20/10/2021
चित्रपटगृह, नाटयगृह व सांस्कृतिक कार्यक्रमास परवाणगी
वर्धा, दि 20 :-( जिमाका) कोविड नियमाच्या अटी व शर्तीच्या अधिन राहून चित्रपटगृह, बंदिस्थ सभागृह, मोकळया जागेत होणारे सांस्कृतिक कार्यक्रम, नाटयगृहास परवाणगी देण्यात आली आहे.
चित्रपटगृह, नाटयगृह व सांस्कृतिक कार्यक्रम स्थळी काम करणा-या कर्मचा-यांची आणि चित्रपटगृह, नाटयगृह आणि सभागृहात प्रवेश करणा-या प्रेक्षकांच्या लसीकरणाच्या दोन मात्रा झालेल्या असाव्यात. दुसरी मात्र घेऊन 14 दिवस पुर्ण झालेले असणे आवश्यक आहे. 18 वर्षा खालील मुलांचे लसीकरण अदयाप सुरु न झाल्याने या वयोगटातील मुलांनी चित्रपटगृह व सांस्कृतिक कार्यक्रमाच्या प्रवेशासाठी पालकाचे समंतीपत्र, वयाचा पुरावा, आधार कार्ड, पॅन कार्ड किंवा वयाचा उल्लेख असलेले शाळा, महाविद्यालयाचे वैध ओळखपत्र असणे आवश्यक आहे
राज्य शासनाने निर्गमित केलेल्या मार्गदर्शक सूचना व अटी व शर्तीचे पालन करण्याच्या अधिन राहून सदर चित्रपटगृह, खुले, बंदिस्थ व सांस्कृतिक सभागृह सुरु करण्यास परवाणगी देण्यात येत असल्याचे जिल्हाधिकारी यांनी कळविले आहे.
000
प्र.प.क्र -744 दि.20.10.2021
अभिमत, स्वयंअर्थसहाय्यित विद्यापिठे व महाविद्यालये
आपल्या स्तरावरुन सुरु करण्याकरीता परवाणगी
वर्धा, दि 20 :-( जिमाका) राज्यातील अकृषी विद्यापिठे, अभिमत विद्यापिठे, स्वयंअर्थसहाय्यित विद्यापिठे व त्यांच्या सलग्नीत महाविद्यालयातील नियमित वर्ग सुरु करण्यासाठी आपल्या स्तरावरुन कारवाई करण्याच्या सूचना जिल्हाधिकारी प्रेरणा देशभ्रतार यांनी आज दिल्या.
विद्यापिठ, महाविद्यालयांचे वर्ग 50 टक्के किंवा त्यापेक्षा जास्त क्षमतेने सुरु करण्याबाबत विद्यापिठांनी निर्णय घ्यावा. 18 वर्षावरील विद्यार्थी ज्यांनी कोव्हिड 19 च्या लसीचे दोन्ही डोस घेतलेले आहेत. अशाच विद्यार्थी व विद्यार्थींनीना महाविद्यालयात प्रत्यक्ष उपस्थित राहू शकतील. प्रतिबंधित प्रक्षेत्रात येणारी कोव्हिड 19 च्या आजाराचा स्थानिक पातळीवरील प्रादुर्भाव व स्थानिक परिस्थिती, प्रतिबंधित प्रक्षेत्राचे नियोजन व पायाभूत सुविधांची उपलब्धता या बाबी विचारात घेऊन विद्यापिठे व विद्यापिठांनी त्यांच्या स्तरावर निर्णय घ्यावा. विद्यापिठे व त्यांच्याशी संलग्नीत महाविद्यालयांनी कोव्हिड 19 च्या व्यवस्थापनाबाबचे राष्ट्रीय निर्देश, कामांच्या ठिकाणाबाबचे अतिरिक्त निर्देश, राज्य शासनाने वेळोवेळी काढलेली मार्गदर्शक तत्वे किंवा मानक कार्यप्रणाली तसेच विद्यापिठ अनुदान आयोगाने वेळोवेळी केलेल्या मार्गदर्शक सूचना लागू राहतील. ज्या विद्यार्थ्यांना महाविद्यालयात उपस्थित राहता येणार नाही त्यांना ऑनलाईन सुविधा उपलब्ध करुन दयाव्या.
वसतीगृह टप्प्या-टप्प्याने सुरु करण्याबाबत संचालक उच्च व तंत्रशिक्षण यांच्या निर्देशाप्रमाणे कार्यवाही करावी. ज्या विद्यार्थी व विद्यार्थीनी कोव्हीड 19 ची लस घेतलेली नाही त्यांच्याकरीता विद्यापिठाने संबंधित संस्थांचे प्रमुख व महाविद्यालयाचे प्राचार्य यांच्या मदतीने लसीकरणासाठी विशेष मोहिम राबवून लसीकरण प्राधान्याने करुन घ्यावे. तसेच विद्यापिठ व महाविद्यालयातील शिक्षक व शिक्षकेत्तर कर्मचा-याचे देखील प्राधान्याने लसीकरण करुन घ्यावे.
या परिपत्रकांचे उल्लघन करणा-यांवर आपत्ती व्यवस्थापन अधिनियमाअंतर्गत कारवाई करण्यात येईल, असे जिल्हाधिकारी प्रेरणा देशभ्रतार यांनी कळविले आहे.
00000
