06/09/2026
ജയ് സീതാറാം
പാദപൂജ പാരായണത്തിന് നാളെ ഉദയം മുതൽ തുടക്കം.
""""""""""""""""""""""""""""""""""""""""""""""""""""""
ചെറുകോട് ശ്രീ ആഞ്ജനേയാശ്രമത്തിൽ നാളെ (07/09/2026 തിങ്കൾ) പുണർതം നക്ഷത്ര സുദിനത്തിൽ പാദപൂജപാരായണം നടക്കും.
എല്ലാ മാസവും പരമപൂജനീയ ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ ജന്മനക്ഷത്രമായ പുണർതം നാളിൽ നിർമ്മാല്യം മുതൽ രാത്രി ഹനുമദ്അഷ്ടകം ചൊല്ലി നട അടക്കുന്നതുവരെ വരെ പാരായണം നടത്തുന്ന രീതിയിൽ ആണ് ആശ്രമത്തിൽ വ്യവസ്ഥ ചെയ്തിട്ടുള്ളത്.
സ്വാമിജി തൃപ്പാദങ്ങൾ സ്വഗുരുവായ ബ്രഹ്മശ്രീ നീലകണ്ഠ ഗുരുപാദരെ കുറിച്ച് എഴുതിയ അതിവിശിഷ്ട ഗ്രന്ഥമായ പാദപൂജ പാരായണം ചെയ്യുന്നതിലൂടെ
പരമഗുരുവിൻ്റെ അവതാര ലീല വർണ്ണിക്കുന്ന പുണ്യദിനമായി പുണർതം നാൾ മാറുകയും ആശ്രമാങ്കണം രണ്ട് മഹാഗുരുക്കന്മാരുടെ സങ്കല്പം കൊണ്ട് ധന്യമാവുകയും ചെയ്യുന്നു .
ജഗദ്ഗുരു സ്വാമി സത്യാനന്ദ സരസ്വതി തൃപ്പാദങ്ങളുടെ നവതി ആഘോഷത്തോട് അനുബന്ധിച്ച് തുടക്കം കുറിച്ച പാദപൂജ പാരായണത്തിന് ഏവർക്കും പങ്കുചേരാൻ സാധിക്കട്ടെ എന്ന പ്രാർത്ഥനയോടെ...
ഗുരുചരണങ്ങളിൽ
പ്രണാമങ്ങളോടെ.....🙏🙏🙏
🚩മീഡിയ വിംഗ്
ശ്രീ ആഞ്ജനേയാശ്രമം ചെറുകോട്,വണ്ടൂർ മലപ്പുറം🚩
🙏 ജയ് സീതാറാം🙏
