశిక్ష - 34 కేసులు ఉన్నాయన్నారు.
🌀 గంజాయి, మాదకద్రవ్యాలపై ఉక్కుపాదం:
జిల్లాలో గంజాయి, ఇతర మాదకద్రవ్యాల అక్రమ రవాణ, వినియోగాన్ని అరికట్టేందుకు ఈగల్, ప్రత్యేక బృందాలను ఏర్పాటు చేసామన్నారు. గంజాయితో పట్టుబడిన నిందితులపై పి.డి. యాక్టు మరియు పిట్ ఎన్.డి.పి.ఎస్. కఠినంగా అమలు చేయడంతోపాటు, వారిపై హిస్టరీ షీట్లు ప్రారంభించి, వారి ఆస్తులను అటాచ్మెంట్ కు ఫైనాన్షియల్ ఇన్విస్టిగేషను చేపడుతున్నామన్నారు.
▫️2025లో 78 కేసులు నమోదు చేసి, 246మందిని అరెస్టు చేసి, వారి వద్ద నుండి 35 వాహనాలను, 1147. 856 కిలోల గంజాయిని స్వాధీనం చేసుకొన్నామన్నారు.
▫️2026లో 23 కేసులు నమోదు చేసి, 118 మందిని అరెస్టు చేసి, వారి వద్ద నుండి 25 వాహనాలను, 655. 225 కిలోల గంజాయిని స్వాధీనం చేసుకొన్నామన్నారు.
▫️140 కేసుల్లో పట్టుబడిన 4,921.766 కిలోల గంజాయిని 2026 జూన్18న అనకాపల్లి జిల్లా పరవాడలోని సి.డబ్ల్యు.ఎం.పి.లో ధ్వంసం చేసామని జిల్లా ఎస్పీ తెలిపారు.
▫️గంజాయి కేసుల్లో తరుచూ పట్టుబడిన 7గురుపై పి.డి. యాక్టు, 8 మందిపై పిట్ ఎన్.డి.పి.ఎస్. ఇప్పటి వరకు అమలు చేసామని జిల్లా ఎస్పీ తెలిపారు.
🌀 జిల్లా పోలీసుశాఖ చేపట్టిన చర్యల ఫలితంగా రహదారి ప్రమాదాలు 16శాతం తగ్గుముఖం:
▫️2025లో ఆగస్టు వరకు 415 రహదారి ప్రమాదాలు జరిగి 148 మంది మరణించగా, 517 మంది గాయపడ్డా రన్నారు.
▫️2026లో ఆగస్టు వరకు 350 రహదారి ప్రమాదాలు జరిగి 137 మంది మరణించగా, 444మంది గాయపడ్డా రన్నారు. ఈ ప్రమాదాలు గతేడాది కంటే 16శాతం తగ్గాయన్నారు.
▫️ఈ ఏడాది ఈ-చలానాలను విధించడం కంటే గతంలో విధించిన ఈ-చలానాలను వాహనదారులు చెల్లించే విధంగా చర్యలు చేపట్టడంతోపాటు, 7,517 మంది పై డ్రంకన్ డ్రైవ్ కేసులు నమోదు చేసామన్నారు. వీటిలో 98మందికి సాధారణ జైలుశిక్షలు విధించారన్నారు. అంతేకాకుండా, మిగిలిన కేసుల్లో రూ.10వేలు చొప్పున జరిమానా విధించారన్నారు.
🌀 స్థానిక ఎన్నికల నిర్వహణకు పటిష్ట ప్రణాళిక అమలు చేస్తాం:
జిల్లాలో స్థానిక సంస్థల ఎన్నికలను ప్రశాంతయుతంగా, పారదర్శకంగా నిర్వహించేందుకు పటిష్టమైన ప్రణాళిక అమలు చేస్తున్నామన్నారు. ఇప్పటికే గ్రామాల్లో పల్లె నిద్ర, యువ చైతన్యం, మీతో - మీ ఎస్పీ, సంకల్పం 2.0, అభ్యుదయం కార్యక్రమాలను చేపట్టి, ప్రజలకు చేరవవుతున్నామన్నారు. గ్రామాల్లో సమస్యలను తెలుసుకొంటూ, వాటిని పరిష్కరిస్తూ ప్రజల అభిమానాన్ని చూరగొంటున్నామని జిల్లా ఎస్పీ అన్నారు. మహిళలు, చిన్నారుల భద్రత, మాదక ద్రవ్యాల నియంత్రణలో జిల్లా పోలీసుశాఖ కఠినంగా వ్యవహరిస్తుందని జిల్లా ఎస్పీ ఎ.ఆర్.దామోదర్ స్పష్టం చేసారు.
||జిల్లా పోలీసు కార్యాలయం,||
||విజయనగరం.||
Andhra Pradesh Police
Dgp Andhra Pradesh
AP Police Space
